發記腸粉粥品 (Closed)

入店叫左雞蛋腸粉同皮蛋瘦肉粥。粥就普普通通，但進食途中一直有小蟲蚊滋在旁飛黎飛去，碗粥食到最後發現有小蟲屍體，唔知係本身就係入面 定岩岩先飛入去🤢🤮。而碗雞蛋腸粉真係非常唔抵食，八條腸粉中，只有擺面嘅三條係有雞蛋，腸粉偏硬身，一D米香味都冇，凍身，見到剩餘果幾條雞蛋都冇嘅齋腸，我直程起身埋單走人。加上店員係度互相斥責，大聲喧鬧，無啦啦大叫一聲嚇一個疑似洗碗工嘅婆婆，食客都嚇親，真係好影響心情，非常尷尬又討厭。雖然負責接待嘅本地阿姨反而OK，但服務真係要比差評。根本唔可以話係 一分錢 一分貨。同價位同名嘅另一間位於熟食中心嘅腸粉粥店根本好味好多。可惜就黎有翻新工程。

屋企住喺火炭，所以有時週末都會去大埔食下野。屋企人鍾意食清淡D嘅嘢，所以有時會同佢地去食粥食腸粉。呢間發記對我地來講都好方便，因為喺廣福道落咗巴士或者小巴之後，過條馬路就到。係間舖唔太顯眼，第一次去可能要搵下。一般來講，禮拜六日中午時間都唔少人去嗰度食嘢，咁但都唔駛等好耐就會有位。我哋三個人通常嗌兩個粥，加一兩碟腸粉同埋炒河就夠飽啦。粥的話通常我哋會嗌粉腸肉片同埋豬潤滑牛粥。呢度啲粥係用瓦煲上，好熱好大兜，一個人好大機會係食唔晒，因為有其他野食。腸粉嘅話我哋一般都鍾意嗌蝦腸，或者有時會嗌蝦米腸或炸兩，想再食清淡啲會嗌齋腸加蔥。如果開胃嘅話我哋會嗌一碟炒河，但係今次食慾一般所以就冇嗌到啦。價錢方面都好抵，三個人食到飽晒都係$100多少少。食完可以喺附近行吓街買下餸，之後返屋企。

大埔比較少專做粥品嘅餐廳，我自己就好開心發現左呢間。已經唔係第一次幫襯，有時突然好想食粥，就會過黎買碗返去，再加小食。今次我叫左碗皮蛋瘦肉粥，屋企人點左魚片粥，另外點左炸兩。呢間店最大特色係好大碗，份量好夠，只係食粥已經好飽，唔洗擔心會唔夠飽。而且非常足料，我碗 皮蛋瘦肉粥加加可能有一個皮蛋咁多。今次因為外賣，炸兩凍咗冇咁好食， 同埋有啲乾，都係腸粉好味d。Ps我覺得堂食用煲仔上，好有特色，感覺都大碗d!

I was looking for supper at taipo after seeing friends and interestingly, there were a short queue outside this restaurant at 9ish. Then I give it a try as I thought at worst, it only costs me less than $100, but it was a surprise. Congee was very good and the best part was it is hot (don't understand why some restaurants serve cool congee). Rice rolls were good esp the fish rice roll. Tasty, nice service and good value. Thumbs up to this one

發記呢間粥鋪其實已經食過好多次呢間粥鋪既粥同腸粉係我覺得最好食既其中之一雖然價錢未算非常之平但絕對吾貴而且質素非常好👍🏻每日碗粥都係生滾出黎而且粥料非常新鮮今次就叫左新鮮鯇魚片粥🥣鯇魚片真係好新鮮🐟絕對吾係雪藏既龍脷柳鯇魚肉質夠哂嫩滑而且粥底都好足料仲食到一粒粒既米🍚吾會淨係得水而且粥入面放左好多薑絲令成個粥食落更加有味另外仲有非試不可既腸粉呢到既腸粉真心推薦比大家首先腸粉質地好嫩滑食落夠哂軟，但係又吾會太過爛就算記甘食一個齊腸粉都已經好好食今次叫左差燒腸差燒份量好足料每一件腸粉既差燒都多到爆出黎如果吾想食粥呢到亦都有飯可以食我都層經食過梅菜蒸鯇魚飯價錢平之餘又大大碟不過味道只屬中等黎呢到的話都係食粥同腸粉好啲

冬天當然要食暖笠笠既食物。琴晚就揀左食粥做晚餐。兩個人食，一人一個粥，加多碟鮮蝦腸。大埔墟既發記座位無太和咁多，比較擠迫。發記既粥好大碗，成個煲咁上，一般我都差少少先食得晒。今次食碎牛粥，牛肉既份量足夠，每啖都食得到牛肉。鮮蝦腸味道正常，清淡，較厚身，每舊都有蝦仁。兩人晚餐只需要76蚊，平！

