磯の水產

Open Now

Now Closed

本身打算找一間靜靜的餐廳，兩公婆食一餐平安夜晚餐，又諗唔到食乜好，最終決定了去食日本料理。一入到去，餐廳位置寬敞，唔算多人(相信係因為位置問題)，坐得幾舒服。打開餐牌，都幾多不同款式的料理，分別叫了炸魷魚圈、燒花魚一夜干、牛舌串燒、雞肉大蔥串燒、雞軟骨串燒、浜燒海鮮拼盤、刺身拼盤、壽司拼盤及抹茶汽水。炸魷魚圈不算好突出，不過上枱時都燒，以及都做到外脆內軟，尚算不俗。至於燒物方面，燒花魚一夜干的魚肉食落都幾滑，啲魚皮都脆，同埋都唔多骨，而三款串燒都唔太特別，不過牛舌就略嫌硬咗少少。到海鮮方面，浜燒海鮮拼盤由專人在面前主理(不過我鍾意自己燒多啲，雖然應該唔及專人燒得好，但勝在自己燒，好似有得玩咁)。這個拼盤的海鮮有大扇貝、鮑魚、蜆及蠔，而且都幾新鮮，食落時好嫩滑，同埋啲汁好香，好好味。刺身拼盤方面，件件都係厚切，而且好新鮮，唔錯。整體嚟講今餐的食物唔錯，再加上環境舒適，可以再試。

呢間喺觀塘🌊海濱附近新開嘅磯の水產🏮居酒屋，鄰近土瓜灣站🚇，提供各式刺身🐟壽司🍣串燒🔥同埋浜燒🐚，都幾高質。依家🎊新張優惠🤩晚市全店七折💰，好明顯我係俾佢😍吸引咗嚟嘅！作為居酒屋🏮呢度當然有唔同款式嘅清酒🍶供應啦，客人仲可以自己揀唔同款式嘅酒杯🥰添。入邊地方唔算好大，不過樓底好高👍，感覺開陽舒適😊。除咗🍶酒精類飲品之外，呢度仲有幾款冇酒精嘅 mocktail🍹，我哋就揀咗巨峰🍇提子蘇打，香甜好飲。佢哋嘅🔪刺身都十分之新鮮，甜蝦🦐同帶子都好鮮甜，三文魚🐟厚切好肥美🤤，吞拿魚味道濃郁😍腍滑冇根好好味😋！軟殼🦀蟹卷好鬆脆🤩，入面仲有牛油果🥑。加上飛魚子，入口層次好🥰豐富。香葱🐟吞拿魚腩卷除咗中間卷住🐟吞拿魚腩蓉，上面仲放咗唔少🤤，十分之足料👍。香葱好幼好🤩清爽，吞拿魚🐟蓉肥美又鮮味，正呀！另外呢度仲有唔少😋串燒供應，我哋揀咗🐓雞軟骨、小青椒🫑同埋冬菇🍄，火候啱啱好又香又美味☺️。🥬野菜烏冬🍜大大碗幾抵食，🥬野菜新鮮清爽，烏冬🍜入味好食😊。

觀塘呢間新店主打刺身、日式料理、串燒等，離地鐵站有少少距離，不過就係正海濱道。裝修行日式居酒屋風格，想睇師傅切魚生可以坐吧枱，如果唔係既話做table會舒服少少~ -🎈刺身拼盤 5種 ($268)唔想諗的話可以直接叫一個拼盤，有油甘魚、吞拿魚、深海池魚、三文魚同帶子。每一款都好厚切 ~-🎈甜蝦刺身 ($68)呢個擺到好精緻啊，一份4隻都算新鮮。-🎈三文魚壽司 2件 ($48)一件炙燒，一件就無。我自己中意食炙燒多d，會香口少少🤏-🎈三文魚籽壽司 ($28)超多三文魚籽既軍艦，滿到裝住既碟仔都好多三文魚籽😹。超誇張，食到好滿足！-🎈蟹籽壽司 2件 ($28)同樣同係份量滿滿 ~-🎈炸芝麻雞翼 ($38)一份已經有兩隻雞翼同兩隻雞翼尖，上枱時仲係熱辣辣。雞翼炸得夠香脆。-🎈野菜烏冬 ($58)烏冬可以叫店員後上，材料都算豐富而且唔係酸個隻烏冬😤。以呢個價錢來說都收貨。-🎈椰子雪糕 (半個) ($78)一開始仲諗點解雪糕會得半個😹，原來係因為椰子雪糕放係半個椰子殼入面😹。呢個好食 ~-🎀總括而言🎀👉食物：正常，價錢唔算貴👉服務：Menu上另有水產可以叫，見到店員會幫手燒 ~ 👉環境：幾有日本

