歡樂今燒BBQ (Closed)

呢度個地方好大，環境寬倘開揚，雖然交通唔算係好方便，但係都設有泊車位呢度D職員服務態度亦都好好，只會負責幫你起爐今晚有毛毛細雨，不過唔駛怕，呢度好多爐上面都會有瓦遮頭紅腸、牛丸、墨魚丸、芝士腸、魚蛋。雞中翼、雞全翼、雞腎、魷魚翼、豬扒、牛扒、紅腸、金沙骨，各式各樣嘅食物都應有盡有。金砂骨肥瘦適中，肉多骨少。雞腎非常入味，燒完依舊多汁不乾身。呢度最正就係佢地個醬汁，分別有Wasabi、勁辣、中辣、蜜糖、沙嗲醬羊架勁大件，細心慢慢燒就可以迫出多餘油脂。咬落結實有嚼頭，羶味唔算好犀利，正！豬仔脾肉質鮮嫩，咬一啖肉汁就出晒黎，勁正呀！

近期因為武漢肺炎喺香港蔓延，我哋都係留喺屋企，唔太想出街，但真係坐到發霉，所以就搵啲戶外活動同M佬去行吓。今日就同M佬揸車去燒吓嘢食啦，任食燒烤場有唔少選擇，但呢間位於上水嘅歡樂今燒BBQ就主打泰式燒烤，一於試試啦。呢度嘅燒烤嘢食全部都放喺雪櫃自取，而重點嘅當然係泰式燒烤啦，呢度嘅肉類由泰國大廚主理，以唔同嘅泰式醬料醃製，包括泰式沙嗲醬、甜辣醬兒童口味、豬頸肉醬、泰式wasabi 汁、中辣、大辣醬等。燒完仲可以加上泰式醬料呀添！雞翼燒嘢食又點少得雞翼，平時燒雞翼都係蜜糖、蒜蓉同黑椒，呢度就有冬陰功、青咖哩、香茅同薑汁，醃得好入味。豬仔髀憑券可以換領羊架或豬仔髀一份，我哋兩個都唔食羊，所以都揀咗豬仔髀。豬仔髀好嫩滑，而加上佢嘅秘製醬汁，更突出佢嘅香濃肉味。其他選擇而雞扒、豬扒同豬頸肉都用泰式醬料醃製，好有新鮮感。除此之外，仲有我哋燒嘢食常見嘅一口牛柳粒、雞腎、魷魚、丸類同腸仔，選擇非常多。蔬菜包蔬菜嘅選擇有什菜包、金菇、粟米同蕃薯，細心加上牛油同包好晒，食得夠晒方便！但每包份量唔多，仲要每人限攞兩包，想幫人攞埋都話唔得，呢個位就孤寒咗少少，希望可以改善吓啦。

咁清涼既天氣最好做咩？緊係約齊成班圍威喂去BBQ啦！而上水就有間隱世既大型BBQ場啦，距離上水火車站只要10分鐘既腳程。入到場即刻聽到好多耳熟能詳既金曲，成個人即刻high起來！場地十分之大，仲有一大塊草地，好適合帶埋小朋友同狗仔黎玩，樂也融融一番。內設一間獨立主題既房，有美式桌球枱，電動麻雀枱，仲可以唱k，有齊party room既元素！不過記住要預先book房。食物方面好有特色，其他地方未必有，有冬陰功雞扒，芥茉醬爆丸，粒粒雞軟骨等，非常特別，仲會配埋老闆親自調制既各款醬料，例如泰式沙嗲醬，泰式甜酸醬，泰式辣醬，泰式Wasabi等，有辣有唔辣，任君選擇，一次過滿足你地多款口感，刺激味蕾。如果愛好泰式食物既朋友們一定唔可以錯過！總括來講呢個BBQ場真係可以滿足你多個要求，又有大型燒烤場，又有party room，又有大草地，又可以帶同狗隻，其他地方真係好少照顧得咁周到！p.s老闆自己都有養幾隻狗，仲有贏得獎項，大家食同玩之餘仲可以交流養狗心得！仲唔快啲黎試下

🐱🐶歡樂今燒🔥（上水石湖新村）.嘩嘩嘩，今個新年假期我哋都係選擇留港消費喇。天氣咁凍走去空曠既地方BBQ就最好不過了～.位於上水石湖新村入面開咗間「歡樂今燒🔥」，老闆好自豪咁同我哋講呢度既食物出面絕對食唔到😀.到底有咩咁把炮呢？🧐原來呢度係全港首創以泰式醬料秘制既BBQ～.所有香料都係由泰國師傅親自出手搓磨醃製，務求令每款雞翼、豬排等食材都封存泰式獨特香味🤩雖然品種選擇唔算好多，單憑呢份用心堅持都值得人地尊敬啦😄.除咗食物之外，呢度佔地面積應該過萬呎，設有多個蒙古包包廂，內裡多樣玩樂設施提供，彷如PartyRoom咁🥳絕對一家大細或者成群結隊既Friend子前來踩場唷🤓.總結評分：7.5/10番啅指數：⭐️⭐️⭐️⭐️

