海 三碗麵

Open Now

Now Closed

店仔細細所以排隊就一定嘅，但值得！真係緊好食！個蝦湯一啲腥味都冇勁鮮甜，金華火腿湯好濃，飲得出勁重料，麵煮得啱啱好，個即燒牛肉又冧又香，老闆勁有heart 煮（燒牛肉型仔到忍唔住偷影佢😂😂）一定會再嚟💕

上次自己咁啊想去食 經過但佢冇開門再有次去 見到晏咗太多人排 所以冇食到今次去到排前面已經有兩個人好彩一開門就有得入去叫咗 金華火腿湯伊麵湯底真係似自己煲出黎嘅 又真係好有金華火腿味😂😂😂加埋塊肉好食嘅但相對上 另一碗好食啲另一碗係 海蝦櫻花蝦伊麵賣相都ok嘅 一聞就好香 食落飲落個湯好飲 都好濃厚😋😋配埋個麵係真係好食 個肉又香口嘅因應該燒過但可惜真係兩人小經營 做唔到幾多枱係細同小 但冇計 但咁樣先有排隊爭食市場好有佢自己style風味嘅小店不過真係隊都唔會排等睇到當日都有啲係回頭客 食緊都聽到客有讚佢個湯整得好好 都支持佢希望繼續做 有香港風味特色嘅店舖

寫住1730營業，1730到步已經有幾個人排隊等緊，因為頭一輪係入面食緊，唔知真實開門時間幾點第二輪6點鬆左右開始入座，但要等上一輪嘅人食晒走晒，先會開始第二輪，一次過出個輪既麵，總共8個座位可以選擇既只有三個湯，濃蝦湯、金華火腿、胡椒面底同主食劃一係伊麵同燒牛肉濃蝦湯飲第一啖有開心到，食耐左會開始覺得無左濃蝦味，飲左水清一清口再飲湯，都無左第一啖甘開心，可能凍左無甘濃郁？入面冷氣好凍伊麵係好食既，平時好少地方有得揀湯伊麵，食到最味都無淋到，仲係有咬口燒牛肉上面有好多蔥同櫻花蝦，呢3樣野全部用火槍火燒過，係香口啲既，牛肉仲好香嫩，但有啲油總括：如果早到可以試一次，但如果要排兩輪等成個中，我唔會排，1830左右門口有14 5個人排隊

之前睇YouTube介紹呢間餐廳，係由老闆一個人經營，由開鋪前準備食材，再親自下廚，招呼客人，收錢，洗碗，所有工作一手包辦。有日閒日星期四經開韓國街，就一於去試吓6:30左右去到，已經排咗6，7個人，心諗應該都好快啩，但最終都排咗個幾鐘😅我就點咗海蝦濃湯+灸燒牛肉-首先飲一啖湯，係超～～好味😋飲得出並唔係飲完好口渴嘅味精湯 或者食物元素表，係真材實料嘅蝦湯👍🏻再食啖伊麵係超夾！灸燒牛肉又係勁好味，燒得啱啱好，平時食嘢我係會走蔥，但d牛肉再包住蔥食，係絕配！為咗表達我勁欣賞呢碗麵，我係飲曬d湯一滴都無剩😆希望老闆執碗時知道我真心鍾意❤️雖然排隊排到我腰骨都痛，但食完我係覺得值得，好回味😋😋😋😋😋

完全冇心去理啲客人，寫住4:30開門，點知等到5:30先正式開門，但係過程中佢完全冇出嚟講過一句嘢，如果你要遲開門，你都出嚟講返聲啦。。。。。。。。。。再講味道，油到一個點。牛肉油湯底油伊麵油食一次，膽固醇過高！

與其說是三款麵食, 不如說是燒牛肉伊麵, 配上不同湯底, 主軸從來只有一個. 燒牛肉作為湯麵的的配菜, 這不是唯一一家, 但是將牛肉分三次用火槍炙燒, 依然保持Medium的熟度, 這不但只表達了師傅火候控制的自信, 也將牛肉的肉香能最大化地揮發出來, 再加上不太油膩而又有筋性的伊麵, 這條主軸已經夠吸引.湯底點了海蝦濃湯和金華火腿煲雞濃湯, 前者大量的櫻花蝦令口感層次感豐富, 純粹的蝦鮮味不比一般的蝦湯拉麵遜色, 味道平衡得相當不錯, 不會蓋過烤牛肉的味道. 後者相對較為濃稠, 無論是湯的質感還是味道上, 鹹香的烤牛肉的肉香不能說是相輔相成, 但如此有對比的味道, 先喝一口湯再吃一口牛, 這反差感也是另一番的享受. 店面只有六個座位, 也就是師傅的一人獨奏, 能夠繼續在尖沙咀的橫街窄巷生存, 這並不容易, 應該好好珍惜.

