煲仔榮記 (Closed)

開頭睇到食評有d擔心去唔去新店試下。但試完之後覺得幾滿意👍 因為人齊先可以入，我拎左飛等個朋友黎。Reception 個位姐姐見我個朋友咁耐仲未黎到，係中間時間比多張飛我，驚我第一張飛過左太多入唔到：）叫左兩個煲仔飯，一個招牌金蠔蝦乾煲仔飯，一個豉汁白鱔煲仔飯。我同朋友都覺得好食，佢d 蒜油，come 撈汁，蝦油加左落飯覺得好香👍 煲仔飯有少少飯焦，我地鏟清曬先收工😂 整體覺得唔錯，未試過舊店既，可以搵日一試比較下。

成日話要去慈雲山試，點知開埋分店係旺角都未去到😂所以不如直接去旺角食啦！門面其實好搶眼，因為好大個花牌係上面，遠一遠就見到。一入門口好似返左舊時咁，紅色鐵閘，棚架，大牌檔摺檯摺櫈。我地坐吧枱對住個棚架食野都幾有風味。煲仔沾麵（沙嗲醬/龍蝦湯底/滑牛/公仔麵）擺盤好盞鬼，用個竹筲箕裝住個牛肉麵，沙嗲汁就另外煲仔上。個汁好杰好多花生碎，不過食唔出龍蝦湯味。食左一半就已經覺得太heavy，好彩我地share黎食，一半沾麵一半湯麵先冇食得咁辛苦。煲仔湯麵（沙嗲醬/雞湯底/滑牛/公仔麵）個湯比沾麵冇咁杰反而我會覺得剛剛好。但價錢同沾麵一樣，感覺上偏貴。麻辣三寶（魷魚+豬皮+牛柏葉）好得意用一個小瓦煲做器皿，聞到好大陣麻辣味，食落去後勁好辣，不過唔算麻。平時食得辣嘅我都覺得偏辣。整體來講比想像中好食，但湯麵黎講偏貴。抵讚貼心位，餐廳提供紙巾同牙線棒。

終於唔使去到慈雲山都可以食到慈雲山嘅「煲仔榮記」🤩 懷住興奮又期待嘅心情等左差不多半個鐘位，結論係只係好普通嘅沙嗲牛肉公仔麵，無傳說中咁出神入化😮‍💨 餐廳位置唔多，但裝修好有品味，利用左霓虹燈、竹棚架、鐵皮屋等香港傳統元素🇭🇰 另外店員套製服都好有大牌檔風，年輕有𝘚𝘵𝘺𝘭𝘦😎👍🏻《 沙嗲龍蝦湯牛肉公仔麵🍜 》 $78 3 / 5第一次食梗係要試「榮記」最出名嘅煲仔公仔麵🍜 有分湯麵同撈麵，鍾意重口味嘅可以叫撈麵，今次初嚐食返基本野就叫返沙嗲牛肉麵😛 簡單之中嘅不平凡係可以叫龍蝦湯底🦞 但果然沙嗲配上龍蝦湯底，變咗兩者都食唔出味道🥲 沙嗲唔濃、龍蝦湯唔鮮，或者叫返普通雞湯就好🙈 要讚嘅係牛肉份量多同鮮嫩，丁麵唔會過淋👍🏻 不過用唔用煲仔上好似對味道都無咩影響🤨《 蕃茄醬汁雞湯公仔麵配雞皮卷🍅 》 $78 4 / 5蕃茄醬獨有嘅酸甜，無論配搭主食定係小食都好夾，可以話係百搭嘅醬汁之選！今次番茄醬就比沙嗲醬優勝👍🏻😋 開胃之餘亦都中和返公仔麵嘅油膩，越食越醒胃🌿 配料雞皮卷外表脆卜卜，入面糯米餡吸收哂雞油同雞肉香🤤 好彈牙👍🏻 《 麻辣三寶（魷魚、豬皮、牛柏葉）》$30 3 / 5地道街

服務：門口嘅靚仔哥哥好熱情环境：老香港嘅佈置 裡面播著好多張國榮的歌 ❤️一份湯麵🍜同一份沾麵👆湯麵比沾麵清淡一點 沾麵吃到一半嘅時候已經凍左，湯麵仲冒著熱氣 ，鍾意食清淡d嘅朋友可以試下台上面有調味料 豉油 耗油 蝦油 蒜油建議沾麵吃的時候可以用台上面嘅蝦油先撈一撈 防止等下痴埋一起可以選擇小吃 肉餅 雞皮卷肉餅偏瘦 有點柴 雞皮卷真係用雞皮整嘅裡面有雞肉和雞肉糜同少量的麵粉合成 個人比較重口 我都係鍾意沾麵多d 蛋撻 麻麻 好流推薦 沙爹面 下次可以試下呢間煲仔飯

