石姐辣蟹雞煲小菜皇 (Closed)

太子太多食肆，但好食既又吾算多，今次好好彩，去左一間食小菜，但係勁好味門面比較普通有圓枱有方枱，睇人數而定門口位置居然有充電服務，十分細心除左招牌雞煲，仲有多款小菜，價錢十分大眾化呢個係老板介紹的小炒皇，有韮菜，腰果，銀魚干，口感十足，獲氣又夠呢個魚卜出面真係近乎絕跡，用鐵板上保持熱氣，魚卜超爽口呢個蜜椒金薯牛仔粒真係皇牌,超級好味,甜甜地蜜糖味同薯仔超夾牛肉又軟熟多汁,整碟係满分,100分一食再食,完全停唔到口~…Read More

相信有部分女孩子都同我一樣鐘意食大排擋，貪佢鑊氣大，但唔鐘意出面熱辣辣既感覺。今次我朋友帶我去食呢間室內石姐😂入到去見到真係有唔少男人😂我哋見到叫咗幾碟小炒。椒鹽九肚魚呢個係我去親大排擋必食既菜式🤣 九肚魚平時好少食，炸完既皮脆，入面既肉滑溜溜，好好既結合。可惜有點熱氣，我一個人食咗大半碟，結果生咗粒暗創，果然唔可以太為食。😂蜜椒金薯牛仔粒個餐牌推介，就叫呢碟菜。薯仔真係好有蜜糖味，有種甜脆既感覺。牛仔粒肥瘦分明，食落少少煙銀。石姐小炒皇小炒皇即韭菜拌腰果，果然係有大排擋既鑊氣，好香，足料。…Read More

太子最近多咗一間食小菜飲返兩杯嘅聚腳點，唔單止菜式好創新，仲係廚師發辦！？我所講嘅廚師發辦唔係真係好似日本野咁畀廚師話事，而係點菜前問下老闆今日食咩好？基於我地成班朋友都有選擇困難，熱情嘅老闆就同我地介紹咗啲是日小菜，又不謀而合地好岩我地口味呀！我最鐘意食嘅就係魚卜！！係珍貴嘅魚卜呀！！每次食蒸魚都係得一舊，要搶先有得食，估唔到呢度可以成碟任食唔嬲😂加蔥蒜炒起之後放落鐵板上菜，保持住個熱力，等佢唔會咁快變膠狀。好好味呀！！魚卜夠晒新鮮，只係好簡單嘅調味已經可以好好食，鐘意食魚卜嘅人就明白同時食到幾舊嘅感覺真係好幸福呀🤩有打冷必嗌嘅鵝腸，爽脆嘅鵝腸唔單止洗得乾淨，仲帶少許腸羔係裡面，食落就更富油香～豉椒炒牛拼煎米粉係好特別嘅菜式，之前真係未食過煎米粉，將米粉煎成好似pizza咁，外面有層薄薄地嘅脆皮，咬開中間就係一條條米粉，加埋惹味嘅豉椒汁，令人食完一舊又想食多舊～紅酒燴牛尾，牛尾雖然大份但都燴得好入味，個汁有啲似羅宋湯咁，酸酸地都幾開胃紅酒味都幾重，我就唔太好酒所以冇用個汁撈飯啦～金銀蛋浸蕃薯葉，簡單又好味嘅一道菜，皮蛋切塊可以食到彈牙嘅膠質，鹹蛋切粒令每啖都唔會過鹹。以茶代酒飲杯～ 呢度好岩三五成群嘅朋友黎邊食邊吹水🤤…Read More

