民聲冰室

Open Now

Now Closed

專程入到大坑其實都係為咗呢間民聲冰室嘅肉餅山。大約夜晚6點半入到嚟正好有兩個位就坐低，隨之而嚟就有一班人排長龍啦。放喺路邊既餐牌選擇唔多，只有簡簡單單十數道菜，不過有時多又未必好嘅，專精於呢十幾道菜都係好事。為咗肉餅山而嚟，當然就叫咗咸蛋肉餅($48)，另外仲有口水雞($59)首先嚟嘅係咸蛋肉餅，確實好似相像中堆到有如一座山。見到都流口水。肉餅內豬肉嘅肥瘦比例剛好，亦唔會有筋位咬唔開嘅情況，值得一讚。配搭既甜豉油比到一種點綴嘅效果，加上一粒咸蛋黃，撈飯一流！可惜當晚仲要食第二轉，否則一定最少叫多一碗飯。口水雞相比起肉餅山有少少失色，並唔係唔好食，只不過相對上較普通。本來以為會有麻辣，原來又冇喎！而且都唔太感覺到辣味。但係味道上都唔錯，雞肉起碼唔會話嚡，加上唔少配料令視覺同味覺上同時升級。另外呢道口水雞都幾大碟，原本仲以為只有脾位。店舖內座位唔多，出菜速度快！而且好有街坊生意嘅味道，支持呢一類嘅小店！簡簡單單嘅兩碟菜都可以好滿足。

聽過很多朋友都說大坑民聲冰室的肉餅山不錯,而且在OPEN RICE的評價也相當不錯所以放學後帶男朋友專誠一試雖然地方不大,但餐廳外放了很多枱,所以好快就有位其實我並不介意坐室外,但我們被安排的座位是在內街那邊,燈光又暗,其實真的不太舒服不過也不是大問題我們兩人點了肉餅山跟薑蔥豉油雞其實兩道菜都令我覺得有點失望首先肉餅山,的確肉質很滑,但好像失去了豬肉的口感而且致命傷是豉油很甜,甜得有點過份第二道薑蔥豉油雞,咬第一口的感覺是..."點解凍既?"全碟雞都是凍的,只有蔥有點點餘溫...其實食物熱熱的送上來是很基本的不明白為何這樣都做不到..而且跟肉餅山一樣,豉油是甜的總之整餐飯都是甜的...完全談不上"好食"...所以很是失望沒有下次

曾經看過一個電視節目探討金字塔的神祕力量，原來把食物包括肉類蔬菜放在金字塔形的容器內也可減慢其氧化或腐懷的速度，换言之，就是保鮮力量！但金字塔外形的食物對它的味道有沒有影響就沒有科學研究了！但民聲的金字塔形"咸蛋蒸肉餅(不能叫餅了吧)"就特別好味！除了外形與眾不同，民聲的肉餅不會把肉「啄」得太細，肥瘦比例也不一樣，讓人可吃到肉粒和双重口感，咸蛋放在金字塔頂令咸蛋的味和油可滲入到更多的肉裡去...

大坑的美食大名早已有所聞，今次去民聲冰室才駭然發現：正式來說我應該沒去過大坑吃飯，之前的飯局，只是去北角、天后，完全繞過了這個小美食天堂。 到達民聲冰室時幾乎八時，門外已經出現了等位的人龍。店內位置很少，店外放了桌子，頗有港式露天茶座風味。等了大半小時終於有位，餐牌選擇不多，應該是貴精不貴多吧。傳說中的肉餅山真的是一座山！其他一些菜式也是「向上發展」，堆得高高的，這的確是很好的菜式「形象」－就算份量一樣，將食物堆得高高，總會給人一種很多的感覺；而就算吃不完，看到很多很多的食物，任何人總會食慾大發吧！ 雖然朋友都說肉餅很肥膩，但我卻覺得還可以，而且又不會太乾身，醬油亦不會過鹹。蟹鉗蒸水蛋釀了大大的蟹鉗，用料豐富、蛋也蒸得頗滑。我雖然比較喜歡吃西餐，但卻喜歡這種最能體現地道香港風味的料理。看到餐牌上的新鮮蒸魚竟然不用$100，然後看到侍應上菜時是一整條魚！看來十分抵食。這裡還是適合一班人來吃，那樣才可以一次過 如果香港的夏天沒有那麼熱，或者待涼爽但曇花一現的秋天來臨，帶外國朋友來坐在室外的座位一嚐香港家庭小菜，應該是不錯的香港旅遊體驗。 我決定了以後要多到大坑這個庶民美食地覓食！

