百樂門宴會廳 (Closed)

「抵食的一盅兩件」尋找世間奇怪又好味的食物係我的目標！今日去左荃灣上training，放lunch2個鐘流流長搵野食搵到頭痛. 3條佬行左好耐終於諗到去飲茶，大件飽肚抵食，滿足晒3個願望😂叫左6籠點心同3碗飯都係2百蚊有找，大家仲要抱住個肚落樓飲茶冇茶飲又點得呢！壽味甘甘地，茶又熱辣辣👍🏻蘿蔔糕and 馬蹄糕可以再煎多d鳳爪排骨飯幾好味薄餐同粉果都夠大碟但皮可以薄d至愛鮮竹卷😌感覺呢間茶樓質素都ok,最緊要係性價比幾高又夠填飽肚！

今晚一行九人叫左一圍全包宴賀老友榮休。乳豬全體，比較肥。西芹炒帶子蚌片，份量大，帶子細細粒又爽口。粉絲蒸元貝，剛剛熟，粉絲吸曬d汁，幾好味。螺頭雞腳瘦肉燉湯，湯頭好清甜，雞腳入口即溶。炸蟹拑，熱辣辣兼肉質彈牙，吾錯。小棠菜扒雙菇，個汁有點傑，麻麻地。旦白炒飯，炒得乾身又有鑊氣，好食。炸雞，比較肥，食都一囗油。蒸魚，蒸到剛剛熟，豉油味道適中，又多蔥，好快食完一整條。夀包，不大不細，有少少旦皇，吾系吾好食但又不特別出色。整體來說，中規中矩啦！

其實荃灣的大鴻輝中心酒樓林立，純粹同屋企人飲茶求其揀一間，只係飲一次都覺得飲食業又話艱難，但服務同食物質素可以如此都可算是奇葩。一入門口話2位叫自己搵位都無所謂，坐低起碼10分鐘都冇人問幾位同開茶，直到舉手叫人開茶仲問點解我冇點心卡🙄畫完點心紙搵人收都係一個漫長等待，揮動住起碼5分鐘先有人收。成個場都係職員，圍埋傾計既一堆，同熟客傾計既一堆。點心到左都心知嗌碟辣椒酒都會有困難，自己去到煎點心個位問亞姐拎，企外面呃水吹既亞姐指比我邊支係叫我自由斟。炒飯個汁咸到老豆都要飲多啖茶沖淡，鮮竹卷個兜崩左5蚊銀咁大都可以見人。只能夠慨嘆一句，飲食業話艱難，某程度上冇人幫襯同被淘汰係某d從業員造成。點解寧願幫襯茶餐廳都唔飲茶係有原因既～

服務態度極道差 門口冇人帶枱 要自己搵位 搵到第一張 職員叫我地搵另一張枱 跟住搵到另一張 又話唔得 跟住到第三張先ok 坐低十分鍾 連枱都未執 叫左人執 黎左聽完要執枱 冇講任何野就走左去 前後叫左三個人執枱 都冇人理 準備走去第二間食 先有個執枱呀姐黎 態度極差 除左個差字 冇其他野可以表達絕對唔會再黎

同屋企人食飯 服務員態度好差 大聲夾惡 本身嗌左個套餐加薑蔥蟹煲同蒸魚 因人未齊 叫左話遲d上 一分鐘後我地想轉餐 同經理講 經理勁兇甘話已經煮甘！一定係甘啦明明話唔好上住 甘都算啦！d食物又難食又貴 d鵝都好難食 湯更加係垃圾！以後都唔會再黎！

今日同屋企人去飲茶，點知啲點心差到咁紅油抄手：啲份量只得4粒，抄手仲好細粒豉汁蒸排骨：芋頭仲要比排骨多鮮蝦菜苗餃：咬落去皮中有皮，菜苗一條仔都睇唔到 真係無下次。

今日下午茶我們去咗荃灣大鴻輝荃灣中心嘅「百樂門宴會廳」飲下午茶！我們叫咗揚州炒飯同乾炒牛河！揚州炒飯炒得非常乾身，而且粒粒分明，材料份量相當豐富，蝦仁好爽口彈牙，而且都幾大隻，叉燒嘅肉質好鬆軟，味道好香甜！乾炒牛河亦都係炒得好乾身，鑊氣十足，牛肉嘅肉質非常嫩滑，唔會有韌嘅感覺，而且份量超多，河粉嘅麵質相當軟滑，真係好抵食同惹味！

星期六起身不用上班，睡到日出三竿，肚子空空，最好跟媽媽是到酒樓吃特價點心。上次去飲宴時吃到百樂門不錯的點心，不如去一次去午茶。裡面不算迫，還好。但員工都太忙，有點失魂。香煎糯米雞是母親很愛吃的點心，但對我來說太heavy了。它的面煎得金香脆口，但太多油，都流到底部，為了健康，再好吃也得要停止。布拉腸粉就很好吃，份量很多，每一條都很粗很有彈性，亦有米香。什菌素饅頭亦很好吃。饅頭夠熱和鬆軟，不黏牙，亦有燕麥在當中，味道自然沒有添加大量糖份。裡頭的什菌餡亦要讚，不咸而且少油，加了玉米粒帶點甜，很合適小孩和長者吃。這籠豆苗餃每粒都細小，皮很于，餡少。如果你像我一樣愛吃皮的，這應該不錯。餡比較油，沒有味道，其實不吃也罷。但去酒樓飲茶的好處，是可以跟媽咪坐下好好聊天，沒有人會打發你走。

