番茄18 (SAVANNAH Place)

Open Now

Now Closed

隨著將軍澳不斷有新樓落成，食肆亦愈來愈多。今次行經將軍澳海旁，見到一間新開餐廳裝修好特別，餐廳內有多間「店舖」，連麻雀館都有，好似去左一條街內，好有懷舊feel。餐牌上的湯麵餐吸引了我既眼球，有蕃茄亦有麻辣，餸菜選擇亦不少。點左兩個餐，叫得蕃茄18，當然要試蕃茄湯底。蕃茄湯濃郁，而且有蕃茄粒粒。湯面的牛乳炒蛋亦好滑，個人認為炒蛋如果落少啲鹽更能突顯牛乳味。套餐包一個主食，點了吉列魚柳扒。魚柳剛剛炸起，又熱又脆，而且都幾大塊，好好味。另外點了麻辣湯米線。配上花生粒，唔會太辣，值得一試。配料都有幾多選擇，有墨魚頭都幾特別。加$20就食到兩隻瑞士雞全翼，價錢非常合理。瑞士汁都幾多！另外可半價點飲品，點特飲就最化算啦。天氣咁熱，飲完好舒服！

這一邊開多咗好多港味茶餐廳🤣好開心！一去到都幾多人lunch hour去坐滿哂人！佢個裝修好有old Hong Kong嘅味道，行懷舊風！都忍唔住影多幾張相😎啲侍應好友善，會介紹佢哋餐廳有咩好食同有咩係多人叫嘅😍我哋跟住佢推介嘅佢叫🤣蕃茄濃湯炒蛋米線配瑞士汁雞髀 $55超抵食！！！個濃湯同外面嘅蕃茄湯有飲得出嘅分別🤣有茄蓉係入面！米線相對都偏硬有咬口，我十分之欣賞！我超吾鐘意啲米線係一pat，好難食！這茶記做得好好！另外炒蛋亦都係要讚🤩有牛乳味㗎個炒蛋，配湯同米線食！一流！！雞髀超大隻，同好入味😎推薦！綠椰冰$10跟餐叫，加10蚊🤣店員話好多人叫，於是試吓！椰味吾算好濃，但超多綠豆蓉，好特別！胡椒豬肚雞湯泡飯 $58超大碗！性價比高😎好多配料，有支竹，椰菜，酸菜，個湯好重胡椒味！好正！重口味之選😎雞同豬肚都好多，一個女仔基本上食吾哂🤣又湯又飯，超飽！丁丁蛋治 $28一開頭以為係一丁蛋治😅原來係肉丁蛋治！好好食！！我估都係因為佢嘅蛋好好食😎好厚同好新鮮，上到枱，食完米線仲係熱辣辣！我覺得性價比高這間餐廳！！tko有好野食又平嘅揀😎yeah!

同朋友嚟到Savannah地舖食晏，估唔到舖頭細細都幾多人，卡位有唔少霓虹燈牌好靚，好似返咗老香港，好有特色話明餐廳主打番茄，點可以唔試下佢嘅番茄濃湯我哋叫咗個特色番茄濃湯通粉，本身已經配埋牛乳炒蛋，追加埋豬潤，好豐富湯底好濃郁帶甜，味道真材實料，唔係罐頭湯，炒蛋好滑嫩，豬潤爽滑彈牙套餐嘢飲叫咗凍華田，都幾大杯，但係個餐竟然仲有嘢！兩大隻瑞士雞翼連瑞士汁好吸引，見到都流哂口水雞全翼雖然食起上嚟冇咁方便，但係瑞士汁真係好入味，就算食到冇哂儀態都要食光滑濃郁嘅雞皮包住雪白嘅雞肉，食落冇雪藏味又夠滑嫩胡椒豬肚雞湯本身係配米線嘅，我哋轉咗飯超級大嘅一碗入面有好多配料：豬肚，滑雞件，酸菜，娃娃菜，枝竹豬肚好乾淨厚身，肉質彈牙，確係平民美食雞湯味道香濃，不過可能太熱，啲飯係入面泡到太淋整體味道唔錯，食食吓仲發現咗粒蓮子添綠椰冰呢款飲品好特別，好似紅豆冰咁，但係用咗去皮綠豆代替近排天氣咁熱，用呢杯嚟消消暑就最啱啦！

