沙田新強記燒鵝海鮮酒家

Open Now

Now Closed

再訪大圍著名茶樓😚 環境氣氛好熱鬧，坐得舒適，是家庭聚會的好選擇🫖 食物方面提供多款經典中菜，主打最出名的招牌雞粥，質素高，絕對要來試😋泰式酸辣鳳爪 ($68)✨先來個涼拌前菜，泰式鳳爪 爽脆有咬口，配搭酸酸辣辣的醬汁，非常開胃👍🏻 另配上大量生菜及洋蔥沙田新強記雞粥 ($60/位)✨必食！金黃色的雞粥口感綿密細膩😚 鹹香味十足，有數件雞件 口感嫩滑，粥底帶有濃郁的雞肉香味 味道一流😚 還加了一些配料，例如蔥花和薑絲，增添鮮味。一人份量也很多，絕對飽肚菠蘿生炒骨 ($108)✨有驚喜💯 生炒骨份量多又大件，咬下外脆內嫩 肉質有驚喜，外層沾滿醬汁酸酸甜甜🤤 配飯食一流，好滿足👍🏻

中午去左叫外賣 首先收銀個阿姐好冇禮貌 我話要叫飯 佢比點心紙我睇 話都有飯 （態度好差）好啦我寫完點心 同佢講要埋福建炒飯 佢就話我做咩唔寫埋落去 我咪同佢講張紙都冇點寫呀之後佢同我講要等半個鐘先有 好啦我等 我去左向住大圍方向個門口等外賣 足足等左半個鐘 之後我見到收銀枱有袋外賣 問職員係咪我啦 點知真係我 我問佢做咩有外賣唔拎比我 個侍應話要係後門到等喎 我第一次係呢到叫外賣 點知你要企後門到等 你地咁多個樓面同事見到我企左咁耐冇諗過黎問下我係咪等緊外賣 由其是接待個同事 全程睇住我企左係到 我返屋企只要10分鐘 原本可以食熱既飯 變左凍食 就算野食幾好食都冇用 啲員工態度咁 真係冇下次

有日經過大圍火車站，見到老字號新強記燒鵝，諗住太耐無食，就決定入去回味一下🙌🏻🙌🏻❤️。金牌燒乳鴿 $78乳鴿肉質滑嫩滑，外皮香脆不油膩，咪道剛恰到好處，食落口超好味😋，送埋白飯一流💕新強記燒鵝皇例牌 $190 （招牌❤️）燒鵝肉質厚實，外皮香脆可口，又唔會太油膩，味道適中，口感一流👍🏻👍🏻香桃咕嚕肉 $128酸酸甜甜非常之開胃，咕嚕肉肉質彈牙，個醬汁配合得非常好👍🏻，送飯一流🥰。

歷史悠久既新強記燒鵝海鮮酒家 耐唔耐都會同屋企人黎飲個茶食個包呢度點心種類,粥粉麪飯樣樣齊帶埋兩老黎飲茶就最好不過午巿孖寶$48.8一共有8款揀,我地就點左醬汁鳳爪,叉燒包,香茜牛肉腸同埋鮮蝦春卷新強記蝦餃皇係必點大大隻蝦餃入面包住2-3粒大蝦仁爽脆彈牙百花讓魚肚百花魚肚係廣東省傳統的特色菜,出面都比較小有呢類懷舊點心,魚肚吸哂精華,超惹味懷舊鴨腳扎勁大隻,成隻雞髀咁既size,屋企人話好耐冇見過呢種size既鴨腳,食得勁滋味家鄉咸薄餅脆脆紅米腸健康既紅米腸,食落有脆脆口感仲有鮮蝦比起其他腸粉好特別唔洗成日食叉燒腸咁悶嘛椒鹽鱿魚鬚炸得酥脆,但就偏咸左小小屋企人都食得好開心,因為呢度好多懷舊情懷既點心同裝修風格比起去其他連鎖酒樓有特色好多呢

