滷府 (Closed)

公司附近開了一間主打滷水的小店，這天放工去買滷水鵝加餸。餐牌上有不少選擇，家人指定要吃鵝，便買了一隻慢煮滷水鵝髀。玻璃後面掛着一隻隻滷水鵝，非常吸睛，令人期待。外賣以紙袋盛載，設計甚有格調，明顯花了一點心思。回家後不用加熱已可食用，配上滷水鵝專用的蒜泥和豉油更添滋味，口味正宗。滷水鵝價錢看上去有點貴，但勝在份量夠多，上下共有兩層，有十幾件切件，重點是每一件都可食用，肥瘦適中，感覺值回票價。滷水鵝經過慢煮肉質軟腍，跟一般的滷水鵝的確有分別，而且夠入味，滷水調味也不會太鹹。另外奉上的酸菜是亮點，爽脆中帶微酸，醒胃又解膩。

鰂魚涌海光街最近開咗一間滷水專門店，同傳統潮州打冷舖一樣，廚窗掛滿晒滷水鵝，好吸引！滷府標榜「不賣老水只賣滷水」，有別於一般傳統滷水店，每日鮮製新滷水，比起傳統嘅千年滷水健康得多。套餐滷水飯有好多選擇，價錢由$68起，包括熱飲，凍飲、汽水或特飲就需要加錢。除咗鵝之外，仲有雞、豬頸肉、五花腩肉同豬手。套餐可以揀飯或者加$5轉鵝油撈麵。鍾意食啖啖肉嘅我揀咗慢煮滷水鵝片，加$5配鵝油撈麵，除咗鵝片，仲有半隻滷水蛋同兩片千層腐皮。慢煮滷水鵝片肉質鮮嫩，滷水味香得嚟唔會鹹，而且感覺唔油膩。外賣附有一小杯滷水汁同醋，幾貼心。鵝油撈麵麵質有彈性，份量都唔少。鵝油好香，撈埋滷水汁好好味總括嚟講食物質素高，食到傳統嘅味道之餘，唔使擔心千年滷水唔健康

今日好想食滷味，想起鰂魚涌呢間專門店，係食滷水的不二之選。我用了100塊錢買了兩餸一菜。滷水豬腩肉單看五花腩的瘦肉和肥肉分布，我就覺得呢餐好值，因為呢塊係靚嘅五花腩。滷水汁調味很適中，不會有一種令人感覺過分濃嘅滷味，有好難得地做到清新且入味，五花腩肉質夠硬，嚼勁很好👍🏻配合送的酸汁，好好味！滷水千層腐皮我向來喜歡吃腐竹，呢個千層腐皮做得好好，我不斷吃不斷吃，如果俾我知道好味到咁，我會叫三份😅滷水生菜🥬原來就是簡單在生菜上灑上滷水汁，要讚的是生菜真的甜。

去開鰂魚涌，見到鰂魚涌C出口附近開咗間新野，好似好吸引咁～店面長這樣，掛了一隻隻鵝：Menu：所以就買咗一份外賣買返屋企加餸😛呢份慢煮滷水鵝肉嘅肉質好嫩，食既時侯即使唔點店家額外配嘅醬汁仍然好夠味，同時不會太鹹😌👍🏻 呢個外賣最驚喜嘅地方，莫過於滷水鵝肉底下，藏左幾塊沾滿滷水汁&鵝肉汁既千層腐皮墊底🤤雖然打咗成日電話都落唔到單，但去買外賣嘅時候，店員好好禮貌，所以冇得預先嗌定外賣都唔緊要laaa~😌

我係街坊，見佢開咗鋪好似都有幾個月，幫襯吓。因為唔需要白飯，屋企也有其他餸，純粹想要d好“輪” 嘅嘢食，所以唔嗌套餐。左揀右揀，點一份豬耳、千層腐皮、一隻鵝翼、一個鵝肝，已經要$120幾。比完錢問收銀姐姐點解無拼盤，原來第一行就係，不過$3xx 蚊我對眼自動skip咗 哈哈。佢話也可以叫個鹵佛爺套餐走飯，咁可以試到其他鵝嘅斬料。hmm。。。其實而家好多人做keto唔食澱粉，同埋附近都唔少住宅，建議鋪頭直接賣埋半份的拼盤？我點嘅嘢整體份量唔係好多，感覺略貴。鵝翼味道幾好。鵝肝就係肝，ok吧，不要想像是外國餐入口即溶的鵝肝。豆腐皮同豬耳偏咸。個人喜歡小d咸，再多返d 香料味。

味道真係唔錯，滷水味香，肉質嫩滑。飯盒餐具包裝袋都非常精緻，飲品非常大杯，咖啡檸茶都唔錯。我個人以有以下建議：1. 如果收得$68一個飯盒，唔該太肥無肉部分就唔好俾客人。曾經有一次幾乎得一兩塊可以食用，其他都是肥膏加皮。2. 啲鹹菜實在太鹹每次都無食，不如改成蔬菜。可以用菜心或芥蘭。3. 滷水豬手係用類似德國鹹豬手嗰隻，如果可以用普通豬腳就更加好味。由於鰂魚涌附近其他滷水店味道都很差由於味道不錯都係會繼續幫襯

好鍾意食滷水鵝🐦❤️(麻甩控)近期公司附近開咗滷虎，淨係做外賣，其實我好少買外賣，廢事自備餐具(環保L)除非想試新嘢/真係好味😋今次係翻兜自備餐具之選(不過無得平3蚊🤪) 滷水鵝肉飯好正！雖然有骨好味啲，但係貪方便都係揀咗鵝肉飯，鵝肉好滑，肥瘦適中，啲鵝汁滴滴滴好正🤤外賣都有2款醬汁跟(蒜泥醋&甜豉油)，好貼心～但鵝肉其實滷得好入味，唔點都得😉配菜都好豐富，有滷水蛋、酸辣炸菜(好開胃😋)、同埋❤️(唔知officially叫咩名，識嘅朋友歡迎留言話我知)滷水淨腐皮卷(入口係好多層滑lütlüt又好爽口嘅腐皮🤤好得意😍超鍾意❤️)。美中不足係飯唔夠多，啲餸又好餸飯🤣

一路都唔用cash嘅我 行過兩條街 最後都揀咗哩間「鹵府」好彩佢都有八達通可以俾錢，未知就試唔到嚕如果開埋alioayhk就更好 俾錢多個選擇🤤有單買「屋企加料」&套餐我試咗佢哋個「豬手飯+熱檸水」外賣外賣袋喺手嘅感覺好cool行過都有face