發記腸粉粥品

Open Now

Now Closed

今日本身已選定食四川雞煲, 可惜相公不太舒服所以食粥清少少, 便想起發記~今次來到不需要等位了, 可能是因為天氣太熱吧, 食粥的愛好者都少了尤其是堂食, 反而外賣客增多了.雞粥($37) 雞件很多, 有胸部、雞部、翼部, 給我的感覺是...有半隻雞嗎????. 雞粥味道不錯肉質尚算嫩滑, 粥底亦很綿, 但如果多少許酒味會更香濃更好味~~~~~~~~冬茹雞絲腸粉($13) 冬菇不算多, 雞絲不像雞絲似雞件多, 但太鹹了, 腸粉不夠滑, 雞件本身已是偏鹹再加上豉油在底部, 實在是有點過鹹了. 在舖內逗留了約半小時, 周不時聽到有客人點腸粉, 但真是好食嗎???可能是今次這款失敗吧!!但還要想想是否再光臨多一次嘗真腸粉的味道~

今次我同女朋友去食左呢間發記!! 食呢間既原因係因為我女朋友都幾為食下,成日上網睇邊到有又平又好食既野,於是我女朋友就搵到呢間野了,係網到睇到呢間野幾平!!d野食又好似好正咁!! 所以就同女朋友去左了!! 一去到等位的時間不用很耐,好快就搵到位!! 跟住我地就叫左一個炒面+多個粥!! 呢碗粥真係抵食,又平又大碗,2個人食岩岩好!!!我地叫左碗魚片碎牛粥!!哇!!好正^0^!! 碗野18蚊喳 !! 又平又抵食仲好好食!!! 而炒面都ok @@!!! 唔錯!! 呢間野夜晚都好多人下!! 我同女朋友夜晚去食!! 好彩搵到個冷氣位!! 唔使係出面食!! 唔係既話可能會熱d !!! 呢間野唔錯!!! 會同女朋友再去!!

今日無聊四處行逛, 發現了這間豬腸粉店, 喜愛食腸粉的我當然即時去試啦！唔知係咪今日天氣超熱的關係, 入到舖頭只見婆婆兩三個, 坐底後叫了一碟齋腸, 一碟炸兩, 等了很久, 食物還沒上桌, 雖然是即叫即做的, 但時間也實在長了點, 終於有得食了, 一次過上晒兩碟腸粉, 唔怪得咁耐啦！腸粉一上枱, 第一時間嗅到濃烈的生抽味, 起初以為好咸, 但食落又唔咸喎, 但沒有甜味首先試了齋腸先, D腸粉好似牛腸咁大件, 食多兩件, 終於吃到淡淡的米香, 但有點蒸過火再試炸兩, 嘩, D油條好似隔夜咁, 吃了半碟腸粉後, 連牙齒都開始累, 但這碟的腸粉皮卻蒸得剛剛好

粥與腸粉, 曾幾何時是我的至愛, 有時候早餐只是瘦肉粥配叉燒腸粉就很滿足, 但自從上水林記結業便不能找到個像樣的粥店. 這家店在元朗很出名, 宵夜不錯. 下午便來品嚐一下.這家店頗難找, GOOGLE地圖不太清淅, 這個店下午假期也是蠻多人, 隨便點了一個瘦肉粥和腸粉, 粥嘛, 真的不過而矣, 但綿度跟一粥麵差很遠, 但價錢差不多貴, 腸粉更加不行, 是很大件, 但那皮做得不好一夾就散. 不能再來!!!!

