潮州冷小炒

2O2O年5月9日和朋友去食飯，幾拾年未食過咁難食食物，炸鲮鱼球皺皮，肉晦超咸，牙带鱼咸到苦，得三小塊，滷水鹅肉鞋冇滷水味，煎蠔餅蠔又小又细粒又散，只有韮菜猪红稍為正常，但偏咸，和大圍及其他吃過潮洲菜，完全吾合格。…Read More

滷水鵝片，我每次都對依度既鵝片讚不絕口，滷水香甜不咸不嗆，肉質嫩滑又多汁，但今晚失手了 ﹗招牌菜？以前係招牌菜囉，仲係必食之選，不過今非昔比，依家好失望呢 ﹗翻查記錄，滷水鵝片一路以來都好好味架，超級嫩滑又無渣，滷水香甜美味 ﹗是否師父放假呢？唔會換左師父咁大件事掛？而且今晚碟鵝片等得特別耐，莫非唔熟手？鵝片紋路及厚薄跟食開唔同，較為厚身、鞋口、硬實、有點乾，大失水準，質量插水，滷水偏咸濁，芳香味道不再，肉質乾硬鞋。師傅您係咪唔開心呀？韮菜豬紅，個汁免免強強合格，味道夠濃但單調左少少，豬紅有點腥味喎。煎糯米釀大腸，期望過高了 ﹗不香不甜，無咩既，麻麻地。外皮脆而糯米嚥韌，味道一般。半煎煮烏頭，上次食好好味架喎，真係往事只能回味喇。魚肉無鮮味，溫度又唔夠熱，暖暖地而味道偏淡。潮州蠔仔粥，又係暖暖地，蠔仔又瘦又少，粥底帶甜帶肉味都還可以，但唔夠熱使到味道大打節扣啦。欖菜炒飯，無鑊氣，微咸無蛋香，味道單調。因為我係灣仔某齋舖食過非常好味，所以專登叫黎試試，誰知係天淵之別。三個人都食剩咁多野，原因咪係味道未如理想囉。質數下滑大插水，價錢又貴，難怪晚晚都水靜河飛啦。依家九點半已剩低三枱客都煮成這樣，質數大幅下滑。原來員工們已預備食宵夜收工喇，咁早？…Read More

