王子雞花膠雞湯米線

Open Now

Now Closed

米線紮根香港幾十年，由最初嘅過橋米線，酸辣米線，到而家嘅麻辣、酸菜魚、蕃茄湯、車仔麵都見到米線嘅足跡，而近年大熱就一定係養生藥膳雞湯米線。食過好多間雞湯米線都麻麻地，今次係同事極力推介，有驚喜喎！👍王子雞店位置隱蔽，靠近學校範圍，平日好易走漏眼。店內唔算大，20個座位左右，乾淨企理。如果平日午飯時間，就要提早啲嚟排隊喇。用QR code掃碼落單，可以慢慢睇清楚圖片，價錢，仲可以加配料，小食，飲品，非常方便。前後去咗兩次，分別試咗兩款招牌米線。姬松茸花膠雞湯米線（$78）一嚟就叫全場最貴嘅試吓😁。 雞湯 好濃（淡黃色），有花膠，姬松茸，蟲草花，木耳，杞子，味道非常濃郁。雞件有6-7嚿，份量足。湯頭鹹淡適中，零味精，飲完唔會口渴。我第一次飲湯飲到見碗底。飲完覺得全身都好補咁。💪😁沙薑雞+雞湯米線（$50）沙薑雞係同米線分開上嘅。一份沙薑雞（例）有1/4隻左右，份量好足，肉質嫰滑，但味道個人覺得偏鹹，如果配白飯就啱啱好。配米線嘅話，可以浸落啲湯度去減啲鹹，但就污染咗啖湯喇！米線方面 - 湯底都係雞湯底（奶黃色），但當然冇花膠湯底咁濃郁啦！口感比坊間嘅彈牙，唔鐘意食米線嘅話，可以改烏冬，菜底（

一向都好鍾意飲雞湯同食花膠。經過葵芳見到呢間花膠雞湯米線，入去試吓，點知好有驚喜。個花膠雞湯底非常之濃郁，雞肉嫩滑，花膠又厚又大隻。我忍唔住飲埋啲湯，飲完都唔會口渴喎！果然真材實料👍👍👍 ！我要咗菜底，菜嘅份量都好多！試埋個豬扒，好鬆化好好食。朋友要咗米線，份量都好多，軟硬適中。麻辣拍青瓜都好好食，夠爽脆，辣度剛剛好。一定會再嚟！依個價錢真係性價比好高！👍👍👍下次我要試埋黃酒雞湯同埋胡椒雞，見到隔離好多人食，相信都唔錯。

今天試咗黃酒藥膳雞米線湯底：入面有好多北芪，當歸，黨參等藥材，湯底滿滿香濃黃酒同藥膳味，明顯飲得出真係無添加味精，飲曬都唔會確口！雞肉：超級嫩滑雞件，一d都唔鞋呀！再多d仲好😍米線：質地彈牙，不淋身，十分爽口，在濃郁滑底的配襯下，一啖接一啖如果想黃酒味濃郁只需+$5，今次就無加，等冬天再加。朋友就試左生滾花膠雞湯，一樣有超嫩滑雞件，亦有煙韌花膠，都係好足料，無味精。再加左小食麻辣雲耳同炸雞翼，泡椒無骨鳳爪。超中意酸酸辣辣嘅味道，好開胃，好食！今晚食左滿滿的一碗，超滿足！

米線舖開到周圍都係，大部份都以麻酸辣而自居，但係喺葵芳居然有一間主打花膠雞湯米線為賣點嘅，一定要試吓先！今次外賣咗兩碗，其中一碗係姫松茸花膠雞湯轉烏冬，另一碗係普通花膠雞湯米線，兩碗都另加錢要多條花膠價格偏貴，但餸多同湯頭濃，如果無額外加花膠，應該本身都有兩條花膠，而雞件都有5件左右，所以絕對係對得住呢個價錢。會唔會回頭？一定會，因為啖湯真係幾好味，飲完會真係感覺到好厚嘅膠質掛口，同埋無口渴感覺。

去開葵廣，見到食評介紹呢間小店米線，星期六晚8點都full😱兩位要等陣先有位，叫左黃酒雞同口水雞米線，加左花膠同兩個小食，野飲唔好汽水，揀左黑豆漿D湯好入味，跟食評飲晒啲湯都唔會口渴，平時少湯水，當湯飲都幾正雞件多同入味，豬扒好香，口水雞入味但唔會好辣👍👍埋單百幾蚊，去開葵芳，可以encore😆

