Siu BBQ (Closed)

我對串燒燒烤店真係有情意結﹐食過好多間，講價錢質素呢間一定排頭三位，雖然位置不算方便﹐同朋友講在千色附近應該都搵到！講番食物，牛舌係好好味，我多數揀鹽燒和蜜糖，厚切又大塊﹐燒完出面熱辣辣，入面仲好juicy！次次黎都order 2-3串！其他一定食既有牛柳，雞肶（蜜糖燒），芝士西蘭花，豬頸肉，羊架等等！…Read More

間舖頭寫6點開門, 但6點本去到竟然裡面一個客人都無...叫左幾個燒烤例牌必食既食物, 例如牛舌, 羊肉串, 安格斯牛肉等, 味道不錯, 不會太咸.至於佢話既招牌乳鴿, 覺得都OK, 但不至於話好特別果隻.其他食物不至於好特別, 但味道都還可以. 整體而言都是合格以上高一D, 都會再去食.到七點零鐘走果陣, 先有多兩枱客.…Read More

唔經唔覺又到了學校放午飯的時間，早上上學時看到一家在亮賢居新開的食肆，說是'燒烤專門店'的，於是便走去嘗嘗，一入門口，店員很好招呼的，找了個四人位坐下，看了看menu，那裡有給學生而設的特價午餐，除了鰻魚飯外一律$30(包飲品)，我有幾日去左呢度食:照燒雞扒飯，雞扒燒得充滿香味，咬落吃到雞扒略微燒焦的香味，淡淡的醬油汁淋在雞扒上面，不會蓋過雞扒的肉味，恰到好處，旁邊配以時菜，我覺得這個挺能餸飯的粟米汁配吉列豬扒飯，吉列豬扒炸得ok香脆的=)，咬落覺得粉開得ok適中的，豬扒正常厚度，肉味濃厚，粟米汁就稍為不太好了，汁勾得太多芡，很稠=(，不太合適作為伴飯的汁肉醬意粉，這個我就覺得不太好了，因為一來，這個不是焗的，欠缺了點肉醬意粉應有的風味，二來，這個是光在面頭淋上汁，醬汁不能滲透到意粉裏去，三來，意粉本身一點味也沒有，如果單靠醬汁提供味道的話是不夠的，意粉本身也要下一些調味才能突顯出肉醬意粉的風味:)整體來說是ok的，價錢也合理的，只是有些還有待改善=)…Read More