唔會再去食囉...一早訂定枱今晚食晚飯(諗住百樂門個名出名啲), 尋日佢地有個同事打嚟問我係咪訂咗今晚食飯, 問可唔可以轉早啲或轉遲食, 我就問佢點解要我轉佢靜咗一陣之後就無解釋到就話咁我明天唔會再打比妳再確定食飯時間, 叫我地準時到(如當初依個時間唔得就唔好接依個訂枱啦, 訂咗要人攺, 佢地都安排得好有問題). 到今晚食飯真係覺得佢地連細間的酒樓都不如. 我地齊人就叫起菜(係叫十二人套餐), 未夠五分鐘就上乳豬(ok可接受), 再過一至兩分鐘就上翅(超快, 好似趕食咁, 一次過比晒啲餸我地) 我地就問佢咁快上翅, 佢話用翅"long long"口喎, 咁我地都算咪照上囉. 點知翅都未分完就話上魚, 我地咪話有無咁快呀, 咁快上魚. (由乳豬到分翅再話上魚, 我地係未掂過啲餸, 即係佢地一次過上晒啲餸). 我地就話不如上咁甜品, 食都未食就上魚, 都唔跟次序. 我地叫佢收返條魚同埋跟返套餐次序出. 個女經理係咁叫我要埋條魚, 我地唔要, 佢就黑晒面大大聲咁喝同事收返條魚, 仲係到"依依哦哦"話我地唔要條魚. 食咗一段時間有個男經理過嚟問係咪可以上其他餸, 我地咪話可以, 之後出既餸就速

假期走進荃灣區最旺的衆安街想揾間酒家飲啖茶食個包也很困難。今天誤打誤撞去咗百樂門,只須等幾個籌便可入座。我們被安排坐于大堂中央,周圍環境很嘈雜,令我有點頭暈兼頭痛,趕快入單吃飽便走。貴妃浸魚雲$26.8嘈到我忘記影相的魚雲用煲仔上,內有三大件魚雲,是淡版的天麻燉魚頭煲,啱哂頭痛的我喝,而最驚喜的是有三隻雞腳,簡直是一煲三食。香煎糯米雞$23.8糯米雞加上極少蛋漿壓扁煎香,肉餡少,。海蜇伴燻蹄$28燻蹄的皮與肉近乎分離狀態;海蜇微辣無麻油香,兩者同樣做得不夠爽。椒鹽九肚魚$38九肚魚沒有開邊去骨,是原條切段炸至金黃色再灑上熟蒜和椒鹽,魚肉嫩滑香口。涼瓜排骨炒河$68涼瓜味甘,排骨很瘦但不靭,穫氣十足。扣分位是太過的獻汁,影相時已分走一小碟汁。此酒家上菜速度快,啱哂繁忙的香港人。嘈雜的環境則適合三姑與六婆交換情報。因全場滿座的關係,每個員工都很忙碌,服務還算可以的。

今(29-7-2012 Sun)朝,男友好早起身,佢話好耐有同我飲茶,所以咁早起身.我問佢去邊間?佢答譚魚頭,我話麻麻地咋喎,不如去稻香,佢答好.咁我o地行到荃灣城市廣場時,記起o係英皇娛樂廣場有地鐵拍咭機,橫豎男友要搭地鐵,不如行去拍埋啦,行到去,不如又順便o黎未試過o既百樂門啦.上到去有幾個人等位,我都照攞飛睇睇,啊,二人枱中我o地都只係第二個等.等o左一陣就有位,我o地趁10:30am前有特價點心就剔o左入紙先,o野食有:1. $7.80o既咸骨眉豆粥男友見有眉豆就好開心,o黎到,舀勻成碗就係等o個一舊排骨,眉豆就多.男友先食,我未食前睇落覺得會淡,問吓男友,佢話都唔係,有啲鹹味.到我食時,唔…比食白粥同尋日o係美心食o既好少少囉,眉豆夠腍但冇乜味,粥底都綿o既,但唔多夠味.味道: 3.2分3. 大點$16.80o既沙律明蝦角都幾大件,呢個大致上冇乜問題,內裡o既蝦仁算大粒,不過冇乜鮮味.味道: 3.2分7. 特點$19.80 o既花枝脆油條呢個我記得之前唔知o係邊o度食過,想再叫,食食吓時記得喇,o係九龍灣o既肇順名匯河鮮專門店食過.(o個次食評: http://www.ope