煲仔榮記🔥慈雲山榮記相信大定唔會陌生！最近佢地記進註左旺角！佢地招牌既沙嗲牛麵&煲仔飯又點能夠錯過！唔好等即刻同大定來試試佢先！｜金蠔煲仔飯 $148🔥🎖🎖🎖三隻金蠔肥大肉厚～大蝦乾大大隻分量超多～蝦乾蝦味濃郁很有咬口～到煲仔飯最重要既飯焦啦！土窩邊飯焦，焦白脆卜卜飯底亦做到粒粒分明！加上三大自家醬油～Come撈汁/蒜油/蝦油～真係色香味都絕丫！｜蒜香蠔王牛小排煲仔🔥$148🎖🎖🎖蒜香蠔王汁香濃😋牛小排肉質鮮嫩細滑～再加上日本生食級靚蛋！應該是蘭王/新紀玩曉吧！蛋黃色深橙色質地濃郁充滿蛋香～加上come撈醬汁撈埋飯焦一齊食味道真係非常好！👍🏻｜榮記第二寶煲仔麵分為湯麵/沾麵～醬汁有三種沙嗲/麻辣/蕃茄湯底分為龍蝦湯/雞湯餸有牛肉/豬肉餅/雞皮卷粉麵-公仔麵/粉絲～｜沙嗲牛肉龍蝦沙沾麵 🔥$78🎖🎖🎖🎖沾麵湯底餸麵是分上～熱辣辣湯底望落同湯麵分別唔大～夾一住麵沾沾湯底～哇！招牌沙嗲湯底非常非常香濃！濃濃既湯底加上微微既辣味越食越野味～一路一路食湯底既分別開始出現最後真係濃到化不開沾麵收成撈麵😂愛香濃沙嗲味既你一定要揀沾麵！｜沙嗲牛肉龍蝦沙湯麵 🔥$78🎖🎖🎖沙嗲湯底味道好是一定的！味道和

好多人話慈雲山榮記沙爹牛肉麵好出名、好好味我自己就未食過，知道旺角開咗分店就去試吓用煲仔上沙爹牛肉麵呢個概念係新穎不過我嗰鍋並唔係好似其他人咁講係滾住上或沙爹湯底好濃厚之類我嗰鍋麵唔覺有沙爹味 (我已經將個湯底撈勻咗幾次)喺湯底搵到幾粒花生粒所謂嘅龍蝦湯底唔覺令到鍋麵帶來任何味道總括嚟講成鍋麵係冇味嘅(冇味道唔重口味但係我食完會覺得口渴喎)傳統滑牛肉一啲都唔滑同埋好似只係將所有食材分開煮然後倒入個鍋一齊上店內有多過打卡位，啱晒鍾意打卡嘅人呢鍋$78沙爹牛肉麵CP值極低我應該唔會再去幫襯好彩唔洗排隊入去食如果唔係整個用餐體驗會更差

當初比網媒吸引去試呢間舖。入到去睇menu果時都覺得無咩野揀，都知道今次伏伏地，但本著一試便知龍與鳳既心態，叫左沙嗲麵同麻辣麵。兩煲野比想像中細，沙嗲就好一般，麻辣只辣不麻，似食辣油+麵，牛肉似落足生粉，真材實料。以為佢用煲仔出，熱辣辣好好食。老實碗面唔係好熱...摸個煲仔都唔熱既...另外，我一向食得辣，亦無腸胃不適。我中午食完個麻辣麵，一出門口，行左陣，已經好肚痛，係就爆果隻...男友都表示肚唔舒服，大家齊齊搵廁所。由中午到夜晚11點...周不時都肚瀉，十分清腸胃。最刺激既係...入到去，兩位女職員執緊枱比我地，我地已經企係佢旁邊，佢都知我地係到等緊，仲悠閒地吹水...仲要係閒聊，同公事無關...

