Video
Read full review
2021-09-07
22 views
鰂魚涌海光街最近開咗一間滷水專門店，同傳統潮州打冷舖一樣，廚窗掛滿晒滷水鵝，好吸引！滷府標榜「不賣老水只賣滷水」，有別於一般傳統滷水店，每日鮮製新滷水，比起傳統嘅千年滷水健康得多。套餐滷水飯有好多選擇，價錢由$68起，包括熱飲，凍飲、汽水或特飲就需要加錢。除咗鵝之外，仲有雞、豬頸肉、五花腩肉同豬手。套餐可以揀飯或者加$5轉鵝油撈麵。鍾意食啖啖肉嘅我揀咗慢煮滷水鵝片，加$5配鵝油撈麵，除咗鵝片，仲有半隻滷水蛋同兩片千層腐皮。慢煮滷水鵝片肉質鮮嫩，滷水味香得嚟唔會鹹，而且感覺唔油膩。外賣附有一小杯滷水汁同醋，幾貼心。鵝油撈麵麵質有彈性，份量都唔少。鵝油好香，撈埋滷水汁好好味總括嚟講食物質素高，食到傳統嘅味道之餘，唔使擔心千年滷水唔健康
滷府標榜「不賣老水只賣滷水」，有別於一般傳統滷水店，每日鮮製新滷水，比起傳統嘅千年滷水健康得多。
套餐滷水飯有好多選擇，價錢由$68起，包括熱飲，凍飲、汽水或特飲就需要加錢。除咗鵝之外，仲有雞、豬頸肉、五花腩肉同豬手。套餐可以揀飯或者加$5轉鵝油撈麵。
鍾意食啖啖肉嘅我揀咗慢煮滷水鵝片，加$5配鵝油撈麵，除咗鵝片，仲有半隻滷水蛋同兩片千層腐皮。
慢煮滷水鵝片肉質鮮嫩，滷水味香得嚟唔會鹹，而且感覺唔油膩。外賣附有一小杯滷水汁同醋，幾貼心。
鵝油撈麵麵質有彈性，份量都唔少。鵝油好香，撈埋滷水汁好好味
總括嚟講食物質素高，食到傳統嘅味道之餘，唔使擔心千年滷水唔健康
Post
