王子雞花膠雞湯米線

Open Now

Now Closed

今日收工本來諗緊食d咩好，咁蹺經過見到有間新店，未同d同事膽粗粗入去試下，入去間店見到地方有d細，座位不是太多，座位之間不是太寬敞，裝修光猛簡潔，店舖內感覺衛生乾淨，見到餐牌推介黃酒藥膳及生滾花膠雞，本身我不好有酒味的食品，所以我就試吓個生滾花膠雞，食物不是要等好耐，好快就有得食，黎到時味道好香，我第一時間食個花膠先，竟然意想不到有驚喜！個人覺得花膠口感順滑，完全沒有腥味。湯底味道含膠原感覺，重點仲要係好好飲。

最近有葵芳好友報料❣️新開左一間叫「王子雞」嘅米線鋪，招牌花膠雞湯米線足料又抵食，愛吃雞的我當然要去試吓( • ̀ω•́ )✧/相機食先嘅時候已經聞到陣陣熟悉的味道，似日本拉麵的雞白湯香氣😍入口濃郁香甜，不過質感未算是濃稠而漿口的那種，較似家常的味道.ᐟ.ᐟ🌟姬松茸花膠雞米線(蟲草花、姬松茸) $78雞件肉質嫩滑，稍有調味的同時也吃得出雞本身的味道；雞皮軟Q，美中不足就是隻雞本身比較瘦，所以骨多肉少，未夠滿足(*/ω＼*)兩件花膠不算小，廢胃的我會希望佢再煮得腍少少🤏🏻米線的口感非常出色，幼滑❗️煙靭❗️彈牙❗️麵質似長沙灣好出名嘅雲南風味小鍋米線，令人眼前一亮ჱ̒⸝⸝•̀֊•́⸝⸝)/配料還有大量鮮香的姬松茸、蟲草花、雲耳，和兩塊充滿豆香的腐竹，感覺養生，讓我按捺不住飲晒啲湯，好喜歡🤎呢個價錢嚟講物超所值，誠意推介🫶🏻🌟麻辣雲耳仔 $18雲耳好夠酸，微辣的好開胃/食完已經覺得好好味，葵芳對我嚟講唔算遠，會想特登再黎食🥺不過店舖較細，要有心理準備坐得逼少少，繁忙時段二人同行面壁思過好似會好過坐四人枱，如果唔係坐出面/入面出入都唔太方便🙈

最近葵芳開咗一間雞湯米線，今日專登同老公嚟朝聖我哋點咗兩碗炸豬扒米粉，沙薑雞例牌。炸豬扒熱辣辣，新鮮，厚實，沒有多餘粉漿，並非一般炸豬扒👍湯底有不同選擇，都係雞湯為主，我選擇了簡單清雞湯，味道清香雞味，但米粉一般沒有特別。例牌沙薑雞，肉質嫩滑，砂礓雞醬味道適中，就咁食都唔會太鹹。這間小店都好有驚喜，價錢唔貴。值得一試。

一行三人行完葵涌廣場就去搵嘢食😙見到一間新開叫「王子雞」主打花膠蟲草花雞湯🍲我最鍾意就係飲花膠湯😍於是就入去試吓🧐一坐低店員會比QR code我哋落單🤓我哋叫咗兩碗花膠蟲草花雞湯米線🍜仔仔就叫蕃茄湯滑雞米線🍜第一啖先飲個湯….真係好濃郁好鮮甜👍🏻之後食啖雞😻好滑👍🏻好嫩👍🏻再試啖仔仔嘅蕃茄湯都好鮮甜👍🏻$68就可以食到咁好味嘅花膠雞😋性價比高👍🏻下次經過葵芳一定會再嚟食🫶🏼我見佢餐牌仲有其他唔同口味嘅雞😸我都想下次試吓🤩

絕非打手，但真係唔好講笑，個花膠湯飲完係唔口渴，已經值得一讚，豬扒又香又脆，不得了❤️行過一定幫襯，淨係食咗個青瓜已經同出邊唔同食得出好好食，又養生又好食，下次再試其他小食