個個都無 idea 母親節食邊間好，雖然每次都係我埋單，但阿爸阿媽成日都話厭貴，又唔肯離開大埔，間中食好少少有咩所謂啫，最後決定經濟一點食潮州冷囉，您地喜歡啦。發現有好多罕見潮州懷舊功夫菜呢，有部份真係聞所未聞，大開眼界，但要早兩三日預訂先有得品嚐啊，而且報紙及雜誌已有所報導。滷水鵝片，好食到拍爛手掌，必食推介 ﹗試過多間潮州冷，鹿鳴居、榮發、潮合興、生昌、基圍、潮香園、等等，最高質都係依度 ﹗鵝肉滑溜溜，纖維幼緻緊緻，肉汁存在於每條肉絲之間，看得到的水潤，立立令又反晒光 ﹗半肥瘦滷水鵝，滑彈鵝皮下黏著薄薄油脂，使到香味更加突出。刀功了得，皮肉片成黃金比例，芬芳清爽滷水汁已滲透其中，香甜味美，越答越有味道。而且半點渣都沒有，好食到不得了 ﹗沾上白醋同吃夠醒胃，配上辣油同吃夠惹味 ﹗墊底烚花生都非常有質數，吸盡滷水，半軟腍半香脆，同樣好食 ﹗完全食晒咩都無得留低。淨豬紅，最緊要夠熱，能夠出晒煙就更好 ﹗依碗溫度滿意，湯底濃郁但完全唔辣，結實富彈性，整粒啪入口，一咬爆汁，正呀 ﹗淋上大量辣椒油就更滿足啦。我喜歡質感外層有彈性而裡面嫩滑，最憎一夾就散那一種。潮州明爐烏頭配甜酸肉碎湯，仲有大量香菜、芹菜、芫茜，但我全部都食唔到呢 ﹗幸好個甜酸湯夠濃，可以蓋過佢地獨特既氣味。似乎烏頭受熱不太平均，半邊滾半邊無反應，唯有手動操作，不停將湯淋上烏頭面，希望快點熱又快點熟吧 ﹗耐心地等了十幾廿分鐘，終於滾起熱辣辣，夾返舊大大件既魚肉試試，滑溜 juicy，帶濃郁甜酸湯味非常開胃，魚肉散發著天然鮮魚味道，轉個身已剩低棚骨喇 ﹗好好味呢。燉響螺瑤柱雞腳湯，每晚限量發售，侍應姐姐講最好打電話預留，好快賣晒架乍。全家都唔飲湯算數，我自己嘆。開呀 ﹗香噴噴氣味直擊臉孔，濃厚雞湯氣味濔漫著。呷一口，響螺味鮮甜可口非常突出，瑤柱海味味道同樣出眾，夠火喉熱辣辣好好飲呀 ﹗雞腳炆得膠膠滑滑又保持彈牙，正。依度一人份燉湯都要 $68 蚊，我銅鑼灣間點心賣 $58 蚊兩人份足料燉湯，抵食夾大件啦。半煎煮烏頭，我都一把年紀喇，都係第一次食煎烏頭，煮法有點似炆煮。外皮先煎得金黃微脆，能吸引更多芡汁又更香口。淋個秘裝醬汁開始炆，埋個薄芡送上。魚皮腍身汁液豐富甜美，跟鮮嫩魚肉掉入口中，啖啖肉跟醬汁魚汁混和，美味極致。魚湯浸肉碎魚肚青瓜，甜美健康又清新既一道菜。青瓜爽脆而味道清新，魚肚帶香濃魚味，吸埋香濃魚湯那有不好吃之理呢。肉碎魚肚青瓜要一起食先可以將質感及味道融合，發揮得淋濔盡致，豐富多層次。潮州凍蟹，我突然好想食蟹，侍應嬸嬸即刻落足嘴頭，依隻新鮮巨蟹可遇不可求架，計平少少比您啦，多謝 $700 蚊，好好好。蟹膏充滿整個蟹蓋，特濃海水咸味，堅咸 ﹗落少少浙醋緩和一下先得。蟹肉同樣泛著海水天然咸香，不過無蟹膏那麼強烈，淡淡咸香散發著蟹肉鮮味。肉質結實微彈而滑滑，味道鮮甜清香，新鮮度表露無遺。欖菜炒飯，炒得非常香口，雖然濕氣重左少少，幸好飯粒仍然保持嚥韌，味道不錯。芋泥香酥鴨，因為以前係英國舅父餐館返工時，香酥鴨係炆完隻鴨再起骨，炸到透徹香脆，斬成一絲絲，用薄餅配海鮮醬、大蒜、青瓜捲住食架呢，同北京填鴨食法一樣。所以先入為主，次次都誤會跟舅父餐館出品一樣。芋泥我完全唔喜歡食的，但芋泥就無問題喎。芋泥跟鴨肉味道直頭係天作之合，撞埋一齊產生出既化學作用使到大家味道得到進一步昇華，好味到難以形型。芋泥完全填充鴨肉每絲纖維隙縫，濕潤黏黏漿漿既質地，芋香處處。鬆化炸醬黏附在嫩滑鴨肉之上，齊件啪入口，讓芋泥、鴨肉、炸醬完全合體，非凡既味道及質感，very nice ﹗反沙芋，熱騰騰即叫即做，小心燙嘴呀，勁熱 ﹗甜品不懂欣賞、原件芋頭亦不懂欣賞，好甜啊，還可以。媽媽節晚飯除左個青瓜肉鬆魚肚普普通通外，全部高質好食好食，似乎轉左新大廚喎，讚 ﹗…Read More

