發記腸粉粥品

Open Now

Now Closed

搬黎兩個月，終於的起心肝試雞粥，日日都排長龍，就知佢好受歡迎雞粥一打開個蓋就聞到香味，粥底好綿，啲米綿到唔洗咬，好爽，加埋啲雞味，又唔會覺得佢好油，味道啱啱好另外仲要咗蝦米腸，好多蝦米，食落好有口感

又新街裡光顧得最多的必是發記,只因其布拉腸粉真的不錯,我家大人尤其喜歡其蝦米密麻麻的蝦米腸粉,其實發記除了腸粉或煲仔粥外,還有另一款較少推介的出色食品--鹹雞。 外賣鹹雞半隻($82),雞皮肥美卻沒甚彈性,雞肉帶有鹹味還有點雞味,雞肉有彈性而不死實,也許生熟度是計算雞肉會被熱飯加熱之故,現在只有雞沒有熱飯的半隻雞,雞肉仍有著未熟的血紅及血水,結果要自行蒸熟一點才像樣。另一次的靚靚鹹雞飯($45)反而水準比今次好得多,雞皮比較爽口,雞肉夠熟之餘也很滑,雞件份量大約有1/4隻雞,基本上每部份雞件也有一點,不會有著全雞胸或全雞背的狀況,不但較公平也可以嚐到雞隻的每個部份。最妙還是這杯薑比蔥多的薑蔥,店方以雞油來炒香薑蔥,香得要命的蔥油用來伴飯超讚。兩次光顧的鹹雞水準有點不均,好吃與否要視乎運氣,不過平均還是可以的。

天氣好熱, 但呢間粥店依然好多人, 門外的幾張枱有位, 裡面就要等位, 兩個人叫左滑牛粥, 皮旦瘦肉粥, 炸兩滑牛粥 - d粥係用煲仔飯嘅煲上, 好大碗, 粥底好棉, 牛肉份量多, 好滑 ($23)皮旦瘦肉粥 - 皮旦同瘦肉都好多, 但我覺得滑牛粥好食d, 新鮮d ($22)炸兩 - 腸粉好滑, 但油炸鬼唔脆, 唔好食, 下次唔會再叫 ($15)

很久沒去過發記，每次經過，看見一堆在外等候的人潮，真受不了。今天病了，想吃碗粥和腸粉。趁著醫生未到診所的空檔，來到這裡。想不到未到九時，都有八成上座率。叫了一個碎牛粥多薑走蔥($22，多薑加$1)、一碟鮮蝦腸 ($17)，好經濟實惠的價錢!本來看見對面的吃著的油炸鬼又想叫一客，不過怕吃不下，所以沒叫。不過呢，由於發記的油器都是交來的，所以能否吃到新鮮熱辣的，很看運氣。等了不久，碎牛粥以砂碢上桌，熱呼呼的，份量對女生而言，是絕對足夠兩人分享的。碎牛粥內的牛肉新鮮份量也很多，粥底很綿，我用了十五分鐘吃完它，它並沒有變的水汪汪。碎牛粥上桌不久，腸粉也來了。很多粥店的所謂鮮蝦腸，裡面的蝦又細又少。雖然這裡的腸粉皮並不簿，但蝦的數量足，而且很大隻。熱騰騰的腸粉澆上鮮甜的醬油，好好吃。如果不是生病，真想多叫一碟。這裡的粥品和腸粉價錢都很經濟實惠，基本上在市區已沒可能找到了。不過，環境、衛生和服務態度，真的很一般。有時，事情真的難以兩全其美。不過，每次吃完發記的粥，都感到有點口渴，我一直在想，他們家的粥底有下師傅嗎﹖因為疑似下了師傅，真的無法比笑臉。

跟友人在酒吧暢飲聊天聊天後已是半夜兩點多，能宵夜的地方也不多吧!我提意到元朗發記醫肚，好友贊成，起行!這個時間沒有太多人，不用等位，太好了！平日都一定點雞粥的我，今天轉了豬紅粥，而友人就依舊點了雞粥。粥底依舊好味，但雞粥的配搭會比豬紅粥更美味! 粥真的要熱騰騰而且快吃才對，不然很快就會變成粥水了!我們還點了蘿蔔糕和牛肉腸。這兩個都是普普通通吧…炸兩會比腸粉出色一點 ，而蘿蔔糕沒有什麼材料。最後，我們捧著肚子離開。一頓抵食又美味的宵夜!

