Video
8-min walk from Exit A, Whampoa MTR Station
continue reading
Payment Methods
Above information is for reference only. Please check details with the restaurant.
Review (12)
新黎阿嬸想點我坐孤獨單丁臉壁位，我梗係拒絕啦！問我好唔好，我答唔好！阿嬸一臉愕然，唔想當然要講唔好啦。平靚正快狠準，街坊價只售廿幾三十蚊救黎民百姓於水深火熱之中 ﹗我都知近來生意非常差，姐姐突然落力推消食物。前面條口罩友選擇困難症左諗右諗，搞到四眼姐勁無奈等完再等又再等。老闆本來淥緊麵都睇唔過眼，暫停煮麵衝過來幫我夾餸出貨先。我比埋錢走人，條口罩友仲係度諗緊，後面十幾位排隊中既食客即時發放怨氣，看得見的負能量呀﹗豬腸牛肚雞中翼鴛鴦少湯多辣走蔥加腩汁，抵食快靚正 $32 蚊體驗餐。豬腸大量可以成堆成堆塞入口，勁爽彈勁濃味，甘香肥美滑嘟嘟。牛肚依舊軟綿綿，帶少少陰沉醬油味，說不上是滷水汁，感覺不到清香味道。雞中翼豉油味只留在外沒有滲入內部，滑滑彈彈不乾霉，雖然有點偏淡，幸好皮香肉嫩有肉汁。豆卜炸雲吞雞中翼鴛鴦少湯多辣走蔥加腩汁，豆卜有點油益有點水味，硬硬的烚得不夠耐不夠徹低，榨乾水再用高湯浸才美味。炸雲吞淨係食到塊皮，完全食唔到有肉？好香口炸腐皮味道，浸湯半濕半脆。辣汁深啡色味道非常濃厚，咸辣佳強，大熱天時混入大量辣汁，使得我額頭冒汗，背脊濕濕滴滴咯。多謝戴姐慷慨解囊，請食車仔麵！雲吞韮菜餃雞中翼鴛鴦少湯多辣走蔥加腩汁，雲吞散筲筲，蝦仔細細咸咸的，肉碎真係十分碎。韮菜餃微溫不熱，外暖內凍，而且烚到散散地變晒形在爆破邊緣，味道免強還可以，不過何解完全無肉既？豬紅雞中翼鴛鴦少湯多辣走蔥加腩汁，平到笑 $22 蚊勁抵！我話要多辣，點知阿姐竟然孤寒到比一篤仔，平時唔會這樣對我的，梗係厭我食得少又要求多多，算數﹗我自己埋位加兩大羹辣汁，多辣再加加辣。紅腸雞中翼鴛鴦少湯多辣走蔥加腩汁，紅腸薄切，沒有入何肥美多汁感覺，食火腿一樣，只是多一點肉甜肉香。食雞翼要㖮噒骨真係要花多一點時間，未能數分鐘整碗消滅，最快都要 6 分鐘才能完成添。麵底份量真的比出前一丁多架，食碗丁麵只需 3 分鐘倒落肚！豬紅牛肚幼麵少湯多辣走蔥加腩汁，河粉通常都最早沽清，無鵚鴦唯有食淨麵。爽爽嚥韌麵味清香，掛著濃郁辣辣大啖啜，香辣醇美依舊。夾著豬紅或是夾著牛肚一齊食，更添姿彩。豬紅極度滾燙，太美味停不了塞入嘴仔，甩皮喇﹗外脆內嫩彈彈滑淜，醃味濃郁好好食啊﹗韮菜豬紅雞中翼鴛鴦少湯多辣走蔥加腩汁，韮菜真的誇張的多，將整碗麵完全覆蓋，太多韮菜有點反胃，碗底全部都係韮菜。主要因為無味只有原味沒有菜甜味，味道寡而單調。酸齋豬紅雞中翼鴛鴦少湯多辣走蔥加腩汁，嬸嬸您烚到河粉散晒喇，半溶腍劈劈碎濕濕，老闆無教您煮鴛鴦時粉麵要分開烚的嗎？低於室溫涼涼的，濕濕的甜酸麵筋十分醒胃，辣汁粉麵夾著甜酸齋齊齊趙，怪味有趣。天氣真係十分酷熱，熱湯加辣汁食到汗水滴滴啊﹗豬皮蘿蔔豬紅鴛鴦多辣走蔥加腩汁，我都話要少湯咯，唔洗錢咩！太多湯水汪汪，就算多辣都溝淡晒啦﹗咖哩豬皮十分之多，味濃爽爽無油益，全部無骨可以任意用麵捲住掃落肚。蘿蔔勁爽甜勁多水，不過去皮不夠乾淨。粉麵均煮烹調出色，軟滑嚥韌適中，帶湯力強啜得暢快。瞓得兩個幾鐘非常渴睡，極速 5 分鐘消滅，立即回公司休眠昏睡叉叉電。