Xuan Sushi (Closed)

玄鮨係我一直擺係Omakase List 上想試既餐廳成個過程一如所料係頂級服務 x 頂級食材食材新鮮不在話下佢地既專業真係用心感受到同廚師同經理既交流更係令成餐晚餐食得好愉快開心🌟🌟廚師發辦Omakase🌟🌟〰️頭盤前菜〰️🔅白梅貝係依家日本當造，口感鮮味彈牙，唔需要過多調味已經好好食🔅靜岡黃粟米好香濃粟米甜味🔅高糖蕃茄超甜又Juicy, 當胡麻醬係師傅自家調製🔅京都絹豆腐配粒粒醬油，一吃去先吃到炸蒜香味同脆口，跟住就到豆腐既滑嫩，兩者配合得好好〰️刺身〰️所有貝類新鮮即開即食鮮味先係最豐富依度唔同師傅有唔同調味風格今次師傅係善長用水果作點綴調味，夏天想清爽既岩哂！🔅大分縣大入島生蠔 配埋檸檬桃膠，好厚身，金屬味唔重，桃膠口感煙韌，配埋一齊食又估唔到咁夾🔅北海道活北寄貝 配上岩鹽青檸皮，海水味唔算濃，但令到鹽味同青檸味更加發揮到🔅石垣貝 即開即食好爽口彈牙，一年得兩個月先有🔅縞鰺野生級別深海池魚，網燒逼到皮下面既油分出黎，仲帶有焦香，口感好似蒟蒻好特別好爽身🔅日本北九州銀鱈魚 配搭日本雪梨中和番油分，夏天配搭水果帶有清爽感🔅太刀魚配橙汁薑蓉，夏天配搭火炙方法，口感較彈牙🔅鳥取野生藍鰭吞拿魚（大拖羅） 配上炙燒醬油 味道比較濃，油分亦較重〰️和食〰️🔅甘鯛立鱗燒 配上自家製海膽醬同紫蘇花炸到熱辣辣上碟，魚肉嫩滑，配上濃味海膽醬又係另一層次〰️壽司〰️🔅魴鮄魚 白身魚一種，魚味較淡，開頭食就岩岩好🔅新鮮活帆立貝 配上岩鹽同埋火炙貝柱，雙層口感🔅金線鯛 配上青森蘋果漬，入口蘋果甜味先衝出黎 再到魚鮮味🔅魚王喜之次Kinki 外號有海中紅寶石之稱，豐富油分，入口即溶feel, 超級鮮味🔅赤鯥 比喜之次既魚味更加濃，油感無咁重，個人更加喜愛依款🔅北部野生大吞拿魚 配馬糞海膽，海膽味勁濃郁鮮甜，再配埋大拖入口即化既口感，真係好好好好食！🔅牡丹蝦 配火炙過既蝦膏同埋蝦籽，蝦味濃郁，蝦身口感亦都好彈牙〰️海膽〰️今次一次過食哂兩款拍賣級別既海膽！！🔅黃海膽 顏色淡d, 味道清新，所以就咁食會比較出，同埋好重甜味🔅紫海膽 夏天特有海膽，殼係紫色可以包紫菜食，紫菜會比平時厚身，海苔味亦較出〰️湯品〰️🔅魚湯 呈奶白色，飲落去好鮮好香魚味，質地仲比較濃稠添〰️甜品〰️🔅夕張蜜瓜 好鮮甜，口感軟淋🔅日本車厘子 當造時間，味道爽甜我地Book 位個陣見到依家晚市有滿$3800-$1000 優惠，午市 voucher只需要 $1000 就可以享用價值$1200 既午市Omakase 連埋加一…Read More

呢間高級日式餐廳已經攞咗好多年米芝蓮推介，好開心今日有個好朋友約我一齊嚟食好嘢，真心推介啊，我地今次食左個午餐商務omakase。前菜有三樣嘢，我覺得最特別就係白梅貝，好大隻，用上清酒同牛油煮，爽口鮮甜。另外個絹豆腐配滑子菇，加埋上面有彩色米通都好有層次感。靜岡高糖番茄同甜粟米都好清新，粟米多汁又爽口。芝士春卷係廚師送嘅，流心芝士，加埋出邊脆卜卜嘅春卷皮，真係冇得頂！刺身有個長腳蟹，配埋蟹膏好新鮮！劍魚腩同深海池魚科嘅島鰺都超肥美，島鰺係我第一次食，口感都爽口。個北九州銀鱈魚外面比較少見，同埋個中拖羅都有好好嘅油份，入口即溶！但我最最最鐘意都係個鮫鰈魚薄切，裡面卷咗d日本芽蔥同肝醬，食落creamy之餘又有輕微脆脆口感，有好淡嘅葱甜味，配埋個魚一齊食更加突出鮫鰈魚個鮮味！熟食有甘鯛立鱗燒，平時外面食鐵板燒都有食過，不過呢間用咗半煎炸嘅方式，令到魚皮卜卜脆好似食薯片咁樣，加上個魚肉比我平常食過嘅更加滑身，兩個極端嘅口感配埋一齊食，好過癮！壽司有兩種比較特別，伊左木比較彈牙，表皮仲有少少煙韌。太刀魚，比較厚肉有油脂，質感相對扎實。而帆立貝同牡丹蝦配蝦膏就比較common，但兩隻都好新鮮。馬糞海膽手卷都好有鮮味，紫菜夠脆。桃膠魚湯都係一大重點，魚湯夠濃郁，同鮮甜，仲有女士最鍾意食嘅美顏桃膠！最後個水果有靜岡蜜瓜同埋貓眼葡萄，兩個都清甜可口，perfect ending！後來同店員傾偈先知原來呢度做緊優惠，晚市每食$3800可以扣$1000，可以累積使用，而我哋今日呢個$1200 business set lunch其實可以用$1000買voucher食到！換言之預早買優惠券，其實可以直接平$200！…Read More