今日下午茶，我同老公去咗屋企附近新開的米線舖，真係估唔到會有咁大驚喜！我哋首先試咗佢哋的姬松茸花膠雞米線，米線口感煙韌，咬落去有彈性，真係好好味。湯底非常鮮甜，忍唔住飲晒成碗湯，飲完之後居然冇口乾，睇黎應該冇落科技與狠活😂而且D雞肉相當嫩滑我哋仲試咗胡椒鮮菌肥牛米線，味道同樣出色。湯底好香，胡椒味濃郁，食到停唔到口，肥牛片質地柔軟，搭配新鮮的鮮菌，味道都相當驚喜。這間小店雖然地方唔大，但勝在乾淨企理，見到佢哋的餐具同環境都好乾淨，令到有少少潔癖嘅我都放心食。而價錢亦相當親民，估唔到甘既價錢，仲有大大隻花膠食😍！今次兩碗米線的味道都令我哋非常滿意，見到佢哋的小食都好吸引，唔知會唔會同米線一樣出色呢🤤已經plan好要去試埋佢其他米線

經過見到新店開張🎉走去試吓先🤭生滾花膠雞湯米線（$68）👉🏻好大碗、好多湯，花膠有三塊，每塊都幾大，仲有好多滑雞件、蟲草花、雲耳、腐皮和杞子，雞湯味濃郁，雞件非常嫩滑，米線煮得彈牙唔會過淋😋飲完個湯即刻感覺到喉嚨非常舒服，仲覺得皮膚Q彈咗😅王子豬扒真係好大塊，大過手掌，而且都好厚，乾乍起，非常熱辣辣酥脆👍🏻蒜拍青瓜，帶有少少麻辣，青瓜清脆爽口，熱天食最啱👍🏻胡麻雞絲粉皮份量很大碟，好多雞絲，這個涼拌菜都很好味😋🍀店舖面積不大🍀衛生程度很好🍀店員有禮熱情👍🏻性價比高，價錢親民#米線 #藥膳

叫咗個招牌生滾花膠雞米線，連飲品$79，好抵食！另外叫咗炸雞翼($24)皮脆、肉滑，夠味、微辣，唔會覺得咸～下次黎會試其他款式食物。可能係新開，環境整潔，坐近門口可以睇到天空。店員親切，會再黎！

葵芳新開左間花膠雞米線，朋友即刻帶我黎試下🍽，用QR CODE落單, 我就要左姬松茸花賿雞米線, 朋友就要黃酒藥膳雞米線#💖姬松茸花賿雞米線($78)🐔金黃色湯底有蟲草花/杞子/木耳, 濃郁不會油膩, 好好飲, 碗米線既湯俾得好多, 飲左大半碗🌟. 花膠爽滑無腥味, 如果想加花膠都只係加$10多一件🌞. 雞件嫩滑, 米線煮得好彈牙, 食到最尾都唔會變得淋.#🧡黃酒藥膳雞米線($55)🍻侍應一放上枱, 嗰酒味不得了, 勁香, 可能因為加左酒既關係, 呢碗既湯會比較甜, 唔會有酒既苦澀味. ❤️‍🔥鐘意酒香既我下次食可能會加$5加多一次黃酒, 滋補暖身~~#💜胡麻雞絲粉皮($38): ☀️夏天食呢嗰前菜涼涼地好開胃#💖秘制炸雞翼($24三隻): ✨️炸得皮脆肉嫩, 因為剛炸起好熱, 放左一陣先食, 嗰皮仍保持好脆但入面JUICY😋。#💚口水雞例牌($45):  ❤️‍🔥麻辣醬好惹味,唔會好辣,雞件無雪味, 雞皮真係好滑, 怕肥都忍唔住食埋.  📢支持小店，下次都會再幫襯，另外侍應好有禮貌, 值得一讚~~

呢排花膠雞米線大熱周圍都有一間見到葵芳新開左一間趁晚餐時段落去試吓佢先分別叫咗姬松茸花膠雞米線，黃酒藥膳雞米線同埋一份炸豬扒姬松茸花膠雞米線好濃烈既雞湯味，花膠有2塊米線覺得同平時既唔同，感覺幼d彈牙d黃酒藥膳雞米線酒香濃郁，雞肉滑身仲啖啖有黃酒藥膳味略嫌配料太過單調，可能有啲芽菜或菜咬下會更加好王子炸豬扒豬扒即炸，外脆內嫩無多餘既粉漿，食塊豬扒，飲啖雞湯！成件事正😋價格合理，係可以二刷既雞湯米線😋

