海都車仔麵茶餐廳

Open Now

Now Closed

一日一黃店-旺角熟食中心良心店 朗豪坊去得多 原來朗豪坊過天橋酒店下面 就係熟食中心 價錢都幾平民 望到wolipay記錄入面有2間 良心店 呢日一次去試哂佢地2間啦（見到佢地 有個qr code for比朋友傾計）.⭐️沙嗲牛肉金菇粉絲煲$48 跟湯 +$5 油菜一出餐果下 個煲啫啫聲 望到都興奮👍🏻沙嗲牛肉煲 份量偏大👍🏻底下金菇同粉絲 仲多過碗飯 1.5人份量沙嗲汁 偏向小小杰身既沙嗲湯相比合發茶餐廳 沙嗲牛肉包既汁 冇咁濃😋但正因為咁 送飯都唔會過咸👍🏻而且落咗少少辣椒去炒 有小小bb辣香‼️最最最重要係 粉絲吸晒個汁 好味.⭐️三餸車仔麵$37香茅豬扒 牛筋 芝士腸 公仔麵 （我自己點得普通😅）👌🏻呢個就普通 偏向住家feel👎🏻豬扒整定 浸軟左 👌🏻芝士腸同公仔麵正常👌🏻牛筋煮得幾軟霖 起膠.⭐️凍阿華田😋夠凍 夠多粉 甜到啱啱好 粉溶哂 值得一讚其實只係好普通 但好多餐廳都沖到勁淡.湯係 南瓜雪耳陳皮湯？ 都ok 老火湯feel👌🏻.#hkfunfoodrecord窮遊香港#hkfunfoodrecord_旺角#hkfunfoodrecord黃店.#海都車仔麵茶餐廳 (旺角)地址

區內有團購幫襯小店，大家都知六點後無堂食D食肆好慘，咁就join個團購之餘又試下叫左兩個餐，一個芙蓉蛋飯一個干炒牛銀針粉，送兩個例湯，每個餐$43，再加多兩個小食麻辣牛肚同麻辣豬耳。味道okay，above 我區內D茶記，最癲係個份量，兩個餐3個人食係一定夠，benchmark返我食量係一碗兩送譚仔無叫少米線。小食夠入味又平，可摸耳叫係窮人教星？最後就搭單買左D小食可以當零食咁食，幫唔到手幫襯正餐嘅都可以買下D小食簡評就係，大食窮人味道又okay嘅救星

海都嘅廚房出品真係幾唔錯，各款飯類味道都係比較偏濃，夠哂惹味，而且櫃枱前仲有自助醬料區，可自行添加各類醬料，認真貼心！蝦醬通菜牛肉飯好惹味，因為蝦醬本身已經係好重味道，更加上一樣又係有用咗蒜頭及紅辣椒絲，非常香口，真係會令人不停大啖大啖咁食飯，通菜爽脆，雖然D菜係有少少已經變黑，但絕對可以接受，牛肉嫩滑(雖然我深知D牛肉一定係有用梳打粉醃過)，因為整個餐都只不過係$42元，所以算係咁啦例湯方面～雪耳木瓜煲豬骨，好清甜，而且D雪耳已經煲到起哂膠，證明D湯真係非常夠火喉，凍奶茶保持水準，甜度適中，完全唔使叫小甜，夠凍，奶嘅份量亦都唔會太多，合格！食品方面～涼瓜雞扒飯味道確實好正，有好重嘅豆豉味，又食到有蒜頭嘅香味，再加上又有少少嘅紅辣椒絲，成碟飯嘅味道真係既香又辣，白飯煲得好好，雞扒炸得非常香脆，而且塊雞扒係原件再切件，相當細心

味道正常，而且好抵食！$37大大碗份量超足！點左韮菜好似唔洗錢咁比一大札我，牛腩都炆得幾入味同夠淋～唔會攝牙縫！至於豆腐就正正常常。本身想食米粉但無晒就轉左米線，米線都係一包包開出嚟個種，唔多軟或太硬個種。湯底我就揀左腩汁，都幾濃味，但又唔係味精咁。一碗真係多到食唔晒！仲包一杯野飲。如果去到旺角諗唔到食咩，上去食碗車仔麵都係一個唔錯嘅選擇。除左車仔麵佢仲有小菜個啲可以叫。有機會都可以試下佢嘅煲仔小菜，叫餸食飯！

