潮香園潮州食品 (Closed)

話說因為住附近一直都有幫襯開呢間煎餃舖頭，以前又香又脆餃子，又有韭菜味肉也多，而家唔知點解參差咗，有時韭菜先靚有韭菜味，而家通常要點辣醬比較好吃點，而且以前係平一蚊一隻餃，而家已經加價了$30蚊15隻餃子。不過最近都係有幫襯開，算還可以吃的餃子。

天澤街市內有好多唔同嘅小食店，但小妹食黎食去都只係兩間，一間係賣米線、薯粉的，另一間就係呢間，小妹鐘意佢地嘅煎餃，記得小店初開之時，蒸餃只係一蚊一隻，後來除左煎仲有蒸的，嗰時真係好多人幫襯佢地，慢慢地其他店都加入，但始終味道都不及呢間『始祖』,直到依加，喺乜都加價嘅市道下，餃子都輕微加左少少，買兩隻三蚊，四隻就五蚊咁樣。小妹今日想食蒸餃，於是又黎到小店買，清楚講明係要十隻韮菜餃，及買左兩個蘿蔔絲茶果，當時可能唔係高峰時段，餃子明顯比平時蕉左啲……返到屋企打開盒開始享用，食第一隻小妹已開始唔高興，根本唔係韮菜！而係椰菜！！(佢地叫白菜餃)小妹唔鐘意椰菜餃，但佢足足俾左五隻我！椰菜餃味淡，再加上煎左好耐，啲椰菜完全淋到可以俾剛剛出牙仔嘅bb食而另外五隻韮菜餃雖然好香韮菜味，但餡以不及以前多蘿蔔絲茶果同韮菜餃有同一個問題，餡少左，蔥落得太多，蔥味太濃，小妹記得之前食過，個餡係好清甜的