突然想食燒乳鴿，第一時間就係諗起大圍既新強記，之前食過都一直難以忘懷晚飯時間就算唔係假日都人山人海，信心保證點左個燒乳鴿加海鮮二人餐，六百蚊左右有四個菜，抵啦金牌燒乳鴿首先當然要介紹呢到的招牌菜之一既燒乳鴿啦食過你就知咩叫皮脆肉嫩而且佢本身都好夠味，連椒鹽都唔洗點都已經好好味上湯焗西澳龍蝦伊麵真係未食過龍蝦伊麵係成個面都係龍蝦，證明幾足秤最難得係Ｄ龍蝦都好靚兩個字：爽！鮮！每一啖都會食到龍蝦獨有既鮮味伊麵更加係吸收晒龍蝦既精華，正欖菜肉鬆四季豆好送飯既一道小菜因為欖菜同肉碎味道都好濃郁而且乾煸過既四季豆亦都好香口香妃雞雞肉好嫩滑，皮唔會肥點埋蔥油味道就更有層次

呢間位於大圍黃金地段既酒家食物質素不嬲高最岩就係同三五知己黎食個小菜吹下水環境好闊落，坐落好舒服連碟都精緻過人同朋友點左個好抵食既二人餐上湯焗西澳龍蝦伊麵龍蝦又大隻又新鮮，龍蝦肉食落爽口鮮甜而且份量勁多伊麵更加係索晒龍蝦同上湯既鮮味真係黎多十份都食得晒欖菜肉鬆四季豆肉鬆唔會過肥，味道惹味，四季豆亦好爽脆香妃雞（小）外皮滑，肉質嫩食落雞味香而不騷金牌燒乳鴿黎新強記必點名菜之一外皮燒到金黃香脆，同時肉質依然細嫩而且味道咸香，送住支啤酒既話真係食多幾隻都食得晒

🚩沙田新強記燒鵝海鮮酒家 媽媽一輩嘅親戚朋友黎到香港，我哋都會帶佢食依間老字號中菜餐～沙田雞粥燒鵝大家冇食過都一定聽過😌〰️〰️〰️〰️〰️〰️〰️〰️〰️〰️〰️〰️〰️🌈 新強記燒鵝皇 $190超好彩派正隻燒鵝髀比我吃😋皮薄夠脆又有鵝油香鵝一啲都唔肥，啖啖肉果然係皇牌👸🏻🌈南乳粗齋煲 $118新年必食嘅齋菜煲🤭南乳味十足蔬菜雖然吸滿湯汁，但唔會過鹹🌈脆皮炸大腸 $108份量幾足，但略厭炸得偏乾有啲脆到好似食薯片咁個人喜歡厚少少有質感嘅大腸🌈乾炒牛河 $108夾起身鑊氣香湧曬上黎牛肉大件唔韌，落左啲韮黃特別香口值得一讚炒粉炒得唔油膩

🌈新強記燒鵝皇$190上檯金黃色燒鵝烤到香脆，皮下的鵝肉嫩滑多汁，鵝皮的酥脆同鵝肉味道恰到好處。讓人見到都食慾大增。🌈南乳粗齋煲 $118南乳齋菜味道非常豐富，佢帶有濃郁咸香味道，齋菜里面有不同的時菜、仲有豆卜支竹。南乳味道同食材融合，相當好味。🌈脆皮炸大腸 $108脆皮炸大腸、外層金黃、內部嫩滑、炸熟嘅大腸肉質鮮嫩。咬一啖釋放出濃郁肉香脆感，帶來一種難以抗拒的美味享受。🌈乾炒牛河 $108乾炒牛河、河粉好有鑊氣，加上牛肉一齊炒，好香好食。

去沙田當然要食雞粥同乳鴿！ 今次同屋企人食飯叫了個「招牌燒鵝乳鴿雞粥小菜套餐」$758睇中佢有新強記燒鵝皇（例）& 金牌燒乳鴿（兩隻）另外選了招牌新強記雞粥（例）小菜可以揀兩款乳鴿上菜時即刻食用，絕對皮脆肉嫩，而且肉味好濃，3個人極速食晒4件，大家都讚不絕口！推薦大家來必定要試！另外沙田雞粥都係全港著名啦，上菜時仲係熱辣辣，睇落唔會好油，但食落充滿雞油香氣，唔會出現雞還雞、粥還粥既被情況。雞肉份量不少，而且好嫩滑。燒鵝就皮脆肉香，唔算太肥，肉質都滑，好食另外椒鹽9肚魚都係合格既，唔會過油，炸皮唔會過厚，而且調味都剛好