上週五和家人去維園看花卉展之餘，順道亦到附近找地方吃午飯。由於本人請客關係，地方也由得我選擇，只要不要太難為兩老就是了。想起附近的大坑區，特色食肆處處，其中甚為名氣的民聲冰室，也是聞名多時而未曾得見，正是擇日不如撞日，從維園橫過對面馬路，直到內角的一個區域，不遠處就找到目的地了。原來家父母也是首次踏足大坑這個地方，不過途經那座文武廟時，仍知道有「舞火龍」這個活動，對他們來說也是擴闊了眼界......也不是取笑他倆，近來從不同渠道得知，有些人大半生中，由求學、工作以致吃喝玩樂，只徘徊於港島幾個區域之間，去尖沙咀已是「屈就」。更甚有優越感超強之人，視跑馬地以外為「貧民區」，勢利到如此地步，也真是「望塵莫及」。約十二時餘到達這「冰室」後，家父母也不想坐在戶外之處，其內堂只得十個坐位之下，坐得有點擠迫，下午時份約有七至八款客飯供應，一款小菜配上一碗白飯，價錢由三十八元至四十餘元不等。當中最馳名的，自然是賣到街知巷聞的鹹蛋肉山了。三十八元的一客小肉山，用筷子夾下可極度鬆軟，肉質的比例偏向肥肉為主，也開宗明義不是全人手刀刴，但就適當地調教攪拌機的力度，好令肉質纖維不致全爛，堆成小山之狀後，再在上面

其實一向都不愛吃一些絞碎的肉類，所以每次上茶樓，極少會點甚麼山竹牛肉、免治牛肉、或者肉餅之類的點心，總覺得那些肉入口像一團粉般，全無口感可言。不過聽聞位於大坑的一間開業已有 50 多年的平民冰室，其鹹蛋蒸肉餅被譽為全港最棒的肉餅之一，所以雖然本人對肉餅興趣不大，總是心思思想找天去朝一朝聖。這天早上，原本天氣預報為密雲有雨，豈料回到公司後，竟發現室外陽光普照。見難得風和日麗，決定相約友人，午飯往大坑「民聲冰室」走走。甫踏進浣沙街，視線已被一間以鮮橙色為主調，襯托著一個圓圓招牌的店舖所吸引。由於到達餐廳時已是中午一時過後，店內早已坐滿顧客，店員著我倆坐在門外一排膠凳稍等。幸好輪候時間不長，只需一會兒，店員已領我們進店內就坐。先細意看看四周環境，原來這間食肆，店裡面積頗為細小，連通道也非常狹窄，幸而室內樓底特高，故感覺上仍不太侷促。其實進店前已先看過門外地上的餐牌，知道這裡午膳時份，只得幾款家常套餐供應，選擇著實不多，不過既然我一心只為鹹蛋蒸肉餅 ($38) 而來，其他食物，就交由食友發辦好了。據說這裡做的肉餅，每日要用上接近百斤鮮豬肉，而肉與脂肪的比例約為 6:4，其製作過程則簡單地以油和

之前聽人講呢到嘅肉餅山好出名, 所以慕名而來試一試o 本身驚要排隊等好耐所以7點幾就到啦, 的確係一定要排隊嘅, 不過可能好在我地早左黎食, 所以等15mins就已經有得坐低! 我地即刻叫左..- 咸旦蒸肉餅- 瑞士雞咸旦蒸肉餅真係好正! 可能男仔唔怕肥, 我覺得呢種肥瘦就係o岩o岩好!瑞士雞就普普通通啦~ 都幾好食o由於撈埋d汁送飯都好好食~ 2個大男人叫左4碗飯~ 要注意嘅係其實d餸嘅份量都唔野小, 所以叫嘅時候就量力而為啦~呢餐非常OK! 坐係出面食對住條冷巷都好有風味, 唔好介意d員工要叫幾次先理你, 因為見到佢地做到真係踢哂腳架!****係啦, 仲有一樣就係呢到叫杯水/茶係要俾$$架, 佢話因為佢地俾你飲o個杯係鑽石能量水黎... = =

** 係大坑呢間蒸肉餅名聲咁大！周圍又有其他好野食....老遠都一定要來食呀！今日閒日又係約2點半，睇openrice地圖就好易找到！條街又大又濶，一d都唔似香港島d街，好似去咗新界咁！去到個招牌認真搶眼！，但舖內真細少...都坐滿人，店主在外加檯給我，都冇睇餐牌，即叫蒸肉餅！加杯奶茶，老友記說是外賣的，我說冇所謂啦！後來睇真d牆上有講最底消費 $38 ！ 如果齊叫肉餅飯餐($28) 都係要俾 $38！ 又係坐低冇耐一批批潮聖者又到，以為獨佔外圍，即時間熱鬧起來！....先來杯奶茶，加糖飲都係ok，志不在此，冇乜所謂啦~~~十多分鐘個小肉山同個『靚仔』送到！碗飯點解叫『靚仔』？真係青靚白淨呀~~ 急不及待挾舊吃呀~~好好味，肉好鬆軟，同平時食開肉餅係完全唔同呀！好滿足！，老闆真有一手！點會諗係肉餅埋手？做出與別不同呢？真好嘢！但個『靚仔』就冇乜飯味？好睇唔好食！如果再配搭得好就更~~VERY GOOD GOOD 啦 ~~~ 個『小肉山』真係唔簡單....食到有D膩........總結係我過最好食既蒸肉餅...亦可能係世上最好食...哈！食完再去尋找『雞旦仔伯伯』.......