臘味炒芥蘭，時令芥蘭真係又甜又爽又嫩口，極上多汁芥蘭 ﹗加上被臘肉咸香油脂緊緊包住，超級惹味，越食越想食，搶呀 ﹗方魚炒芥蘭，芥蘭鮮嫩爽脆又多汁，輕輕散發著方魚鮮甜油脂，超好味 ﹗不過方魚太硬喇，完全趙唔到囉，勁搞笑。滷水併盤，五花腩看似好肥膩，千奇不要以貌取人呢 ﹗成舊啪入口既時候香濃味美，膠膠彈彈，肥而不膩喎 ﹗厚厚脂肪同豬皮已炆到變得嫩滑軟棉，散發出滷水芳香，不咸不濁，好好食呢 ﹗玫瑰紅腸外購貨穩陣啦，墨魚片嚥韌微彈，滷水鵝肉幼嫩細緻，滷蛋清甜甘香，無投訴。配白醋夠開胃，配辣椒油夠惹味，同樣咁正 ﹗滷水鵝片，鵝皮又彈又滑，鵝肉纖維緊緻嬌嫩可口，肉汁豐富，鵝又肥瘦適中。滷水汁芳香無比，不咸不嗆剛剛好，越答越有深度，非常滿意，高質到可以稱霸大埔 ﹗炸蠔餅，鮮艷黃色透出濃郁蛋香，炸得乾爽鬆化，蠔仔肥嘟嘟好可愛又飽滿，一咬瀑汁蠔味非凡，餘香沾滿口腔每一處。蛋醬讓大量蠔仔環環緊扣，成塊 pizza 塞入口，豆瓣醬代替 pizza 蕃茄醬，那種澎湃香辣海鮮既感覺真的非常震憾 ﹗韮菜豬紅，黑湯極為濃郁滷水味，幸好味道不嗆不咸，泛著微微清香。滷水汁已滲透每一粒豬紅，爆開全是甜美汁液。豬紅滑滑彈彈，放在辣椒油上左滾滾、右滾滾再跳入口中，微辣好味道 ﹗醬焗一字骨，炸完再焗，表層已完全吸收甜甜的醬汁，肉質鬆化有咬口，味道不俗。炸雙棗，即蝦棗同蟹棗。味道就非常好喇，但外脆內腍咁有趣既？炸得香脆，但蝦肉蟹肉係裡面散筲筲又腍劈劈囉，沾上浙醋都好食。鹽焗烏頭，估不到非常鮮甜，肉汁非常豐富，又香又甜好好味 ﹗係欠缺左甘香黃油囉。清得乾乾淨淨，完全蒸發，一絲肉都無得留低。食左咁多間打冷，都只有大圍生昌有得食爆黃油鹽焗烏頭。半煎煮烏頭，食過當然要翻尋味，以前試過一次堂食，好好味要 encore ﹗外賣真係較為差一點，等齊所有餸煮好先送貨，所以唔夠熱，只係微暖，連味道都差一點。幸好都算好食又有鮮味，肉質幼滑，煎過特別香口又能吸收更多湯汁，索埋上湯及魚湯，Good ﹗雙面黃，係我既第一次呀 ﹗從來未食過，亦都從來未親眼見過。以前完全唔知道係咩黎，係電視見過好似要跟砂糖同醋一齊食囉。終於都一睹雙面黃既蘆山真面目，沾上浙醋及砂糖，我覺得食緊甜酸媽咪麵囉，脆卜卜又帶少少咸香，好有趣。今年聖誕節係 Baby Q 過，同成班無地方去既朋友仔共渡平安夜 ﹗仲能夠有緣齊齊享受潮州打冷聖誕餐。臘味炒芥蘭、滷水併盤、炸蠔餅、韮菜豬紅、滷水鵝片、雙面黃、半煎煮烏頭、鹽焗烏頭、醬焗一字骨、炸雙棗、鹽焗烏頭，非常豐富 ﹗…Read More