好耐都冇食沙田雞粥，今日同屋企人約去大圍食。平日夜晚都坐八成滿，新強記已經好多年歷史，必食係乳鴿、海鮮、雞粥//而家有晚市套餐 $758 有燒鵝皇、金牌乳鴿兩隻、兩個小菜及雞粥新強記燒鵝皇(例)燒鵝外皮燒得焦香，入面充滿肉汁 果然燒雞翼先係王道金牌燒乳鴿可以問店員拎手套~ 乳鴿即叫即炸，熱辣辣及皮脆肉嫩，唔錯雞粥足足一大窩，比我想像中大！夠四人食，而且入邊都有好多件雞，啲雞好香滑，雞粥好入味！兩款小菜南乳粗齋煲椒鹽鮮魷環境感覺中式復古風 ，幾有情調，加上餐廳位置多，岩哂一家大小

知道大圍有間好出名食雞粥的酒樓， 終於約到朋友一齊去食😍，果然無令我失望，餐廳是富有年代感的中式酒樓設計，寬敞的空間坐得好舒服，我們中午時去到，都已經有好多食客，看來這間酒樓頗受歡迎，我們叫了招牌雞粥和乳鴿之外，還叫了多款點心💞招牌新強記雞粥 (例）$126有驚喜，雞粥份量好多，每人最少食到兩碗，雞粥煲得好綿，有好香濃的雞味，而且雞件嫩滑，非常之足料，果然是招牌菜式，值得推薦💞金牌燒乳鴿 x2 $136叫了兩隻乳鴿，上枱時熱辣辣似剛剛炸好，外皮香脆可口，內裡是油香滿滿的肉汁，肉質鮮嫩濕潤，不得了不得了💞新強記蝦餃皇（頂點） $44大大粒的蝦餃皇，皮薄餡靚，蝦球大大粒又新鮮，入口好彈牙💞蟹子燒賣皇（頂點） $44燒賣肉質紮實，食到大大粒蝦肉，好足料💞脆脆紅米腸（大點）$34賣相好靚，粉嫩紅色的外皮，包裹著香脆的油炸鬼，好有特色💞鹹水角（中點） $32剛剛炸起熱辣辣，正宗外脆內煙靱，味道鹹香帶甜，口感一流💞潮州粉棵（小點）$20外皮煙靱，餡料多而且美味💞豉油王炒麵（中點） $32麵質爽口彈牙，加上香噴噴的豉油鮮味，好滋味💞陳皮豆沙包（中點） $32共有三大件，豆沙餡好足料，帶有陳皮香

小時候去食沙田雞粥都係去大排檔嗰啲，依家大過咗年代唔同曬，大家都想坐得舒適，食得安樂，所以今次去環境同服務都唔錯既大圍新強記食雞粥同乳鴿，中午去食仲可以叫點心，一次過滿足曬對中餐既慾望。首先開動既食物就係雞粥（例），粥方面煮得夠綿，雞肉仍保持嫩滑，而且我最欣賞既就係唔會有醉骨係粥度，食得好放心。第二樣係乳鴿，皮脆肉嫩，而且無騷味，仲要細隻得嚟夠肉地，每次必點，而且好多時食飽埋單前都會叫兩隻外賣，返屋企再嘆過。😂新強記蝦餃皇🔸️皮薄蝦彈牙之餘，夾既時候又唔會穿皮，極度推薦👍🏻蟹子燒賣皇🔸️每粒燒賣夾開既時候都無痴皮甩皮，蒸得啱啱好，唔會過乾過濕，而且材料都係大大粒好有咬口，真材實料脆脆紅米腸🔸️外皮係深粉紅色，好搶眼，皮薄餡脆，而且浸了鼓油都沒有淋鹹水角🔸️三隻都大大粒脹卜卜，咬落去外皮外脆內軟，厚薄適中，又保留返煙韌既口感潮州粉棵🔸️外皮晶瑩剔透，餡料都撐到脹脹的，如果日日早餐都有得食就開心啦豉油王炒麵🔸️用幼麵炒，豉油味剛好，而且麵條仲係好彈牙，無過油過濕，最愛之一陳皮豆沙包🔸️咬開時果皮香味撲鼻，而且紅豆夠沙，老師傅既手藝很好👍🏻

