Video
5-min walk from Exit E2, Sheung Wan MTR Station; 港鐵中環站 D2 出口
continue reading
Telephone
64444991
Introduction
Specializing in Chiu Chow cuisine, this restaurant combines modern cooking techniques to revive nearly forgotten traditional Chiu Chow flavours. Signature dishes include the aromatic chilled marinated abalone and the handcrafted crystal surf-and-turf lobster balls.
continue reading
Opening Hours
Today
12:00 - 15:00
18:00 - 22:30
Mon - Sun
12:00 - 15:00
18:00 - 22:30
Above information is for reference only. Please check details with the restaurant.
About Reward Scheme
「百樂潮州私房菜 」是在港屹立超過57年「百樂潮州 」新打造的餐飲概念，致力以現代創新的烹調技藝及時令食材呈現傳統正宗潮州菜精髓，無論是二人、家庭聚會或商務宴客都非常適合！嚐味菜單「潮味雅饌」由行政總廚許美德師傅打造，設有精緻前菜、養生湯品、海鮮、肉類、蔬菜、主食及甜品七大部分，當中更包含幾乎失傳的潮州菜菜式，非常難得✨ 客人可自選心儀的菜式，設計出專屬自己的菜單🥢.前菜當然要試滷水菜式，【潮州滷香凍鮮鮑魚】及【蒜辣滷水大墨魚片】食材新鮮，配上香醇滷水汁非常開胃！【黃金三色蝦多士】同樣惹味🦐 湯品【花膠青欖燉鮮鮑魚湯】非常足料，大大片花膠、原隻鮮鮑魚，加上對喉嚨極佳的青欖，認真滋補！【開邊金銀蒜蒸藍龍蝦】新鮮爽口又惹味，【潮州老香櫞炆一字骨】濃郁軟腍，但想不到【八寶片皮雞】最令人印象深刻！香脆的雞皮下是嫩滑的手撕雞肉，與芝麻、花生、西莓乾等八款果仁及秘製醬汁一起烹調，相當有層次🐤時蔬【方魚炸鹹肉炒芥蘭】鹹香爽脆，【原隻鮑魚煨飯】香口有鑊氣！最後【鴛鴦甜品】的麥皮反沙芋更是出色！整個體驗實在是太滿意了🥰
continue reading
喺中環搵好嘢食 一定唔可以錯過呢間有超過57年歷史嘅「百樂潮州私房菜」餐廳主打高級精緻潮州菜重現傳統手藝之餘 仲加入現代元素每一啖都食得出心機💯餐廳以白色為主調 環境優雅清新設有高私隱度廂房 好適合同朋友慢慢傾住食🥢【潮味雅饌—傳世盛宴 $1180/位（兩位起）】🥢🔸【精・緻】前菜有潮州滷香凍鮮鮑魚、蒜辣滷水大墨魚片、黃金三色蝦多士鮑魚用58年秘製滷水煮成非常入味 肉質彈牙點少少白醋更加提味 令人一試難忘蝦多士外脆內嫩 炸得金黃酥香🍤配上啖啖蝦肉 真係一件唔夠喉🔸【養・生】花膠青欖燉鮮鮑魚湯 暖笠笠好滋補青欖潤喉止咳 花膠養顏仲有粒粒爽口嘅鮑魚飲落甘甜回甘🫶🔸【鮮・活】開邊金銀蒜蒸藍龍蝦 🦞大大隻藍龍蝦開邊蒸 肉質彈牙蒜蓉做得啱啱好 