我係一個極度討厭食粥既人, 如果食太多就會作嘔...除左病啦當然...冇得揀...但係病左食粥都一定要揀發記...元朗區暫時未有一間可以取代到佢...九龍區就只有大角咀車品品的皮蛋粥... 但係元朗發記有好多好多款粥揀...一年都會病幾次, 所以都幫襯幾次...但唔係次次都買得到...因為好多好多人等位...一係就坐出面...不過夏天坐外面都幾辛苦架...難得今次等位分鐘係零...因為係星期五既下午4時半...裡面都坐左一大半人...ORDER左碎牛粥&蝦米腸...兩樣都推介呀!!! 首先係價錢超級抵...共35元...飽到呢... 蝦米腸係好滑又夠熱, 同埋又多蔥, 所以好香呀!!! 蝦米都幾多, 好足料...13蚊真係好抵~~ D豉油甜甜地,,, 覺得岩岩好~~碎牛粥可以"不"到4小瑁, 兩個人食就岩岩好...同樣非常足料...D牛肉好滑, 醃得好入味...唔係落好多鬆肉粉, 所以幾正, 唔會太老...D粥先係精華, 佢有牛肉味!!! 好香同埋口感好好好好好綿呀!!! 我好鍾意呢D口感...都係22蚊ja~~真係同果D咩咩海皇粥店差天共地啦...

其實已經去過發記食粥很多次，但寫食評還是頭一次。自己本身很喜歡食粥，一來價錢平民，二來每次吃完都很有滿足感。發記位置易找，基本上在元朗最多美食的那幾條街，今日補完習後想在元朗搵食，第一個念頭就是發記。去到雖然是平日，但客人沒有減少，反而叫外賣的人蠻多，可能因為最近開始變冷，大家都想吃熱噴噴的粥品吧。不用怎看餐牌，我們第一時間向阿姐說要肉片粥、炸兩、牛俐蘇和蝦米腸。不過今天牛俐蘇已經售罄了先來肉片粥（＄２１），熱噴噴很大煲，粥綿，肉片份量足。好味！尤其是現在轉冷的天氣，即使平民都好好食，好滿足。 炸兩，對不起影得有點差XD 這個卻失水準，皮太厚，好像做好很久…　有點失望。蝦米腸，賣相味道一樣出色，再混醬，好味。其實有時簡簡單單一頓晚餐已經很滿足。

(770)元朗閒遊，順道探訪元朗這間發記粥品人氣店，兩個人選擇了皮蛋瘦肉粥及豬潤粥，另外要多碟叉燒腸粉。皮蛋瘦肉粥，粥底綿滑，混合了皮蛋瘦肉的粥，味道都幾OK。豬潤粥，粥底也一樣好，豬潤爽口好味，水準不俗的。叉燒腸粉，腸粉不算很薄，但很幼滑，叉燒質素只是一般的。其實，今天最愛還是豬潤粥。

夜晚11點幾,唔好食咁多野,就黎左依度食少少野要左個艇仔粥同女朋友撐抬腳,走左青. 味道還不錯好香,但個人喜歡綿綿的,這裡的是水汪汪的那種.另外生菜絲也有點出水,減了點點分,不是放久了,而是放下不久已出水.份量是多的,作為消夜可以2個人食一碗.屬於可以再吃一類

I remember I've passed through this section of Yuen Long and everytime I walked by the entrance of this restaurant it was invariably jammed with tables, chairs and people standing here and there, and I supposed they were coveting for seats for their lunch or dinner, simply because this restaurant is indeed always full, so be patient next time you go!I'm no more lucky when I came yesterday around 2:00pm, a few people stood with me to wait for the seats, after about 8 minutes my chance finally cam

結果，我和兩位友人前後共行了數公里路，才到達目的地。紅葉比想像中遠，亦比想像中少。影完紅葉後我們都已筋疲力歇，非常肚餓。回到元朗後看到「發記腸粉粥品」前有十數在排隊，更不斷有新到的食客加入隊伍，本著「咁多人試應該無伏」的奇怪心態，我們，成為了隊尾。排了約十五分鐘，店員安排我們同店內盡頭就座。店內只有十數座位，不時亦會出現背拍背，甚至肩摩轂擊的情況，此況出現於以粥品本主的食店，其實都真是頗危險。加上店內衛生實屬一般，我們就座時正正就有一隻曱甴在身後的牆爬過，這個畫面即使在近年的大排檔都已非常少見，令我們幾個大男人亦嚇了一跳。首先到的是「炸兩」，看住旁邊開放式廚房中的店員不斷在做腸粉，正一邊心想:以即叫即整而言，不足三分鐘便能上菜實在極速，一邊把「炸兩」送比口之際，就已發現貨不對辦了。「炸兩」外層的腸粉冰凍，既不能吃到店外海報提及的「米香」，更連一般口感都欠奉。雖然內層的油炸鬼沒有因腸粉的水份而變軟，但腸粉的溫度實在難以入口。別說是即叫即製，即使此刻你告訴我此碟「炸兩」是隔晚的，我都會相信。原先還以為炸兩應不算是高風險的菜式，應不會有問題，結果卻令我們大失所望。 之後到的是「新鮮鯇片粥」。