今日天氣寒冷，決定食碗粥暖暖身。呢間粥店已經試過幾次，雖然店內環境有點擠迫，但附近粥店不多，而且呢間粥店嘅腸粉幾好食，所以每次嚟到都必點。作品選擇多，價錢算是中較為吧，勝在夠大碗和料多。我揀咗咸瘦肉粥$27 ，瘦肉切成一條條，份量幾多，個人認為如果瘦肉咸d更好吃。粥底幾棉滑，加上青蔥非常香。我每次都會點香蔥蝦米腸$17 ，因為鍾意蔥又多又香又脆嫩，加上大量嘅蝦米，口感十足。而且腸粉新鮮又滑，我估應該係即叫即做嘅。而且我好欣賞腸粉豉油嘅調味甜甜的同腸粉幾搭配。

不知為什麼，就是喜歡吃炒米粉，但不要上了色的炒米粉，白雪雪的就最合我意。曾經大型連鎖店的早餐是有這種炒米粉的。不知何時開始比較少見，什至是上了色的。覆診完，午飯時間，剛好經過這裡，有炒米粉，二話不說，便進去試試。人不多，但職員也不多，像是家庭式經營。點了炒米粉，以及叉燒腸粉。不久，炒米粉來了，是我想的，望落也不太多油，只是$19有點偏貴呢。果然，味道比較清淡槳口果放多一點點鹽會比較好，再加些紅蘿蔔絲，賣相更加好呢。雖然$19，但份量還可以呢，但不知道是否即炒，因為就不太熱呢。另外，等了10多分鐘，腸粉終於來了，腸粉皮是比較薄身，不錯的，但未至於好滑。這次選了叉燒，但叉燒有點不新鮮的味，影響了整碟腸粉的味道呢。叉燒腸$19，這個價錢相對炒米粉來說合理一些。

本身今日想晚餐前食d小食，好似燒賣咁。行去超級城之際唸起不如同樣價錢食個腸粉仲飽肚。呢間「發記」第一次去，入到去叫左個叉燒鮮蝦腸$23腸粉每件都切到好大件，好厚身！入面叉燒既份量都好多，每舊都都一隻鮮蝦，都好夠彈牙以呢個價錢真心抵食！

是因為小食店都是靠口碑嗎？怎可能只有一個食評？這間粥麵店真係超推介，望著開店，越來越多人，但品質一點都沒有下滑！！厲害！這不是值得推介嗎？ 這間粥麵店是在多間店中間，唔清楚的人都必需要多找一下！隱世的，就是這個意思吧~~但當你到訪後，會大開眼界！ 粥來了~~好大碗，用傳統砂煲，非常滿，滿到一個點~~明顯是生滚粥，食完全身熱熱的！新鮮蠔仔粥~~隻隻蠔都大大粒，有廣島蠔的味道！ 令個粥都好香好濃海水味，好正！ 而我當日帶著病，所以點了一個皮蛋瘦肉粥。皮蛋大大件~~瘦肉不是一般平常見到的肉碎，而是一片片！ 好香，好夠味！加上香蔥更覺好味~~ 來這店，必吃這個！香蔥蝦米腸，如果不是有帶，我必吃炸兩！下次再吃！香蔥蝦米腸好像蔥和蝦米都不用錢的~~正綜香蔥蝦米腸！腸粉是布拉的~~非常滑溜！ 好好味！！ 另外再點了一個叉燒腸。 叉燒又是大大件！ 這間是我推介大埔區必去的粥品店！比其他有很多食評很多like的還要好！性價比還要高！

入到黎大埔接爸媽收工 正打算帶佢地去出名嘅粥店食晚餐點知佢地一聽到我話食粥就帶左我入黎一坐低 個伙記認得我媽媽就話上次你想食油炸鬼 但賣晒而家有喇 岩岩炸起呀！結果 叫左份炸兩 淨落豉油原來 新鮮嘅炸兩係咁好食真係外軟內脆 口感好正之後嗌左碟炒銀針粉$18呢個就比較油膩 之後唔小得緊係粥喇！兩碗三人食 鮮牛粥 同 魚鮫粥用砂煲裝住嘅粥 又綿又滿瀉鮮牛肉🐂份量又多 抵食好味🐟魚鮫粥$27除左魚鮫之外 亦有其他部位唔算多骨 魚粥鮮甜食到最後先發現 e..無薑嘅？魚粥可以唔落薑 想像到新鮮程度唔洗一百蚊 食飽飽