我本人都唔係咁中意食米線朋友推介的關係第一次堂食餐廳雖然細細地但環境潔淨衛生服務員好Nice，有笑容。叫左個口水雞花膠米線口水雞好正😍雞好嫩滑，汁好絕我宣布：呢間口水雞係我食過最好味的口水雞📣成個花膠米線真材實料，米線份量多，花膠又係成條完整既，口感軟糯，米線湯底好鮮，好好味😋食唔哂，超飽。 呢度真係令我愛上米線店員見我食到漏口會比紙巾我，服務好貼心，整個用餐體驗滿分！重點係價錢抵及食物的質素高，超高的性價比

今日收工本來諗緊食d咩好，咁蹺經過見到有間新店，未同d同事膽粗粗入去試下，入去間店見到地方有d細，座位不是太多，座位之間不是太寬敞，裝修光猛簡潔，店舖內感覺衛生乾淨，見到餐牌推介黃酒藥膳及生滾花膠雞，本身我不好有酒味的食品，所以我就試吓個生滾花膠雞，食物不是要等好耐，好快就有得食，黎到時味道好香，我第一時間食個花膠先，竟然意想不到有驚喜！個人覺得花膠口感順滑，完全沒有腥味。湯底味道含膠原感覺，重點仲要係好好飲。

最近有葵芳好友報料❣️新開左一間叫「王子雞」嘅米線鋪，招牌花膠雞湯米線足料又抵食，愛吃雞的我當然要去試吓( • ̀ω•́ )✧/相機食先嘅時候已經聞到陣陣熟悉的味道，似日本拉麵的雞白湯香氣😍入口濃郁香甜，不過質感未算是濃稠而漿口的那種，較似家常的味道.ᐟ.ᐟ🌟姬松茸花膠雞米線(蟲草花、姬松茸) $78雞件肉質嫩滑，稍有調味的同時也吃得出雞本身的味道；雞皮軟Q，美中不足就是隻雞本身比較瘦，所以骨多肉少，未夠滿足(*/ω＼*)兩件花膠不算小，廢胃的我會希望佢再煮得腍少少🤏🏻米線的口感非常出色，幼滑❗️煙靭❗️彈牙❗️麵質似長沙灣好出名嘅雲南風味小鍋米線，令人眼前一亮ჱ̒⸝⸝•̀֊•́⸝⸝)/配料還有大量鮮香的姬松茸、蟲草花、雲耳，和兩塊充滿豆香的腐竹，感覺養生，讓我按捺不住飲晒啲湯，好喜歡🤎呢個價錢嚟講物超所值，誠意推介🫶🏻🌟麻辣雲耳仔 $18雲耳好夠酸，微辣的好開胃/食完已經覺得好好味，葵芳對我嚟講唔算遠，會想特登再黎食🥺不過店舖較細，要有心理準備坐得逼少少，繁忙時段二人同行面壁思過好似會好過坐四人枱，如果唔係坐出面/入面出入都唔太方便🙈

最近葵芳開咗一間雞湯米線，今日專登同老公嚟朝聖我哋點咗兩碗炸豬扒米粉，沙薑雞例牌。炸豬扒熱辣辣，新鮮，厚實，沒有多餘粉漿，並非一般炸豬扒👍湯底有不同選擇，都係雞湯為主，我選擇了簡單清雞湯，味道清香雞味，但米粉一般沒有特別。例牌沙薑雞，肉質嫩滑，砂礓雞醬味道適中，就咁食都唔會太鹹。這間小店都好有驚喜，價錢唔貴。值得一試。

一行三人行完葵涌廣場就去搵嘢食😙見到一間新開叫「王子雞」主打花膠蟲草花雞湯🍲我最鍾意就係飲花膠湯😍於是就入去試吓🧐一坐低店員會比QR code我哋落單🤓我哋叫咗兩碗花膠蟲草花雞湯米線🍜仔仔就叫蕃茄湯滑雞米線🍜第一啖先飲個湯….真係好濃郁好鮮甜👍🏻之後食啖雞😻好滑👍🏻好嫩👍🏻再試啖仔仔嘅蕃茄湯都好鮮甜👍🏻$68就可以食到咁好味嘅花膠雞😋性價比高👍🏻下次經過葵芳一定會再嚟食🫶🏼我見佢餐牌仲有其他唔同口味嘅雞😸我都想下次試吓🤩