最近生活太忙碌，少左出街食同分享下飲食體驗。今日去左太子搵好野食，有去開呢頭既人都會知呢區係好多小炒邊爐打冷類，非常岩我呢啲鍾意飲飽食醉既人。平時成日經過呢間石姐，燈火通明，今日就去食下先。個人覺得門口寫既時令野都好吸引，不過得兩個人，所以都唔叫得太多，食唔晒會好浪費。餐牌超多選擇，十分地道既小炒，好吸引。結果我叫左三個菜，都係十分好食，分別係石姐小炒皇、豉油皇炒肥鵝腸、唔少得梗係避風塘炒大肉蟹。小炒皇非常開胃，用黎送酒就十分適合。入面既魚仔蝦乾十分大隻有咬口，唔係hea野黎，腰果都好大粒，仲有啲魷魚類既野，感覺十分真材實料。鵝腸又係推介之一，鵝腸係獅頭鵝既新鮮鵝腸，來貨唔多，每日限賣十幾份。同一般鵝腸唔同，腸身較闊，有咬口，食完無渣，亦有油香，鍾意食鵝腸既朋友唔好錯過，記得試呢個。避風塘炒大肉蟹，上面既炒蒜好新鮮，夠惹味，個人覺得再辣啲就十分好。殻炒得夠乾身所以食落都容易拆，蟹本身大隻夠肉，亦都入味。個人黎講覺得上面個啲蒜仲好味，哈哈！老闆十分友善，好用心推介同介紹菜式，同佢吹左兩句，深深感受到佢對辦菜館既熱誠同對食材既執著。香港實在太難做生意，不過我地香港就係需要呢種敢拼搏有理想既人，加油呀老闆！…Read More

成日行過石姐都見到好多人捧場。於是見琴晚收早，即刻係人潮洶湧前趕去試下石姐小炒皇通常看似簡單嘅菜式先愈考功架☺️ 石姐小炒皇果然明不虛傳! 炒得好乾身，又唔會食到成口油👍👍蝦乾應該油泡過，食落好香脆！同埋好少見到會用大蝦乾，平時啲舖都係用蝦乾仔😅 避風塘抄蟹平時都好鍾意食蟹，黎到石姐，更加要試下個招牌菜式！聽講呢間店舖堅持用新鮮蒜頭😌個蟹煮得好入味，個殻好脆身🙈🙈連殻食埋當食左甲殼素減肥🤭 啲蒜頭粒送飯一流呀！好快食曬成碗飯🤣意想不到的蟹糕最鍾意食蟹殼😍豉油皇炒鵝腸真係無諗過係街外會食到新鮮鵝腸！成串夾起，粗到好似麵條咁食落滑身有𡁻口！見到隔離枱叫雞煲，好想試下！下次會再黎試其他小菜同雞煲…Read More

陪人去太子買野順便食飯，一向中菜都係我既最愛之一，最鐘意食有鑊氣既小菜，扒多兩碗白飯，飲支大啤，prefect 池！行到基隆街附近，亂打亂撞入咗去間小菜館，閒日都滿座，似乎有返兩度手勢。嗌咗三個餸，有蝦乾啫啫通菜煲，蜜椒薯仔牛肉粒，同埋菠蘿生炒骨，三樣都係好啱送飯食。先講蝦乾啫啫通菜煲，菜炒得好香而且好夠熱，仲有蝦醬同蝦乾，仲有少少肥肉碎，夠曬香口。份量非常大煲，食極都仲有，而且個煲熱住，食到尾都仲好熱，唔會凍。而且蝦乾都幾大條，一食就知質素高。生炒骨外層炸得好脆好香口，菠蘿夠甜，而且甜酸醬唔會太多，令到排骨入口都保持香口。蜜椒薯仔牛肉粒，反而我同友人鐘意食薯仔多過牛柳，因為薯仔炸得好香口，加埋蜜糖好入味，甜甜哋脆脆哋，非常好食。牛肉方面就吸收曬蜜汁，惹味得嚟好啱撈飯。兩個人三個餸，食到飽飽，每個餸份量都唔少，下次可以同多啲人嚟食，試多幾款。…Read More

