Video
Read full review
2021-09-15
2721 views
自開張以嚟無論lunch或夜晚經過都見到長長人龍，好幾次去碰碰運氣都徒勞無功，點知偶爾嘅一個lunch終於比我地試到，坐低果下有d感動！店內裝修走懷舊路線，裝飾同poster都用心設計，滿足食客打卡嘅意欲。我地一行五人全部二話不說試最signature嘅煲仔湯麵/沾麵。醬汁可從沙嗲/麻辣/蕃茄三選一，湯底從龍蝦/雞湯二選一，餸則從滑牛肉/豬肉餅/雞皮卷三選一。沾麵同湯面最大嘅分別係沾麵嘅湯底再杰再濃縮d。期待已久嘅沙嗲汁滑牛肉雞湯公仔麵終於嚟啦！瓦鍋擺盤好吸睛，點知食落有d失望。本身都較重口味但食咗兩啖都覺得d over，鹹味蓋過左沙嗲嘅花生香。一邊食公仔麵一邊吸湯底，公仔麵越食越脹，越食越鹹，所以建議盡快享用。有幾位同事食到最後要加水落個湯底度🤣滑牛肉不過不失，反而佢嘅醬料有驚喜！每枱都會見到自家製嘅蒜油、蝦油、come撈汁同蠔油。蝦油真係好香，加落湯底一流！同事feedback話蕃茄汁龍蝦湯沾麵個湯底唔錯，豬肉餅非常免治但有d乾。整體來講煲仔湯麵比預期中遜色，可能煲仔飯會比較出色，如果夜晚經過人龍唔太長都可以試吓。Menu-
店內裝修走懷舊路線，裝飾同poster都用心設計，滿足食客打卡嘅意欲。
我地一行五人全部二話不說試最signature嘅煲仔湯麵/沾麵。醬汁可從沙嗲/麻辣/蕃茄三選一，湯底從龍蝦/雞湯二選一，餸則從滑牛肉/豬肉餅/雞皮卷三選一。沾麵同湯面最大嘅分別係沾麵嘅湯底再杰再濃縮d。
期待已久嘅沙嗲汁滑牛肉雞湯公仔麵終於嚟啦！瓦鍋擺盤好吸睛，點知食落有d失望。本身都較重口味但食咗兩啖都覺得d over，鹹味蓋過左沙嗲嘅花生香。一邊食公仔麵一邊吸湯底，公仔麵越食越脹，越食越鹹，所以建議盡快享用。有幾位同事食到最後要加水落個湯底度🤣
沙嗲汁滑牛肉雞湯公仔麵
$78
38 views
0 likes
0 comments
滑牛肉不過不失，反而佢嘅醬料有驚喜！每枱都會見到自家製嘅蒜油、蝦油、come撈汁同蠔油。蝦油真係好香，加落湯底一流！
同事feedback話蕃茄汁龍蝦湯沾麵個湯底唔錯，豬肉餅非常免治但有d乾。
整體來講煲仔湯麵比預期中遜色，可能煲仔飯會比較出色，如果夜晚經過人龍唔太長都可以試吓。
Menu-
Post