為於上水石湖新村280號地下的歡樂今燒BBQ，主打泰式BBQ。BBQ的入口近龍琛路，梧桐河旁邊有一條小車路進入。這裡的BBQ分三個時段，包指定食物任食，及一罐飲品。額外的茶類飲品大約十元一支。收費是按人頭計算的，預早致電訂枱會便宜少許。付費後，職員會派發手帶及燒烤叉券。食物的選擇約有五十款，可以拿小盤子去盛載，有各類丸、雞扒、牛扒等。個人最喜歡吃的是燒豬頸肉，豬頸肉醃得相當入味，厚薄適中，質感爽脆。一人有一件豬脾肉，醃得頗為入味，鹹鹹香香。泰式醬醃雞翼的味道也不錯，朋友則覺得可以醃得更入味。還會提供泰式醬汁，是由正宗的泰國人新鮮調製，有辣也有不辣的。個人喜歡不辣的泰式沙嗲醬，有粒粒花生，味道濃郁。朋友想燒得方便一點，所以額外買了一個鐵絲燒烤網。燒食物的時候則要格外小心看火，否則食物很快燒焦。最後，拿了兩包雜菜包，當中有燈籠椒、金菇、茄子等，味道頗為清甜。吃過肉類後，可以吃些蔬菜平衡一下。

好耐都無bbq啦，由細到大都好鐘意燒野食，好香口又可以一大班人gathering, 呢到如果一班人黎仲有房tim, 夠哂私人空間👍🏻去燒野食食物質素係好緊要，好多燒烤場d肉醃到勁咸，不過呢到就唔會，唔過咸之餘仲可以自己揀醬汁👏🏻呢到既野食幾特別，好多泰式風味既肉類，香茅/冬蔭功/青咖喱等等。我本身鐘意食泰國野又鐘意bbq🤗一次過滿足哂我既願望我地最愛食物～燒賣～厚切方包～青咖喱雞扒～貢丸～牛丸仲有呢到既人好好架，個個都笑容滿面，食都食得開心🥳

放假燒野食！今次去個新場試下！聽講係全港唯一嘅泰式燒烤！入到去環境好大！出面準備咗好多攤位仔，應該日後會有好多攤擋賣野！入到去燒烤嘅位置都好企理同清潔。先俾錢，後入座！新張期間有優惠，星期六日及假期都只係$160，仲有得打9折同包一罐飲品！肉類同丸類都放晒喺雪櫃自己夾，蔬菜類同麵包，就可以叫姐姐幫手包，同擦蒜蓉牛油。整好之後就會直接送過黎！最特別係，除咗蜜糖之外，佢地有成6款泰式醬汁！有酸甜、有辣味、亦有沙爹醬！肉類種類唔算太多，但以雞扒嚟計都有成幾款口味！青咖哩、冬陰功、香茅等等⋯另外仲有金沙骨、牛扒、豬扒、雞翼、牛柳串、魷魚、腎片等等⋯ 另外每位會送1件羊𣕧/豬仔脾！羊𣕧好好食！好夠羊肉味！丸類就有大路嘅芝士腸、櫥師腸、魚蛋、燒賣、紅腸、墨丸、牛丸、豆卜、芝士丸等等⋯當中最特別係青芥辣丸！真係有青芥辣嗰陣味！好得意！肉類我最鐘意青咖哩雞扒同金沙骨！啖啖肉！加埋泰式醬汁好惹味！其次當然係烤麵包！擦大量蜜糖再慢慢燒，外邊脆入面軟！超好食！如果多人嘅話仲可以升級做房！唔洗另外加錢～有小朋友嘅話仲有得去跳彈床到玩添！抵玩！

冷風颼颼的深冬又是燒烤的季節一大班人圍爐的感覺多美妙今天發現港式燒烤原來可以很泰式以前一直光顧的燒烤場已改頭換面由泰國餐廳老師傅入主變成泰式BBQ場我們一行數人天未黑已來到現場地方超大更有蒙古包造型的私人房喇叭播放著懷舊的九十年代音樂甫選好位置職員連忙幫我們起爐生火這裡的燒烤食材以泰式醃肉為主老闆娘在閒聊間強調是無味精自家醃比較有特式的有青咖哩和香茅雞扒雞翼則有香辣和薑汁兩款口味金沙骨有驚喜肉質鮮嫩醃料出色是能夠吃得出來的新鮮感覺其他丸類腸仔就不多作介紹老闆還特意向我們推薦的厚麵包微微烤過後就變成外脆內軟的厚多士一夜歡樂今燒快樂無價