因為呢間野既午飯太難食搞到要特登開ac上黎寫負評第一次既食評亦都比左佢中午去食叫左個木桶午飯，蝦漿豬頸肉飯，得個咸字，得飯先食得,d豬頸又肥膩…好多都唔食得落口杯凍奶茶唔係奶茶黎，冇奶味，茶味又淡，好似飲水咁…四十一蚊食d咁既野，very bad…Read More

睇左食評先來試吓，一入舖'得一台客，食物味道ok,點左鵝片，蠔粒，話梅豬手，金銀蛋時蔬,蝦蟹jo，但有少少偏咸及唔算平，兩個人成五百幾,食完老公去埋單，我就門口等。點知………Read More

突然搵到呢間食潮州打冷, 餐廳幾四正, 唔似出面有D潮州打冷”污漕”, 唔知係唔係平日夜晚既原因, 唔多人食飯, 得2張檯.我地2人叫左以下餸:滷水鵝片: 鵝片肥瘦適中,顏色有光澤, 軟熟唔鞋口,有肉汁.黃金蝦: 色澤好金黃, 蝦身夠乾, 食落口好香脆, 好野味,不過SIZE偏少.蠔餅: SIZE都幾大,食落去唔覺得係剛剛炸起, 好似攤凍左少少, 唔夠熱辣辣,D蠔仔唔係好多!另外加多左碟菜, 以上既餸都OK, 不過價錢都唔平, 間唔中一次可接受.…Read More

It's not that I don't enjoy Chinese cuisine, it's just that translating Chinese dish names, ingredients and adjectives into English are quite a challenge. But once in awhile, you want to share the joy that comes about when you re-discover that food and reviews shouldn't always be about trends, celebrity chefs, big names, dining groups and the next hip joint; food is also about people, culture, habitat and the celebration of the maximal efforts to the people that dedicate themselves to our wellbing and enjoyment.Chiu Chow "Da Lang"(打冷) is embedded deep into Hong Kong's late night dining culture, where flavors are robust, varieties are endless and marinates can have a history as old as the shop, sort of like Chinese comfort food. I stumbled upon this area bustling with hidden gems and treasures, with the streets of locally-run restaurants and plenty of variety; having my mind set on some Chiu Chow goodness, I naturally landed in this place.First up, was Chiu Chow Styled Oysters and Minced Meat Congee ($98)(蠔仔肉碎粥). As you can see from the picture, it's not the bland white congee that first comes to mind on mention of congee. The texture is a bit more watery, since the rice is not boiled to a mash like Cantonese congee, so you can taste each ingredient individually. Definitely one of the classics, and very well-executed too!This next dish is somthing that I've never tried before, a literal translation of the name would be Pomegranate Chrysanthemum Chicken ($120)(菊花石榴雞). The skin of the dumpling is made from duck and chicken egg white, fried into a thin sheet but al dente enough to allow it to be skillfully wrapped around the filling and steamed without falling apart or breaking. The filling is a mix of Chinese mushroom (dong gu), chicken, ham and bamboo shoots, all diced to the same size so they don't overpower each other. The little bundle is carefully tied into a bundle with a small strand of celery leaf. This bite-sized dumpling is a culinary delight, with the different textures and aromas crafted into in a tiny bundle.This last dish wasn't on the menu, but was recommended to us by the waiter, so apologizes if I do not have an exact name. As I recall, the dish was Deep-Fried Squid/Fish Cake(~$100) (脆炸小堂菜魚/墨魚餅). One of my favorite things about Chinese food is that the fried dishes are (almost) always impeccable compared to western counterparts, attribute that to the magical charm of Wok Fire (鑊氣), since traditional Chinese cooking uses higher temperatures than you would usually find in more refined cuisines. Step into a Chinese kitchen and you will know what I mean when you witness ceiling high flames ablaze. Anyhow, the surface of the fish-cake was crispy and almost as flaky as a mille feuille, the texture inside was a bit like fish balls. The plum sauce for dipping was very appetizing; sweet, sour and fragrant!::||Good For||::A decent casual local dinner or midnight treat!…Read More

