相撲手日式放題 (Closed)

事緣尋日啱啱完曬project我地一行十二人浩浩蕩蕩黎左呢間新開既放題，因為係街見到佢派既傳單，見到價錢吸引，啲野食又比出面多同新。同埋諗住閒日人少一定唔洗等，就決定大擦一餐。 一坐低我地已經狂剔刺身; 三文魚，吞拿魚，巨型甜蝦，油甘魚，帶子等等應有盡有。野食一黎到最開心都莫過於D魚生真係件件厚切，數量都冇因為見我地學生哥就呃我地，跟足order。三文魚同巨型甜蝦就最出色喇！大件得黎味道又好，平時食甜蝦因為太細條，啜入口總會覺得到喉唔到肺，呢度因為佢SIZE太大條，啜左入口，真係有咬口之餘仲好甜。當然刺身並不能滿足我地班捱左好多餐杯麵同M記既食肉獸，我地之後仲大量叫左好多壽司，赤貝，三文魚，花之戀，又叫左起碼3個卷物，印象中最深既係和牛卷物，因為佢係生既和牛肉，而唔係用熟既和牛肉片，和牛入口好滑，雖則佢係生，但佢又唔會好“UN”咬唔到，相反佢比熟肉更易咬同香，配上紫羅葉更加香，大愛！之前係外面其它夜題都冇試過！而其它既壽司既料同飯既份量都成正比，而且件頭都好大。赤貝壽司我之後又encore左4件，因為佢肉質爽甜，點少少豉油勾出鮮味，而且舊肉唔會係室溫，入口冰涼口感清爽，也難怪每次ord

話說尋日出左糧同媽媽大人行尖沙咀Shopping一番，行到夜晚正愁唔知食乜好既時候，就收到一堆侍應比既傳單，當中價錢最平既就算呢間相撲手了，其實 都仲有其它原因既，因為其實最就腳同唔洗行。上到去係估佢唔到咁多人，不過好在都有椅比D老人家坐下，而且冷氣都夠。waiter好快就叫到我地，先講講 格局，場地地方都好大，而且冇一般放題既通病：就係檯極細，二檯人既size都算合理，PASS！再講下Menu，款式都算多，而且出面比較少既野佢地都 有，例如超長壽司，東風螺，蛋包飯，泰式虎蝦壽司等等其它國家既菜式都有，算多元化。食放題點可以冇刺身呢？我就覺得呢度既刺身都算厚肉，而且走單情況唔多，大部份叫左既野都有到齊。刺身因為有冰底鎮住，所以入口仲係好凍，但又唔會話一大陣雪味，都會有返魚鮮本身既味道。我推介：三文魚，甜蝦（好大條，必食！我臨走見到基本上檯檯都有一碟），吞拿魚。食食下突然見到有位侍應推住架車仔，有人叫佢就埋去，但我又睇唔到佢咩葫蘆賣咩藥喎！我咪即刻叫個waiter姐姐埋黎問下到底車上個D係咩黎，佢話係三文魚頭，仲話通常星期5同日先有，哇！咁咪益曬我媽媽？即刻叫定個waiter分一碟黎先，

友人在報章看到這間食店的介紹，覺得唔錯，於是相約在這兒吃生日飯。我因工作關係，遲了近半小時到，而這食肆是有時限的任食，所以吃得比較趕我到逹的時候，已經叫了第一輪，來到即有得吃，真好~第一輪包括有蜆、蠔、天婦羅蝦、羊架、日本蕃薯、海鹽蝦、刺身、芝士年糕等等。。。羊架、海鹽蝦都好食，天婦羅不過不失，日本蕃薯、刺身都OK。這兒的蠔是配沙拉醬，很特別唔知係咪咁，唔覺自己食緊蠔。。。　牛尾一般...壽司感覺一般，但估唔到會有海膽蝦壽司，不過如果飯是暖暖的就更加好了。。。截order 前叫了稻亭烏冬、炒雜菜等…但因時間關係，吃不清所有，有點兒浪費亦都發現冇時間影相…稻亭烏冬賣相同味道都唔錯，而炒雜菜賣相唔錯但味道普通…

發覺最近掘起既放題質素都唔錯,而且價錢都比較大眾化,唔洗4百幾蚊都有幾高既質素今次再次黎到尖咀既一間放題,見佢賣既廣告睇上去都唔錯,而且講到有特別時段就決意試試去到既時候可惜已經趕唔到最平既時段,而且可能新開既關係人真係好多,等左15分鍾到先可以入去而且裝修都都幾日式喎,有類似日本料理既廂房,唔知係咪要跪係度食既咩?今次決定生同熟既食物都要試暈曬先會罷休,首先我地order左魚生先! 我地一共分左2次叫,頭一次就痳係叫多種類D啦,有鮑魚,赤貝,油甘魚同三文魚,而弟二round就油甘魚腩同帶子!當中最好食既都莫過於係油甘魚腩,首先油甘魚本身唔同三文魚咁有一層層式脂肪,而係一舊紅色魚肉上有一片甘香脂肪,而且油甘魚肉愈咬愈有肉味,肉質煙UN唔會淋,最啱追求魚鮮味道既我其次就當然係赤貝同帶子啦!赤貝彈牙,但比唔上帶子既鮮味!最鍾意就係帶子本身有既甜味同痴牙既感覺!就算唔係係日本即劏即食,都可以食得出佢得天獨厚既味道!同埋呢度最好係佢呢度會有冰粒上,唔會因為食食下熟野而令生既食物變室溫,very good!我地之後仲叫左一系列既燒物,其中既厚燒牛舌真係令我一共encore左4次!原先都會以為係出

今日朋友請我去尖沙咀相撲手食日式放題，以為好普通啫。點知一入到去，近門口位置已經企滿人，原來老闆話今日會即場開一條剛由日本落機嘅吞拿魚比大家食，我當然試下，真係好好味，我個女食完又食! 同場仲有甜蝦，size仲大過我個女隻手，超大隻。另外仲有生蠔壽司，象拔蚌，好味又新鮮，仲無限量供應，真係每款食幾隻都抵返唒。

其實自己本身唔係放題控,更加唔係咩日本菜控,但今日仔仔測驗得100分,我同老公不知幾高興,而且好耐冇同仔仔出街happy過!今晚決定益下佢啦! 決定呢間主要原因其實係因為平,可能佢新開呱!上到去未有以前食放題咁爆,好快就有位!咁先好丫唔洗等! 坐低時侍應們都客客氣氣,講左今晚開張期有優惠,同埋介紹左呢度有咩會係好食,都算好細心既服務. 一開波梗係要點下生野食先啦! 點左一大盤魚生,咩都有D咁啦!魚生既質素都有出面大型超市既水準喎,魚生肥美甘香,而且肉厚,不過當中最好食係甜蝦! 可能因為師奶仔心態啦,D甜蝦真係覺得好抵食呀,好肥美好大條,而且真係好甜,連我一個唔好生野既人都”啜”埋D蝦膏! 所以最後仲encore多左一大碟食左D生野,都要為仔仔著想食下D熟野既! 當中就以焗廣島蠔最好食,真係要舉起大姆指! 蠔本身已經大, 呢度仲重本落大量芝士,入面混合埋煙肉粒,”節”少少檸檬汁,酸酸地化解左cheese既膩口感,蠔入口juicy,鮮味配埋芝士,真係同芝士焗龍蝦有得揮!呢度既羊架都唔錯,燒既程度剛剛好,上面仲灑左少少rosemary, 真係唔馬虎喎! 食羊最怕好似食鞋抽咁,呢度好在佢既脂肪