♨️玄鮨銅鑼灣開平道1號Cubus 7樓@xuansushi ❤️銅鑼灣米芝蓮推介日本高級料理「玄鮨」果然名不虛傳，今餐食Omakase 晚餐，兩個幾小時慢慢品嚐餐廳嚴選既食材及廚師精湛廚藝絕對係大大滿足，口感同視覺充滿100%享受😋依家只需於晚市消費滿$3800（加一前）即減$1000，而lunch既omakase都做緊優惠，咁鬼着數點可以唔試吓🔷京都湯葉豆腐配丹波黑豆清甜既豆腐及腐皮配上好甜嘅黑豆，清新怡人🔷日本蕃茄配粟米粟米爽甜到不得了，日本蕃茄完全冇腥味🔷即開長崎縣生蠔即開日本生蠔脹卜卜好大隻，配上柚子醬清清甜甜好爽口🔷細籽蟹將隻蟹起肉再放返落隻蟹裏面，充滿蟹籽同蟹肉，又鮮又甜又多汁🔷網燒深海池魚王將魚皮輕輕網燒令池魚王帶出更出色油香🔷北九州銀鱈魚厚切銀鱈魚刺身絕對唔講得笑真係堅好食，又滑又甜🔷平貝紫菜包即開平貝見到都流口水，大隻到不得了，真係非一般貨色，未食過咁鮮咁大隻既平貝🔷愛媛藍鰭吞拿大拖羅藍鰭吞拿大拖羅正到不得了，充滿油脂香，真正入口即溶完全冇筋🔷甘鯛立鱗燒皮脆肉軟，魚香肉滑，燒到香溢四射🔷活北寄貝壽司大隻、新鮮、爽口，鮮味十足🔷A5+和牛壽司第一次食A5+和牛，又juicy夠牛香，入口即化🔷甘木鯛師傅話今餐唯一一件鯛魚，點都要有一件白魚襯托一下🔷牡丹蝦配鮫鰈魚裙邊將蝦頭嘅膏及鮫鰈魚裙邊燒至微香再撈入飯內，上面配上巨大牡丹蝦及蝦子，呢一款我係比100分，視覺+味覺享受🔷馬糞海膽（兩款）師傅話由淡味先食（對我嚟講已經係鮮甜到爆），之後再食濃味拍賣級大極上海膽，鮮味喺口裏面都唔知點形容好，完勝😋🔷海綿蛋以為係蛋糕，點知係海綿蛋，當係小小甜品作點綴，蘭王蛋好香好滑，個面用焦糖煎香咗，脆脆地好正🔷魚湯（熬製3小時）嚴選唔同嘅魚熬製3小時而成，好糊口好有骨膠原feel，超級鮮甜🔷沖繩菠蘿靜岡蜜瓜終於上生果作結尾，菠蘿甜蜜瓜更甜，互相唔會搶咗大家嘅甜味，非常滿意及超高質嘅一餐😋食物：9.5/10抵食：8/10環境：8.5/10。。。#銅鑼灣美食 #食在銅鑼灣#causewaybayfood #米芝蓮推介 #michelinguide #日本料理 #香港美食指南 #香港美食 #香港美食日記 #omakase #廚師發板 #刺身 #壽司 #michelin #michelinstar #hkig #hkfoodie #hkfood #foodiehk #foodhk #foodie #日本料理 #foodphotography #foodblogger #foodpics #hkfoodblogger #hkfoodblog #hkfoodpic #hkfoodieblogger #hkfoodielife #foodstagram …Read More

今日係朋友生日🎂帶佢黎呢間高級Omakase慶祝😆呢間餐廳既Omakase好特別～菜式每次都唔同～可以比到客人新鮮感✨而且廚師會根據客人口味去安排👍🏻今次廚師好nice 全程都同我哋有講有笑💙好細心介紹每一道菜式✨員工服務態度好好🥰係一個好好既用餐體驗！大推😋.我地揀左廚師發板$2500/位🧑🏻‍🍳.🔸前菜1️⃣京都湯葉配丹波黑豆湯葉係腐皮黎，味道淡淡地，配黑豆食好夾🤤.2️⃣京都卷豆腐配滑子菇🍄豆腐好滑～菇食落好脆口😚.3️⃣粟米配高糖蕃茄🌽🍅粟米好爽口同鮮甜，蕃茄甜味好出，不錯！🔸手拆蟹肉配蟹膏啫喱蟹肉撈埋啫喱食，更顯鮮味，出色👍🏻🔸河豚魚皮係季節性食材，食落似水母刺身，味道唔重，靠底下既汁調味，睇師傅功架😍🔸廣島蠔睇落細細隻，但食落好Creamy😋🔸縞縿魚刺身比深海池魚高一個level，用網燒熱左魚皮，將油脂迫出黎，好食🥹.🔸銀鱈魚刺身級數既銀鱈魚，滑身d，油脂咁重d，但廚師配搭左特調既日本雪梨，食落有油脂感之餘仲有少少fresh😆.🔸白吞拿魚腩肉質比較厚實，油脂味重，口感一流☺️.🔸藍鯨吞拿魚火炙過，油脂味爆分💯 用左清新d既醬汁調味，中和返個油脂感🥰🔸八爪魚魚子季節性食材，原本冇咩味，蛋白質味比較重，撈埋個柚子汁食，幾特別🫢🔸河豚白子少少似牛奶布甸味～ 唔係平時食開條狀既白子，呢個係一塊過，味道更出☺️🔸和食1️⃣立鱗燒魚皮燒到薯片咁脆，建議盡快食，唔係淋左會影響口感😛🔸壽司1️⃣新鮮北寄貝，即開即食，師傅建議即刻食，趁佢肌肉仲郁緊，更有鮮味.2️⃣北寄貝裙邊火燒裙邊，加埋白松露，整體感覺更加高級🥰.3️⃣北海道鮮帆立貝未食過咁大隻既帆立貝壽司，超新鮮！加左少少海鹽同埋柚子調味🤪.4️⃣馬糞海膽完全無苦澀味！好新鮮😆.5️⃣金木雕輕輕火炙過～ 呢隻魚油脂味比較重，燒完油脂味好出，超好食🤤🤤🤤.6️⃣吞拿魚赤身赤身口感有少少酸酸地既味，加左菠蘿醬係面，原本以為會好唔夾，但口感好衝擊，甜甜地又幾好食，夾得好好😍.7️⃣牡丹蝦配火炙蝦腦燒過既蝦腦，味道更濃，係全晚最重味既一件壽司，但濃得黎配埋鮮甜彈牙既蝦肉，又好夾☺️🔸玉子燒睇落好似海綿蛋糕，但原來係玉子燒，用左雞蛋同埋蝦膠整成，面頭仲會燒焦糖面，口感好豐富😍🔸魚湯🐟飲得出係煲左好耐既魚湯，所有魚既精華都係曬個湯到😛🔸時令水果新鮮哈密瓜、菠蘿、藍莓，好多汁，好鮮甜，用來做呢餐既作結，係完美🥹最後，同大家講講餐廳既優惠，用恒生，匯豐，中銀信用卡，有9折優惠。另外，每消費$3800即減$1000。而新推出既優惠仲有係現場買$1000既現金卷可以當$1200，使用前7日向餐廳預訂位置就可以使用😗…Read More

