百喜記 (Closed)

香港仔一間住家菜，完全食到屋企嘅味道，今日去到職員介紹左聖子，同個菜比我地，我地再加一個咕嚕肉！今晚呢一餐飯非常之滿意。先講咕嚕肉，甜酸度適中，佢舊咕嚕肉食落口軟度剛好，係我試過咁多間嘅咕嚕肉來講算係幾好食。之後好似要聖子，價錢平，雖然隻聖子好細隻，但係好肥美好爽口，加埋佢嘅配料，無得輸～～最後個菜，我真係唔記得叫咩名，有啲似白菜，佢用蒜蓉炒，真係好甜，好味，亦都因為用蒜蓉炒，所以好入味。百喜記已經成為我嘅飯堂～

母親節，想賺錢好正常，淨係比order 指定set 餐單都無問題，係門口完全無告示，仍然係正常餐牌，入到去先局叫，fine，出得黎食預左比錢，加上呢d 日子預左。等左個幾鐘，一直都出緊某兩三枱既餸，好聲好氣問，先出一碟蝦黎hea 我，仲要百幾二百蚊幾舊蝦仔。再睇其他枱，原來等左差唔多兩個鐘。忍唔住cut 哂d 單走人...去廚房偷偷睇，得嗰兩個爐仔學人做Set , 預時間出菜又唔識預，得幾個菜比人揀都搞到屎咁，唔會再食，亦都會叫身邊人唔好試🙂

香港仔艇仔粉經常係網絡見到有人講幾好食，聽就聽得多。今次終於親身試到首先內部裝修多數用木材，而且加咗好多漁民嘅裝飾係牆上，例如帆布、繩結等等。感覺好似係海上進餐一樣。點了一杯凍奶茶，個人比較鐘意甜啲，依杯岩晒我口味這杯凍檸茶返而甜味差小小，不過鐘意飲無咁甜既人就岩晒。滷水拼盤$65，份量好足。幾個人食叫一碟夠晒。艇仔燒鴨米粉，湯底比較重胡椒粉味，原全係水上艇仔粉的味道。燒鴨可能同湯一齊上關係，唔夠脆。但都可以的最後艇仔粉算可真係要一時試，因為湯底係用大地魚，食到湯都飲晒，魚蛋同叉燒最正，冇得彈。

招牌河好味，料多又唔貴，平民價，湯好鮮，最好味係個炸薯餅同炸魚片，薯餅外脆內軟，入邊有煙肉洋蔥，放落口煙肉有口感又有洋蔥香，冇得頂，炸魚片四條邊炸到脆晒超香口，至從謝記汁左就食唔反呢d魚片，難得搵到間有真係要落去食多d

咸豐年前同人響香港仔海旁食過兩次正宗艇仔粉，除咗個mood夠sweet之外，個大地魚湯真係好深刻，而家人大咗除非冬天唔係都唔會大熱天時懶浪漫咁響海邊食粉，不過最近香港仔開咗間新鋪頭轉食艇仔粉，可以涼住冷氣咁食又唔同講法囉😂揀咗皇牌艇仔粉一步到位乜都有齊，叉燒燒鴨魚片春卷炸魚皮每樣有啲，當中魚片幾出色，炸魚皮就最失望因為唔多脆，至於個湯都有大地魚味，但同印象中艇仔果碗差得都幾遠下，談不上濃味囉😌另外叫咗個滷水拼盤，六十幾蚊都幾豐富，最正係豬耳，夠入味又唔會好硬，鴨肉就本第冇乜喜好，亦唔算好食，最慘係啲豬肉頭，雖然好入味但有肉嘅只係得兩三舊，好多都係豬皮同肥膏嚟🙄不過呢度個黃金雞中翼就真係不得了，新鮮炸起再倒咸蛋醬兜勻佢，超香口超邪惡超好食囉😍

這間小店 食過幾次 因為係屋企樓下 😂😂試左义燒河粉 試過黃金魚片頭 試過招牌艇仔粉 試過糯米飯 本人極力推薦黃金魚片頭 食左幾次仲係覺得好好味 一碟有6件 粉面都好味 义燒唔肥之餘 都好好味 同埋款式唔似燒味鋪的义燒 糯米飯 好好味 好少街外的糯米飯 會令我覺得好味 😂😂😂 如果男仔食 份量自己覺得岩岩好 招牌艇仔粉 好大碗 自己覺得應該兩個女仔Share 再加多個小食 飲品未試過 服務都唔錯 見到佢餐牌仲有好幾款小吃 得閒要再試下🤤🤤

似模似樣的艇仔粉 ！有大地魚味道的湯底，如果湯的溫度能提升為滾湯會更好，因為個人習慣食粉麵的湯底要夠滾。叉燒和燒鴨不錯，魚片雖然就比較普通，但魚片質素已好過一般的粉麵店。

