首先就叫左依個招牌川醬干炒牛河，佢一上枱就聞到佢陣香味，雖然係下午茶餐，但都幾大份同足料，食落唔會好油，而且炒得都算乾身，同埋d河粉仲feel到佢有d彈性唔會淋晒，味道香濃帶辣，但又未至於辣到要即刻飲水，而牛肉份量雖然唔多，但都幾大舊，同埋都夠淋，整體個炒河係幾出色，唯獨可能個人唔係太食得濃味野，所以食完會有d膩既感覺。
1
另外仲叫左個都係招牌既清湯牛腩河，依個又係都幾大碗，河粉煮得岩岩好，就算夾起都唔會斷開，而主角牛腩雖然都唔係好多，但又係大大舊，佢連埋d蘿蔔都煮到好淋好入味，另外個清湯底味道都適中，唔會過咸或蓋過牛腩既味，而且好鍾意佢有一大匙既蔥，加埋一齊食令到成碗牛腩河更加香同好味，整體黎講係一碗令人好滿意既牛腩河，而且連埋飲品先＄49，性價比非常高，一定會再番黎食！