平時都幾鍾意食廚師發板嘅菜式🤩，會將當造嘅食物提供比客人，令客人感受到唔同嘅風味同特色🥳，有朋友介紹呢一間餐廳嘅食物都幾高質👍🏻，臨近屋企人生日🎉，一於去食餐飯慶祝吓先🥰🧊京都湯葉配丹波黑豆湯葉豆味突出而且質感有咬口🤤，黑豆甜味突出，配合一齊味道更加香濃🫶🏻🧊日本絹豆腐配滑籽菇絹豆腐質地幼滑😍，菇質地都有少少爽口😋，味道雖然比較清淡，但食到食材嘅原味，少少調味已經好好味👍🏻🧊黃粟米🌽及高糖蕃茄🍅蕃茄味都夠晒鮮甜爽口，而且幾容易入口，粟米嘅甜味同蕃茄味好夾，夠晒開胃😁🧊縞鰺魚刺身魚肉鮮甜油脂比較豐富😍，上面加入咗少少柚子胡椒調味，令魚肉更加香，而且冇咁油膩👍🏻🧊金目鯛刺身上面輕輕燒過🔥，令魚肉入面嘅油脂釋出，並加入柚子胡椒調味，肉質更加鮮甜🤤🧊中拖羅刺身肉質細嫩而且魚油分布比較多🫶🏻，有入口即化嘅感覺，上面查上少少醬油，增加魚肉嘅鮮味😋🧊帶子壽司肉質比較厚，咬落去鮮甜味比較突出👍🏻，預先燒香帶子表面，增加咗焦香嘅感覺，咬落去更好味🥰🧊牡丹蝦壽司🦐牡丹蝦肉質爽口味道鮮甜🤩，上面加入蝦膏，令蝦肉嘅味道更加濃郁🤤🧊金目鯛壽司魚皮預先燒香，咬落肉質爽口帶香味😘，少少醬油調味令味道更加豐富🫶🏻🧊海膽壽司海膽夠晒鮮甜清新🤩，紫菜咬落去脆卜卜，軟滑嘅海膽同紫菜嘅配合，味道一流🥰🧊河豚魚皮魚皮質地爽口又彈牙，味道夠晒開胃😋🧊金鯛立鱗燒魚肉質地嫩滑👍🏻，魚鱗煎到脆卜卜，外脆內軟嘅感覺配合一流🧊魚湯烏冬🍜魚湯鮮甜濃郁🤩，配合爽口彈牙嘅烏冬🤤，就算食到好飽都好，湯底味道唔會太鹹，飲埋湯都唔錯嫁🧊檸檬芝士蛋糕🍰味道酸酸甜甜🤤，芝士味道香濃，酸甜味令之前菜式嘅油膩感清除，作為飯後甜品都唔錯㗎🥰整體來講食物嘅款式多👍🏻，而且夠晒新鮮😋，質素都幾高，都幾推薦大家可以定位嚟慶祝吓㗎🥳人均消費💵： $1300-1400性價比： 8.510好食程度😋：9.5/10回頭指數💓：9/10📍玄鮨 (銅鑼灣)銅鑼灣開平道1號Cubus 7樓#hkfoodie #hkfood #hkfoodblogger #Fodiehk #hongkongig #hkdaily #hkfoodies #hkig #852food #hkinstagram #香港 #香港美食 #吃貨日常 #食好西 #銅鑼灣 #玄鮨 #omakase #廚師發辦 #日本菜…Read More

因為朋友生日，想食豪啲，最終揀左位於銅鑼灣既Omakase-玄鮨，上網睇過環境好似唔錯，好適合同朋友慶祝生日，靜靜地傾下計。食物質素比想像中好好多，雖然價錢對比起其他omakase偏貴,但絕對對得起哩個價錢。有我最鍾意嘅北海道活帆立貝，碟魚魚邊(重油分，入口即溶)，牡丹蝦配上佢嘅燒蝦膏👍🏻👍🏻👍🏻金目鯛，黑鯥魚，北寄貝，拖羅不同的部位(超級滿足)。真心推薦。輪到重頭戲海膽，重有足足三款😍每樣海膽份量都好足。😋。食材太多，食完都唔係好記得哂，但係食材都非常新鮮，有創意，味道一流。仲要咁啱佢哋做緊個優惠 晚市每$3800減$1000，呢餐飯好抵食😋👍🏻…Read More