今日去太子附近買啲嘢，順便同友人食飯。大家見好耐都無食小菜，近近地就去基隆街附近覓食，唔少朋友知道基隆街附近一帶，有唔少嘅食肆都唔錯，有番咁上下質素，想食麻甩嘢、小菜、火鍋、鷄煲，都會係唔錯既選擇。研究咗一輪之下我哋所定再試下呢一間石姐辣蟹雞煲小菜皇， 入到去座無虛席，可見應該有一定質素。餐牌上面都有幾多選擇，一時都會花多眼亂。見到有唔少嘅食客都選擇咗食雞煲或者辣蟹，坐隔離都聞到好香，不過可惜我哋人數少，好難去食呢啲咁大份量嘅嘢，下次一定要試下。人數少有人數少嘅食法，我哋都係選擇咗食小菜， 分別叫咗生炒骨、啫啫通菜煲，同埋蜜椒薯仔牛柳粒。先來一上枱就啫啫聲嘅通菜煲，鐵煲上碟， 夠曬熱辣辣，而且用咗蝦膏去炒，非常之有鹹香味，再加上椒絲、肉碎、蝦乾，香口之餘仲好足料，好少見食肆會捨得落咁大條蝦乾，呢個菜送飯一流。跟住就係蜜椒薯仔牛柳粒，作為配角既薯仔估唔到咁好食，外面非常脆口，被蜜汁包住，甜甜脆脆，食到最尾都依家脆卜卜。老闆話用咗好多心機，蒸完再用細火慢慢炸，所以先會咁金黃咁脆。而牛柳粒好軟好嫩，而且好入味，邊位煎得好香口。另外仲叫咗個生炒骨，醬汁酸酸甜甜，但唔會太酸，唔會好似出面部分餐廳咁有醋味，味道啱啱好。啲汁緊緊包住排骨，但係依然脆身，唔會浸淋，而且唔會太多骨，肉比較多，口感幾好，鐘意食肉既朋友會幾啱。整體而言小菜味道唔錯，非常有鑊氣，價錢都唔貴，平日晚飯都會係唔錯既選擇。…Read More

朋友話佢屋企附近開咗一間食小炒嘅鋪頭平時都好爆今日就一齊去食下！呢間係好平民風味嘅小炒鋪，老闆好用心都好好態度咁樣一直同我地講佢哋嘅推介菜式，於是我哋就叫左幾樣老闆好推介嘅菜式！由於女仔怕肥嘅關係所以都係飲返烏龍茶鐵板薑蔥魚卜，平時出街好少食魚卜今次老闆誠意推薦，每日有限量供應，好似呢幾日咁就得6份啦！老闆話每一條魚卜都係係新鮮魚到拎出嚟所以食到呢碟菜好好彩！一黎到已經好香嘅薑蔥味，而魚卜本身好有咬口，再加埋薑蔥嘅濃味，呢碟餸得到我朋友好高嘅稱讚👍🏻豉油王炒肥鵝腸，由於呢啲鵝腸都係非常新鮮而且係用最靚嘅鵝腸嚟做所以入口非常彈牙亦都唔會好似平時嘅鵝腸咁有渣老闆亦都保留左鵝腸本身既一啲肥膏再加埋豉油嘅鹹香，非常之惹味豉椒牛肉煎米粉，平時已經好鍾意用豉椒炒嘅任何送，今次再加埋特別既煎米粉，一邊冇醬汁嘅脆卜卜，另一邊就沾滿豉椒汁，一次過試到兩種口感！而且煎米粉絕對需要好多心機去煎，呢個煎米粉係我今餐入邊最鍾意嘅菜紅酒燴牛尾，老闆強調依個牛尾係新鮮嘅牛尾，食落好彈牙，好似咬緊骨膠原咁，一入口好香紅酒味慢慢就食到羅宋湯嘅味，入哂味嘅牛尾同紅蘿蔔成為我另一個朋友今餐最鍾意嘅餸最後當然唔少得我哋最鍾意嘅菜啦！呢個係金銀蛋浸番薯葉，朋友一見到番薯葉就話好高纖維雖然之前係比豬食嘅，不過係依家已經進展到因為多纖維而受歡迎嘅菜啦！雖然用咗高湯去浸不過都掩蓋唔到番薯葉本身嘅香味，所以食落非常之豐富嘅口感呢到鋪頭細細但係每一樣餸都食得出好多心機，再加上有個咁熱情又用心嘅老闆，呢間鋪頭誠意推介！最緊要嘅係呢度每一樣菜都係用新鮮嘅材料去煮，絕對唔會敷衍你！…Read More

朋友介紹下……去咗呢度食飯， 我哋九個人叫咗差不多十個餸😅全部都好好味，好有水準😋👍 因為上次臨急臨忙約食飯😔冇食到要預訂嘅 " 濃湯雞燉翅 "😓😓 所以決定再encore去食😆 今次我哋五個人，叫咗七個餸🤭🤭🤭 包括有 椒鹽墨魚咀、 脆皮豬手、 蒜蓉粉絲開邊蒸蝦、 避風塘大肉蟹、 雞湯浸番薯葉、 水煮肥鵝腸、 仲有主角之一濃湯雞燉翅😍🤤🤤🤤 我一路食一路不停話👉好味好味好味， 真係值得一推！！ 店員亦都很友善， 主動介紹佢哋嘅主打好味菜式👍👍👍…Read More