食過幾次, 今次係第一次寫食評兩個人叫咗炒麵 $8即叫即炒, 麵身較粗, 只係賣$8一碟, 抵!炸兩 $13食過幾次D油炸鬼都係淋, 今晚呢碟比較脆, 讚! 仲可以自己加好多好多麻醬, yummy~~蠔仔粥 $22一個字:鮮! 蠔仔份量都算多牛肉粥 $18我覺得牛肉仲多過粥鍾意呢度嘅粥係因為唔同配料嘅粥真係有唔同嘅味道唔似D連鎖粥店咁, 無論叫咩粥都係同一個味....就係"味精"呢度已經變咗我地嘅飯堂唯一唔好係冷氣位唔多, 遲D再熱D如果要坐出面冇冷氣嘅位都幾辛苦

話說之前三色台某電視節目曾經介紹呢間粥店, 所以尋日入元朗行街順道過去食番餐, 去到間舖時, 大約晚上七點左右, 舖內舖外都坐滿了人, 尋日天氣都算幾熱下, 所以麻麻地坐街邊食, 見店內有人差唔多食完, 所以都等左陣先入去到坐!個玻璃貼左好多野食, 有粥、有腸粉種類都蠻多下, 都考慮左成幾分鐘, 因為之前去左食甜品, 所以唔叫太多野食, 最後點了蠔仔碎牛粥、香蔥蝦米腸及油炸鬼, 蠔仔碎牛粥 - 嘩, 好多蠔仔囉, 開頭覺得廿七蚊碗粥都幾貴下, 但真係物有所值, D蠔仔隻隻脹卜卜, 配埋D碎牛, 好甜好好味, 個粥底都好綿! 原本想叫多個粥, 不過我尋日實在幾飽下, 叫老婆留番下次再食過吧!香蔥蝦米腸 - 驚喜! 好多切到好細的蔥舖係腸粉個面, D 蔥味好香, 個腸粉好滑, 鍾意食蔥一定要點黎食! 記得千其唔好加甜醬, 本身的豉油已經好夠!油炸鬼 - 失望 可能係一早整定晒黎做晚市, 一D都唔脆, 浸落D粥黎食無咁好正, , 不過味道還過得去!

病病地，去左這間粥舖。之前都聽講這店是用砂鍋裝粥，但其實無乜特別，因為粥是煮滾在倒進砂鍋內。舖頭很小，但是種類卻很多，只是腸粉也有5-6種，粥就有10多款，比集團式粥店還要多。叫了皮蛋瘦肉粥味道OK，只是不喜歡炒麵用粗麵，味道都麻麻，因為一心諗住食幼麵，$8超大碟，一個人食粥又食麵好難食得晒。

睇完雜誌見到呢道d鷄粥出名, 見同大王都口淡淡, 就約大王黎試試。叫咗鷄粥，真係有鷄味，仲有好香既鷄味，衰在作感冒，唔食得鷄皮，只係食咗大王幾啖粥。仲有係碎牛豬紅粥，都係粥底夠味，配乜都好味乜!再黎鷄旦腸粉，呢個少見，係貪新鮮先叫，幾香鷄旦味，但凍咗就冇咁好食。下次想食粥都會黎呢道。

個女本想吃健康食品, 可惜元朗區我找不到有機餐吃, 暫吃粥品代替, 可能天氣開始回暖, 否則我再要望門輕嘆, 因為一月寒冬時來發記, 全店滿坐, 門口又站了十多人.碎牛粥 ($16)用瓦煲代替瓦碗盛載粥品, 雖然瓦煲有點破舊, 邊位已凹陷不平, 但風味十足, 而且厚身瓦煲的保暖功能較佳, 份量足以我兩共享, 不用一人一煲.阿姐又醒目, 主動供應二人餐具及公用粥匙.淨腸 ($8) + 蝦腸 ($15)食淨腸便清楚試到頗滑嘟嘟的感覺, 配上甜味老抽, 只可惜發記是没有我喜愛的芝麻供應, 欠缺芝麻香味. 蝦腸外皮偏薄, 蝦也是大隻, 爽口彈牙. 下次再來試食家推介的豬潤粥, 我兩本想吃甜品, 但(六)中午過了十二時, 佳記, 松記, 發利及Schwaz cake 仍未營業啊! 最後我喝杯免費咖啡算了.

