發記腸粉粥品

Open Now

Now Closed

元朗很多食店以「抵食夾大件」出名，發記粥店亦是表表者之一。其實早幾年食過幾次，都覺得幾好食，但因為地理位置問題，實在有點不方便。到最近於附近找到工作，又再度光臨此店，卻有另一番感覺。身為碎牛魔王的我，點了碎牛粥及牛腸。(雖然豬潤及鮮雞是此店特色，但由於本人實在接受不了豬潤的味道，又不想食粥要挑骨，所以並沒有嘗試過。)碎牛粥︰粥底錦滑，碎牛不是免治牛肉，而是切成小粒，幾有咬口，其實兩者我都很喜歡~唯一美中不足的是粥底味精太多，食完好似去左沙漠一樣，嘴唇及口腔好乾，點飲水都潤唔返牛腸︰即叫即拉，免治牛肉應該只加調味料，如果加上香蔥或芫茜會更香，粉皮雖滑但過厚，值得一讚的是豉油甜鹹適中，味道不俗。埋單$29，食到飽飽，雖然抵食夾大件及好好味，但係味精始終比較不健康。細個唔識死，覺得好味就夠。年紀漸大，對於飲食都多左一份要求，所以如非必要應該都唔會再去食。

元朗的其中一站，是入來吃腸粉，腸粉也是即叫即拉的，聽說這裡是該區人氣最旺的粥粉店之一。叫了豬潤腸，腸粉賣相絕對是「街坊裝」，米漿厚而腍身，筷子夾下不僅無彈性亦易斷，只是吃起來有米香，至於豬潤是屬於抵食夾大件的類型，吃起來爽身卻無味，唯靠豉油提味，專程而來吃不必了，如路過的話，可試試這裡的雞粥，粥甜而雞肉有彈性，不錯的。

病病地去食清淡既野所以就黎食發記兩個人叫左勁多野食所以食唔晒朋友叫左個艇仔粥，炒麵同炸兩我就叫左知皮蛋瘦肉粥同叉燒腸粥真係好大碗，成個呠都係粥兩個人食其實都夠粥都算綿，不過味精多左少少個腸粉就好好食雖然個粉皮厚左少少不過好多好多叉燒粒，好好味剩食一碟叉燒都會飽朋友話個炒麵都幾好食不過油得制我就無食$70就食到咁多野好抵死!

早幾日天氣冷冷地就去食粥啦..咁o岩有位..唔洗等太耐..男友叫左雞粥..自己就係艇仔粥加皮蛋..加多個朱潤腸..味道係唔錯..不過到男友個雞粥黎果時..好自然..就食啦..無搞下至食..跟住個呀姐行過黎..同我地講..哈哈..唔好意思呀..俾錯左你呀..碗粥係朱潤雞粥黎架..咁就要加返你5蚊喇..我覺得5蚊唔係問題..問題在於你的大意..而轉落個客身上就有點那個囉..所以呢..下次食之前就要搞下碗粥先喇..

試食完彪記，下一站試食目標發記腸粉豬潤粥：原來用砂窩上，份量也不少，只售十七元，算抵食，至於粥底也算綿，材料足，豬潤不少，大塊厚切，幾爽口，但粥和豬潤都欠鮮甜味，美中不足鮮蝦腸粉：蝦身幾大隻，亦算爽口，但蝦味欠奉，(也許很多食肆也會把蝦加工後才泡製的成果)，但只售十四元，算無欺場，但粉皮稍厚亦不算滑溜。牛肉腸粉：售十二元，味道一般，牛肉碎不多，粉皮同樣稍厚而不夠滑。其實這食肆價錢幾便宜，食物份量足，味道亦不差，只是此食肆以腸粉馳名，但嚐後又唔覺得腸粉有米香滑溜之感也許自己期望過高吧。

由於我病左....所以決定今晚晚餐食發記!!!!!!!兩個人,叫左三樣野:蝦腸($14):水準冇變過,仍然都係咁好味,冇得彈,爽口彈牙的蝦叉燒腸($12):男朋友食的,但睇佢次次都係叫呢樣就知好味啦!!!蠔仔粥($21):我第一次食咋,d蠔仔超多,而且唔細隻,入口即溶,唔腥,好好味呀!!!可樂($6)又過了一個肚子很滿足的晚上!!!

天時暑熱~男朋友帶我到一間出名食豬潤的店舖 ~ 可是你女友我唔好豬潤呢~ (又未至於唔食, 但會"魚"一聲又要擺落口...哈哈)要注明"好好味"+"特別好味" = 俾一次機會你環境迫迫地, 枱面黃黃地, 冷氣又唔涼其實好想試下粥, 但太熱了! so, 我們點了豬潤腸+雞絲蝦仁腸豬潤腸: 先"魚"~ 咬一啖就 "嘩" ~ 好好味喎, 真係唔同喎! 佢係厚切豬潤, 好爽, 好甜, 好多汁, 無禽味!! 雖然唔知佢點整但就好好好味 從此我就好鐘意食~但係腸粉皮唔多得, 唔夠滑, 同埋好似蒸耐左少少!雞絲蝦仁腸: 唔係太特別 ! ok 啦! 蝦仁都係爽爽的~下次夜晚買個豬潤粥試下先 好想快啲試到呀!