大角咀亮賢居的基座開了多間食肆，當中一間開業不算太久的燒烤店，就叫做 Siu BBQ「燒烤專門店」。一個晚上，我便與老婆仔來到了這間燒烤店以串燒作晚餐:):):)。這店的地方是偌大的，可是客人卻絕對不多，連我倆在內，周日的晚市黃金時段，由七時許到九時，粗略估計可以容納接近一百人的食店內竟只有四檯客人，而且全是一雙一對的情侶，這燒烤店都可說十分冷清，生意欠佳。不過也是的，誰教這店舖所在的位置那麼不就腳呢:(:(:(！店舖的設計平實而簡單，可能因為人少，坐得都幾舒服:)，店裡的裝飾陳設中，最吸引人目光的要算是天花上吊下來的一盞盞帶有中國古典味道的燈飾，除此以外，店裡便沒有其他花巧的擺設。除了串燒之外，這裡也有好些其他食物可供客人點選，不過這間既自稱是燒烤專門店，所以這夜所叫的食物，也大多離不開各款不同的串燒。點的串燒未到，開胃的小吃「涼拌蕃茄」先行送到。這道在北方常見，材料簡單的冷盤小吃，在香港可不太常可以吃到。這夜叫來一碟，碟上除了已切成薄片的蕃茄外，還有必備的白砂糖和另一樣配料 ------ 美奶滋。無可否認，微酸的蕃茄，蘸上甜味的白砂糖，所產生的化學作用是正面的，即使不蘸美奶滋，也不失為一道美味的冷盤小吃:):)。這裡的特色小吃「燒百花雞」接著上桌。這一客四件的小吃材料雖然簡單，但做出來的效果不俗。薄薄一層脆身的雞皮下，包裹著入味彈牙的蝦膠，熱熱的上桌奉客，雞皮與蝦膠兩者的配搭可以讓人感受到兩種截然不同的口感，確是一道別致的小吃。串燒跟著送到。這夜我倆所點的多款串燒 包括:)「燒豬仔髀」、「燒安格斯牛柳粒」、「燒蒙古羊肉」、:(「燒牛舌」、「燒百花雞」、「燒雞腎」、:)「燒墨魚鬚」和「燒雞髀菇」，當中有豬、有牛、有羊、有雞、有海鮮、有菇菌，種類多多的，都幾豐富。在各款串燒中，以上文提過的「燒百花雞」和「燒安格斯牛柳粒」兩者最好吃，安格斯牛柳粒肉質嫩滑，水準頗佳。「燒蒙古羊肉」以原味醃製，味道不過不失，不過就不及自己數天前幫襯的「山東餃子館」中的羊肉串那麼美味。「燒豬仔髀」肉質稍韌，勝在夠熱，都算及格。這兒的厚切「燒牛舌」是這晚自己吃得最不滿意的串燒，實在教我這個極喜歡吃牛舌的老饕失望:(，這牛舌雖是鹽燒，但味道偏淡，又不夠軟腍，水準確是未如理想:(:(。至於「燒雞腎」、「燒魷魚鬚」和「燒雞髀菇」，前兩者水準尚佳:)，「燒雞腎」夠爽，「燒魷魚鬚」也有嚼頭，但「燒雞髀菇」則較為普通。值得一讚的是，這兒的串燒有多款味道可供客人選擇，包括原味、小辣、大辣、蜜糖、鹽燒和泰汁六款可揀，可是甚為貼心的安排，加上這兒除了有不少款式的串燒可吃之外，還有特式燒焗、前菜涼拌、明爐鍋物等供應，要是與三五知己，來這兒喝啤酒、吃串燒和其他各款食品，這兒應該是個蠻不錯的地方。也叫來一客「焗鵝肝醬法包」和店中推介的其中一款食品「鐵板清酒蟶子」。四小件的法包塗上薄薄的一層鵝肝醬，雖不太夠喉，味道還不錯:)，只是法包不太脆身，要是能在這方面做好一點，烘得脆一點，那便十分好了。「鐵板清酒蟶子」有六隻蟶子之多，蟶子雖細細隻，但以清酒浸泡調味之後，充滿清酒的濃濃酒味，都幾特別，也幾爽口:)。其實這次所試的食物雖然未算款款皆精，但是大部分水準都算過得去，有些還頗為好吃，這在週日晚市黃金時段仍是冷冷清清的「燒烤專門店」實在不妨一試，要不然的話，說不定它可能會很快便消失呢！…Read More

知道佢開咗一段時間不過直到近日先第一次食有好多比較少見嘅款式呀,好似田雞脾咁係本人嘅大愛呢!!不過串燒好唔好食就一定要試最基本嘅雞翼嘞(趨最鍾意食燒雞翼,海鮮類興趣不大)呢度無論全翼定中翼都一流好耐冇食過咁好味嘅燒雞翼諗起都想即刻去食呀大部份款式都好美味,可惜以串燒店嚟計佢真係比較早收,次次食宵夜都食唔到:(…Read More