相信住將軍澳既朋友都知澳南個邊無乜餐廳近排有間新店幾有人氣過哂lunchhour都人頭湧湧 一於去試下先就咁睇鋪名以為無專食蕃茄食品既鋪細看餐牌先知道原來仲有好多選擇最驚喜竟然有米線食 仲有幾款湯底由於好少響冰室食到雞湯米線既我膽粗粗叫左黎試下等左大概10分鐘就到啦唔好講笑 碗米線超大碗 食材份量都唔少細數之下有4-5舊花膠 同一隻大雞腿🍗份量都算同價錢相稱花膠都算滑腍 煮完亦無散開 仍可夾起一大但顏色偏白 應該浸泡時間偏長湯底雞味突出 無乜油雞髀可能係一齊熬煮 所以肉質較鬆散 但夠哂入味餐飲試左特飲紅綠椰冰紅豆大粒飽滿 呈沙狀加上綠豆打成蓉 口感似食緊沙冰但冰粒係四方大粒冰 會較難不啲豆上來食建議大家可叫少冰

食厭咗屋企附近的連鎖餐廳， 今日行遠啲去了將軍澳南嗰邊 Savannah Place, 有間新開嘅茶餐廳， 裝修好有心思，有懷舊老香港街舖feel～主打食物喺門口已經 大大隻字標榜， 《番茄和瑞士汁》蕃茄濃湯通粉茄蓉般濃郁嘅蕃茄湯底， 酸酸甜甜得来有層次， 絕對有睇頭唔係茄汁湯底～ 选了豬潤，鲜牛肉，大腸和餃子， 本身有炒滑蛋， 超級豐富！ 不知道份量是否太大，用了超大湯碗！ 通粉也是傳統冇條纹的， 唔会煑得太淋～豬膶薄切， 囗感依然嫩滑， 豬大腸也是很有風味， 配合番茄濃湯感覺新鮮， 各配料份量十足， 二人分享也足夠！花膠鮮雞湯米線$69絕對真材實料， 花膠夠厚，足有四大塊。 雞湯清甜， 飲得出冇味精👍👍 米線煙煙靭靭 ！半隻雞極為足料， 雞肉 嫩滑鮮甜， 感覺絕對唔似一般茶餐廳出品。當然要試佢嘅 瑞士汁雞翼， 跟餐加$20雞翼唔会煮到太腍。 瑞士汁味道唔錯啱啱好， 唔會太鹹或太甜， 完全滲入到雞翼， 落手食超滋味～凍奶茶唔錯， 茶味夠 甜度適中不用少甜。👍咸檸七配 瑞士汁雞翼好爽～去茶餐廳梗要有塊多士至完美， 鮮油多士極為邪惡， 唔知點解覺得自己今日有quota。。 哈哈 鮮牛油

香港地雖然美食雲集，總有啲地區美食稀疏。除咗馬鞍山之外，要數美食沙漠地區，將軍澳非佢莫屬喇。搵嚟搵去都係得連鎖餐廳，不過大胃就搵到一間沙漠中嘅綠洲好多人踩完單車就喺門口等位，人龍現，大胃都唔執輸喇嗌番茄餐送咁大隻瑞士雞髀，抵玩喎好易切開，食落幾嫩口番茄湯底非常濃郁，炒蛋又夠滑叉燒竟然唔嚡口喎，驚喜奶茶有陣炭燒味，紅豆又夠腍呢個多士亦係驚喜之作，用威化餅碎做點綴，口感一流茶記米線好難好食，但佢碗米線唔糊，仲幾入味難怪咁多人去食啦，唔只係因為新開張，食物係關鍵

男朋友家附近新開了一間餐廳 — 番茄18這天在想下午吃什麼的時候兩個人都不約而同地想起這間餐廳於是決定一起去試一試餐廳裝修特別先看一看餐牌 價錢實惠有米線也有飯 迎合不同需要招牌胡椒豬肚雞湯泡飯招牌菜當然要試一試胡椒豬肚湯底辣辣的帶陣陣胡椒香豬肚和雞肉的份量也不少豬肚入口有咬感 雞肉肉質嫩滑配上酸菜、香菜腐竹等 好味道 難怪是招牌菜式鮮牛肉蕃茄濃湯米線大碗蕃茄湯 粒粒蕃茄多汁鮮甜米線略硬了一點 沾上蕃茄湯汁的味道 鮮牛肉新鮮爽口 味道不錯配上牛乳炒蛋 嫩滑柔軟另加了時菜 白菜 健康之選追加麻辣豬扒豬扒肉質軟綿 口感不錯配上麻辣汁和蒜蓉粒 好過癮凍檸樂可樂原罐上 加冰底檸檬配上可樂都 勁爽