✨～玄鮨～✨‼️玄鮨係榮獲多年米芝蓮推介嘅日本高級餐廳‼️😍佢哋最出名嘅係堂食嘅Omakase😍（下次再同屋企人去現場食😉）屋企人生日，想喺屋企過❣️我選擇咗早幾日先已經訂購嘅🌿～18品嘅御膳外賣～🌿$1980原來呢個二人份量都幾重下😂因為份量十足🥰仲有女孩最愛嘅日式包裝🥰而食物有唔同嘅食用花、海帶，紫蘇葉⋯襯托✨真係錦上添花店員好細心講解，每一樣食材😊👍🏻不僅讓味蕾享受到豐富的層次感，甚至眼睛亦都能享受💕五款時令刺身🔥活帆立貝🔥白鱸魚🔥拖羅刺身(上面嘅金箔係用鯨魚油脂去做，冇金屬成份可安心食用👍🏻）🔥赤身🔥九州銀鱈魚（刺身級數銀鱈魚）🔥漬物～薑、蒜頭、淮山✅ 刺身建議食貝類先，第二就食白身魚，最尾先食有份比較重嘅銀鱈魚同埋拖羅刺身🔥新鮮的開活北寄貝（裙邊會燒過，兩種唔同嘅口感味道）🔥北海道牡丹蝦（非常新鮮大隻，好鮮甜）壽司🔥中拖羅壽司🔥三文魚子🔥馬糞海膽🔥新鮮鯖魚🔥金線雕（刺身新鮮不用多講，外賣嘅裝飾返到屋企個個讚）🔥和牛炒飯（屋企嘅小朋友，個個爭住食🫶🏻和牛嘅份量一啲都唔少，用和牛炒飯佢嘅油脂滲滿每粒飯返到屋企個炒飯仲係好熱）…Read More

玄鮨 (銅鑼灣)銅鑼灣開平道1號Cubus 7樓超有驚喜嘅omakase😍😍見到呢間評分咁高已經想食好耐💕 呢間餐廳係連續幾年米芝蓮推薦😚所以好期待！好少會咁捨得食咁貴 但係慶祝生日唔緊要啦😛🤤夜晚人均加一後計算價錢係$2750~嗰日試咗好多嘢😚同大家分享下最印象深刻嘅食物啦🤤個價錢絕對對得住個質素架💕1.前菜: 京都湯葉豆漿配丹波黑豆 食到清甜同好香嘅腐皮😗豆味非常濃郁2.靜岡高糖蕃茄&甜粟米🌽雖然外表平凡😍😍但係超有驚喜 第一次食咁甜嘅粟米😋仲要非常爽口多汁，另外番茄都好新鮮，真係試過先知道原來可以同普通嘅分別咁大❤️💥評分：8.5/103.八爪魚白子北海道出產😍第一次食感覺好奇妙好新鮮😂望落好似一個好大舊嘅白色啫喱~感覺好新奇😗食落味道好似雞蛋蛋白咁~而且廚師用左淡淡嘅柚子皮同唔會好辣嘅洋蔥撈埋一齊食感覺好特別，肯定其他oamakase食唔到😋💥評分：8/104.雪碧蠔非常鮮甜😍😍又大隻💕 絕對想再食 最特別嘅係蠔嘅底下有D用雪碧打嘅沙冰，所以感覺更加清新💥評分：9/105. 藍鰭吞拿拖羅 呢個拖羅油花好均勻😋😋廚師只係用左少少岩鹽簡單調味~味道已經好鮮甜😍好好食6.甘鯛立鱗燒呢個相信都係呢間omakase嘅招牌菜式之一😍😍廚師安排我地喺刺身環節之後食🤤用左半煎炸處理做到外脆內軟😋而且魚肉好滑😚啲魚油逼曬出黎🥰下次去都想再食呢樣💥評分：10/107.海瞻環節😍廚師俾咗超多嘅海膽我哋試😍總共有三款~分別係兩款嘅馬糞海膽以及係排行榜上好出名嘅大極尚海膽🥰廚師刻意分開兩款海膽喺綠色同紫色小碗上～兩款同時食就會發現大極尚海膽的確喺口感同味道方面都比普通馬糞海膽優勝😋最後當然唔少得呢度最誇張嘅北海道根室馬糞海膽手卷😍😍😍海膽同壽司飯比例接近9比1，超級爆炸嘅口感食落去仲會有啖啖回甘，真係直程好似食緊海膽三文治😋😋超滿足，男朋友超級鐘意😍💥評分：10/10最後嘅部份就有一碗超濃味嘅魚湯有個魚湯😍好鮮甜😚叫我飲多幾碗都可以😋仲有個生果拼盤有菠蘿、蜜瓜🍈等好甜好好食🥰💥評分：10/10💥總性價比:9/10👍🏻今次食omakase感覺非常完滿😗由頭盤去到最後嘅魚湯每一度都係廚師精神安排😍食物先後次序同種類亦可以因應客人嘅需要而加減🥰做foodie自己揀餐廳就揀得多，有時放心比廚師法辦都係一個唔錯嘅體驗✨💕👍🏻…Read More