豬紅蘿蔔牛腩鴛鴦少湯多辣走蔥加腩汁，物價騰貴只得兩舊牛腩，終於不是牛腩碎，係完整兩舊鬆化牛腩，腍但有渣。碎濕濕，下欄邊皮位，乾爭爭味道咸濁，不喜歡。牛筋極多，黏膠滑味濃不錯，太飽食剩一塊巨形牛筋添，抱歉。豬皮豬腸鳳爪雞中翼鴛鴦少湯多辣走蔥加腩汁，單翼單爪，姐姐話雞翼不夠用鳳爪代替，無所謂。乾霉瘦雞翼不肥美，賣剩蔗的質素。炸爪平凡一般，室溫偏凍，醬汁都已凝固了。微暖不熱的湯汁，那會食得開心？嚥韌幼麵，實淨河粉，添點姐姐推介的辣菜甫，只有咸味，試一次便夠。豬皮牛腩牛肚幼麵少湯多辣走蔥加腩汁，牛腩不碎，造型多變，變成乾鞋牛腩片﹗嚥韌乾爽極有咬口的幼麵，再次遇上微暖溫度的湯汁。何解要微溫的湯煮麵呢？剛剛加水所以未滾得起嗎？靜蠅蠅無煙無鑊氣，食慾大減唔開心，泡個杯麵都熱過您，唔熱邊會好食﹗通菜豬紅豬腸鴛鴦少湯多辣走蔥加腩汁，師傅烚既次序那麼特別既？先做麵底，再烚河粉，最後菜鋪面，可能粉麵撈埋一齊兜的話，河粉會散晒，亦可能通菜比粉麵還要煮耐一點。旱通味道還可以，有菜甜味，爽爽實淨，不乾硬亦無渣。幼麵極具咬口堅廷我鍾意，捲著彈滑河粉塞入口，兩種味道與質感碰撞得精采萬鈖。
continue reading
每次去發記，總有一種好親切嘅感覺。每次返工日子 lunch time 過后去幫襯，總會賣哂好多餸菜，足以証明味道唔差。重有發覺經常有外國人去幫襯！多年無食，今次專程去幫襯，湯底唔算好濃，比較清淡，米粉依然好幼滑，牛腩夠入味，豬腸份量比較少咗d。本來想試多幾款餸，可惜，賣哂。重有一件欣賞嘅地方，就係叫佢地多蔥，佢地唔會拒絕。
continue reading
發記這一間在內巷的車仔麵由我中學時代已幫襯, 屈指一算超過 20 年, 到出來工作有一段時期就在隣近發記的民裕街上班,就更加一星期惠顧多次, 食極唔厭 發記的車仔麵沒有現時所謂的新潮車仔麵花式多多甚麼古靈精怪的車仔餸也有. 發記就是傳統的 80 年代的風味, 車仔餸款式不算多, 都是傳統必備的牛腩.豬腸.豬紅.蘿蔔.冬菇.水尤.牛肚.牛丸.魚旦等等...... 但發叔調教味道一流, 牛腩用花椒八角炆得淋及入味 牛腩除了碎腩肉還夾雜着牛筋和牛疆, 蘿蔔清甜無渣, 豬腸更是發叔的一大王牌 十個客九個點, 你就知幾掂, 還有一個王牌就係發叔自己調製的辣汁, 嘩! 好鬼正, 又香又辣. 幾十年從沒差過其實發叔在 3 年前已退休, 亦已把發記連相連鋪位頂了給一對夫婦經營, 需然新經營者全跟足發叔所教的去做, 味道是差不多的, 但總像缺少了甚麼的...漸漸提不起勁去發記, 就算去到也發覺生意比以前差很多. 半年前無意中發現發叔從出江湖, 發叔告知新經營者因生意不佳所以不做把生意退回給他, 發叔現在找來小兒子一起打理, 希望有朝一日小兒子可以繼承發記. 現在發記又回復到從前咁好生意, 可能幫襯發記的老主雇和我一樣, 除味道外, 還喜歡發叔那份上輩人的人情味和親切吧發叔發叔, 你身壯力健, 需已過七十, 但望落祗像六十, 又有小士兒子肯幫你, 一於繼續下去, 千祈唔好咁早退休了* 食得太投入, 吃了一半才醒起未影相 還有一樣要提的, 發記 20 多年來都係 1 - 6 營業, 星期天和公眾假期休息的.
continue reading
樣樣都咁好味~~食左十幾年, 最近發叔退休了...但水準依然, 有傳統車仔麵風格, 湯底唔太濃, 入口回味. 豬腸真係好正~~~~~~~~~
continue reading