大圍－向有好多餐廳，其中一間老字號，出名食燒鵝、乳鴿、雞粥，今日同朋友－行兩人，去試吓呢間出名餐廳—新強記。－入餐廳，樓面都幾大，服務周到，門都會幫你開嗰隻，－入去，開番壺壽美歎番啖茶先。餐牌有好多選擇，如果多人的話，可以揀套餐，不過我今次得兩個人，所以都係散叫。乳鴿其中一樣大圍名物就係乳鴿，上菜時仲係熱辣辣，好香脆，名物果然係名物果皮蒸鮑魚鮑魚火喉控制得好好，蒸到啱啱好，彈牙又鮮甜，加上果皮既香味，更能提升鮑魚既鮮味，正蒜蓉粉絲蒸蟶子蟶子火喉控制得好好，蒸到啱啱好，蟶子大大隻，而且彈牙又鮮味南瓜西米露/ 紅豆沙（送）食飽每人仲送－碗糖水，仲有兩款糖水俾你揀，認真sweet heart 糖水足料又唔係好甜，好好味大滿足

🐔 首推呢度嘅招牌菜南乳燒雞！個雞嫩滑多汁，入口即溶，外皮烤得香脆，鮮味十足！南乳嘅香氣同燒雞嘅美味完美結合，一碟就食哂冇問題！一試就會愛上呢個完美組合！🐔😍🍲 而個雞粥都系絕對唔可以錯過嘅！每一碗都系一碗滋味濃郁、香氣撲鼻嘅養生湯！雞肉鮮嫩，湯底濃郁，令人賞心悅目！冇論系早餐定宵夜，呢碗雞粥絕對系最正嘅選擇！🍲🥣😋 咖哩牛腩同上湯蝦伊面都系值得一試嘅美食！咖哩牛腩滑嫩入味，牛腩軟綿綿，咖哩湯汁醇厚，配上香甜嘅伊面，絕對系一碗令人欲罷不能嘅美味！上湯蝦伊面有鮮甜嘅蝦仁同滑溜嘅伊面，湯底鮮美，每一口都系滿滿嘅驚喜！😍🍛🍤

今日黎新強記飲茶, 為左食沙田名物: 雞粥&乳鴿, 都係去老字號新強記吧！雖然老字號, 但枱櫈餐具各樣都乾淨企理, 點心紙每一款附圖, 所以點菜無難度.🥢金牌燒乳鴿 乳鴿脆皮又juicy, 剪好4件食起上嚟唔會搣到成手油, 乳鴿肉嫩呀, 必食之選.🥢沙田新強記雞粥 另一款必食嘅一定非雞粥莫屬, 店家以一個煲仔上碟, 熱辣辣雞粥味道真係好豐富, 每一口粥都充滿雞油嘅香味, 抵食之處一定係滿滿嘅雞肉, 而且件件都勁嫩滑, 正a !🥢蜜汁叉燒包 阿仔最愛嘅叉燒包係爆餡地出煙一籠有3大件! 佢最後自己食左1.5個就知道幾咁好食, 我覺得個包身夠哂軟熟, 叉燒餡完全唔dry好好食.🥢蝦餃 可以揀一籠4件, 2件真係一件非常貼心嘅安排, li度嘅點心好大件, 好足料, 蝦肉爽口美味.🥢叉燒腸粉-切好6件, 煙煙韌韌足料多叉燒.🥢鳳爪- 汁好濃入味, 豐富骨膠原.🥢黑芝麻卷- 原來係熱辣辣的所以下次可以食先點, 我覺得黑芝麻味好濃呀.