我好少寫食評，除非好好or好差。有幾好我唔講la，都俾大家讚到咁囉。只想一提，「凍檸茶」一定 一定要試。檸檬味唔會被茶蓋過，甜度又剛剛好。我呢個飲凍檸茶飲大嘅，好耐無飲過咁好飲la。好矛盾... 真係好想埋沒良心 － 唔讚，以求獨享！

去行年宵前, 帶家人慕名一試, 我已試過.叫了肉餅山及叉燒炒蛋. 肉餅太肥膩, 一兩口已感滯, 頗不健康, 可否小一點肥肉呢? 但鹹蛋黃是正的!! 醬油也好味. 炒蛋很好, 夠滑, 但叉燒不淋, 因不夠肥. 吃的時候, 見老闆娘正接受大專生訪問. 上次套餐有飲品送, 現已沒有了.行年宵很口乾, ......家人也不覺好吃, 沒下次了.總覺太多人去, 品質難維持, 整個大坑也是.

見咁多人都話呢度既蒸肉餅好食，趁行開花市就順道黎試一試。未夠7點，已經見到一條人龍，好得人驚！好在老闆娘不停開多幾張枱，唔係得咗好耐就有得坐低。兩個人叫咗3個餸鹹蛋蒸肉餅: 果然係招牌菜，真係好稔好香，好似食緊豬肉版既山竹牛肉咁！ 甜甜地既鼓油同肉餅好match! 鹹蛋好味，令已多年無食鹹蛋的我忍唔住食咗半隻。 口水雞: OK! 同平時食開的口水雞好唔同，無麻辣味，稍為遜色了。不過伴碟既皮蛋又好好味！哈泰式排骨: 呢個對我黎講就一般，只係一般既炸排骨加泰式辣醬，味道OK，但沒麼特別之處。由於叫餸叫得太多，我地只係叫咗一碗白飯。以為食唔晒，點知又清得晒喎！勁呀！雖然人手好像不太夠，但點菜上菜都算快，係埋單耐咗少少。不過要留意食具衛生，當店員放好食具俾我地之後，竟然其中一隻筷子痴住條葱！ 搞到要用紙巾狂抹!

一行八人繼續下一站, 就是行番入大坑, 來這人氣店. 下午的時間, 人客沒有晚上的多, 免去排隊之苦, 但就沒有小菜供應, 只能吃午餐, 幸好名物鹹蛋蒸肉餅是在午餐之列, 大家還能一試這出品.鹹蛋蒸肉餅: 9分, 午餐的版本不是肉餅山, 只是個小山丘, 視覺效果當然差得遠, 但相信肉餅的水準沒有大分別. 我們是日吃到的是極之味美, 簡單的家常菜, 但出來的水準就完全不同, 套用朋友一句, 在家怎吃蒸肉餅怎會下那麼多肥肉呢? 這裡的肉餅跟屋企版本是多了好多肥肉, 肥瘦交纏, 相加上豉油, 已經是令人停不住口. 當然, 面頭那鹹蛋黃也是不能錯過, 相當香口.叉燒炒蛋: 8分, 以蛋為主, 叉燒比例較少, 不過蛋是夠滑, 點上豉油, 又是送飯的好選擇. 雖然已經幾飽, 但也忍不住吃了半碗飯.跟文迪要了杯熱奶茶, 相當香濃, 而其他朋友的凍奶茶是巨杯裝, 好抵.此店還有不少名物, 要試的話唯有晚市來排隊了.

個肉餅真係唔得﹐太肥啦﹐真係太肥﹐其他既野都係一般。香港就係甘﹐明明係好普通既野﹐只要傳媒吹捧一下﹐D人就一窩蜂﹐明明唔好食﹐都被催眠到覺得好好食﹐緊係鬆軟啦﹐8成肥肉2成瘦肉﹐交其搞埋一齊﹐緊係鬆啦﹐但真係太肥啦﹐你可以見倒一粒粒肥肉﹐真係離普

今次係我第二次食, 鹹蛋蒸肉餅比上次食肥糕更多, 廋肉與肥糕比例一比九, 肉餅加豉油味道配合很好,口感一定好因為全部肥糕,女仔食完好有罪惡感, 明白對食物感覺係好個人體法,但真係覺得好唔健康, 不能接受.煎豬扒- 乾身,感覺好像沒有調味過或醮過,應該加點美極, 豬扒零味道凍o茶 - 難飲因為茶預先沖起一壺但放太久, 色濁, 唔新鮮

午飯時間 12:00 到，正當開檔所以不用等位。午餐選擇不多，選了鹹蛋蒸肉餅及叉燒炒滑蛋。鹹蛋蒸肉餅：鬆軟但沒有肉味，味精比較多，豉油亦調得太甜：鬆軟只因肥肉多，相信比例是7成肥，3成瘦。肥肉對本人來說是絕對歡迎，如不食肥及擔心健康的，就不用品嚐，只因好吃的東西大多數是不健康的。能鬆軟但有肉味的不難，但市面上本人暫時未曾碰到。叉燒炒滑蛋：伙記只是在快餐店上平底鑊上快速炒作，蛋雖香滑但欠缺鑊氣，同樣豉油調得太甜。招呼：沒有，但勤快有禮。總括來說：名過於實。