發記腸粉粥品

Open Now

Now Closed

在元朗走了一整天，皮膚被乾過又濕的汗水弄得黏糊糊，連胃口也不濟，晚餐宜選取一些清淡的口味較為適合！時間接近晚上七時，從川流不息的堂食客人和外賣數量來分析，「發記」該是元朗受觀迎的粥店之一，我們在門外等了約十分鐘，方可內進！摺檯跟摺凳，地道的街坊店子，桌上沒有餐牌，首訪的食客如我們可將視線轉移到玻璃上的字條，各式腸粉、粥品和炒麵等，就如揮春般貼著。若然能換上毛筆字，那便非常藝術的了！對牛脷酥有著掛念，已經一段時間沒嚐了，而且現在的粥店也較少製作，正好在「發記」給我們遇上，當然要一嚐。牛脷酥色澤淡薄，想不到味道也如色澤一樣，缺了牛脷酥一貫的細甜與酥香，質感更是韌韌的，嘴巴就像咬著泄了氣的皮球！一看擺放於廚房前的紙箱，內裡的油器似乎已放了好一段時間，因此不能期望太高了！以瓷鍋盛載的豬潤豬紅送來了，份量不少，光是我一人的話，應該吃不掉。粥底泛出米花朶朶，稀稠適中，略帶香氣。豬潤雖不是黃沙潤，入口有著化開的口感，相信生熟度控製恰好；豬紅扎實、新鮮，粥品要比油器來得稱心。即場觀察，除了粥品，各式腸粉和炒麵是較多食客點的食物，鄰座的食客則沒要來粥品，只是光嚐兩大碟腸粉，面上流露著滋味的神情！我的蝦米

好耐冇入元朗了，突然心血來潮就上咗巴士了 不過真係唔啱時候，因為天氣實在太熱了。。。禮拜日呀，條街感覺上都冇咩人 求其搵間購物中心行下都冇宜家咁辛苦 餓喇！就發記啦。坐咗冇幾耐我點嘅【蠔仔粥】就上檯喇，試試味道先。。。淡咗少少，加啲鹽先。。。都仲係淡，，再加啲胡椒粉，再加鹽。。。。。。。好清淡呀 天氣已經咁熱，啲粥又咁清淡，點算呀 都係老婆煲嘅粥好味啲 不過啲蠔都仲算有份量然後係【豬潤腸粉】。。。一樣咁健康，不過啲豬潤都仲算新鮮，煮得仲算嫩，切得都幾大件，就係淡啲囉 食到差唔多，見到坐隔離嘅阿叔，都叫咗豬潤腸粉。。。佢先問咗店員攞咗個碗仔，我想，一個人食粥，駛唔駛攞碗咁多餘呀。。。之後我見佢攞起支醬油就倒入個碗度，然後就夾起件豬潤擺入去了。。。。。。。。。明白了，學到野了 係時候走人了，不過應該冇下次了～

是日下午3點幾黎到, 所以店內唔多人其實早前已經靴名黎食過佢o既雞粥, 覺得雞肉鞋唔好食所以今次都冇點雞粥今次點了豬閨豬肉粥, 好食, 豬閏豬肉唔會太老, 令到肉質變鞋可能因為哩度雞粥出名, 基本上哩度咩粥都可以搭雞, 而有雞o既粥都特別貴而我哩個粥因為冇雞, 所以好食得黎仲好平tim鮮蝦腸粉, 一睇就知個粉皮好厚, 一個字, 唔好食

話説有一排我腸胃差到爆，食嘜都想嘔，又頭痛，結果男友就同我去左食我地從來無試過出街比錢食既粥。男友話粥係用砂鍋上既，有啲份量，之前食過又唔差，所以一直想帶我去試。但鑑於我地都係食開濃味油膩野，所以無動力去食，而家終於有個咁大既藉口去try 1 try 佢。碎牛蠔仔粥先上枱，粥底唔算煲得綿，但好夠味。蠔仔鮮甜同算大隻，份量都唔少，碎牛醃得好入味，但食得出都用左幾多味精。艇仔粥無碎牛蠔仔粥咁惹味，無預先醃味，魷魚鬚豬皮份量都滿足到我。炸兩的確麻麻，不過可能我地食晒個粥先食佢，究竟係黎既時候已經凍定係我地放到凍左都無辦法深究，不過可以講既係啲皮的確好厚，油炸鬼已經淋晒，唯一可讚係豉油甜甜地幾好味。可能因為唔舒服，我食左2舊就無食了，全部男友包底。其實份量真係唔少野，碟炸兩都好大碟，粥同隻碟拍埋，size 真係差不多，依餐食得飽飽都係70蚊，抵食！