位於「上海街」「旺角綜合大樓」的二樓，有間「旺角熟食市場」，「旺角熟食市場」裡面有一間集港式茶餐廳粉麵飯，跟港式車仔麵食品於一身的港式食店，名稱叫做「海都車仔麵茶餐廳」。食客光顧「海都車仔麵茶餐廳」，就好像光顧其他「旺角熟食市場」食店一樣，都需要先付款購票，然後等候食店廚房裡面的人製作食品，直至完成為止。「海都車仔麵茶餐廳」沒有提供餐牌給食客參考，只是貼在餐廳門口旁邊，大大小小的價目表，價目表裡面好像已經列出餐廳所有食品，但是事實上還有很多食品項目，未有完整陳列出來。光顧「海都車仔麵茶餐廳」的食客，或多或少都需要花多點觀察力和應變能力，花多點勇氣去詢問「海都車仔麵茶餐廳」裡面的看店店主，才點到自己想食的食品，「咖喱牛腩飯」就是最佳的例子之一。除了「咖喱牛腩飯」之外，我另外點了一份小食食品，食品名稱叫做「口水雞卷」，「口水雞卷」所在的價目表相對於「咖喱牛腩飯」而言，就比較容易尋找了，就在食店門口的「消毒潔手液」旁邊。「海都車仔麵茶餐廳」小食食品「口水雞卷」的跟餐價錢本身不算昂貴，一小碟份量的「口水雞卷」食品實際售價，只需要港幣二十元而已。「口水雞卷」之所以被稱呼叫做「口水雞卷」，原因其實

海都車仔麵茶餐廳超抵食車仔麵勁大塊香茅豬扒，仲有成四大舊香茅味道突出，醃得幾入味，肉質幾滑，唔會好結實好乾雞腎都大塊既，咬落爽口秘製酸辣荀就酸左D湯底好濃郁，少少咸不過35蚊三餸包凍飲！ 好抵！

旺角其實都收收埋埋好多小店，今次要介紹既就係車仔麵，相信冇乜邊個香港人唔係食車仔麵食到大😂呢間店係旺角上海街綜合大樓入面，一到Lunch time時間經常都排晒隊，其實我都唔係第一次食了，每次係旺角做野都一定會去幫襯！重點係價錢唔貴，選擇又多，又好食！仲要包埋野飲！呢個價錢而家仲可以去邊到搵😎推薦大家必食牛腩，超入味！又夠林🤤另外果到綜合大樓岩岩裝修完冇耐，地方都算乾淨，大家可以坐低堂食都冇問題👍🏻

呢間隱世車仔麵係旺角朗豪坊隔離果熟食市場入面，唔好睇佢細細間，其實佢都有好多料比你揀👍🏻最重要係價錢平，同埋好食！我最鍾意佢食既滷水蛋，好入味，同埋每次我都會一定會叫菜，因為佢份量真係比好多，淨係食菜都填左半個胃😂另外佢仲會有冬菜同埋炸蒜比你任加，而炸蒜都係我每次必定會加兩三羹落去！超正😎

知道旺角熟食中心開番之後好掛住佢呀 即刻去左幫襯最掛住係間車仔麵每一間車仔麵既獨特之處就係每款野食都係有自家味道 無人抄到🖤$37 三餸 送野飲 凍飲唔駛加錢我揀左菜肉雲吞 蘿蔔 牛腩 粗麵 跟腩汁(仲有咖哩汁揀）然後自己加香料 怒落蔥牛腩一如以往 入哂味 又夠哂淋 叫人點抗拒咁肥美既脂肪呢菜肉雲吞係佢地自己包架我食親車仔麵都一定嗌雲吞/水餃因為呢味餸可以用黎幫間鋪分高下呢間好足料呀 雖然得兩粒 但！係！大！大！粒！今次係木耳豬肉🥰

多數星期六返工（收早放4pm)都係叫外賣，大多時都係黎呢間叫個車仔麵。琴晚走左去整飄眉，唉！原來要介口，唔可以食辣，介牛、羊、蟹，、蝦、豆類、酒、熱氣食物etc... （介一星期）以為自己陀B或坐月中呢間至好味既係牛筋同秘制辣汁，今日要忍下口了，所以叫左蘿白，魚旦，豬扒米線加左沙爹汁。真係加辣汁比較野味，但沙爹汁都好夠味，蘿白入味又無渣，魚旦都彈牙，第一次食豬扒，就一般般比較乾身，米線都係正常既好。平時有辣汁時我比五星，但今日只係比四星。但抵食度就真係比五星佢，其他車仔麵多數係以食物品種去計錢，呢間任何三餸一麵加飲品外賣都係$36，啱食既話可以揀雞翼，牛腩，牛筋，豬腸，雞扒，肥牛等貴價d既食物，咁會再抵食d！

旺角通常都係啲人同fd聚腳嘅地方, 通常係食好野, 但我地依啲打工仔係旺角返工, 有咩可能餐餐都大富大貴, 平時都係多數買外賣返office食, 依間係旺角諒食中心嘅車仔面係抵食又好咪, 36蚊就有3送加野飲, 啲辣椒仲好好食, 岩哂重口味嘅我