上次試過佢個雞煲今次我們2個人就諗住試下佢d 小菜 第一味黑椒金薯牛柳粒 ， 牛柳大約5 成熟又軟又淋，伴菜是有煎過表皮的薯仔，這道菜加上蜜糖加上少少黑椒味， 味道夾得剛剛好。 絕對值得一試第二道鑄鐵板薑䓤魚鰾， 用大量薑䓤炒魚鰾。 就是愛薑䓤的朋友一定食配菜已大滿足！ 這個送飯一流 ！魚鰾的口感彈牙， 不錯的体驗第三道紅燒花膠豆腐， 前2個餸己完全刺激了味蕾 ，這個相對無咁特別 ， 但豆腐是煎完再上熱煱的，十分完整，沒有出現又散又淋的狀態。 花膠數量不少 ， 差點食唔哂總括己言， 三個餸的賣相同味道都遠勝一般大檔水準 ！ 最讚是份量一點都不欺人！ 建議一定要跟白飯上菜!…Read More

店名叫得辣蟹雞煲，我同朋友二人本應試下佢個雞煲既，不過見人地台上個煲都幾大，我地得兩個就轉戰小菜啦。收工黎到估唔到都幾爆場，好多大台都坐滿人，好在我地人少，仲有二人台可坐。叫左三個菜一個白飯Share，等緊期間叫返支啤酒，$28蚊一支大樽裝又幾抵。三個菜都上得好快，先黎蜜椒薯仔牛柳粒，牛柳粒好嫩亦好香牛味，味道配飯岩岩好！青椒紅椒都炒得好有鑊氣，食肉間中食塊椒冇咁易食厭。陸續上埋鐵板魚卜，同紅燒花膠豆腐煲，鐵板上黎仲冒緊煙，魚卜好滑溜，有Ｄ脆，好新鮮！配埋薑同大蔥入晒味都可以食埋。至於個花膠豆腐煲，花膠意外地大舊，啖啖骨膠原，最岩女仔食，豆腐燒到外面有層薄脆皮，外脆內軟，食唔停口，總體水準一流，下次可以叫多幾個人試多幾個菜！…Read More

太子地鐵站附近有好多食肆，最喜歡這邊沒有旺角的嘈吵以及人多。朋友找上一家鑊氣十足的小菜館,今晚聚一聚。乾一杯,乾一杯,恭祝友誼!椒鹽九吐魚。,用來配啤酒一流。上面撒上金黃色嘅炸蒜，外脆內軟。甘薯牛仔粒。佢係用蜜糖嚟做芡汁，薯仔沾滿黑椒蜜糖味，吃不停口。花膠豆腐。花生花膠好厚好似媽咪煲湯嗰啲花膠，豆腐要特別一讚，他炸到好香脆，但係入邊好似山水豆腐好滑溜，仲有佢有個大冬菇片,鮑魚菇片，鑊氣十足順便同西洋菜伴底，吸收曬所有材料的精華，非常美味。值得一讚是，食飯後不會覺得好口渴，很喜歡他的紅磚牆。滿分為10分(1分最低，10分最高)食物：8.5環境：7衛生：7服務：8價錢: 8舒適度：8總分：8…Read More

行到太子附近，見到有間新嘅菜館...鹹菜白胡椒鮮蜆煲，滿滿嘅鹹酸菜配爆香薑蒜煮蜆... 湯底俾油封住，食到尾都咁熱～鐵板黑椒牛仔骨，做到一般小菜館嘅質素～呢個鮮芒汁大明蝦球... 炸蝦球配芒果汁，酸酸甜甜，用小匙羹一隻、一隻盛起，賣相十足... 😍😻一上枱，隔離枱都嘩聲四起～😽蝦乾生啫通菜煲，通菜炒得翠綠，上枱keep住唔變黑，伴有肉鬆及中蝦乾，雖然風味一般，但不會互搶味道～全部餸菜都好送飯... “一個靚仔丫，唔該～”…Read More