每次經過都在裝修，但已經很期待，今次終於見到開張了，馬上拉著老公捧場👏🏻餐廳氣氛很好，充滿著日本情懷，坐位寬敞，店員亦親切有禮，食物種類多，每款都很吸引。刺身拼盤 $268刺身是必點的吧，我們選了五款拼盤，油甘魚肉身油分高，淡淡甘甜，每口都充斥魚油香氣，具獨特清爽口感，間八的魚肉口感韌中帶有少許的脆感，肥而不膩，鮮美中流露出高級的味道，吞拿魚紅紅的，脂肪比例較少，質感較腍，魚味最濃，三文魚相對比較清，脂肪比例剛好，魚油香味濃郁，帶子口感腍滑帶微爽，純淨甘甜，份外可口。豆腐蕃茄沙律 $68沙律菜新鮮，豆腐蕃茄配上芝麻醬，酸酸甜甜，清爽又減膩。上壽司拼盤7件 $168由7款壽司拼湊而成，分別有漬拖羅，三文魚，三文魚籽，左口魚群邊，花竹蝦，油甘魚腩，最特別的是花竹蝦，超級大隻，味道鮮甜，肉質彈牙，蝦味濃郁，另外帶子也很特別，應該是漬過的吧，帶有陣陣有柚子味，味道更豐富，漬拖羅也十分特別，油分適中而無筋，入口即溶而魚味濃郁。串燒雞軟骨 $38燒得剛剛好，卜卜脆的，粒粒有肉有軟骨，香脆惹味。串燒秋葵 $38秋葵吃起來感覺有點怪怪的，有點滑粘，但是燒完後有股清新的味道，還是不錯的。和牛牛肉烏冬 $

🤔觀塘lunch time 周圍都係放飯嘅打工仔，海濱公園附近有好幾間餐廳都有靚景，發現其中一間係剛剛新開，我地好似發現新大陸😆，有新餐廳會好奇想試，睇下會唔會成為同事們飯堂。今日天氣超好，柔和陽光加上明媚海景，真係好想放假，點解我仲要返工😆餐廳提供午市套餐，$118起。我地各叫左一個套餐，都包麵豉湯、日式蒸蛋、麻醬蝦沙律，呢三個前菜味道都已經有驚喜🥰，好期待主菜上檯！南蠻雞飯 $128日本名古屋名物，色香味俱全，大量洋蔥沙律醬係此名物靈魂，加上即製炸雞，叫返杯巨峰梳打$78 拌食一流👍🏻刺身定食4點 三片 $128全部刺身厚切，入口大滿足！😎帶子鮮甜，解凍時間剛剛好，油甘魚肥美豐盈，三文魚柔軟細緻，赤身魚味香濃，值回票價👏🏻環境裝修仿如置身日本⛩️居酒屋，好天氣加上happy friday😝我地點多一個芝麻雞翼，鮮嫩多汁，外脆內滑。今次要介紹比公司同事，對住海濱公園食飯都開心d6pm 後openrice 訂座原來仲有全單7折，超抵食

放假去咗觀塘海濱行下，見對面萬兆豐中心地下開咗間日本餐廳，一於入去醫肚之後先再去行街～餐廳以居酒屋嘅裝修，有一排落地玻璃，座位闊落.Order咗兩個午餐set午餐set都有前菜有沙律、麵豉湯 同 茶碗蒸沙律 - 菜夠新鮮，配咗芝麻醬，夠曬開胃麵豉湯 - 味道剛好，豆腐粒同海帶都好多，幾足料茶碗蒸 - 蛋味偏淡，但好夠滑.午餐set有6款揀我哋點咗 南蠻炸雞 同 魚生丼.魚生丼原本係角切嘅，但點餐嘅時候店員話轉咗做一片片嘅魚生魚生夠新鮮，有三文魚、油甘魚、吞拿魚、左口魚、鰻魚、墨魚、海膽、甜蛋等等，份量都幾足～.南蠻炸雞炸雞有6、7件，炸得好香口，炸粉唔太厚，而且咸度適中，配埋沙律醬好好餸飯，碗飯仲好大碗添，仲有配咗少少椰菜絲，夾埋炸雞一齊食又可以減低油膩感，師傅好聰明😆😆.再點咗 晴王梳打，淡淡嘅青晴香味，香香甜甜，不錯～.整體嚟講好食嘅，價錢係中上而家新店開張晚市有7折，約埋幾個朋友傾偈飲嘢都幾唔錯～～