自開張以嚟無論lunch或夜晚經過都見到長長人龍，好幾次去碰碰運氣都徒勞無功，點知偶爾嘅一個lunch終於比我地試到，坐低果下有d感動！店內裝修走懷舊路線，裝飾同poster都用心設計，滿足食客打卡嘅意欲。我地一行五人全部二話不說試最signature嘅煲仔湯麵/沾麵。醬汁可從沙嗲/麻辣/蕃茄三選一，湯底從龍蝦/雞湯二選一，餸則從滑牛肉/豬肉餅/雞皮卷三選一。沾麵同湯面最大嘅分別係沾麵嘅湯底再杰再濃縮d。期待已久嘅沙嗲汁滑牛肉雞湯公仔麵終於嚟啦！瓦鍋擺盤好吸睛，點知食落有d失望。本身都較重口味但食咗兩啖都覺得d over，鹹味蓋過左沙嗲嘅花生香。一邊食公仔麵一邊吸湯底，公仔麵越食越脹，越食越鹹，所以建議盡快享用。有幾位同事食到最後要加水落個湯底度🤣滑牛肉不過不失，反而佢嘅醬料有驚喜！每枱都會見到自家製嘅蒜油、蝦油、come撈汁同蠔油。蝦油真係好香，加落湯底一流！同事feedback話蕃茄汁龍蝦湯沾麵個湯底唔錯，豬肉餅非常免治但有d乾。整體來講煲仔湯麵比預期中遜色，可能煲仔飯會比較出色，如果夜晚經過人龍唔太長都可以試吓。Menu-

Waiting time was longer than expected, more than 30 mins during non peak hours. Understand it takes time to prepare and cook, the noodles are normal (同其他茶餐味道差不多，但價錢比較貴) but overpriced. Satay favour are more tasty than tomato lobsters soup based. We would recommend the Satay with beef if you go visiting there (沙爹牛肉面 比蕃茄味湯底好些)Overall, the experience was unsatisfied and disappointing. More importantly, just wanted to highlight some of the staffs are probably too new, they have given us the expired

同慈雲山個間質素差好遠排隊排成個鐘，一點排到兩點先入得，啲員工好唔得，出邊排晒隊，有客出唔識得即刻執枱放人入去，等咗成粒鐘終於入去，發現其實有幾張空枱入到去，點餐問個員工建議，蕃茄配龍蝦好定雞湯好，佢答我佢冇食過唔知，重點係佢個Menu得十幾樣野，自己員工都識點介紹俾客人🤦🏻‍♀️ 煲仔面內基本上得兩種面，公仔麵同粉絲，但lunch time peak hour都無粉絲，即係其實得公仔麵揀嘢飲方面，普通茶記嘅奶茶咖啡檸茶檸水全部都冇🙂 話啱啱開張得雪櫃嗰啲基本罐裝飲品，其實都開咗成個禮拜，呢啲嘢飲係茶記基本野，我見佢又冇水吧，我諗之後都係唔打算有(飲嘢可參考返圖片)2:11落單, 2:40先上菜，普通公仔麵等半粒鐘，個番茄湯極淡，公仔麵食落應該係好平嗰啲公仔麵，唔係出前一丁，亦冇出前一丁呢個選項(想揀粉絲亦無), 眼見前面嗰個用瓦煲裝但唔係用瓦煲煮嘅公仔麵已經心諗..”伏”，人哋慈雲山嗰間真係用瓦煲煮，原汁原味，一食落口，湯底勁淡，我諗其實揀龍蝦湯定雞湯應該都分別不大😂 食落口就知啲公仔麵係平嘢，我諗仲平過福麵，但賣70幾蚊一個🙂 上面擺兩舊應該煎咗好耐嘅豬肉餅，咬落口…..凍嘅，完。擺

我本身係一個重口味嘅人，亦都食得肥膩，但係佢個沙嗲湯底實在太濃味同太鹹，鹹到盲佬都開眼，唯一可取之處就係太漏，所以食完會好飽， 我老婆頂唔順要問佢加啲清湯，佢完加完清湯之後個味先啱啱好，慈雲山老店比較好味，濃度啱啱好仲無咁貴。想叫隻金蠔試吓，點知要$40蚊1隻，仲要一叫叫兩隻，所以冇試，實在貴到離地，$78一碗麵呢個價錢仲要唔包嘢飲實在有啲貴，呢個價錢嘅食物選擇有好多，我唔會再幫襯。反而枝$20蚊樽仔奶茶嘅味道做幾好。