作為愛吃之人，最心痛莫過於鍾情食店莫名的水準下滑，那種心痛，難受不已；而最安慰莫過於「回塘」食店，回復狀態大勇。大埔的潮州冷，回來了！該是一年前左右，朋友無緣無故提議吃潮州冷作晚餐。那夜，水準差得嚇人。邊吃邊懷疑，是不是易手了？還是換了師傅？從那天起就對潮州冷卻步，直至早陣子被May姐的飲食節目誘發，讓我好想吃打冷，心癢難當。捨遠取近，隨便吃潮州冷吧。一吃，水準叫一年前可謂天壤之別。潮州冷於大埔扎根怕有五六年，一直水準不錯，更以古舊手工潮州菜作招徠，我更一直慶幸大埔能有這樣一家穩打穩扎的潮菜館。水準回勇後，更特意找朋友再吃一次，一查究竟。朋友來到甫坐下，便說要點凍烏頭吃。凍魚，即潮州人稱的「魚飯」，最平常以烏頭入饌。原條烏頭以鹽醃過後，大火蒸熟，放涼便成為魚飯。平凡至極的做法，簡單無華的味道，吃的，就是魚鮮和肉香。一貫不愛結實魚肉，但是夜的烏頭實在精彩，肉香又甜，蘸點普寧豆醬，立時鹹香生輝。打冷，當然要來碟滷水鵝。平時愛吃鵝片，但是又又想換換口味，吃點油脂，就來道鵝肉吧。鵝片大多以鵝胸肉薄片以成，鵝肉則以鵝髀切肉上檯。鵝肉皮薄肉香，皮下脂肪更是豐腴美味。滷水黑漆漆，陳舊生香，完全提昇鵝肉美味。墊底豆腐跟阿鴻走不同路線，豆腐充滿氣孔，吸盡滷水精華，好吃到停不了口。跟去年那次，進步太多太多。兩個大男生，特別想來些「麻甩」美食。來道掌翼吧。這種要動手又要啃骨的美食，從不受女生青徠，縱沒酒，邊喝汽水也邊啃骨，也是件快事。鵝翼肉厚卻又燜得軟滑甘香，鵝掌皮脆兼帶咬口，最適口邊啃骨邊吹水。為了吃潮州粥，又多點一道蜆仔肉。好像年輕一輩都不太懂得這一味，以為潮州菜就是鵝肉豬紅蠔餅，其實潮州菜最精彩是雅俗共賞。既可花幾百塊吃片堂灼響螺片，也可十元八塊來碗白粥配蜆仔肉。蜆仔肉一向都是下欄貨色，但花時間心機處理後，其中鮮美，實難以形容。一口蜆肉，一口白粥，濃淡得宜，美妙的平衡。吃到尾聲，見到餐牌中有芋泥。忍不住揚聲來一碗。良久後送上來，先聞，香極，濃濃的油香，一聞就知芋蓉以豬油細推成泥，入口綿密細滑，於舌頭上糾結，香甜濃膩，太好吃！好，但還是忍不住一口接一口，吃至碗底朝天。上次來發覺水準回勇，又看到陌生面口的老闆，心中以為：「又易手了？」「怎麼之前不見你？」我問過來倒茶的陌生老闆。「之前是我姪兒打理，他去了外國，接手了好一陣子。」他再問：「食物好吃嗎？」「希望你別介意。今晚水準比早陣子好太多。那次，我吃到差點發脾氣。」「是真的。早一段時間，內部有點問題。員工士氣大跌，連帶也影響出品。」他續說：「不過現在問題都解決了，出品也回復從前水準。師傅沒變，放心。」聽到這裏我就放心。繼蜆勁村、首爾、金滬川之外，我又多一個飯堂了。潮州冷，起碼，我會為芋泥再來！…Read More