磯の水產📍 觀塘萬兆豐中心 海濱道133號👅 4.7/5刺身：深海池魚 油甘魚 帶子 吞拿魚刺身壽司：拖羅 油甘魚腩 三文魚 真鯛 帶子 金目鯛 三文魚子🔹今日去左APM行街，最近食得太多邊爐，突然想食日本野，於是就去左呢間海濱道附近磯の水產。🔸我地叫左一個刺身拼盤，包括有深海池魚、油甘魚、帶子、三文魚同吞拿魚。佢地既刺身非常有厚度，我個人好鍾意，因為好有口感，刺身亦都非常新鮮，食到本身魚既甜味，個人最鍾意帶子同深海池魚，我男朋友就偏愛油甘魚多啲，油脂滿溢。🔹之後叫左一個壽司拼盤，包括有拖羅、油甘魚腩、三文魚腩、真鯛、帶子、金目鯛同三文魚子，最值得推介係拖羅同埋金目鯛，拖羅入口即化，啲油脂豐滿，超級好味；金目鯛非常有鮮味。🔸天氣太凍，食完魚生我地仲叫左一個牛肉湯烏冬、炒什菜同串燒，牛肉湯烏冬好大碗，而且湯頭鮮甜，值得推介。唔知有無人同我一樣好鍾意食日本餐廳既炒什菜，用牛油配上花椰菜同埋蘑菇，我可以自己一個人清碟架哈哈，至於串燒配有日本雞蛋，真係見到個蛋黃都流曬口水，免治雞肉串燒真係好正😍😍🔹分享返，呢度有個晴王特飲超級好飲，記得來到要order呀🥰🥰#hkfoodie #kwuntun

觀塘海滂新開一間日式海產，人氣挺滿滿，臨去日本前都要黎試下！食店寬闊、適合一家大細聚餐。♥️ 刺身組合（五款）份量挺多，組合有間八、油甘魚、帶子、吞拿魚及三文魚。店鋪取材新鮮，刺身質感嫩滑實在，鮮味十足。♥️ 軟殼蟹卷軟殼蟹與壽司飯比例挺均勻，軟殼蟹外皮脆脆，咬落口軟熟而爽口，口感一流！CP值很多！♥️ 燒銀雪魚這道菜坦白講…我超中意！銀雪魚配上醬汁燒烤，整個肉質味道很鮮甜，頗有咬口感，魚皮亦很脆口！我推薦必點此菜！♥️ 煎餃子餃子肉餡豐富，外皮脆脆；配上餃子汁好惹味！♥️ 牛肉湯烏冬湯底是濃濃的牛肉湯底，配上樸實住家食材，店家的烏冬較幼身滑溜，有口感挺入味。♥️ 抹茶&巨峰汽水店家備有各式各樣的汽水，款式包括有抹茶、巨峰，配上燒銀雪魚，好美味！

👧🏻😋👅🍽✨觀塘海濱道終於有好食日本野😋-磯の水產🇭🇰 觀塘海濱道133號萬兆豐中心地下3號舖 🇭🇰-🎏牛頭角係美食沙漠😟 西餐多少少, 要食日本野都要行到觀塘, 呢間新開日本餐廳裝修和風, 入面仲有個「海鮮配送」刺身bar🎏重點係新張期間晚市7折, 抵😍 以下介紹為原價🎏waiter好專業, 每道菜都有詳細介紹, 斟熱茶都好勤勉😆-🐟 刺身拼盤5種 $268💯每款有3片超厚切, 是晚除左有常見既三文魚腩, 中拖同帶子, 仲有間八同真鯛💯間八口感煙韌, 油香十足; 真鯛味道較清淡, 肉質有彈性💯我最愛個三文魚腩又厚又肥美😋 帶子夾左檸檬片食落就係檸檬味🤣 不過都幾夾幾fresh-🍣 上壽司拼盤（7件）$168✨好味😍 順序係三文魚子, 帶子, 金目鯛, 油甘腩, 三文魚, 間八, 拖羅✨最欣賞佢刺身雖然好新鮮, 但為左增添風味, 每款都加左d襯返個魚材既toppings ✨例如鮮甜味清帶子配上醬油漬昆布, 油香重既油甘腩就配柚子胡椒-🐖🔥 吉烈豬扒 $68💯炸得超級鬆脆👍🏻 豬扒好juicy-🐂🍜 和牛牛肉烏冬 $118✨牛肉湯好清甜, 牛肉都幾多! 烏冬柔軟又唔彈牙, 食完暖笠笠✌🏻