絕非打手，但真係唔好講笑，個花膠湯飲完係唔口渴，已經值得一讚，豬扒又香又脆，不得了❤️行過一定幫襯，淨係食咗個青瓜已經同出邊唔同食得出好好食，又養生又好食，下次再試其他小食

今日下午茶，我同老公去咗屋企附近新開的米線舖，真係估唔到會有咁大驚喜！我哋首先試咗佢哋的姬松茸花膠雞米線，米線口感煙韌，咬落去有彈性，真係好好味。湯底非常鮮甜，忍唔住飲晒成碗湯，飲完之後居然冇口乾，睇黎應該冇落科技與狠活😂而且D雞肉相當嫩滑我哋仲試咗胡椒鮮菌肥牛米線，味道同樣出色。湯底好香，胡椒味濃郁，食到停唔到口，肥牛片質地柔軟，搭配新鮮的鮮菌，味道都相當驚喜。這間小店雖然地方唔大，但勝在乾淨企理，見到佢哋的餐具同環境都好乾淨，令到有少少潔癖嘅我都放心食。而價錢亦相當親民，估唔到甘既價錢，仲有大大隻花膠食😍！今次兩碗米線的味道都令我哋非常滿意，見到佢哋的小食都好吸引，唔知會唔會同米線一樣出色呢🤤已經plan好要去試埋佢其他米線

經過見到新店開張🎉走去試吓先🤭生滾花膠雞湯米線（$68）👉🏻好大碗、好多湯，花膠有三塊，每塊都幾大，仲有好多滑雞件、蟲草花、雲耳、腐皮和杞子，雞湯味濃郁，雞件非常嫩滑，米線煮得彈牙唔會過淋😋飲完個湯即刻感覺到喉嚨非常舒服，仲覺得皮膚Q彈咗😅王子豬扒真係好大塊，大過手掌，而且都好厚，乾乍起，非常熱辣辣酥脆👍🏻蒜拍青瓜，帶有少少麻辣，青瓜清脆爽口，熱天食最啱👍🏻胡麻雞絲粉皮份量很大碟，好多雞絲，這個涼拌菜都很好味😋🍀店舖面積不大🍀衛生程度很好🍀店員有禮熱情👍🏻性價比高，價錢親民#米線 #藥膳

叫咗個招牌生滾花膠雞米線，連飲品$79，好抵食！另外叫咗炸雞翼($24)皮脆、肉滑，夠味、微辣，唔會覺得咸～下次黎會試其他款式食物。可能係新開，環境整潔，坐近門口可以睇到天空。店員親切，會再黎！

葵芳新開左間花膠雞米線，朋友即刻帶我黎試下🍽，用QR CODE落單, 我就要左姬松茸花賿雞米線, 朋友就要黃酒藥膳雞米線#💖姬松茸花賿雞米線($78)🐔金黃色湯底有蟲草花/杞子/木耳, 濃郁不會油膩, 好好飲, 碗米線既湯俾得好多, 飲左大半碗🌟. 花膠爽滑無腥味, 如果想加花膠都只係加$10多一件🌞. 雞件嫩滑, 米線煮得好彈牙, 食到最尾都唔會變得淋.#🧡黃酒藥膳雞米線($55)🍻侍應一放上枱, 嗰酒味不得了, 勁香, 可能因為加左酒既關係, 呢碗既湯會比較甜, 唔會有酒既苦澀味. ❤️‍🔥鐘意酒香既我下次食可能會加$5加多一次黃酒, 滋補暖身~~#💜胡麻雞絲粉皮($38): ☀️夏天食呢嗰前菜涼涼地好開胃#💖秘制炸雞翼($24三隻): ✨️炸得皮脆肉嫩, 因為剛炸起好熱, 放左一陣先食, 嗰皮仍保持好脆但入面JUICY😋。#💚口水雞例牌($45):  ❤️‍🔥麻辣醬好惹味,唔會好辣,雞件無雪味, 雞皮真係好滑, 怕肥都忍唔住食埋.  📢支持小店，下次都會再幫襯，另外侍應好有禮貌, 值得一讚~~