因同事想食呢度既車仔麵，上次陰影後再次來到熟食市場，一行三人感覺無咁怕怕。不過因為1點左右放飯，都幾難搵位，始終正正午餐時段。今日就食呢間車仔麵，好有多餸可供選擇，花多眼亂👀最後選擇左豬紅、雞扒同紫菜三款配銀針粉（秘製辣汁），跟餐飲品就係蜂蜜蘆薈。拎到返黎見d餸都幾多，一d都唔hea,紫菜量多。秘製辣汁味道唔算出，我另外加左兩匙辣椒油。呢碗車仔麵對我來講最有驚喜係d豬紅，夾落唔散又入味👍🏻雞扒就差d,比較乾身而且餣味太強勁。不過少有地車仔麵竟然有銀針粉揀，自己本身好喜歡銀針粉😌$35一個三餸車仔麵套餐算不錯的。

今晚會同老公出去食飯，所以晏晝就唔想食咁多，於是就去旺角熟食中心食碗車仔麵。除左有六十幾款嘅餸任揀之外，麵底都有九款。枱上有香蔥、辣椒油、紅醋、豆瓣醬、辣椒醬，客人可按照自己嘅口味任加。除咗車仔麵，呢度都有即叫即炒嘅碟頭飯餐，而且價錢都唔貴。但眼見大部分客人都係食車仔麵。豬紅咖哩齋蘿蔔河粉 + 凍檸檬茶 $33$33 有三餸包埋嘢飲好抵，餸嘅份量都多，豬紅大大件微辣，咖哩齋好入味， 蘿蔔冇渣好好食。河粉就比較碎， 用筷子食就比較困難。嘢飲唔理熱定凍都唔使加錢。

因為朝早食左兩個包頂住，所以晏就個餐就拖到兩點零先食，唔想又食番樓下間燒味飯咁悶，又聽同事話熟食中心個到有間野唔錯，三餸麵連凍熱野飲都係$31，一於去試下啦。一入熟食中心向右望就係海都啦，其實以車仔麵黎講，間野無論係餸菜，麵底，湯底，飲品，都算多選擇，我叫左個雞扒雞翼蘿蔔清湯，飲凍檸水，等左幾分鐘就整好個餐，店家取餐位個到有好多調味料可以自己任加，另外仲有兩大兜蔥花同炸蒜，比你決定落又得，唔落又得！其實碗野望落就一般啦，夠熱，冇咩特別，試左啖麵，夠彈牙，但有小小梘水味。湯底雖然叫清湯，但係查實都幾濃味。蘿蔔我欣賞有卥過，但係煮得太耐，雖然入味，但係冇左蘿蔔嘅清甜，而且蘿蔔細舊又有渣。雞翼細隻，卥得太耐，入味但肉質又鞋又老，感覺像翻煮了兩三次。雞扒更差，只有幾塊碎塊，還是卥得太耐，入味，但肉質直接變柴，就好似卥完之後放左兩日雪櫃，先抽一抽亁，再翻卥，又亁又韌。檸水太甜，甜過糖水。但睇番個價錢，勉強合格啦。只係同場有咁多間食肆，我應該唔會再選擇海都。

：任選三餸麵+冷熱同價飲品 套餐$31 之後加餸$7一款⚡️必食x10000000！！！車仔麵除左銅鑼灣有間必食，或者深水埗之外，大家一定要去朗豪坊酒店樓下既綜合大樓2/F熟食中心搵呢間海都！一入去好多人圍住排隊就係架啦☝️🔹餸：超過6️⃣0️⃣款任君選擇！仲要有時有d特別係紙tick唔到架，例如今日我叫既牛筋！唔係日日有～牛筋非常入味而且會比好多舊，我好似食左五六舊🙈另外仲揀左超級甜既蘿蔔，同埋有少少過乾但都好香茅既香茅豬扒🐷🔸麵：1️⃣2️⃣款總有一款合你心意～我就最鍾意食油麵，但銀針粉都好吸引呀😍 仲有意大利粉唔知係點架呢haha🔹飲品：超過2️⃣0️⃣款，最緊要冷熱同價～我就叫左凍horlick！好耐冇飲過咁濃味 溝咁多粉既好立克啦🙈🔸湯底：有5️⃣款，今次食左秘制辣汁 真係好辣🔥唔係太食得辣既我個人推薦沙爹汁都好正架 超級惹味👍🏿花咁多唇舌就係想話你知呢間隱蔽既車仔麵檔真係世界級🤗又抵食，最緊要款式多，份量都好足夠！我兜油麵有勁多😂 最緊要係要早d去呀 一點幾就好多好多人架啦🙄地點又近朗豪坊，唔想捱貴野食就過對面馬路熟食檔食呢間啦～仲有隔離既三餸飯都好好味好抵食😯😯