真係幾好食喎，湯底好甜好重藥材味，湯底唔漏，豬扒同雞翼炸得好好放咗好耐都係脆嘅，價錢唔貴，可以再嚟。👍👍👍👍👍👍👍👍唯一不足係唔夠冷氣同埋座位太細

屋企附近，新開了花膠雞米線，聽度自己最鐘意的花膠和雞，覺得要入去試一試，始終，有新鮮感。花膠和雞是best match!我叫左姬松茸花膠雞米線(78蚊），姬松茸好香，花膠有3隻，都ok大隻，而且，加10蚊雞@仲可以加一隻花膠。我少少貪心，加多2隻花膠，總共5隻花膠，即98蚊，覺得自己可以豪一次食碗米線。雞湯味好濃，一點都唔油，而且，雞好嫩和好滑，仲有少少蟲草花，真是perfect match。真是價性比高的米線。另，叫左例牌沙薑雞（45蚊），沙薑味都好濃，一點都唔鞋，太約有1／4隻雞，都算抵食。朋友叫左蕃茄肥牛濃湯米線（58蚊），原來都幾多蕃茄，蕃茄湯好香，唔咸，牛肉都ok多，算淋。我試左少少這個蕃茄肥牛米線，都幾好，但我自己比較鐘意花膠雞多d。今晚，食左好多花膠和雞，真是大滿足。 Yummy！下次再encore，這間小店值得再來，正！

最近我去了位於葵芳的「王子雞」，品嚐了他們的黃酒藥膳雞，真是令人驚喜！這道菜的味道非常濃郁，湯底的黃酒香氣撲鼻，配合雞肉的鮮嫩，讓人一口接一口，停不下來。雞肉煮得恰到好處，滑嫩多汁，搭配上細緻的米線，簡直是完美無瑕的組合。餐廳的環境也十分舒適，裝潢簡約而不失溫馨，讓人感到放鬆。服務態度親切，讓人有賓至如歸的感覺。菜單上還有多款創意小菜和飲品，讓我下次再來時有更多選擇。總的來說，「王子雞」是一個值得推薦的地方，不僅僅是因為美味的食物，還有提供一個非常愉快的用餐體驗。我絕對會介紹更多朋友來分享呢個美食❤️

今日去左呢食新餐廳同家人食晚餐。好有驚喜，鷄絲粉皮，晶瑩剔透。蕃茄牛肉米線好足料，湯底夠多又好味道。例牌沙薑鷄，好嫩滑。試業期間仲有汽水送，性價比高，絕對值得推介。

喺街度四圍搵嘢食，無意中見到呢間新開嘅「王子雞」✨最近好興雞湯米線，就抱住試吓嘅心態入去，點知有驚喜，仲係試業期間送汽水🧃，感覺幾抵！🍲生滾花膠雞蟲草花米線 $68一上枱已經見到湯色濃郁，睇得出係真材實料👏雞皮香脆冇油膩感，雞肉嫩滑唔鞋；花膠都算大大片，啖啖膠質感覺幾補💪同蟲草花一齊煲出嚟嘅湯底好香，只係略嫌鹹咗少少，如果味道可以再清啲會更易入口。米線就超級加分！煙靭彈牙，完全唔會腍晒，吸湯能力唔錯👍🍜黃酒藥膳雞米線（北芪、當歸、紅棗、黨參）$55相比第一碗，呢碗藥材味好濃，材料都落得夠重手，湯底帶甜，應該係黃酒同紅棗嘅功勞🌿喝落去好暖胃又補身。雞皮同樣香脆，雞肉滑嫩，米線一樣出色，成個配搭飲完成身都有啲溫補嘅感覺，非常適合天氣轉季時食🔥本來係隨便入嚟搵餐食，點知反而食到一碗心水雞湯米線，尤其係佢個米線煙靭程度真係好正💯湯底夠味又夠料，雖然有一碗稍為偏鹹，但整體都非常有水準。加上價錢合理，試業仲送汽水，性價比高，值得再試其他口味🧡雞湯控唔好錯過！