可能天氣凍,晏晝兩點幾都好多人,叫咗一碗及第粥,一碗魚片碎牛粥, 炸兩 & 炒面, 相比及第粥,魚片碎牛粥好入味,好甜,而及第粥都超多料,豬潤又肥又大,炸兩好大碟,好脆,腸粉皮又厚,無偷工減料,炒面就普通,但便宜又大碟,叫都無況, 估唔到粥都可以咁好味

This Congee Place in Yuen Long was fully queued up for both eat in or take away, and for a good reason.- Our Fresh Chicken and Pork Livers Congee was so amazingly fragrant from even a metre away, I felt like I've been awoken from a sedated sleep all these years... You can also get fresh chicken congees in a few places in town, such as 新九記粥麵, 東寶小廚 or other shops in Yuen Long, etc.- The other Fresh Chicken Egg fried Cheung Fan and Cheung Fan 'Ja Leung' weren't very good in comparison. What a p

3 人行一早去吃早餐，唔夠 10 點都要等位店內窄窄座名不足 30 個，今日早餐仲等左成 20 分鐘有多，但見食評好，所以先幫襯，年初五，每個 item 要另加 2 蚊：　 豬膶粥($18) + $2 : 粥底夠綿滑，厚切的半熟豬膶，正！不過要夾皮蛋，因為亞姐話唔夠豬膶賣喎，但皮蛋唔得，好差 ! 雞粥($37) + $2 : 粥係份量相同，雞好滑幾鮮甜，正！不過唔夠豬膶粥好味! 及第粥($18) + $2 : 好多粉腸，我唔鐘意！叉燒腸($15) + $2 : OK。炸両($15) + $2 : 比想像中難吃，油炸鬼唔夠新鮮。干炒肉片米 ($18) + $2 : 炒粉好食而不膩，值得推介! 奶茶 ($10) + $2 : 水準一般

前幾日下午三點幾黎左發記食野。差唔多坐滿咁濟，幾個阿姐係度食緊野。叫左一碟蝦腸同一碟炸兩，等左五分鐘到就有得食。蝦腸 ($15)︰食開既人都知 d 腸粉米漿厚，蝦都算爽，overall 叫做過得去。炸兩 ($13)︰外暖內冷，普普通通咁啦。食兩碟都已經好飽，兩碟加埋 $28 當食個下午茶其實都唔錯既。

近年香港的冬天真是凍得太可惡，身邊人一不小心就會病倒。元旦過後不久，老公也一樣中招了，唯有陪他盡量吃清淡啦! 其實平日沒病沒痛，老公也喜歡間中來發記一趟，生病時節更加是密密幫襯。　別被人龍滿佈的店面騙倒，那些人龍九成都是外賣客，來發記堂食其實很少要等位的。然而店內窄窄的又沒甚麼裝修可言，而且外賣生意一樣是生意，每次落單後都要等頗長時間才有得吃，算是這裡最大的缺點了。然而食物方面的確是不錯的，所以才來了又來，今次食評也集合了好幾次的幫襯經驗來寫：　豬膶粥($18)-還是先由主打的粥品講起，這裡的粥底夠綿又夠滾熨，而且不含味精，底子是好的。而先後吃了不同的魚片粥、魚腩粥、及第粥、皮蛋瘦肉粥等，最推介要數豬膶粥，因除了粥中份量十足，厚切的半熟豬膶，經熱粥熨過後成剛熟，食味鮮爽甘脆；而本來綿身粥底吸收了豬膶甜香後，也變得更加鮮美。連我這個非膶魔也喜歡，特別介紹給喜歡吃膶的朋友!雞粥($37)-也曾偶爾豪一次，點吃較貴的雞粥；粥還是同等的份量，粥中的滑雞是多的，不過吃慣奶奶家的走地靚雞後，會覺得粥中的雞件有點過稔，然而吸收了雞味的粥是幾鮮甜的，整體滋味也不錯。但考慮價位嘛，下次還是點豬膶粥好了!

咁難得入嚟元朗，即刻去試想試咗好耐嘅發記，佢碗豬潤粥真係好好味，粥底又錦又滑，抵食夾大件，我數過一碗有成11塊大大件嘅豬潤另外再叫咗碟豬潤，不過我就唔鍾意佢個米漿咁腍，腍到一夾就斷