香港仔艇仔粉就成日食 開店後都係第一次黎食 叫左燒鴨米粉 燒鴨河粉 切雞河粉各碗都係$38 份量適中 大地魚湯底夠鮮味香濃忍唔住要飲多幾啖真係無得彈味道保持水準 燒鴨同切雞肉質好滑推介配河粉食入口更佳 滷水拼盤$65有滷水鴨 滷水蛋 滷水豬耳 花生但入面冇滷水鴨翼不過全部都醃得好入味味道濃郁 滷水鴨肉質嫩 滷水豬耳夠曬爽口如果加返多d滷水汁就更加好味 食任何粉麵加$10就有杯凍檸茶 茶味夠濃不會太甜幾好飲 糯米飯$38下次會再試 整間店環境寬敞好乾淨整齊 員工有禮貌

以前成日喺香港仔碼頭等食艇仔粉，依家終於可以坐喺鋪頭舒舒服服食啦😋～味道同係碼頭差唔多，湯底真係無得輸（地布魚湯底），仲大碗左好多。真心推介推介👍👍👍👍

自從上個月響香港仔碼頭食過艇仔粉之後，發現原來香港仔同利東大都有呢啲香港仔艇仔粉既足跡。今日晏晝去左香港仔食晏，見到有間新鋪開咗，係食艇仔粉既，仲記得上次響碼頭初嘗艇仔粉都其實幾好味，不過因為係露天差啲中暑，見今次係一間室內有冷氣嘅鋪頭，所以就入咗去食。鋪頭好似開咗冇幾耐，見到佢話食夠$100送啤酒添。今次我嗌左燒鴨叉燒米，燒鴨啖啖肉，叉燒都幾大塊架，兩樣餸都幾好味，如果想食多啲餸，可以加$6叫兩個餸，因為而家係雙併，所以每個餸得幾舊，而且我嗌咗米粉，所以食完都唔係幾夠飽。最後想講下個湯底，唔知係咪每個艇仔粉都係用大地魚做湯底呢？同我上次響碼頭食既一樣味喎。

新開既艇仔粉，立即試😆燒鴨艇仔粉，燒鴨算有肉，不過可惜個湯底雖然有煙出，但食落口唔算好熱，如果可以再熱啲就好啦！黃金雞翼，味是夠的，但可再脆啲！所以呢個只能算係k金，未算係黃金😂但都推薦！滷水拼盤 ～ 正常總括黎講，可以一試！

作為街坊，新店開張緊要試下。睇睇餐牌：一黎就試佢個招牌粉，如果連招牌野都搞唔掂其他野點算。總評分是正常粉一碗，幾有風味既，價錢一般，街坊多樣野揀，不失為一個選擇。去相先：皇牌艇仔粉$48賣相較一般粉麵店佳，未食都聞到魚湯十分香，中間有很大pad的胡椒粉，有胡椒香冇腥味。內容有叉、鴨、春卷、魚片、魚皮、菜、河開動：先講靈魂湯底，大地魚湯鮮甜，而且呢間夠濃郁，好夠味，而且胡椒味濃，個人黎講喜歡既，但到底胡椒濃係提鮮除腥定係蓋左鮮味，就要睇你個人口味。河粉用幼身，較滑亦較易碎。叉很瘦，很鞋，但出於個人口味既偏見，十分喜歡。魚片彈牙有魚味，但同以前香港仔謝記比仍然係比下去。魚皮分開左上，好細心，一夾已經feel到脆，大塊唔易散，吸湯後一流，脆得黎夠味。春卷正常出品，索到少少湯，都好味既。鴨冇得別，濕左唔脆皮，普通出品。呢個可以話係劃龍點睛，食粉麵有佢提升唔少，潮式辣油，呢個只屬正常出品，都香既。總結：裝修幾特別，用漁村做主題，地方唔差，食品亦唔差，當然一分錢 一分貨，價錢比同類型店貴幾蚊，但只係幾蚊就多個選擇都未嘗不可。

此店哥哥嫂嫂已食過幾次，今次帶我嚟食，一試.....很有兒時食過既艇仔粉味道，用料靚，湯底用大地魚，完全吾覺有味精，之前香港仔都有食過艇仔粉，但總是做不到兒時吃既味道，就算現在海旁有既，都感覺大不好如前，就算一杯簡單既凍檸茶都覺比一般茶餐廳吾同，重點茶味不濃，另外，很少再見到「油菜」可以以$10價錢食到，吃飽後，老闆會來問下食客意見，多作改善，有承意既食店，真心推介「皇牌艇仔粉」「黃金炸魚皮」「黃金魚片頭」