見到食評對呢間 comment 都唔錯, 同 honey 決定去試下!!   可能時間太早, 我地 7:00 已經到左 (不過旁邊既雞煲) 已經 full 哂...囉...入到去都係得我地一圍....我地 2 個人叫左 4 樣嘢 黃金蝦: 好好味呀!! 又好新鮮!!! 做得好乾身!! 好味!!呢個....係豆腐比較好食之外, 其他都係頭頭尾尾咁...唔抵食....!! 沙 dad 牛河係完全無食過....因為完全無味, 亦唔知點解有咁既名比佢....hmmmm.....可能食粥會好 d.呢個係亮點!!! 烏頭好好味, 係就係細份 d, 不過好新鮮好好味, 檸檬又唔會太多, 清清地, good!! 唔收 card, 比 cash 唔該!! …Read More

星期六整個大埔也很多人，每一間「名食店」門外都堆滿了一大班等位食飯的人。而我是一個很怕要等位的人，於是誤打誤撞就試了這間在星期六晚也不用等位的潮州打冷店。先由店內環境說起，基本上對一般打冷店也不會期望有什麼特別的裝修和氣氛。整體算是簡簡單單吧。店入面以坐十多人的大圓枱佔了大多數，只有數張可坐兩人的細枱。而其中一張兩人細枱的位置和另一張大枱極度接近，令人有十分擠迫的感覺。其實這間店真的比較適合一家大細來吃，因為所有提供的食物都是大大碟，而且定價絕不便宜。好像我這樣，只是和女朋友兩個人吃，就真的很難選擇吃什麼好。留意要收茶錢。廢話小說，馬上品評三道菜。第一碟是$110 的鹵水拼盤。雖然價錢真的不便宜，但份量十足，大大碟！有鹵水鴨肉、紅腸、墨魚、豆腐和豬腩肉。鹵水汁夠味(女朋友認為偏鹹)。整體來說幾好味。值得一試！$5X 的蠔仔粥，最驚喜是入面加了的柴魚，不但帶出了層層的香味，更令口感(米、肉碎、蠔仔、柴魚)變得十分有層次而豐富。推介！蠔餅就很多地方都可以吃到。這裡的蠔餅，我個人感覺是厚薄適中，味道是香，餅邊夠脆。但蠔好像太多。因為本人比較怕一次過吃太多蠔，所以三道菜入面，我最不喜歡的就是這碟。總結：因為份量大，比較適合一大班人吃。如果只是兩三人，就很難選擇合適的菜。價值絕對不便宜，但幸好收費和質素相符。店員效率OK，服務也OK。對住在大埔而又喜歡打冷的朋友來說，這裡值得一試。…Read More

六大兩細去叫咗八個餸，剛剛好清曬。本來可叫多個咸菜鱔片但Waiter 哥哥話唔靚叫我哋唔好落，誠實，贊一下！保持水準，但還可改善。黃金蝦不夠旦黃槳同張相差很遠，味還可以。川椒雞人哋喺椒葉多過雞，佢哋喺相反嫁，贊！可能喺Waiter 哥哥請我仔食糖加咗啲分，不過服務態度喺好。可能喺競爭大，有啲迷失方向。潮州菜就潮州菜，唔洗咩麻辣火鍋。以前去walkin多數冇位。今日到八點幾都未滿，可能啲人上兩日做冬咩都食晒啦！？…Read More

今日老媽子生日, 所以諗住帶佢同老豆一齊出去食d好野, 上openrice搵下搵下結果就搵到呢間潮州冷小炒啦我預先做定功課, 睇過哂大家話d咩野好食先出發, 除左等老媽子食d好野之外, 順便亦都試試佢個滷水鵝片係咪真係咁正先因為今日係閒日嘅關係, 一去到都唔洗等位, 直接就入去坐低啦。地方幾大, 坐得都幾舒服, 班侍應姐姐態度亦都好好。本身想叫蠔仔粥, 凍蟹, 鵝片同埋明爐蒸烏頭, 不過既然講得做本身, 即係最後冇叫到啦...因為老媽子同老豆唔想食咁結果點左d咩呢?滷水鵝片$92 - 食落口感有d粗糙, "鞋鞋"地, 並沒有驚喜, 唔覺得似大家講得咁出色..滷水鵝掌&翼$75 - 呢味係老媽子點, 我食左小小, 唔係話差, 不過都係水準一般煎蠔餅(唔知幾$) - 合格嘅鮮鵝腸$60 - 相對地呢個係比較出色, 鵝腸新鮮, 食落爽口彈牙, 不過份量認真小, 下底墊左好多芽菜總括黎講味道其實一般般, 滷水味道亦未見突出, 份量唔夠之餘價錢亦有d貴。滷味黎講, 我食過一間喺紅磡嘅比較出色, 不過潮州冷小炒嘅菜式就較多d。如果呢個價錢黎講, 我會覺得走去街市夾d滷味番屋企食會正d..可能你會覺得我冇叫到d推介菜式, 不過食完呢次我並冇去第2次嘅衝動, 或者你有機會可以試下叫。最後嘅感想係...似乎係有d名過於實.. p.s 晚市+1…Read More