忽然想食粥，相約好友J去覓食，揀了Openrice 元朗區評分最高的粥品店「發記腸粉粥品」。幸好是平日晚上，等待的客人不是太多，等待的客人按次序坐在門外排好的坐椅，不用攞籌。等了約十五分鐘已可入座。等待期間發現，在店外站等待外賣的客人也不少。店鋪外貼滿價目資料，一邊等待一邊決定稍後的order。我們鎖定了 豬潤粥、豬雜炒河、香煎蘿蔔糕、蝦米腸。入到店內，樓面姐姐忙得透不過氣，等了好一會兒才有人過來收捨。我們也急不及待，立刻點餐。蘿蔔糕$13第一道上桌的是蘿蔔糕$13，蘿蔔份量不算足料及有點鬆散，外型不太精美。咬下略帶微微焦脆的表皮，内層口感滑嫩，水份充足，配上辣椒醬，美味非常，令到我們食指大動。豬炒河$25豬雜炒河也隨後送上，這是我好期待的。不知是否期望過高，豬小腸乾身過咸無彈性、豬潤同樣太乾，幸好够鑊氣，香味可以彌補豬雜不足之處。若下次可以試試只要肉片炒河，$25大大碟，够野味，河粉帶少少韌性，厚薄適中，配上芽菜葱段肉片，口感豐富，香氣十足。食到最後，碟上留有較多油。怕油膩的要留意要注意哦⋯蝦米腸$13滑滑又足料的蝦米腸，吃了第一口就停不了手，一條接一條地食。滑嘟嘟口感，蝦米相當足料

中午出發去元朗前閱到食友所寫的鹹雞評，才令我想起上次和她去發記的一起買雞的日子時見到這裡有炒銀針粉食﹗ 於是放棄去士林台灣麵改為去發記。過了繁忙時間但店內仍有不少食客，我一人就方便，如果2位前都有需要等下位了，阿姐見到我便叫我隨便搭坐，然後即時問我"食d乜?"，我說"轉頭先,諗下先，她就行開了，並沒有硬性要即時點食。其實入店前我已在門外看過貼在鋪頭窗口的餐紙，但都不見"銀針粉"的字眼，原來它是隱藏版只要出聲叫就有得食。不過炒粉麵硬要配一款肉(不可走肉)，豬﹑牛﹑豬雜當中我估豬雜應該較貴但我不吃便選了豬肉，肉片炒銀針粉$25，賣相都可以但炒得不夠香，整體仲好濕，肉片都幾嫩滑，但少肉都給好多肉﹗我反而喜歡吃那堆韭菜﹑椰菜及芽菜，爽口得很。其實$25都不是平，當是過下口癮。看不到有白粥供應就要了較簡單的豬紅粥$21，這裡的粥都是用煲仔上，粥量滿到煲邊，份量甚足。粥底味道都幾淡，而且不綿滑，豬紅有好多粒，但每粒都鞋烚烚，味鹹。其他很多食客都是食豬潤粥，看來應該我是點錯了款式吧﹖最後加多碟鮮蝦腸粉$17，腸粉比粥較好一點，腸粉皮嫩滑，重點是用料方面，大大隻鮮蝦，而每條腸粉放有三隻蝦，勁抵食，如果

其實每個星期都會去元朗食佢。但品質好睇禾彩數第一次食蠔仔好大隻好鮮。粥底一流。但前幾次粥好水蠔少。今日足料，今期蠔仔好大隻。有鮮味。但食完口亁。雖然比以前差。但e個價錢。可以一試。服務員都有禮貌

今日同肥嘟接啊b放學，但我地太早啦，所以打算係又新街搵下食。又新街既食物選擇都好多，唔怕愁啊！肥嘟就話想食粥，我知道又新街發記好出名，點知他都係諗到哩間。咁我地兩個就去發記啦，平時條隊真係咁講笑一定好多人，但今日兩點幾黎渡，竟然唔洗排隊就入得，仲要有兩張枱，真係好好彩啊！肥嘟好熟練咁叫咗個豬雜粥$23，連餐牌都唔洗睇啊，仲加多個豬紅$6。個豬雜粥真係好足料，有瘦肉，豬粉腸，豬潤，另加$6豬紅。豬雜粥加豬紅一定要落多胡椒粉，因為我個人最愛食粥加胡椒粉，又香又好味， 可吊味粥唔會咁淡。豬紅實掘掘，唔太軟綿綿，有點懷疑是雞紅，我食過最好食既豬紅係軟綿綿入口有即溶既感覺，所以唔加仲好，$6都幾多既。瘦肉份量都好多，嫩滑，好香醃味，肉味濃厚。豬粉腸個人最愛豬粉腸又爽又腍， 使得好乾淨完全唔會有異物。豬潤有點過腍應該用鬆肉粉醃製過， 腍得有點不正常， 還是喜歡吃新鮮的豬潤。評分：8/10