新開張的餐廳，裝修非常有特色，以懷舊香港為主題。連「當鋪」，麻雀館都有，設計得很神似，誠意滿分。兩個人點了兩個套餐，我點了雙拼蕃茄湯通粉，再追加兩隻瑞士雞翼。墨魚頭是難得較少見的配料，質感爽脆彈牙。滑蛋火候剛剛好，仍然能保持嫩滑，帶牛油的香氣。午餐肉份量很多，絕對抵食，個人也很喜歡這款午餐肉的質感，口感不會太粉。兩隻瑞士雞全翼很飽滿，賣相吸引。瑞士汁不算甜，調味方面很合我的口味。雞翼夠入味，尤其雞皮沾上了香濃的瑞士汁最為惹味。朋友點了花膠雞湯米線，配凍朱古力。大大隻雞髀啖啖肉，雞湯底帶濃濃胡椒香氣，鮮味又惹味。花膠有厚度，吃下去滑嘟嘟的，又有咬口，質素不錯。兩杯飲品都很有茶餐廳風味，尤其凍檸茶茶底頗香濃，不會太甜。也試了一口朋友的凍朱，朋友說夠多奶，非常香滑。埋單約$150，這個價錢除了有兩個主菜，還有小食和飲品，吃得非常滿足，性價比很高。

距離地鐵站大約8分鐘路程，嚟到蕃茄18蕃茄18係似茶餐廳形式, 但佢哋嘅餐牌就比其他茶餐廳新潮，都幾多元化，感覺總有一樣合心意。佢哋店內裝修都好特別，有購香港情懷初時以為主打蕃茄，以為大部份菜式也是蕃茄，原來佢哋除了主打番茄湯通心粉之外，仲有好多唔同特別嘅選擇。佢叫得蕃茄18 ，的確佢哋嘅蕃茄湯底好濃郁。茄蓉比較甜，應該都幾啱女仔及小朋友口味。湯底配合埋通心粉好夾，加埋叉燒粒及炒蛋一齊食感覺唔錯另外配左瑞士汁雞髀，佢哋嘅瑞士汁好香甜，會好想加埋飯一齊食🤣 雞髀都好大隻！喜歡大啖肉嘅呢個應該好啱曬雞湯味道都唔錯，米線較彈牙而且掛湯，花膠都好林同埋吸左雞湯香味雞髀又係好大隻，成碗米線感覺都真材實料，唔鍾意味精嘅呢個米線就啱啦以上嘅餐配飲品，飲品都ok的總括嚟講呢間餐廳都唔錯，下次再試吓其他午餐

見附近開了新餐廳，是晚便買外賣回家吃。不過需要留意即使外賣自取也是沒有折扣的，晚餐亦沒有包飲品，要另加錢配。這是單點了一個藥膳雞湯米線。湯和米線分開裝，所以不會浸淋了米線。外賣碗較小，所以需要用自己的碗裝來吃。先飲一口湯，完全是淡而無味！有輕微的藥膳味，但完全沒有咸味，吃起來只覺淡、無味！非常失敗。雞的份量適中，肉質嫩滑，可是湯無味，也影響了雞，齊齊沒味道。寫此食評，希望店家注意食物出品，有所改進。差不多的價錢，會選擇其他米線店。

之前係荃灣食過呢間餐廳嘅姊妹店, 佢瑞士汁雞翼好好食, 今次太飽只係食個下午茶 開業幾日... 係新商場地下店員推薦麻辣雙色餃子🥟, 因為佢辣椒醬係自家製, 開頭都猶豫, 因為唔係好食得辣, 不過店員都幾推介, 又細心建議辣汁另上, 最後逐小加辣又ok喎, 有種食緊紅油抄手嘅感覺😂 餃子方面入口幾軟滑, 唔係xx碼頭啲hea野, 而黃色果隻餃入面仲好多粟米, 我諗配米線會好食啲🤔加埋杯凍檸茶 盛惠$33, 下午茶黎講算係咁, 款算多, 炸髀薯條食得多都厭, 可有下次