慕名而至，之前去對面o個間佳記，都冇留意哩間鋪，（當然啦，間鋪咁ge款，點會去留意呢）我問咗好多人建業街o係邊，唔同人俾我唔同ge答案，但俾我ge感覺都係。。。佢地都唔知好，再問，今次我換個方式問。。。。。。請問o個間食粥ge發記o係邊呀？。。。。。。一問就問到喇同老婆一齊去。。。好似幾多人wo~~~~~ 唔駛入去喇，坐街啦！ 坐咗o係桶污糟水旁邊，感覺。。。。。。唔講都知啦好！閒話少說，叫野食，山長水遠黎到元朗，唔準備o係一間度食到咁飽，所以就要咗一煲雞粥同一碟豬潤炒銀針粉等，當然要等，遇咗要等，咁多人，如果唔駛等，啲野都唔慌好食得去邊，好彩唔駛等好耐黎喇黎喇，雞粥黎喇，好多雞，多到感覺上好少粥，雞有雞味又滑，粥都有雞味，有雞味得黎新鮮，味道挺不錯的再試試碟銀針粉，啲豬潤又鮮又甜又嫩，我老婆話唔食過都唔知豬潤原來可以咁好食的，銀針粉o係豬潤ge陪襯下也特別好食入元朗一定唔可以錯過

見食評好高分所以就黎呢度食野, 兩個人, 叫左個豬潤粥, 滑牛粥, 炸兩, 炒麵, 叉燒腸, 埋單吾過100, 平, 抵食!講番食物質素...豬潤粥: 豬潤新鮮, 夠滑, 量多, 粥ok, 但粥略欠豬潤味滑牛粥: 牛肉新鮮, 夠滑, 見男友次次黎親都叫呢個粥炸兩: 食過兩次, 第一次食,油炸鬼脆的, 今次食, 吾太脆, 似乎質素次次不同, 睇你好吾好彩食到岩岩整起既先會脆炒麵: 即炒, 但味淡, 要將d腸粉鼓油撈落d麵度先叫夠味, 不過都系新鮮有獲氣既叉燒腸: 皮ok厚薄, 叉燒新鮮, 吾會話暗淡顏色, 好食總括黎講, 呢度食野夠平, d野都算新鮮, 算好食, 但環境就好一般了, 路邊行張台俾你食,張台仲要系吾穩的(個地吾平),大排檔feel,要食平野,呢度吾錯!下次要試下對面既新記雞粥先!

生滾碎牛粥$18 - 大大煲夠熱, 牛肉很碎有牛肉味, 底食腸粉炸兩$15 - 油炸鬼不夠脆, 腸粉不夠熱, 雖然大碟但係味道一般, 腸粉皮有些過厚.煎蘿蔔糕$15 - 一碟有三件, 份量好夠, 件件都好厚, 冬姑都大片, 不過口感過硬, 味道偏淡. 傳統炒麵$12 - 用左油麵去炒, 賣相都OK, 份量亦夠大. 唯一係味道比較淡. 總括 - 生滾粥最好食而且好大碗好底食, 雞粥一大碗都係$40左右, 見到有人食而且都看似好足料; 腸粉類及炒麵比預期中差. 我去食嘅時候因為非繁忙時間所以坐得舒服不迫. 職員服務態度良好! 十幾蚊嘅平民價錢, 仍然係值得推介!!!

如果到元朗, 一定要到發記。環境差, 衛生差, 是必然的: 飛單落粥, 指公直篤, 確實嘔心, 但味道之好讓人把一切環境呀衛生呀都拋諸腦後。發記就好似深井發記一樣, 我會特登咋車或者山長水遠搭車尼食, 當然如果禁arm尼到就必食。 原因好簡單, 20蚊唔洗有碗粥, 粥底夠味, 粥夠棉, 料夠多, 不用膠碗用陶瓷, 保證滾熱辣, 絕不欺場。 今次媽媽叫及弟我叫左碎牛, 我雖然無執我娘親口水尾但見佢羹羹都係豬, 足料程度簡直要用虧本尼形容。 我既碎牛依然秉承發記宗旨, 足料, 粥棉, 滾熱辣, 碎牛啖啖牛香, 明明成個煲仔飯禁大碗都想食多碗, 最後還是要加翻碟腸粉。 11蚊既蝦米腸有21蚊既蝦米, 超值! 腸粉本身重好滑, 但偏厚身, 米味濃, 我最喜歡佢蔥超多, 而家唸起都想食!呢度有件得意事想提一提, 雖然D碗重到不得了, 但鋪頭是全女班, 真係做到個個手瓜起展, 給我的印象就像尖沙咀龍記一樣, 亦是全部都是好姐妹, 我比4個趣。提提大家食飯時間外賣必排長龍, 想食好野請靜心等候。