位於銅鑼灣連續五年米芝蓮推介的廚師發辦餐廳。 餐廳位於銅鑼灣的ᴄᴜʙᴜꜱ。餐廳裝潢設計時尚優雅，設有吧枱及ᴠɪᴘ廂房，用餐時更恬靜寫意。餐廳能屢獲殊榮除了因為食材的新鮮度及品質，個性化的服務體驗、創意料理的獨特性及師傅用心製作料理的精神也是重要因素之一。當天我被安排坐於吧枱前，除了能與師傅互動，更能近距離觀看師傅的精湛手藝，也是ᴏᴍᴀᴋᴀꜱᴇ一大享受。 ⋆_____ᴛᴏᴛᴀʟ ᴏʀᴅᴇʀ______⋆° ᴇxᴇᴄᴜᴛɪᴠᴇ ᴏᴍᴀᴋᴀꜱᴇ $2500/ᴘᴘ  ___⋆ ⋆ ___ .✿ 前菜：京都湯葉配黑豆紫蘇花芯│絹豆腐配滑子菇海葡萄│靜崗黃粟米配高糖蕃茄▫ 湯葉豆味濃香，口感柔軟，配菜的黑豆更是為整道菜式增添甜味▫ 絹豆腐配搭滑子菇，口感柔順，滑溜香滑▫ 黃粟米及高糖蕃茄的配搭實在是天作之合，相互融合口感更豐富，清爽香甜。.✿  河豚魚皮：在香港吃用河豚比日本安全性更高，因有問題的食材根本不可能出口，因此完全可以安心吃用；魚皮搭配淡路島的洋蔥及酸汁作調味，拌勻吃用，酸甜爽口，胃口瞬間大開。.✿  長崎真蠔：巧妙地用上青柑橘果凍點綴調味，並且墊底用上雞冠草襯托，因此帶有淡淡的海草味，更能感受到真蠔的鮮嫩及鮮甜的口感，飽滿細膩。.✿ 刺身：▫ 帆立貝：因配合夏季，師傅特意用上青柚子的組合，而冬天便會偏向用火炙配紫菜；所有的調味及組合均會因應季節性而調整，滿滿心機；帆立貝肉質飽滿，鮮味濃郁。-▫ 根室馬糞海膽 (兩款)：兩款海膽均極具質素，口感帶海水味，鮮甜濃郁，口感細緻綿滑，實在無比滿足；然而師傅說這只是Gucci級別的海膽，更厲害的拍賣級海膽稍後也會給我們品嚐。並且隨即自豪地展示他身後的海膽展示櫃，逐一介紹不同級別的海膽。他臉上的喜悅及滿足，即使連口罩也掩蓋不住，其實很可愛。(笑~-▫ 縞鰺魚刺身：縞鰺擁有深海池魚王的美譽，口感最肥美且肉質細緻帶油份。-▫ 銀鱈魚刺身：肉質肥美豐腴，用上白酒煮過的雪梨點綴調味，使口感更爽更嫩滑，即使帶有豐潤的魚油卻毫不膩口。-▫ 北海道八爪魚子：又是一道師傅引以為傲的食材，師傅稱香港絕少餐廳有這道料理提供。原貌酷似恐龍蛋，有點驚嚇；但經過師傅巧手劏割後，一絲絲的八爪魚子湧出，加入微量的醬油調味，鮮味無窮，軟淋而不糊口，更重要的是蛋白質豐富，營養價值甚高，非常養顏，很適合女士吃用。- ▫ 河豚白子：白子指的是河豚的生殖腺，上菜時師傅故意先不說這是甚麼，待我們吃過後才揭盅，正宗的「冇仇報」(笑~；河豚白子入口順滑，宛若奶油般的口感，細味下其實有點像牛奶布甸。-▫ 白吞拿魚刺身：搭配醬油昆布漬，肉質彈性柔軟，含有豐富的油脂，味道濃郁。-▫ 中拖羅刺身： 中拖羅呈粉紅色，口感豐富肥美，脂肪比例較高，非常甘香，魚香持久。-▫ 日式包菜拖羅：師傅會用日本生菜包著炙燒過的拖羅，雖然用上創新的韓式吃用方法，卻非常融合；清脆爽甜的生菜完美地中和及平衡了拖羅的油香感，配搭相當有驚喜。.✿ 和食：甘鯛立鱗燒美感十足的和式料理，魚鱗炸而微微翹起，伴碟再放上一株紫蘇葉花，賣相相當搶眼；魚肉脂肪多且肉質軟嫩，魚鱗薄脆香口，香而不膩。.✿ 壽司：▫ 鮫鰈魚：比較淡味的白身魚，用蔥花醬油調味，吊起鮮味。-▫ 太刀魚：用上橙汁調味的薑蓉點綴，尾韻帶甜，彈牙爽口。-▫ A5+宮崎和牛：用上青橘子果醬調味，中和了牛肉多餘的肉羶感及油膩感；A5和牛肉香濃郁，細緻鮮美。-▫ 金目鯛：配搭柚子胡椒醬，肉質細嫩甘甜。-▫ 喜知次： 顏色鮮艷漂亮，味道肉質極佳，果然不枉為高級魚的代名詞-▫ 黑鯥：鱸魚般的外形，但味道截然不同；此款魚味清新，魚皮滑溜，搭配蒜子蕎頭，更是惹味。-▫ 拍賣級海膽：師傅形容這才是Channel級別的海膽，份量非常大方，果然味道更為濃厚甘甜，清雅細緻，口感極佳。-▫ 牡丹蝦：此款牡丹蝦產地源自比較接近俄羅斯水域，因此肉質更爽甜，但蝦膏會比較少；師傅燒香蝦膏後放上少量蔥花，因此味道帶有蔥香，餘味悠長，更為獨特。.✿ 魚湯：非常真材實料的一道湯品，加入魚頭、大量魚骨及魚肉精心熬煮，因此非常濃郁，絕對誠意之作。.✿ 🍰甜品：最後甜品是清甜甘香的夕張哈蜜瓜及沖繩菠蘿。▫… 整體而言，食材的新鮮、師傅的手藝及服務態度絕對不在話下，高質且優秀，因此難怪能在銅鑼灣眾多ᴏᴍᴀᴋᴀꜱᴇ餐廳突圍而出；但使我最印象深刻的是，師傅一直強調的創意性及獨特性；餐廳有四位職人師傅，雖然食材共用，但料理手法及處理食材的風格截然不同，即使連燒酎也有代表他們的口味及招牌，很有趣。.尤其師傅在介紹食材時的流露出的那種真誠及滿足感，連身為食客的我也能深深感受到其對日本料理的熱愛；而且師傅相當健談，幽默風趣，連我這種社交恐懼(?，用餐期間也沒有出現尷尬感。這三小時的晚餐體驗相當滿意，絕對值得一再回訪。…Read More