呢間伊麵店好有性格，只賣三款麵，但一直都吸引到好多人嚟食。今次我哋6:30就嚟到都已經大排長龍，入面只有8個位，排咗一個鐘先有得食🍽️ 金華火腿湯伊麵🍽️ 濃蝦湯伊麵濃蝦湯係佢呢度最出名既伊麵，咁就梗係要嗌番碗試下啦。一入口就食到好濃既蝦味，初初食果時會覺得幾好食，但佢呢度冇水供應，所以食到中途就會覺得好口渴，感覺越食越咸至於金華火腿湯就相對比較淡味啲，唔知太咸清清地都幾好味。佢每碗麵都會有燒牛肉片，係廚房見住佢係用火槍即燒即上菜，油脂逼晒出嚟好香口🤤

話說朋友已經講咗呢一間小店好耐，一直都想試吓，但係每次經過嘅時候，都有一條好長嘅人龍，但係入面淨係得八個位，所以好多次都冇食到咁啱今次經過嘅時候，見到前面剩係得幾個人排緊隊，諗住終於係機會試吓，結果排咗一個半鐘頭先輪到我地😓入面係家族生意嘅形式，所以入面嘅人都好親切，同好有禮貌咁我哋就叫咗佢嘅招牌海蝦濃湯伊麵，同埋金華火腿煲雞湯伊麵咁啱就係坐喺大廚嘅廚房對出，所以可以望到佢一路用把火槍將佢啲肉嘅油香燒出嚟，一路等一路聞着嘅時候真係覺得成件事好期待 到上菜嘅時候就會見到老闆放咗好多櫻花蝦喺上面，個海蝦濃湯個湯底好甜，就算飲到最尾，都唔會覺得口渴，飲得出佢個湯底真係好俾心機去煮，絕對唔係嗰啲味精湯個金華火腿雞湯就相對比較鹹同有少少肥膩，所以飲到最尾嘅時候就唔係好想再飲落去，咁就比較失色最尾真係要講多次，真係要排好耐好耐隊，所以建議大家一係早少少一係好夜先去食

幫襯左好多次，由以前排一陣，到排好耐，到疫情外賣，到而家成日大排長龍，好在星期一個晚夜夜地差唔多10點見佢未關門，老闆仲係到未收工，問佢有無得食，佢仲好開心笑住，梗係有得食 。真係睇到香港好多餐廳真係無以前咁旺 。呢間真係尖沙咀必食 海 三碗麵雖然menu上有呢三款海蝦濃湯Roast Beef伊麵金華火腿煲雞湯Roast Beef伊麵（新）胡椒豬骨濃湯Roast Beef伊麵但通常都係叫蝦或者金華火腿，呢個濃湯底真係不得了，好濃好好飲 。加埋老闆即叫即燒嘅Roast Beef🥩 加埋燒櫻花蝦 香上加香🤤我個人偏愛金華火腿煲雞湯多啲～平時真係好多人排隊嫁，所以最好食6點前或者9點半後，會少啲人排隊🤭

一入門口就已經沉浸喺好濃郁嘅蝦味Menu上面得三碗麵及一個包選擇麵全部同價，包缺貨。人均最低消費，每人一樣。叫咗碗海蝦燒牛肉伊麵伊麵還好，普普通通，正常發揮。冇得轉揀其他麵，亦不會接受任何追加或特別要求。湯第一口真係好濃郁，好香蝦味，不過食到後期冇特別感覺了，味道沒有持續。返到屋企成件衫都係蝦味。另外個湯都稍微肥膩。牛肉方面的確好出色，淨係用火槍燒一面，另一面保持半熟狀態，完全唔會過熟、老。餐廳內部得八至十人座位，所以出邊好多人排隊。冷氣超夠，甚至有啲凍，可惜令到啲嘢食好快吹凍晒。不過我覺得未至於去到驚艷狀態，唔嚟唔得，但碗麵加埋蝶牛都叫做值呢個價錢，仍然稱得上係一碗幾好食嘅麵。

海 三碗麵 📍香港 尖沙咀.我同朋友最先到達 16:00就到終於等等下 等緊嘅時候 有其他人排隊問下排隊既人 一問之下，原來係不定時間開舖店主好追求湯底 夠味 先做生意👍🏻 當日到大約 17:00先開 大家可以唔使咁早到(幫openrice改左營業時間了 ).整體感覺唔錯 欣賞店主嘅用心製作如果唔使排好耐隊 可以再考慮.✨海蝦濃湯Roast beef 伊麵🫰🏻我同朋友都叫左 蝦麵👉🏻蝦湯 勁濃 如鐘意重口味 非常岩 我本身鍾意食伊麵 好煙韌 櫻花蝦好足份量👉🏻牛肉 真超好食 超香 好有炭燒味 雖然見到好多油 食落係唔會覺得好難頂 所以一路食仲想慳住食 唔想咁快食晒..💫 #海三碗麵 @hoi3noodles ——————————————

「海 三碗麵」係我一值好想試既餐廳，但我知道食呢間麵店係要有絕對既耐性同堅持，襯住今日雨天少人，排左20 mins到入得餐廳只有8個座位，加上只得老闆兩公婆主理，要等在座8位食客食完先會放人入去，同埋老闆會一併煮，呢度只有3款湯底同伊麵供應，分別係海蝦濃湯、金華火腿煲雞濃湯 & 胡椒豬骨濃湯，每款都會配以炙燒薄牛肉海蝦濃湯伊麵湯頭帶少少蝦既甜味，唔會過鹹，仲有蝦油既香，同伊麵好夾，薄牛肉火炙後油脂加埋煙燻既香氣，又腍又好食雖然食呢碗麵真係唔輕易，但個湯底同薄燒牛肉係有驚喜的，我覺得等半個鐘都還可以接受，多過半個鐘真係要擇日重賽啦🙈