上次經過見到觀塘海濱道近牛頭角地鐵站開咗間新嘅日本餐廳，見到環境都唔錯，所以今日再去一試。餐廳食物選擇唔算多，都有基本日式料理，沙律、前菜、小食、壽司、刺身、比較特別仲有浜燒海鮮，不過我哋今次就冇食。食物叫咗豆腐蕃茄沙律、刺身拼盤5款、軟殼蟹卷、加州卷、雞軟骨串燒、野菜烏冬，仲有兩杯嘢飲。豆腐蕃茄沙律份量好多，食材都算新鮮，配埋芝麻醬。刺身拼盤$268，有五款刺身，每款三片都好厚切 唔錯。軟殼蟹卷同加州卷就正常發揮啦，野菜烏冬，烏冬彈牙OK。見到張單有午市套餐，價錢大約$120至$180左右，不過而家新開張晚市有七折，經過都可以去食下。

觀塘｜磯の水產🦐日式居酒屋🏮刺身拼盤5種 $268- 刺身全部都好厚切，價錢貼地👍🏻左：油甘魚中：深海前魚右：三文魚腩上：帶子下：吞拿魚上壽司拼盤🍣(7件) $168- 有紫菜嘅壽司先食，保持到紫菜嘅脆度- 三文魚同帶子比較推薦，口感柔軟👍🏻雞肉丸 串燒 $58- 雞肉內有雞軟骨嘅組織，沾上多同濃濃嘅醬汁，好滿足🤤明太子雞翼 $68- 滿滿嘅明太子內餡，扎實嘅雞肉，加上微脆嘅雞皮👍🏻秋葵串燒 $38- 相對落多少少鹽，加強咗秋葵原有嘅香味～～野菜烏冬 $58- 食完生冷野，最好就係食返碗熱辣辣嘅湯烏冷🥰- 個湯好濃柴魚味，烏冬係偏幼、有彈性🫶🏻汽水(草莓)🍓 $48汽水(青提)🍇 $48🔺有加一服務費整體而言▪️味道 4 / 5▪️環境 4 / 5▪️抵食 4 / 5📍 觀塘海濱道133號萬兆豐中心地下3號舖

日本菜日本菜😍😍又話睇機票到今日都未得閒睇🙃所以今晚食一食以慰相思家鄉之苦。位於海濱附近，先前食隔離cafe留意了這間日本餐廳，環境營造居酒屋風格，晚上燈光偏柔黃，音樂播住近期大熱You are always gonna be the one......巧有feel！人均：$334.刺身拼盤五種分別有帆立貝、三文魚、深海池魚、吞拿魚、油甘魚各三件。刺身so far新鮮有厚度，帆立貝勁鮮甜，加點檸檬夠清新，三文魚老公都讚好，魚油香，其他魚正常發揮。.火炙三文魚壽司兩件好食！推薦！火炙後的三文魚先聞到微微焦香，食落口軟稔有口感，整個口腔佈滿三文魚油的香味。.蝦壽司兩件兩隻大甜蝦，鮮甜爽彈，好快就食完。.煎餃子一共4隻，餃子面頭有點蔥花點綴，食落皮薄有肉汁，點上餃子汁又另一番風味！好食。.串燒叫了牛舌和雞軟骨，牛舌必叫！燒得剛剛好，面上加了一丁點黑椒粒，肉彈有口感，雞軟骨用上鹽燒，食完仍然想繼續食！.野菜烏冬臨尾食個烏冬作結，暖胃之選！湯底是木魚昆布湯，加上椰菜、蘿蔔絲、金菇、冬菇、娃娃菜，食完一碗就滿足！.飲品巨峰提子梳打、草莓汽水