同朋友收工後食飯，好耐冇食小菜，見呢間石姐辣蟹雞煲新開無耐，入去試下先！餐牌嘅小菜都唔少喎！ 講得出嘅小菜都有， 完全有大排檔風格，我鐘意！佢哋嘅招牌菜係雞煲同辣蟹，但今晚我想食幾個小菜， 回味下大排檔嘅感覺。想搵番個感覺返來，當然係要有啤酒。 青島啤酒大支裝$26,與好友共聚暢飲，雖然唔飲得，飲少少都開心，同埋點咗啲惹味小菜， 是啤酒涼良伴呢！上齊菜啦！速度超快，即刻嚟返張打卡相 。特別一提，呢度嘅裝修不錯，呢幅紅磚牆影相打卡一流，感覺似西餐廳，休閒紅磚小屋的感覺。 蜜椒金薯牛仔粒，例牌$138賣相好靚，一上桌香氣四溢，一睇就知 夠鑊氣！好美味哦！牛柳粒分量多，因為下了蜜糖炒，很香甜。蜜糖炒過後像BBQ般香，加埋黑椒揮發性香氣，令整碟牛柳粒每一口都好惹味，越食越想食。薯仔粒走過油，外層脆脆地，好香口。牛柳粒又爽滑無筋，非常新鮮。加埋青紅椒的顏色點綴，一道平凡的菜式，味道是超級不平凡，大力推介！椒鹽九肚魚，例牌$108有椒鹽九肚魚一定要有啤酒，不飲總覺得欠缺了什麼，因為香口嘢食完口乾，有清涼嘅啤酒，爽後回甘，是最過癮的。九肚魚外層炸得爽脆，九肚魚每條都幾飽滿肥美，灑滿炸蒜蓉，好香！裏面滑滑的九肚魚連骨一起吃，感覺最過癮！而且裏面還保留水份，外脆內滑的感覺，是口感的另一種享受。雖然呢度不是大排檔，但已經好回味。紅燒花膠豆腐$108面頭鋪上花膠，共有四塊，豆腐墊底，吸收紅燒汁的精華，配菜還有唐芹、雜菌等，煮起來令香氣散發，本來清淡的花膠豆腐，香得令人流曬口水。紅燒豆腐，看他外表就是一般的豆腐走油，令外層有金黃色。但一吃下去，不得了！豆腐滑到像牛乳滑蛋般，入口即溶，還有充足的水分，好香！ 質感滑得像吃豆腐花呢！紅燒完沒有煮爛也很考功夫， 愛吃豆腐的人，這道菜式一定要試試。花膠每片都很厚身，而且花膠吸收了紅燒汁精華，早在煮的過程已經有滿滿的醬油味。然而，花膠本身的清淡味道仍然保留，這道菜紅燒得嚟帶清淡感覺。吃了椒鹽九肚魚的乾身惹味，再吃花膠豆腐中和一下，配搭簡直是完美， 這是點菜的學問啊！埋單共$380, 總的來說，點的三個菜式味道 非常好，菜式味道配搭濃淡得宜， 但又不失鑊氣，想吃小菜的話，一定會再幫襯。…Read More

又係時候同朋友相聚食飯啦，今次嚟咗試呢間石姐辣蟹雞煲小菜皇。呢度嘅環境位置舒服，同朋友慢慢坐低傾計食飯就啱晒啦。我哋叫咗一個原隻歐洲脆皮豬手，真係原隻豬手咁樣上枱。 豬手外皮燒得好脆，咬落去嘅時候索索聲。 但係肉質又同時可以保持到鮮嫩，真係幾考功夫。皮同肉再點小小醬汁黎食特別開胃，口感好豐富！我哋仲叫咗一個蠔仔肉碎浸勝瓜，勝瓜好嫩，一啲都唔老。蠔仔同勝瓜好夾，蠔仔嘅未味滲透左入勝瓜度，但係感覺又唔會太腥，仲有啲芹菜做點綴，味道又更清😋今次叫咗一支錫蘭檸檬茶，味道都唔太甜，幾適合我。呢度員工服務態度都好好，仲會不時幫我地更換碟，日後一定要試吓其他嘅菜式！…Read More