父親節將至，R爆頭諗緊兩老去邊到慶祝好，想係屋企開餐唯有做下功課叫咩外賣好，無意中見到玄鮨既外賣御膳盒，即刻拍板訂左！.🔹玄鮨御膳禮盒。18品 $1,980🔹雖然話係二人餐，但店員話係份量好足，三人都夠食。一早order 左，放工去到好快就拎得。禮盒包裝好精緻，外面好似日本便當咁用布包裹住，除左外觀超靚仲可以保持食物既鮮度。禮盒有四層每層都有獨立膠蓋分隔，盒面仲有小貼紙提醒你最佳食用時間。.🔹第一層：北寄貝、牡丹蝦🔹活北寄貝肉呈淡紫色，口感爽脆，味道鮮美，而且份量都多；牡丹蝦勁大隻，鮮甜仲富膠質。🔹第二層：大拖羅、黑鯥、劍魚腩、赤貝、赤身醬油漬&自家漬物🔹大拖羅冇筋又入口即融；黑鯥肉質鮮甜細嫩；劍魚腩肉質柔軟脂肪多；赤貝肉厚爽甜；經醬油醃製過既赤身比普通的更鮮甜；自家製漬蒜頭、喬頭、薑同牛蒡都好開胃。🔹第三層：馬糞海膽、三文魚籽、帶子、鯖魚、魴鮄、鰝鰺壽司🔹海膽份量多，口感奶滑濃郁，而且入口即溶；三文魚籽仲加左金箔點綴，即刻高級左，完全唔會腥，入口會滲出甜香；帶子超厚又爽；新鮮鯖魚味道好鮮，有驚喜；魴鮄肉質紮實，味道清甜；鰝鰺肉質爽實，魚味較清甜。🔹第四層：A5宮崎和牛炒飯🔹和牛粒好多，而且係大大粒，雖然已經炒到全熟，但入口仍然唔會韌，而且重油香，飯亦炒到粒粒分明，食到停唔到口。.估唔到外賣御膳禮盒既質素同omakase 有得比，仲可以係屋企慢慢嘆，價錢亦比omakase 相宜，而且內容都會跟當時得令既食材去準備，保證係最時令同新鮮。…Read More

🐽 京都卷豆腐、京都湯葉（腐皮）、白粟米高糖番茄、日本獨眼龍生蠔配青檸啫喱一坐低店家首先送上唔同既前菜，頭2款都係典型嘅京都菜式。呢兩款菜都有細緻嘅口感，豆腐嘅滑嫩同腐皮嘅韌性相映成趣；將勁香甜嘅番茄同香糯嘅粟米完美結合，好有一種清新既感覺生蠔肥美新鮮，加上青檸啫喱嘅爽口酸味，整個菜式更顯開胃🐽 平貝、北海道八爪魚籽好似巨大化左既帶子，店家話所有海鮮都係特登搵買家係日本幫手入貨；好似黎款八爪魚籽，唔好話日本，香港都未見過🫣食落好有雞黃既質感，好有趣🐽 縞縿魚、山梨醬北九州銀鱈魚、中toro、日本生洋蔥生菜夾大toro接下來係刺身環節，野生深海池魚風味十足，野生魚肉質更加結實；銀鱈魚食落油脂感滿滿；中toro同日本生洋蔥生菜夾大toro，肉質豐滿，而大toro則更加油脂爆棚，店家輕輕燒過令到更香口同無甘油膩，搭配日本洋蔥同生菜，口感層次分明🐽 岩鹽青袖子帆立貝壽司、千葉縣金目鯛壽司、甜醬油紫菜劍魚腩壽司、鰹魚昆布真明劍壽司、牡丹蝦壽司、鯛魚立輪燒壽司全新都好新鮮，另外黎位師父既製成品亦偏向清新風格；立輪燒極體程現好特別，鯛魚肉質緊實🐽 金木雕喜知次魚湯用全部日本魚整成既鮮美嘅魚湯飲落鮮味爆棚，瞬間暖到心坎。🐽 土左赤肉蜜瓜、黑糖菠蘿蜜瓜嘅甜美同菠蘿嘅獨特既日本風味，食落多汁，令人回味無窮…Read More

精心挑選左呢間Omakase 好好慶祝下⭐️Executive Omakase $1200@🌸前菜 -兩款時令前菜⭐️京都湯葉配丹波黑豆 好香豆味嘅腐皮 第一次食禁滑嘅豆皮 而且黑豆香甜⭐️日本娟豆腐配滑籽菇娟豆腐滑身 有好濃既豆味 ⭐️赤身他他 配胡麻醬 底下係洋蔥 淡路島 冇苦澀味 好清甜🌸刺身 -四款時令刺身⭐️長崎縣小長井華漣蠔有青檸果凍 蠔身飽滿 味濃 海水味重 一試難忘⭐️ 縞縿魚用火槍網燒過 肉質較肥美 有炭香味 師傅話厚切先食到油脂嘅豐形⭐️ 九州銀鱈魚好嫩滑 火炙過嘅魚 逼啲魚油出嚟 油脂爆滿 加左日本和梨醬 好清甜中和曬油膩感⭐️ 八爪魚魚籽八爪魚魚子 食落有雞蛋香味 加上青檸皮同醬油 口感特別 原來係北海道先出產 全香港獨家 認真犀利 ⭐️蛇腹 -大拖羅超厚切呀😍 特意炙燒 令油脂更充足 入口即化 可唔可以黎多件😍😍無得輸 輕輕焦香未上枱已經流晒口水 配洋蔥 生菜 包捲住食 多從口感 原來呢一個係非一般嘅洋蔥 淨係淡路島洋蔥都要200蚊一個 真係今晚嘅MVP🏅⭐️北海道根室馬糞海膽手卷甘甜 夠晒creamy 馬糞海膽係拍賣飛機貨黎架 真係好鮮甜 而且分量超多 爆晒料 紫菜又夠脆 yummy🌸煮物 ⭐️ 金鯛立鱗燒半煎半炸 連魚鱗都食得 冰菜脆卜卜 碟上除左隻碟晤食得 其他都食得架😍🌸壽司-四款壽司⭐️ 岩鹽青檬帆立貝帆立貝好厚身 好大粒 岩鹽 清柚子 好清新 夏天食啱晒 ⭐️宮崎嘅瀨尿蝦有膏嘅瀨尿蝦 真係爆晒膏架簡單加入豉油Wasabi已經好鮮味⭐️ 日本太刀魚 輕輕火炙過 魚味香濃 帶點鮮甜 加左和歌山橙汁嘅薑 好爽好嫩⭐️ 赤身赤身魚味濃 無筋 加埋沖繩菠蘿漬 好新鮮嘅感覺⭐️ 牡丹蝦牡丹蝦即時拆殼 挑腸 睇得出師傅功架十足 牡丹蝦肉質彈牙 超甜 更把火炙過嘅蝦膏放上蝦 滿滿嘅蝦膏 鮮味更突出原來呢個先係今晚嘅MMVP🏅⭐️蓋物🌸特濃魚湯烏冬不得了 其實今晚好多食物都係MVP 🏅食完刺身 壽司 飲反碗魚湯 真係完滿🌸水菓子靚岡蜜瓜要幾大方先會有靚嘅日本生果食呢 仲要係蜜瓜 非常多汁 而且清甜真係美麗的結尾呢到嘅師傅真係每一道菜都介紹得好詳細 清楚晒自己食梗乜 來源地係邊 而且待應會不斷refill 茶 好殷勤最值得一讚係師傅講廣東話 Omakase 有度好處 可以食到晤到嘅最里令食材 交比師博話事📍玄鮨 (銅鑼灣)銅鑼灣開平道1號Cubus 7樓…Read More