喺尖沙咀韓國街入面一路有一間與眾不同嘅拉麵店，開業至今到超級出名，日日都勁多人排隊，主打淨係得一樣濃湯伊麵，冇其他嘢食。但係佢哋正正就係出名用料新鮮，湯底獨特，早排終於抽到時間同朋友去試吓。呢間店嘅裝修簡約，總共先可以坐八個人，我哋都要排咗超過一個鐘先至入到去食。**海蝦濃湯伊麵**呢碗海蝦濃湯伊麵一上枱，就聞到陣陣鮮甜嘅海蝦味，湯底呈奶鮮紅色，上面鋪滿咗海蝦乾碎，仲有少少蔥花點綴。我已經迫不及待咁拿起湯匙，舀咗一匙湯，入口即刻感受到湯底嘅濃郁，海蝦鮮甜味喺口腔中爆發，真係令人回味無窮。伊麵嘅口感爽滑，吸滿咗湯汁，每一口都充滿着鮮味。海蝦肉質鮮嫩，彈牙爽口，而且份量十足。**胡椒豬骨濃湯伊麵**胡椒豬骨濃湯伊麵嘅湯底呈乳白色，仲有少少胡椒粉點綴。呢碗湯嘅胡椒味非常濃郁，但係唔會過辣，反而帶有一絲絲嘅甜味，令人食完之後仲想再添一碗。伊麵嘅口感同海蝦濃湯伊麵一樣，爽滑彈牙，吸滿咗湯汁，每一口都充滿着胡椒嘅香味。

每日只賣3款湯底 1款餸既港式伊麵小店🤤🤤1人打理小店大多數時間都大排長龍今次我排到啦～4點50分到門口 前面已經排左2個人5點05開店入左去無10分鐘外面已經排滿人 我係濃湯派就緊係要簡 海蝦濃湯Roast beef 伊麵 $105結果比我想像中好唔同飲落係清甜而唔咸但真係濃濃既櫻花蝦味唔怪得係最多人簡既頭牌意外地夾伊麵🤤🤤🤤 金華火腿煲雞濃湯Roast Beef伊麵 $105以為會清淡啲，點知一樣勁濃味呀～一飲已經有金華火腿既味同行伙伴直接飲哂成碗湯真係一口接一口😍 每碗面都會有Roast Beef 煙燻炙燒牛肉🥩牛肉外焦內軟 外層仲有黑胡椒望住老闆即場用火槍燒牛肉至五成熟🔥最後放埋櫻花蝦和蔥🍤 香氣十足每件都燒得好平均👍 真係除左酒樓外我都無試過係外面食到有湯既伊麵 最後食客走個陣都大讚老闆整得好食😊貼心提士：記得帶定現金，只收現金～同最好就5點幾去排定啦～海 三碗麵尖沙咀金巴利街1D-1L號地舖 #Foodie_aki #yum_yum #foodie_aki尖沙咀#尖沙咀美食 #港式小店 #伊麵 #濃湯#海蝦濃湯 #金華火腿煲雞濃湯 #煙燻炙燒牛肉

今日經過尖沙咀嘅時候突然諗起之前好多人排隊嘅三碗面 。然後就走咗去韓國街嗰度睇一睇。果然，6點令鐘可能未有太多人收工，前面排着一對情侶而已 ，排左10至15分鐘左右就可以入去 。店裏便要等所有人食完先至開始入下一輪。一入到去舖頭嘅時候店舖裏便充斥着蝦味，腥味，海鮮味？老闆亦都集齊所有人嘅order，然後返去廚房開始煮麵 。大概等了五至10分鐘左右就已經有得食。第一次嚟，我點了一個海蝦濃湯Roast beef伊麵 。第一口先試湯頭，有千千萬萬隻蝦煮成 。大家想要濃味嘅蝦湯食呢一間唔會有錯。牛肉嘅做法佢哋係會薄切燒牛肉，然後再淋上一層油 ，似煙燻過，牛肉7成熟很滑好食 。不過龍蝦湯配牛肉我個人不會這樣配搭，但係餐牌只有這種沒有選擇 。因為牛肉本身有油浸住，所以牛肉食到最後都係有一堆油 。可以牛肉切薄了些又浸住層油，感覺油膩左少少，但牛肉咁樣做法我係欣賞的 。佢呢個蝦濃湯配伊麵嘅做法，令我諗起村爺爺 。但好可惜村爺爺呢幾年嘅質素開始下降，我已經冇再去食 。當年村爺爺嘅濃蝦湯湯頭冇佢咁濃，但係都好食。本身以為自己可以成個成碗麵嘅湯都可以飲晒，但係飲到一大半嘅時候我覺得有啲涸喉 。可能湯頭醇度太