Video
Read full review
2020-01-21
80 views
我想講我真係好耐好耐冇入過上水不過今次朋友話想入上水之後去咗呢間新開嘅BBQ場之後就開始左BBQ啦———————————我哋平日夜晚去就係$140一位包一杯嘢飲/樽裝水其實價錢嚟講我都覺得都算唔錯因為佢呢度係任食嘅所以就一定可以食到飽呢度最大嘅selling point其實就係呢度係主要食泰式嘅BBQ，因為佢呢度有六種唔同款式嘅醬可以揀，而呢6個醬係老闆邀請一個泰國師傅嚟調整嘅，我自己最鍾意就係食嗰個咖喱醬，因為佢味道都真係幾唔錯，配埋曬啲燒烤嘢食都真係好惹味，而且味道亦都唔算太辣，如果唔太食得辣嘅人都可以試吓之後就講下佢出面可以拎嘅燒烤配料，佢呢度有好多款雞扒可以揀嘅，分別係香茅雞扒，冬蔭雞扒同埋青咖喱雞扒，之後亦都有兩份雞翼可以揀一個係薑汁雞翼一個係辣味雞翼，我自己就覺得香茅雞扒同埋辣味嘅雞翼，因為佢真係醃得好夠味🥰🥰即使燒完都仲feel到佢好滑，另外在順帶一提其實冬蔭公雞扒真係唔使落場都已經好入味之後我覺得值得推介嘅係豬頸肉同埋牛扒，因為佢呢度嘅豬頸肉真係好煙韌得來又好好咬口，燒完就更加吸引😘😘之後牛扒就係幾有口感，即是燒左之後都仲食到佢原本醃料嘅味道呢度都有金菇可以俾我哋拎嘅，
不過今次朋友話想入上水
之後去咗呢間新開嘅BBQ場
之後就開始左BBQ啦
———————————
我哋平日夜晚去就係$140一位
包一杯嘢飲/樽裝水
其實價錢嚟講我都覺得都算唔錯
因為佢呢度係任食嘅
所以就一定可以食到飽
呢度最大嘅selling point其實就係呢度係主要食泰式嘅BBQ，因為佢呢度有六種唔同款式嘅醬可以揀，而呢6個醬係老闆邀請一個泰國師傅嚟調整嘅，我自己最鍾意就係食嗰個咖喱醬，因為佢味道都真係幾唔錯，配埋曬啲燒烤嘢食都真係好惹味，而且味道亦都唔算太辣，如果唔太食得辣嘅人都可以試吓
之後就講下佢出面可以拎嘅燒烤配料，佢呢度有好多款雞扒可以揀嘅，分別係香茅雞扒，冬蔭雞扒同埋青咖喱雞扒，之後亦都有兩份雞翼可以揀一個係薑汁雞翼一個係辣味雞翼，我自己就覺得香茅雞扒同埋辣味嘅雞翼，因為佢真係醃得好夠味🥰🥰即使燒完都仲feel到佢好滑，另外在順帶一提其實冬蔭公雞扒真係唔使落場都已經好入味
之後我覺得值得推介嘅係豬頸肉同埋牛扒，因為佢呢度嘅豬頸肉真係好煙韌得來又好好咬口，燒完就更加吸引😘😘之後牛扒就係幾有口感，即是燒左之後都仲食到佢原本醃料嘅味道
呢度都有金菇可以俾我哋拎嘅，而且係佢已經包埋左蒜蓉係金菇入面，所以就會超juicy⭐️⭐️同埋出面都仲有好多嘢食可以拎，例如好多丸類同埋番薯同菜，如果想食嘅話都可以試吓
同埋唔知你哋BBQ會唔會食啦
我平時BBQ就鍾意食方包嘅
我想講呢度嘅方包燒完之後配埋蜜糖真係超好食
所以真係好值得推薦
唯一美中不足嘅就係冇棉花糖啦
不過就需要比開爐費$30，如果炭嘅費用就係$20，而燒烤網連架嘅話就係$40
（如果四人或以上就可以免開爐費）
不過其實我覺得total嚟講都唔算太貴
其實算係物超所值
如果你哋有一日都想BBQ嘅話
不妨嚟呢間試吓
可能有驚喜發生呢
Post