近排工作生活忙碌，有時想食外賣又不想食得太頹，想食得霸氣高質一點。最近在銅鑼灣找到一間多年米芝蓮推介的日本高級餐廳-玄鮨。早幾日訂了一set 御膳外賣，全18品，價錢$1980。取外賣當天，一進餐廳已感到餐廳的派頭和高尚格調，氣氛寧靜，有包廂、吧枱、卡位。等待取外賣期間，職員已送上熱茶，一邊嘆茶一邊等待，店員更會細心介紹御膳外賣全18品的食物內容。首先值得一讚是御膳的外賣包裝，禮盒採傳統日式層疊造型，出門前另以精美布匹包裹以便攜帶，每層更附獨立膠蓋保持新鮮潔淨。禮盒是一塊薄木板質地，非常堅韌。精美布匹是一塊類似角落生物白熊經常拿著的包袱布包裹著外賣盒，日本稱這塊布為「風呂敷」，外賣盒全都貼好貼紙，寫清楚了建議食用時間，非常貼心，最後還有一個厚皮紙袋方便將外賣抽走。御膳特選了多款季節時令海鮮，賣相相當精緻，貫徹了和風料理的精髓，色彩繽紛讓人提起食慾，品嚐海洋最純粹的美味。御膳外賣總共有四層第一層：牡丹蝦、北海道北寄貝牡丹蝦是北海道三大名蝦之一，肉甜細滑帶彈性，鮮爽無比。北海道北寄貝是日本料理中常用的高級食材之一，味道甘甜、肉質肥厚，口感爽滑，帶有淡淡的甜味和海洋的鮮味。第二層：旬刺身、鮮選貝類、自家製漬物（白吞拿魚、漬物山芋、金目鯛、柚子大根、大拖羅、白菜漬、縞縿魚、紅酒蕎頭漬物、太刀魚）白吞拿魚刺身營養豐富，味道集鮮甜嫩滑於一身。縞鰺擁有深海池魚王的美譽，於夏季盛產，肉質細緻爽口帶油份，味道甜美。太刀魚刺身魚味濃郁，質感扎實有嚼勁。金目鯛本身具有豐富的油脂，肉質豐厚細嫩，牽引出這條魚中貴族的魚油鮮香。大拖羅佈滿精緻的魚油花紋，肉身呈粉紅色，肉質油潤而軟滑，入口即能融化在舌尖上。蔬菜漬物口感清脆，既能保留食材的原汁原味，酸酸甜甜亦可促進食慾。第三層：拍賣海膽壽司、三文魚子壽司、旬壽司4款（赤身、馬冀海膽、目拔魚、帆立貝、三文魚籽蟹肉、真名鏗）金黃色的馬冀海膽充滿甘腴鮮味，滑嫩軟綿得像鮮奶油一樣的口感，入口即化，不會澀口，味道濃郁又回甘。大粒肥厚的開運帆立貝肉身光滑細緻，味甜富彈性。蟹肉雪白細膩夠鮮甜。三文魚籽色澤晶瑩亮麗，粒粒脆感瞬間在嘴裡爆開鹹鮮滋味。赤身鮮甜，入口即化成一口魚油香。真名鰹在關西的懷石料理中是極高級的白身魚，柔軟口感像棉花糖般軟嫩，味道淡麗卻高雅清爽。目拔魚是極高級的深海魚，非常難捕獲，吃來柔嫩細緻、油脂飽滿、口感豐富。壽司握得緊密，夾起來不易散開，飯粒已經塗上醬油，調較好味道讓客人可以即時入口。第四層：A5 和牛炒飯A5宮崎和牛滿口瀰漫著牛脂香氣，肉質鮮嫩，用來拌飯吃極之開胃。炒飯炒得甚有鑊氣之餘，飯粒乾身軟糯。最後店員還贈送了一個和歌山蜜柑…Read More