之前行過見到新開, 跟住就約埋朋友去試試.... 價錢都ok, 唔太貴, 啲食物大過都好食:(西冷牛扒: 唔好食, 可能之前食咗牛柳同安格斯牛都好好食, 呢碟真的好差, 乾到爆:(茄子: 我朋友食, 話唔好食洋蔥: 燒得好甜, 好好味菜心: 估唔到咁好食, 佢上面加咗鹽, 食過最好食的菜心洋架: 我冇食, 但見朋友都食晒三文魚頭: 好好味, 味道一流.....:)芝士西蘭花: 我食嗰陣好快就凍咗, 所以麻麻地, 但多芝士 鐵板蒜蓉花甲: 好好味, 四十幾蚊, 唔算貴牛柳: 好好味, 好淋, 有牛味, 有肉汁, $12, 抵8"大蝦: 好多蝦肉, 不過就乾咗啲, 但都好抵食, $20:(牛脷: 好大件, 好厚身, 但我本身鍾意食薄身多啲, 所以扣咗分, $12冇影相:安格斯牛扒: 好好味, 比牛柳多咗啲肥膏, 更有口感 $20筍: 好好味, 我第一次食, 愛上了藍妹: $24x4下次都會再嚟的....三人食咗五百幾蚊!!!…Read More

星期日,又是Family Day,與家人出外搵食,本來,二姐夫提議去亮賢居新開不久的越南菜館試試的,可惜,人太多,最後,便行了隔幾個舖位的燒烤專門店,我們都是第一次來,老實講,經過上次在佐敦渡船角食了六嚿幾水,都食唔飽,仲要再出去食多餐既經驗,我對燒烤店真係冇乜好感的. 呢間燒烤店整體上都幾好食,因為,叫了好多款食物,(盡量...樣樣都試吓嘛),我只約略介紹一下重點.好食的有: 牛舌--->>厚得來又燒得好嫩,而且夠入味.(我本身唔鐘意食牛舌的,試了一口,都覺得好好食).麻辣手撕雞--->>我覺得不算很辣,但...好好味,但..兩位家人都話辣,總括來說,我們四個大人都讚不絕口呢~:)牛仔骨-->> 好滑,好入味,可以一試.燒鯖魚--->> 燒得剛剛好,不會嚡烚烔的,好好食~燒蕃薯-->他們用的是紫蕃薯,好甜,好正~重慶酸辣粉--->>因為,我不愛吃酸辣的東西,但..二家姐比我吃了一口,我覺得味道OK, 不會像出面吃到死酸的,酸味只是輕輕帶過,整得唔錯.燒蒙古羊肉串--->>好食,又沒騷味,孜然粉落得剛剛好,而且,好香.整得唔係咁好既::(涼拌皮蛋 --->>在門口拿Coupon,除了埋單有9折外,仲有三款食物送的, 我們選擇了呢款,不過...要比錢的話,呢款食物就唔值得叫了.燒鰻魚飯團 -->> 嚿飯燒到硬掘掘的,鐘意食硬飯既人,也許會鐘意食,但....我就唔係好鐘意.胡椒魚湯泡飯 --->> 仲以為係普通白飯泡魚湯,點知上檯才知瀨嘢,又係硬掘掘的燒飯團, 加上沒魚味的魚湯,這款食物,對我來說,只是用來飽肚的食物~燒菠蘿 -->> 燒的時間太短,未能做到外乾內濕的效果,店主要努力了~燒原條茄子 -->>因為有小朋友一齊食飯,所以,叫了兩款,走辣&中辣的,茄子入面燒得夠軟, 但是...外面燒耐少少,有少少燶的效果,那便方便客人用筷子一剔起便可以夾起來的, (這也是,我們上大陸玩時,去燒烤店見到的做法),而且,味道唔夠, 不過....他們做的都唔係唔好食既,只是,可以做得更好.鵝肝醬法包 -->> 鵝肝醬太薄,吃不出味道,但...我都好明白,一分價錢一分貨,這兒只收24蚊一客, 當然不能有祈望的,也許....店主可以考慮,呢個包,價錢收高少少,鵝肝醬搽番厚少少, 客人食得滿足,便會一個一個朋友的推介過來,總比現在整到三不像的好~ 我們四大一小,共五人,九折後,埋單只是$517元,以燒烤店來說,呢個價錢可以食飽五個人,真係好抵食,以他們的食物,水準,服務及價錢來平衡,呢間一定有回頭的.…Read More