實在好耐冇黎發記,因為次次都好多人...今次朝頭早,唔係公眾假期,所以唔洗等就有位..好野!要左皮蛋廋肉同及弟粥,仲有蝦米腸...基本上都keep到水準,,但好似冇之前咁好..!

佢ge粥我以前冬天成日去食ga佢ge粥真係extremely good,又香又綿特別ge係用煲仔裝住冬天食幾耐都仲熱同埋都好大碗,2個人share岩岩好都幾抵ar我覺得特別推介 粥ESPECIALLY 要加豬肝好爽,very good!

全港、九、新界 so far我吃過最好吃的猪潤。根據百科 -- 猪潤含有豐富蛋白質，脂肪，碳水化合物，鈣 ，磷，鐵， 鋅，硫胺素，核黄素，尼克酸，抗壞血酸；并含維他命A、 B1、B2、C等。有補肝明目，養血之效。能做出好食既猪潤真的不容易。過老猪潤粗糙較硬，味帶苦。太嫩則容易有殘留血水渗出。所以在外我都不大愛點吃豬潤，連深水埗有名既豬潤麵我都未能吃下10%。為獨是這家既煲仔豬潤粥 – 豬潤鲜嫩、爽滑、柔軟，厚切但又不會渗出殘留血水，一煲粥有成十大片豬潤，少兩三片應會更好。只可惜姨姨們齋做粥品，如有爆炒猪肝那就超正。

難得同二家姐相約一起放假,來個元朗半天美食之旅.大約用左一個鐘到達目的地元朗,先來吃個粥.選了獲得很高評分呢間.豬潤粥 - 有好多豬潤,好爽口,唔似之前食果D~粉粉地.唔知係咪"`黃沙豬潤" 鯇片腸 - 好滑一D都唔會'sen'

大約7點鐘去到都仲有少許位..第一次去食太多選擇唔知叫咩好..只知炸両好食粥滑..所以就同相公叫左以下既野蠔仔粥 好多蠔同埋多數都係大粒既..d粥好香好有蠔味..唔錯唔錯.艇仔牛肉粥 普通貨色冇乜特別炸両 一碟有3條..開頭一食好失望因為入面條油炸鬼係林ga..其中一條先係脆..即係話林個d放左一段時間唔係即做囉...失望兼失敗!!!蘿蔔糕 比較粉冇乜蘿蔔又唔係講到好好食但吸引唔到我去再食!!

其實我好鍾意食粥.我的食評好少粥...因為.在本港食店中我搵唔到一間粥店令我滿意的粥店今次呢間係元朗最多好評的粥店......叫左皮蛋瘦肉粥....呢間粥店價錢17-36元不等....係生滾粥....可惜材料係預先整熟,瘦肉一的甜味都沒有..皮蛋份量都好多.有半隻.粥味道淡...幸好大大碗......搵個疑似細煲裝住的粥.是此店特色.油條...一的都唔熱.....炸好連保暖功夫都無做....差左的....食物.....粥食完都可以咁飽.服務唔差....抵食.挽回分數.都值笑臉

以前很喜歡到發記,不過都有一段時間冇去食,新年時路經發記就入去,因為就黎食晚餐就只叫了一個"及"仔粥跟一碟蝦腸,"及"仔粥還好,不過還是喜歡雞粥,蝦腸就差了很多,皮差了,沒了以前那種滑感,蝦也沒了以前的鮮.

26/2(五) 7.30pm替阿梁"文記",圓了爽腩夢後,讓胃納多作蠕動,到處逛逛,讓消化系統有效地運作,迎接下個食浪.路過此店,猶記曾被903的灘叔點名褒獎過,於沒指定路線圖下,決意一嚐.我倆要了炸兩$12,蝦腸$14,鮮雞粥$36及凍檸茶$8.炸兩--略厚的腸粉捲著已不膨脆的油條,搭上味道不昭然的三色醬,尋常之物!蝦腸--同一敗筆,腸粉厚重得來乏米香;而蝦仁縱爽卻不鮮,唯一可取是甜豉油鹹甜並重,唇齒間啖出豆香!鮮雞粥--馳名的鮮雞粥粥底不夠綿,準滑身的!用上近半隻鮮雞,雞件肉地厚,質結實,雞味濃,合兩人的食力亦力有不逮!凍檸茶--$8一大杯凍檸茶,頗抵飲!阿姐服務勤快,默契十足.若不,門外的人龍何再延伸得更遠!