連續五年米芝蓮推介餐廳 係銅鑼灣呢個omakase集中地要突圍而出真係少啲實力都唔得😌 今日同朋友嚟銅鑼灣Cubus 7樓嘅玄鰭，真係印象好深刻，非常值得大家嚟試吓👍 玄鮨有別於坊間一般日式餐廳嘅裝潢，利用木材、雲石等元素營造出時尚優雅嘅感覺😎 除咗壽司吧枱，更設有廂房同壽司吧枱廂房，適合喜歡私隱度高嘅客人👍 服務亦都非常好，師傅專業之餘仲要好好傾又細心🥰 佢哋好強調希望客人食完滿足之外，仲會留下深刻印象，呢樣佢哋真係做到👍 連套制服都好創新，你睇serve我哋嘅兩位師傅幾有型😎 呢度有四位師傅，每一位都有唔同風格😎 今日主要serve我哋嘅師傅走年輕路線，細心有型仲好有創意，充滿驚喜🤩Dinner Omakase $1580 🌟前菜京都湯葉（腐竹）配黑豆，紫蘇葉 湯葉口感嫩滑細緻，豆味濃郁，剛好令黑豆嘅香甜味更突出👍 豆腐配滑子菇滑子菇嘅爽口配搭豆腐嘅滑溜，食得好舒服嘅一道前菜😌 靜岡粟米🌽配甜蕃茄🍅食完蕃茄已經覺得非常清甜， 再食粟米簡直覺得粟米超級甜😆😆 真係又爽又甜，刺身級粟米果然唔同啲😎🌟 生蠔🦪：独眼竜配青檸啫喱 令和之怪物比較常見，呢款「独眼竜」原來都非常高質👍 size 有成隻掌心咁大🤩 蠔身肉質飽滿creamy, 鮮味 同after taste都非常突出，師傅巧妙地配搭清新嘅青檸啫喱，味道達到完美平衡🥰🌟 北海道函館紫海膽配富山灣白蝦 、魚子海膽迷留意啦，玄鮨出曬名提供拍賣級海膽🤩 身為海膽控見到呢個原隻海膽已經開心到不得了🤭🤭 今日我哋食嘅原隻函館紫海膽初入口味較淡，漸漸回甘，配搭白蝦同魚子，鮮味十足，一試難忘😌🌟根室馬糞海膽 （兩款）可以試到咁多款海膽真係好興𡚒🤩 馬糞海膽同啱啱食嘅紫海膽質感同味道都截然不同😎 第一款師傅加咗少少岩盬調味，兩款都勁鮮甜濃郁，口感creamy，好幸福😌😌 🌟縞鰺魚刺身縞鰺魚係鰺魚中最高級最肥美嘅一種，脂肪結實、肉質肥嫩🤩 經師傅微微炙燒一下，更加激發油脂香氣👍🌟銀鱈魚刺身銀鱈魚西京燒就食得多，刺身我真係第一次食😆肉質非常彈牙，加上炙燒過，油脂十足🤩 而配上和梨嘅做法真係好創新，增添咗清新口感，朋友同我都話好正好難忘😎🌟北海道八爪魚子 呢個咁特別嘅食材，香港應該冇乜餐廳供應😎 好難得可以一試🤩 職人表演劏魚子嘅過程（冇錯，我真係當表演咁睇🤣🤣）視覺上非常震撼🤩🤩 味道食落似蛋黃，聽講蛋白質超豐富，係日本人長壽嘅秘訣😎 好特別好難忘嘅一道菜😌🌟拖羅生菜包你冇睇錯，真係生菜包😎 有創意嘅師傅受到韓燒生菜包嘅啓發，而創造咗呢道菜😃 拖羅勁肥美，炙燒完用日本生菜包住食，日本生菜鮮甜冇腥味，愛媛縣拖羅用特別方法處理過，口感綿密冇筋，入口即化，生菜完美平衡咗油膩感，呢個創新食法真係非常非常成功👍👍👍🌟甘鯛立鱗燒呢度嘅招牌菜之一😎用半煎炸方式令到魚鱗好蘇脆😆 而魚肉仲保持到嫩滑，唔怪之得可以成為signature👍🌟帶子壽司配岩鹽青檸皮新鮮嘅帶子肉質爽彈，大粒又厚肉👍 配上岩鹽同青檸皮原來好夾，完美😌🌟和風醬油漬鱸魚壽司 鱸魚口味較清淡，用醬油漬做法更加鮮甜👍🌟菠蘿漬吞拿魚壽司赤身配冲繩黑糖菠蘿漬呢個組合真係好創新🤩 估唔到係咁夾咁好食👍 真心好欣賞呢位師傅嘅創意🥰🌟牡丹蝦配燒蝦膏壽司牡丹蝦蝦肉肥碩，肉質富彈性而且鮮爽🥰 燒蝦膏勁甘香，配埋一齊真係極緻鮮甜👍🌟關西玉子又係另一道創意料理😎 呢個玉子睇落似蛋糕，但原來係用蛋加蝦膠做嘅，完全冇麵粉😆 食落好香甜蛋味，真係好似蛋糕嘅質感😌🌟吞拿魚蓉卷加淡路島洋蔥淡路島洋蔥出名香甜，冇辛嗆味，配搭吞拿魚蓉好特別，除咗好味我都唔識點形容啦🤣🌟魚湯烏冬 雖然已經好飽😆但呢個烏冬幾飽都食得曬🤣 魚湯勁鮮甜配搭烏冬，完美😌🌟水果（菠蘿、士多啤梨、蜜瓜）以三款高質香甜嘅水果為呢餐作結🥰真心覺得非常高質有驚喜嘅餐廳，感謝大家睇曬呢篇長文🥰🙏…Read More

今日同女朋友想食好西就揀左呢間omakase試一試裝修簡潔有格調，擺設整理俾人感覺有用心好認真做料理螢光魷魚呢道菜係seasonal，食材選當造的今日係螢光魷魚，好鮮味配上用蟹膏做既豆腐鮮味夾擊口腔生蠔來自日本兵庫縣既生蠔自制青檸啫喱，令到成個感覺更清爽黑毛魚呢款係高cp值白身魚，口感彈牙 加上蒜頭漬，味道好特別大拖羅2邊都炙燒過，將油脂迫出黎 加上京葱，蒜蓉中和返油膩感鮑魚經過慢煮，再配上蒜蓉牛油昆布汁2種味道好夾壽司有活帆立貝，金目鯛，赤身，牡丹蝦全部都好新鮮牡丹蝦好特別，用碗既形式上用蝦膏撈均，味道好鮮甜推薦魚湯烏冬材料係用刺身既魚骨熬成非常鮮甜，成碗都係精華…Read More