居酒屋形式, 路過而已, 即叫即燒, 燒物醃得入味, 價錢不貴, 可以一試.但要避重就輕, 不要點田雞, 燒魚, 試過味同嚼蠟!燒烤方式有多種選擇: 港式蜜糖燒, 日式鹽燒, 還有泰式, 川式 (小/中/大辣任擇), 即叫即燒, 但我還是建議鹽燒, 為求真味求鮮!配合德國啤酒味道帶辛的黑啤, 為BBQ 食物解膩百花雞雞皮釀蝦膠, 心机之作, 建議不用點甜酸醬, 細嚼其蝦味鹽燒牛舌: 還是建議凡點燒烤物, 都是用簡單的鹽來提鮮, 才能帶出真味! 口感豐腴, 油香滿怖, 下酒一流銀杏燒: 沒有帶出獨有的銀杏苦澀味, 真是枉然安格斯牛柳粒, 火侯控制得宜, 肉味濃鮮, 為上乘之作攸然羊粒: 攸然香草蓋過了羊味, 沒有羊膻的羊, 怎能稱得上羊?年輕人在弄燒物…Read More

住了大角咀二十多年, 絕少走過亮賢居那邊此店位置不太好, 若非上 openrice 完全不知道開了這店看見菜單, 眼前一亮, 不單食物種類多, 差不多每種食物也可以選擇川式 (小/中/大辣), 還有港式蜜糖燒, 日式鹽燒, 泰式...試了很多種類, 列出比較印象深刻的:- 雞髀 - 我最喜歡雞髀了, 很少燒烤食店提供燒雞髀, 主要是比較難控制火侯和花時間吧? 但這店的火侯控制不錯, 剛剛熟, 雞髀也很大隻, 用蜜糖燒法, 雖然我還是比較喜歡深水步 "和味" 的燒雞髀啦- 百花雞 - 雞皮 + 蝦膠炸起來, 端上來好像一件雞扒... 好似是炸的不是燒的, 但有特色, 推介- 雞腎 - 不是一般日式食肆的貨色, 是一串四粒, 很大粒的, 也是燒的剛剛好, 推介- 燒 8 吋虎蝦 - 只售 $20, 感覺很超值, 我點了日式鹽燒法- 燒香蕉 - 有點特色, 最後才端上, 變成甜品了...- 牛舌 - 感覺這是比較失色的一項, 太 "淋" 了, 似乎有先煮熟的感覺, 我比較喜歡 "煙煙韌韌" 的牛舌...…Read More

與朋友遊車河後, 在大角咀區搵醫肚..亮賢居可停車, 燒烤專門店, 午餐$30一SET, 可一試, 進店後立即要放棄SET, 點了鹽燒牛舌, 燒和牛, 魚湯泡飯, 燒海虎蝦...不錯, ....沒有感覺肉質雪了多時, 燒羊架很嫩滑.....每人百鬆D蚊, OK 啦 !! …Read More

係港灣附近又開多咗間食肆,今次係食串燒,入到去99%都係串燒系列,總類都有好多,亦有好幾種食法任揀,例如有辣味,原味,盐燒,蜜糖燒等等......由於係食晚飯關係,所以都叫咗好幾款串燒:燒紐西蘭羊仔架 -- 味道幾好燒雞中翼 -- 蜜糖燒幾入味,值得推介;至於盐燒則咸了點.燒芝士腸 -- 幾爽,不錯.燒鵪鶉蛋 -- ok燒牛柳串 -- 一般燒蒙古羊肉串 -- ok香草法式芝士焗西蘭花 -- 呢個最值得推介,因為之前全部都係串燒肉,難得有個菜食,即叫即焗,西蘭花亦算鮮,份量亦夠多,$22亦算抵食.:)燒香蕉 -- 幾得意,個皮燒到點晒,啲香蕉就夠熱整體上不過不失,但前菜要成$6,就覺得有點夾硬來,食吓食吓都食咗$150,抵唔抵食,見仁見智.…Read More