我是個好愛吃生滾粥的人，這次又山長水遠來到元朗……其實已經吃過幾次發記，這次碰巧又病，病人吃粥是常識吧？哈哈聽聞發記雞粥和豬潤出名，但幾次都沒有點，這次點了「皮蛋碎牛」，粥來到還很滾熱辣辣！而且不是一碗，而是一個煲！價錢只是十幾二十蚊！生滾粥好吃，夠熱夠綿，吃到底也不會變水。而其他小食則一般般，叉燒腸可以不點，皮厚料不足，但價錢平打平手喇！肉片炒河也可以，淨粥吃不飽點個炒河加炸兩是個好選擇。位置在新B仔涼粉對面，價錢夠平，可以一試！

呢間朋友都唔寫的粥店,早知唔入去食,自己寫吧,我點了油條,豬潤粥,蔥花腸,蝦腸,油條好脆,好食。豬潤粥應該好食,因為自己唔鐘意食豬潤味,所以一般。蝦腸大大食蝦,爽口彈牙,蔥花腸最出色,多料又蝦米香蔥味,總括來說價錢平,同幾好食

掃街日的第五場，由超級熱愛吃粥的老公，帶大家吃他最愛的 發記腸粉粥品 的豬膶粥。大家吃到嘩嘩聲，不過我就沒有參與其中了...其實幫襯發記已經多年，特別是冬天，每個月都總有幾次跑去吃粥。沒錯它家的豬膶粥是非常出色，豬膶厚身、剛熟又無異味，鮮甜好吃，只是餵奶中的我不宜多吃啊...所以我近年都吃皮蛋瘦肉粥，這裡的皮蛋質素不錯，份量又夠多，每兜粥下了繼兩足隻，吃得非常滿足；再加上美味的油炸鬼，美味加倍。冬天胃口特別好，通常每人一兜粥，一客油炸鬼均分後，還會再點上一份炒河。這裡的炒河是即叫即炒，甚有鑊氣，加點辣醬十分惹味～天啊！寫到半夜開始餓了，又好想念發記的粥了... 

原本是去食甜品，但途經這家粥店，龍哥馬上衝去買一碗，結果大家又多點東西吃。到底買來什麼東西?原來是豬潤粥，豬潤好厚身，咬落爽脆，火候控制得好，而且絕無異味，很好吃，要「安哥」。下一站，真的是甜品了。

聽說這裏的粥品不差，我們便前來一試。要了招牌的豬潤粥 和雞粥一試，又真係幾好味喎。******************************今晚是打算掃街，吃完燒烤便來吃粥品。要了招牌的豬潤粥。材料十足，粥底也綿，味道不錯。這是雞粥。雞件也不少的，但味沒 豬潤粥香濃。

今日去元朗南生圍, 元朗咁多好野食, 當然要做資料搜集. 好耐無食過粥, 見呢間評價不錯, 所以就去試下.鋪頭唔算細, 但坐無虛席, 外面仲有好多人買外賣. 不過流量快, 好快就可以入坐. 可能今日天氣太好, 陽光好猛, 所以覺得鋪頭冷氣唔夠. 不過唔影響心情. 叫左一個碎牛粥, 一個豬潤粥 同鮮蝦腸粉.等左一陣就有得食, 佢個粥係鍋上, 感覺比第二度既粥大碗, 而且非常足料. 豬潤厚切同好多塊. 平常不吃豬潤的我, 試左半舊, 令我對豬潤改觀左 (可能我未食過好食既豬潤). 佢既豬潤好爽滑軟熟, 不是粉狀的質感. 粥底夠綿, 味道亦唔錯.我既碎牛粥的碎牛份量亦唔少, 爽滑得黎有牛味.腸粉既粉皮厚得黎夠滑, 蝦亦好大隻, $17 非常底食. 不過個腸粉豉油唔夠好味, 差左少少甜味.佢既定價唔貴, 而且足料好味, 有機會會再食

最近腸胃不太好，今晚跟baka放工後決定到久違的元朗清清淡淡吃粥。以前因為補習的關係，經常會到元朗再順道吃晚餐，有點懷念發記的粥品。平日晚上來到，食客不算多，我們點了皮蛋瘦肉粥。每次吃粥的上菜速度都極快，今次也不例外，粥很足料，有很多皮蛋，而且粥的質地綿綿，熱辣辣，好味！點了上次吃不到、很喜歡的牛俐蘇，應該是最後幾客，因為之後的食客再來店員說已經售罄了。我習慣牛俐蘇浸進粥裡再吃，可惜牛俐蘇口感太鬆軟，而且甜味略嫌不足。另外點了炸兩，腸粉太厚太軟腍，感覺很求其。蝦米腸很滑很厚，足料，不過一般。整體來說除了粥外，其他油器腸粉水準一般，但還是喜歡這種街坊粥店，等冬天再來吃綿綿粥吧。