唔會搶味又帶出蝦嘅鮮味🔸【禽・戲】八寶片皮雞創意十足用堅果、西莓乾、花生等配料加秘製醬汁同片皮雞一齊食口感豐富 鹹甜交錯另一道醃製佛手果炆排骨也非常出色佛手果微酸潤喉 排骨炆到骨肉分離甜甜地又唔膩 仲帶少少果香🔸【時・令】方魚炸鹹肉炒芥蘭鹹香十足薄脆嘅方魚炸完再用餘油炒香鹹肉香氣直衝腦門 仲有爽脆芥蘭做平衡🔸【五・穀】原隻鮑魚煨飯用上珍貴五常米煮成每粒飯都吸收咗鮑汁精華加埋冬菇、芫茜、蔥碎香味撲鼻 咬落煙韌有咬口🔸【甜・沁】最後嚟個楊枝金露配麥皮反沙芋作結～楊枝金露冰涼香甜反沙芋外脆內綿密 唔會死甜 清新又滿足❤️食到尾仲有杯熱辣辣功夫茶幫你解膩為成餐飯畫龍點睛
continue reading
前排約埋朋友初嘗潮州私房菜，我哋一早揀咗唔同菜式，餐廳安排咗房間俾我哋，私隱度高，仲有專人為我哋貼心服務，環境非常舒適，仲品嘗到正宗潮州菜，成餐飯都非常滿足😌首先送上餐前開胃小食——琥珀合桃同鹹酸菜，鹹香惹味，仲有功夫茶清清口腔，茶味香醇回甘。［精•緻］頭兩款滷水前菜皆用咗佢哋秘製嘅獨家滷水汁，材料足足有成12款咁多，難怪佢嘅滷水食落鹹鮮帶甜，完全唔會死鹹👍🏻✨ 潮州滷香凍鮮鮑魚 鮑魚大大隻，口感非常出色，彈牙得嚟又軟腍，滷水汁令鮑魚非常入味，係我最鍾意嘅一道前菜😋✨ 潮州滷水豬腳筋豆平時好少食豬腳筋，原來都幾好食！豬腳筋燜到恰到好處，軟糯中帶啲咬口，加埋下面嘅滷豆腐一齊食，一爽一軟，非常有層次！✨ 黃金三色蝦多士蝦多士用上虎蝦，大隻又彈牙，而多士炸得金黃酥脆，面頭鋪滿咗麵包絲，令到佢更加香口，雖然非常熱氣，但食到停唔到口😆 ［養•生］✨ 花膠青欖燉鮮鮑魚湯呢個湯非常足料！每碗都有大大嚿花膠同鮑魚，湯色清澈但飲落非常濃郁，大讚佢嘅花膠厚實膠質滿滿，青欖帶啲回甘，估唔到同花膠鮑魚咁夾👍🏻［鮮•活］✨ 胡椒焗阿拉斯加蟹伴長旺蟹腳拆好咗，方便進食，蟹肉飽滿鮮甜，胡椒可以提鮮，配埋下面嘅長旺，即係粉絲一齊食，非常惹味😋［禽•戲］✨ 八寶片皮雞另一道巧手菜式，大廚將雞皮切得非常薄，入口香脆，底層係八寶餡料如合桃、腰果及西梅乾等，連同鮮嫩嘅雞肉一齊食，口感非常豐富！✨ 四式滷水拼呢份滷水拼盤份量都幾多，包括有去骨嘅鵝頸肉、爽彈嘅墨魚片、綿密軟滑嘅鵝肝同埋爽口有嚼勁嘅粉腸，下面仲配有非常入味嘅滷豆腐！［時•令］✨ 方魚炸鹹肉炒芥蘭芥蘭翠嫩無渣，超級嫩，可以話係我食過最好食嘅芥蘭😌 方魚碎鹹鮮酥脆，再加上鹹肉，呢個配搭非常適合，鑊氣十足好惹味！［五•穀］✨ 上海小籠包小籠包大大粒，咬落去湯汁大爆發😋 而且非常鮮甜，內裡嘅肉餡唔會散開，綿密得來又帶少少顆粒感，口感唔錯。［甜•沁］✨ 鴛鴦甜品最後嘅鴛鴦甜品，分別有加咗哈密瓜嘅新派楊枝甘露同埋第一次試嘅豆磚奶酪佐麥皮，唔算太甜太膩，為呢餐私房菜畫上圓滿嘅句號😌👉🏻follow埋我ig: sogoodwithfood同你一齊搵更多好嘢食😋
continue reading