懷舊裝修風格由門口開始一直延伸到店內，加上店鋪播放著梅艷芳，羅文，張國榮，陳百強歌曲，別具一色，沙爹連煲仔滾住上，唔會死鹹，味道唔會話好濃郁，但適中，以沾麵方式上的出前一丁不怕腍身，蘸落沙爹醬度撈完帶上微微花生碎，兩者相得益彰，沙爹三寶豬皮同牛柏葉爽口彈牙，無沙，很邪惡，但頗滯下，可以打卡之餘，仲可以俘虜你味蕾，可以一戰。

男朋友一向係沙嗲牛肉麵既粉絲，知道旺角開咗煲仔榮記仲滿心期待 諗住試吓佢好出名嘅煲仔牛肉麵。一去到門口好驚訝竟然冇人排隊，點知惡夢就開始。已經唔係希望越大失望越大咁簡單，而係食完會覺得好唔抵抌晒心口。我哋叫咗招牌嘅煲仔沙嗲牛肉麵，咖喱三寶同埋流心奶黃蛋撻。碗麵未到嘅時候已經覺得好出奇 點解滾住個煲仔都可以成間舖頭冇味。個煲到咗 首先個湯唔滾 完全冇啲人講到個湯係滾到有氣泡，只係普通一個湯麵賣相唔吸引，並冇任何芽菜豆卜，只係得牛肉亂放喺個面。招牌係沙嗲牛肉，但牛肉質素好差，好鞋口，好似街市買完牛肉然後滾熟咗咁完全冇味。湯底亦都冇傳聞講到好香濃好杰，只係覺得非常普通 一碗有沙嗲味嘅湯。反而旺角其他冰室嘅沙嗲牛肉面，質素更加比佢好，但係人哋價錢比佢平成倍。另外叫咗個咖喱三寶要30蚊，更加令人失望。就好似打邊爐食到最尾，係鍋底撈起嘅豬皮魷魚同牛柏葉，熟到一啲都唔爽口，又係淋嗰個所謂好好味既沙嗲醬，但係亦都非常啖口， 同食物味道夾不到。總括嚟講，間野名大於實，俾人呃咗尼食一次都真係唔會有第二次，大家未試嘅都可以唔洗試 無謂嘥錢食啲大家樂質素嘅沙嗲牛肉麵，絕對唔建議大家食！

早前試過慈雲山既沙爹牛一試難忘，最近知道旺角開分店，就當然要再去捧場啦🤩星期日12:45去到已經排緊2x張檯，因為店內只有24個座位，所以大概等左45分鐘左右先有得入座🧐旺角呢間舖加左好多香港特色係裝修上，同埋多左款沾麵，的確係多左gimmick/打卡位。今次叫左沙爹牛沾麵同普通湯麵。不得不提，沾麵個湯底真係好濃又傑身。食完個口仲有陣陣蒜味，自己都幾喜歡。牛個份量其實可以多番少少🤏飲品方面，唔知係咪新開張，follow fb/ig就有免費汽水。另外再加樽奶茶，個口感好厚，都算好飲😋

不嬲都好鍾意食沾麵見到唔少foodie洗版有港式沙嗲牛肉沾麵 咁就梗係要衝去試男朋友早啲去幫我拎飛排隊計計吓 其實我哋都排咗45分鐘! 呢間餐廳喺慈雲山出名沙嗲牛肉煲仔麵佢嘅湯底做沾麵 我當然滿心期待! 由坐低再等食物出爐 再等多20分鐘…我選擇配搭係: 沙嗲汁+龍蝦湯+滑牛肉+公仔麵 $78一上枱 個presentation都幾得意 沾上沙嗲湯底食 噢 原來公仔麵都幾掛汁但係一入口 好鹹 真係好鹹 離奇的鹹佢鹹到我下一秒想沾碗男朋友湯麵可以一提嘅係 湯底質感好Rich 好濃稠 係有粒粒花生碎我可以叫佢做沙嗲醬 但係用嚟沾麵 就真係要再調調個湯底最弊嘅地方 係湯底好快凍 難以保持熱度 所以我對呢個沾麵係好失望嘅…豬肉餅沙嗲湯底煲仔面 $78反而正宗煲仔麵鹹味拿捏得好啲 豬肉餅都還好沙嗲牛柏葉加魷魚 $30魷魚同牛柏葉都新鮮 入口都爽口流心蛋撻 $20Ok…呢個甜品我覺得幾出色! 係成餐入面最滿意嘅 即叫即出爐 又唔會太甜 整體來講呢…如果要排咁耐…真係唔太建議大家去排Maybe等佢少人啲 大家再去try啦整體性價比：🦖🦖煲仔榮記 地址：旺角花園街1號鴻禧大廈地下K號舖