一家人相聚，最好不過就是飲茶，以前都會去荃新天地其中一間酒樓，今次媽媽話未試過這間，便選擇試下，一行十人去到酒樓，很好彩，吾使等位便已經有一張大枱給我們。先來開茶，當然少不免就是要清洗杯碗等等，眼見杯碗都非常不潔，必須清洗多次才放心食用。到選擇點心時，款式都有很多，由於人多，所以除了點心外，另外叫左一窩鴻圖伊麵，一碟薑米海鮮炒飯。點心，除了腸粉外，腸粉真係幾滑；但其他都很差，特別是灌湯餃，其他酒樓的灌湯餃是以冬瓜蓉做餡料，但佢就原粒冬瓜加一大堆冬菇做餡料，而且個湯底偏咸。。。，我男友食過小籠包，他說皮太厚，肉太實，而且都係偏咸，其他都不用說了。。。到了最期望的鴻圖伊麵，一來到，已發覺不對勁，湯都冇滴，都吾知係咪放係廚房太耐，啲麵吸晒啲湯，講番味道，以前食過的鴻圖伊麵係會有蟹肉等，但佢完全吾覺得，只係得蟹籽。。。而啲麵身又沒有剪過，搞到好似長壽麵，同樣地麵身非常咸，一啲都吾好食，而另一個炒飯，好大碟，但係完全冇海鮮。。。只見得菜粒炒飯。。。真係好想問下佢哋依碟係咩？服務更加吾使講，個個都木口木面，叫加水都要叫好耐先有人應你，傳菜姐姐送上窩麵同炒飯時，又吾會主動俾公筷同匙羹，叫佢提供，佢仲

記得好多年前剛剛興起吃自助餐的年代.十分流行中菜任食套餐.隨住時間流逝這類自助餐好似消失了.最近竟然係呢間中式酒樓又再見到.於是抱住一試心態入去試吓.我第一次來呢度食.完全係路過的.因為想去旳地方滿座.一看餐牌有點出乎意料之外咁平.星期一至四全包價每位98.星期五,六,日加20即118.菜式不算多.點菜以人數出菜,所以比較過合人少少又想食多D款式的食家..我地都點了大部份.每道菜上枱都色香味全.例湯(木瓜煲雪耳)都用心精製非常好味道..非常OK喎不過奉勸各位最好點一下飯麵之類以減低淨食餸會比較咸..各位必須留意的.閣下所點的菜式要量力而為..因為廚餘是要付費的,每碟收$30.唔知可唔可以包走的呢呵呵...

這個標題很奇怪吧,當你3天內在同一館子吃了2頓飯,就會這樣子的了,說笑的,起這個名字,是因為那點玩味星期六晚的晚餐是2010年老媽生日慶生birthday week的第2擊與就近生日的契媽及契爺一同晚飯點了一份龍蝦麵,和一隻燒鵝,點了這2個菜就可以以10元再點他們其中一些小菜,我們2樣都點了,就另點了2個10元小菜分別為魚香茄子和紅燒豆腐龍蝦($138)份量來說是相當合理,肉也夠多,4人分吃也很足夠,味道合格燒鵝($198)份量很大,不像某些店點一隻雞有一行不見了(這些技倆大家都很易見到吧),肉很多,味道也不俗,梅醬相信是現成的,沒有什麼可評了魚香茄子味道不像魚香茄子,不過用作拌飯吃應該是相當不錯的紅燒豆腐也恰到好處,味道也不錯,大家都很滿意就是了最後點了些甜品(其實點的份量大得都吃不完),不過契媽說一頓完美的晚餐一定要吃點甜食竟然驚見海港有售的椰皇!(此店的是椰皇燉鮮奶)點了3份,也點了一份紅棗糕給我老爸吃這麼的椰皇也很令人感動,份量大,也相當美味,當中的燉鮮奶香滑但不偏甜.......實在太幸福了!是晚契爺請客,再次謝過了,這頓晚飯很滿足,爸把吃不完的燒鵝拿了回家,準備決賽當晚當點

今次是7B班的畢業聚會，原本Book抬時預計有4甚至5圍，可惜最後只有3圍，但酒樓的一個好好經理仍願意俾我地用個原先要4圍以上先用得既Hall 位(可見附圖)D間酒樓位於英皇娛樂廣場，地點幾就腳，十分方便老師同同學！而且這家酒樓有個十分nice的黑黑地的經理叔叔。係我地初步搜集各酒樓的菜單時已經好耐心，之後我地覺得張菜單麻麻地時又可以就我地個budget寫過張，質素看得出是較同價的餐單好。這間是少數願意在未必有幫親和低消費額下仍肯幫人寫餐單的店。付訂金時我地重可以再改過下張menu！個經理重話如果D訂係要我地D攪手比住先既話可以免我地，到食完先一次過俾都ok，不過我地覺得唔係幾好意思，所以比左$500。講番果日的情況先，4點到入到酒樓已可以大戰四方桌，3圍就有三個待應serve我地，遞茶遞得好殷勤。亦係門口放左指示、一入到又有簽名桌比我地。由於我地ready左D video同活動邊食飯邊睇同玩，所以酒樓方面安排左2支無線 mic 同部projector比我地。個show都算smooth，燈光、冷氣ok，上菜的時間亦配合，係D待應最後分菜有少少急同夾硬。個佈景影相都唔錯，佢地重特別貼左「