我想講我真係好耐好耐冇入過上水不過今次朋友話想入上水之後去咗呢間新開嘅BBQ場之後就開始左BBQ啦———————————我哋平日夜晚去就係$140一位包一杯嘢飲/樽裝水其實價錢嚟講我都覺得都算唔錯因為佢呢度係任食嘅所以就一定可以食到飽呢度最大嘅selling point其實就係呢度係主要食泰式嘅BBQ，因為佢呢度有六種唔同款式嘅醬可以揀，而呢6個醬係老闆邀請一個泰國師傅嚟調整嘅，我自己最鍾意就係食嗰個咖喱醬，因為佢味道都真係幾唔錯，配埋曬啲燒烤嘢食都真係好惹味，而且味道亦都唔算太辣，如果唔太食得辣嘅人都可以試吓之後就講下佢出面可以拎嘅燒烤配料，佢呢度有好多款雞扒可以揀嘅，分別係香茅雞扒，冬蔭雞扒同埋青咖喱雞扒，之後亦都有兩份雞翼可以揀一個係薑汁雞翼一個係辣味雞翼，我自己就覺得香茅雞扒同埋辣味嘅雞翼，因為佢真係醃得好夠味🥰🥰即使燒完都仲feel到佢好滑，另外在順帶一提其實冬蔭公雞扒真係唔使落場都已經好入味之後我覺得值得推介嘅係豬頸肉同埋牛扒，因為佢呢度嘅豬頸肉真係好煙韌得來又好好咬口，燒完就更加吸引😘😘之後牛扒就係幾有口感，即是燒左之後都仲食到佢原本醃料嘅味道呢度都有金菇可以俾我哋拎嘅，

在上水梧桐河旁邊，有個燒烤場叫歡樂今燒，新張不久，首創泰式醃製食物，口碑也不錯，價錢更是親民，新張期間，星期六日$160一位，有九折，任食二小時，今晚約齊四個朋友，就來試試！位置其實不難找， 在龍琛路體育館下車後，沿著龍琛路，向梧桐河方向，直行到尾大概五分鐘，見到梧桐河的小橋，轉入右手邊村口就是了。來到燒烤場，見到價錢，原來星期一至五 更加抵食，每位$140有九折。不過我哋要約齊朋友，還是要星期六日來。進來後就是售票處，每位價錢都包樽裝水或罐裝汽水一瓶，憑券換領，其後需要飲品就自行購買。見到燒烤場地方超大，原來可容納最多二千人，接受團體預訂、包場等。見到有蒙古包，好奇下請老闆給我參觀一下，原來裏面 是Party 房，有卡拉ok、投影機、舞池等，35人以上預訂就可以使用Party 房了。食物方面，全部放在有蓋雪櫃內，肉類都是由泰國大廚主理，以不同的醬料，每天新鮮醃製的，有多種香草，包括羅勒、香茅、咖哩等泰式主要香料。這裡有位笑口常開的肥阿姨為你服務，令人心情愉快呢！還要特別介紹一下醬汁，每枱客人都會給你一個醬汁盤，有六款醬汁之多， 泰式沙嗲醬、甜辣醬兒童口味、豬頸肉醬、泰式wasabi

成班friend最鍾意燒嘢食🍡發現上水新開了一間係泰式🌶嘅BBQ🍖即刻約埋成班食友一齊去試下😋一入到去買飛💰原來新張期內有九折😘急不及待要睇下啲嘢食🥩🍖🍡目測食物好新鮮👍員工介紹食物好有親切感😊正式開動😋青咖哩雞扒好特別😆仲要好好味添😝 仲有馬拉盞雞扒😍同埋冬陰功雞扒😏完全係泰式嘅口味😋食唔出有味精🤔唔會食完好想飲好多飲品🍹佢個橄欖油魚柳🐟肉質好實唔會鬆泡泡😂仲有牛扒🐂豬扒🐖火雞腎🦃豬頸肉🐷 真係好食到唔停得口😄一定要試佢嘅泰式醬汁🌶有辣有唔辣🌶🍋 原來佢哋嘅醬汁唔係響出面買嘅😆係師傅自己調嘅😍絕對有誠意👍已經同班食友約定下次再嚟🤣期待有新款式推出☺

BBQ迷一定要來試，食物一流，全部新鮮，冇味精，大量泰式醬汁，總有一款合適你. 厚切麵包，軟面面，加上蒜蓉牛油，好味到不得了。泰式豬頸肉和魚柳，係我推介嘅食物。各款丸類都比其他燒烤場好食，還有鴨腎，十分之好食。去過兩次都沒有超口渴感覺，證明食物新鮮和沒有味精。員工有禮貌，場內空間十分之大，提供免費氣墊彈床，還有兒童電動車（收費）。環境清靜，空氣清新，地方乾淨，一大片草地可以讓小朋友遊樂，最適合一家人來。剛剛新張期內，享有優惠。所以來了兩次，兩次食物質素都有保證。

香港唯一首創泰式燒烤場，可容納約2000人，仲有各種歡樂房間供食客開party、聚會。獨有的八款正宗泰式醬汁，味道一流，泰國星級大厨主理，食物新鮮好味，環境清幽，是一眾燒烤迷必食的地方。