中環｜潮洲百樂私房菜 潮洲菜一向是香港人最愛，滷水香、炸物香脆、凍蟹魚飯通通都是我最愛，今晚跟朋友品嘗潮洲私房菜，既高級又好吃，環境寬敞，連牆身設計也極具講究，說的是位於上環的 「潮洲百樂私房菜」💫主打潮洲Fine dining ，菜式精緻，絕對要來感受一下💫擁有57年品牌歷史的百樂潮州，第三代傳人，近日於中環推出全新的餐飲概念「百樂潮州私房菜」，以私房菜形式，食盡一系列的潮式美食💫潮味雅饌-傳世盛宴$1,180 /套餐（兩位起）〈精．緻〉前菜▪️潮州滷⾹凍鮮鮑⿂以潮州滷水秘制鮑魚，滷水汁選用十幾種香料炮製，滷後鮑魚味道香濃入味，入口軟腍💫▪️⿈⾦三⾊蝦多⼠色澤金黃，入口酥脆，用上虎蝦炮製，入口更鮮味彈牙，中間加入蟹子增加口感，炸出來不覺油膩💫▪️潮州⾺友⿂飯馬友魚肉厚實，一咬釋放魚油的甘香，完全沒有腥味，魚骨也完全挑走，入口啖啖甘香💫〈養生〉湯品▪️紅燒海皇翅湯底以以金華火腿及多種材料熬製，除魚翅之外，更加入了花膠，帶子、鮮蝦及潮州魚翅，入口層次豐富，鮮度滿分💫〈鮮．活〉主菜▪️胡椒焗阿拉斯加蟹伴⻑旺用上胡椒炮製長腳蟹，入口微辣帶鮮，蟹肉鮮甜彈牙，因為是每天新鮮備貨，保證新鮮，底下的蟹肉伴粉絲更加吃不吃口💫〈禽．戲〉主菜▪️四式滷水拼包括鵝肝、鵝頸、墨魚、粉腸，鵝肝香滑粉嫩、鵝頸吸收了滷水後非常入味，墨魚味道鮮味，入口軟腍、粉腸滷香味鎖入腸中，令 人一試上癮💫▪️蝦醬腐乳腩排⻣排骨入口軟腍，而且不油膩，蝦醬味極香，上枱時已散發出蝦醬香味，食時可以包上生菜增加口感💫〈時．令〉蔬菜▪️方魚炸鹹肉炒芥蘭以方魚來炒芥蘭，方魚味道鮮甜，令其配搭食材味道濃郁。再配上炸鹹肉，味道層次更見特色，可以把一個平平無奇的菜式增添美味💫〈五．榖〉主食▪️⾃家潮州⾲⿈雲吞⾲⿈雲吞皮薄餡靚，⾲⿈爽脆，鮮蝦彈牙，配上高湯湯底，更見鮮味💫〈甜·沁〉甜品▪️鴛鴦甜品▫️椰汁西米芋圓，這個是凍食甜品，椰汁🥥香滑，芋圓彈牙，再配上粉嫩芋頭，每啖都是驚喜💫▫️桂圓糕，入口清甜，桂圓味清香💫餐廳：潮洲百樂私房菜地址：中環皇后大道中152號皇后大道中心1樓
continue reading
餐廳品牌開業超過50年，一直堅持秉承傳統潮州菜，呢間私房菜更加係精益求精，務求將最講究既菜式呈現俾客人。✨️潮味雅饌-傳世盛宴🎋精。緻潮州滷香凍鮮鮑魚滷水汁用左黃梔、草果、豆蔻同丁香等等十幾種草本香料精心調配，鮑魚入味得黎仲好稔，每咬一啖都食到滷水香味既餘諳潮州滷水豬腳筋豆腐豬腳筋含豐富膠質，滷過後更加有彈性，建議落少少潮州辣椒油。少少既辣味令到豬腳筋更加惹味。而豆腐就吸收哂滷水汁既精華，點少少白醋令味道更加豐富黃金三色蝦多士炸至酥脆嘅麵包絲包住大大隻既虎蝦，中間加入蟹子，增加鮮味之餘仲加強左口感，最底既方便完全唔覺得油，廚藝值得一讚👍🎋養。生花膠青欖嫩鮮鮑魚湯 睇落好似好清但入口飲到鮑魚既鮮甜之外，仲感覺到骨膠原既黏性，青欖仲有清熱解毒、生津止渴既功效，感覺好養生🎋鮮。活胡椒焗阿拉斯加蟹伴長旺胡椒既能提升蟹肉鮮味，又帶少少辛辣，加埋粉絲吸收哂蟹汁既精華，香濃入味🎋禽。戲八寶片皮雞上面係香脆既雞皮，底下既手撕雞用左秘製醬汁秘製醬汁加上八寶配料如西梅乾、合桃、花生、腰果、瓜子、松子仁等等，令口感同味道都更豐富，甜鹹交錯，層次感十足四式滷水拼 鵝肝入味得黎唔會實的的、墨魚彈牙、鵝頸肉去哂骨啖啖肉之餘仲食到骨膠原、豬粉腸唔韌冇臭味仲充滿滷水既香味，每樣都各有特色🎋時。令方魚炸鹹肉炒介蘭 首先將方魚煎到酥香，再到鹹肉煎，最後落埋介蘭，介蘭吸收哂頭2者既香味，而且仲去埋皮，咬落好爽脆完全冇渣🎋五。穀上海小籠包 湯汁豐富而且肉味鮮香，食既時候要小心焫親咀🎋甜。沁豆磚奶酪、楊枝甘露豆磚奶酪細滑，豆香濃郁，食落有d似木糠布甸。楊枝甘露清甜，芒果味濃郁得黎唔會太甜，味道好清新
continue reading