本身同朋友約左去la serre 食飯，點知有private booking ，最後就去左對面既日本餐廳食飯，印象中好似係新野，所以順便去食下。入到去，人唔算好多，職員安排我地坐bar 枱，可以睇住師傅整壽司同刺生，都幾好～最後唔覺唔覺，我地都叫左好多野食。首先來了刺身五樣幾種魚同帶子，每樣都有三件，d 魚生啖啖肉，我最喜歡吞拿魚，好鮮味我朋友就喜歡三文魚，她鍾意大啖魚肉咬落去，好鮮, 刺身唔會只有種雪味。壽司就叫左帶子壽司同甜蝦壽司串燒我地又叫左兩樣，燒牛舌串同雞肉串，個牛舌好有牛舌味又唔會太難硬，好味道。另外個雞肉串同一般既雞肉串唔同，仲另上個一隻生雞蛋，職員話用來加落去雞肉串食，一種好特別既食法我諗係雞肉有少少偏咸，所以加生雞蛋汁就可以中和咸味，呢個配搭幾特別。最後叫埋野菜烏冬，烏冬好Q 彈牙，個湯清清地，啱曬食完成餐真係好滿足另外，我地叫左兩杯飲品，一個水蜜桃梳打同巨鋒提子梳打。朋友話個水蜜桃梳打好好飲，話想睇下日本買唔買到。比較少坐bar 枱，同朋友二人一邊坐一邊睇住廚師切刺身都幾開心，菜慢慢上，啱曬我地兩個女子慢慢傾，食完一道先上下一道，可以慢慢品嘗每樣食物的味道，店員話

公司附近開左間新餐廳，今日同同事去食lunch，價錢唔算太抵食，但野食好唔錯👍🏼👍🏼間中想食得好啲起碼有選擇😁.Lunch set只有6款選擇，選擇唔算多，我地點左「蒲燒鰻魚飯$168」同「刺身定食4點三片$128」，每個Set都包括：前菜、麵豉湯、日式蒸蛋同白飯。.🍴蒲燒鰻魚飯$168鰻魚燒得好香口，而且厚肉肥美，魚油味都幾突出，醬汁份量亦啱啱好。蛋絲一條條可撈飯，不過飯就有偏軟身，但鰻魚汁送飯食口感同味道都好豐富呀。.🍴刺身定食4點三片$128四款刺身每樣三片，有三文魚、油甘魚、吞拿魚赤身、帶子。種類尚算豐盛啊，而且無一例外地都是厚 切 。口感真的幾好。新鮮度也很不俗👍🏼.跟餐有包熱茶，但又好想飲凍野😂叫左$48/支日本汽水，貴就貴左啲，但突然想飲凍野無計😫叫左「櫻花可樂」好特色，真係日本入口，倒出黎真係櫻花咁顏色😂淡淡既可樂味。「晴王麝香葡萄梳打$48 」好香晴王提子味既梳打。.

今日喺觀塘收工 行到觀塘海濱 睇下有咩嘢食 見新開左一間日本餐廳 喺海濱間西餐對面馬路 食飽又可以行吓海濱長廊 見到門口寫住有七折又幾抵食 所以就試下啦🥳 裝修都幾有日本居酒屋嘅感覺 因為新開 暫時唔多人知 所以靜靜地食幾舒服～ 巨峰提子梳打$78 坐低太口渴，所以叫咗一杯😆 味道正常嘅提子梳打～ 一間日本野有冇誠意就最緊要睇魚生刺身 估唔到呢度嘅魚生刺身幾高質素 好新鮮好鮮甜 亦都厚切 大大舊 食得好開心！魴鮄魚呢個店員推介 因為咁岩新鮮貨到 第一次食 好有咬口 唔係屬於入口即溶 而係有口感得黎食到鮮甜味😍 幾特別！油甘魚係我最愛 魚紋路分明 好飽滿厚切 表面一層反光油脂 淡淡甘甜清新 每口都充滿着魚油香氣😚 好好味！吞拿魚朋友話新鮮嘅吞拿魚係鮮紅色 呢個相當紅！而且都係一樣厚切 感覺呢條魚佢好多肌肉 因為食落係好firm 嘅飽滿感 平時出邊整得唔好係會有筋 但呢個完全冇筋 入口好實而且腍！ 左口魚壽司 切得薄薄一層 味道整體清新 有微微灸燒 更帶出魚油香！ 金目鯛壽司顏色上比左口魚深色 輕輕燒過嘅金目鯛帶點焦香 本身金目鯛質地柔軟細膩 佢比左口魚有咬口 我都幾鍾意🥰 另外要讚一讚壽