長假期同老友聚會…晚飯落腳地點得好友安排打點…揾到哩間企企理o既潮州菜館…雖然係10.1…但係我地晚飯開得早, 傍晚六點多就行到黎, 吾駛撞正人潮, 即時可入座; 長直舖身, 佈局簡單, 燈火光猛, 感覺醒神!!到點菜o既關鍵時刻…好友預先已預定凍蟹一隻, 其餘的都交由我哩個半個潮州妹話事!! 嘻~~凍花蟹($140+)…普通大小, 肉身結實鮮味, 最緊要食材靚, 難度分就冇乜…蠔仔粥…足料豐富, 味濃鮮甜, 蠔仔膽身有手指公頭咁大, 厚肉肥美, 大家一致讚賞架!香煎牙帶魚…一客兩件, 夠厚身, 製法偏咸, 用來送粥就最o岩o勒~滷水鵝片($98)拼豬大腸(+$10)…鵝片品質味道只係中規中矩, 豬大腸皮身亦較硬, 墊底例牌有豆腐同花生…整體未算特別話一食難忘…可以咁啦!!花生豬腳…都屬小食之一, 一客數小件, 花生佔多…滷汁入味, 豬腳仔夠彈性膠質重, 味道吾錯!炸蝦/蟹棗雙拼…單叫或雙拼均可, 蟹棗味道比蝦棗略勝一籌…欖菜肉鬆炒飯…香口鑊氣足, 飯米乾爽粒粒企身吾油膩, 調味得宜, 如果可以放多D欖菜, 相信會更滋味添!煎蠔烙…哈!見到都流口水…蠔仔夠靚夠豐足, 味道既香且濃…加埋奇趣外層, 吾駛再外加附有o既調味或胡椒粉都已經好好味, 讚~~上菜阿姐見我地為食物影相, 仲熱心幫我地擺靚位置添, 好友善!請記著: 只收現金啊~…Read More

臨飛前食餐好飯先出發 ﹗滷水鵝片，必食推介滑溜鵝片，肉質嫩滑無渣，肉汁豐富。香甜滷水炆得入味，好好食 ﹗鵝肉肥瘦適中，眼見肉質纖維細緻，薄薄的外皮包住薄薄的脂肪，配上潮州辣椒油或甜醋同樣美味 ﹗臨出發去機場飛韓國，食多餐中菜先。栗子雞煲，時令煲仔菜，香氣撲鼻 ﹗出晒煙熱騰騰，全部用無骨雞髀肉做，啖啖肉。醃得入味，爆得香口，肉質鮮嫩多汁，皮香肉嫩又惹味，估唔到咁好食 ﹗川椒牛肉，要趁熱食，凍左會略咸及較油。要將炸珍珠葉夾住牛肉同吃才有風味，清香既珍珠葉連濃味牛肉味道好夾，牛味濃郁又多汁，正 ﹗瑤柱響螺雞腳燉湯，燉湯到最尾食飽先燉好 ﹗真係製作需時，無緊要，最重要係好飲。香濃金華火腿雞湯底，淡淡海味響螺味道加上乾瑤柱味，雞腳都入晒味，湯汁鮮甜濃郁味美，好好飲。…Read More