樸一拉麵

Open Now

Now Closed

好耐冇食拉麵，又未去得日本， 唯有留港食拉麵。行過見到， 幾特別， 就入左去由於要排隊，所以排隊果陣就睇定嗌d 咩特色的小店裝修， 木台， 木櫈，加埋碗拉麵，充滿住小店氣息。一碗醬油拉麵，有4大塊慢煮叉燒，有蔥，有木耳，麵底可以揀博多麵 或者 東京麵。 博多麵就白d ，而東京麵就黃d 咁。大大塊，食落唔韌，好淋，又滑，夠吸汁入味，是好味的。拉麵彈彈地，唔會太硬，幼幼地，夠掛湯。加埋湯底，食落好舒服。有d 魚乾可配埋一齊食， 咸咸地，同d麵幾夾。朋友嗌的豚骨拉麵extra 嗌多左份炸雞，炸雞熱辣辣，夠脆，又有肉汁，加埋醬汁， 是正的。

同朋友時時都出旺角上堂，每個星期都要喺呢頭搵食，心血來潮想食拉麵，朋友推介呢一間餐廳，去到以為要等位，可能時間尚早，好好彩只係等一張枱就可以入去想來嘅朋友，下次早啲可能就唔使等位都有幾款拉麵選擇，有蝦湯有蟹湯，不過因為唔太肚餓，就簡單地揀咗醬油拉麵，試下基本嘢先。配料唔複雜，木耳紫菜蔥同埋重點的肉，湯底好濃，黃麵有蛋味，整體配搭都唔錯，不過湯底稍為鹹咗少少。可能下次試吓豚骨湯底會清淡啲，但如果重口味既朋友醬油都係唔錯嘅選擇。價錢唔貴，不失為一個醫肚嘅選擇👍

: Get ready to indulge in the ultimate ramen experience at 樸一拉麵 in Mong Kok! 🍜🦀 If you're a ramen lover, you won't want to miss out on this delicious dish from 樸一拉麵 in Mong Kok. This cozy little restaurant is located on the ground floor of Witty Commercial Building on Tung Choi Street and offers a wide variety of ramen and other Japanese dishes.The restaurant's interior is simple and unassuming, with a few tables and chairs arranged in a cozy and intimate setting. The menu features a range of di

《值得一排》大概晚上630都已經好多人想食早少少黎排下 選擇咗魚介湯底同埋蟹膏湯底 蟹膏好食d對比魚介湯較濃郁有白/黃麵選擇自己就喜歡白麵多啲 個麵底質素較豐富叉燒有分慢煮/厚切只叫了慢煮但都好好食🤎🤎下次會再排食其他湯底

樸一拉麵叉燒豚骨湯拉麵自選拉麵首先揀咗豚骨湯底，湯底香濃白濁，看似濃厚，喝起來卻清爽。叉燒可以揀慢煮同厚燒，最後多塊慢煮叉燒氣派俾圍住碗邊整齊擺放。拉麵類揀咗軟身博多拉麵，吸收豬骨湯底嘅精華。食客更有追加特上嘅選擇，加多一塊慢煮叉燒，加多一隻糖心蛋，加多兩片大紫菜。令拉麵更豐富滿足。最後以青蔥木耳絲點綴，再按自己喜好加上七味粉，份外滋味。很喜歡拉麵店細細間，但充滿很有心思特色嘅布置。像在日本旅行時尋訪到令人回味嘅小店一樣，難怪晚晚排隊人龍都咁長。

點了厚叉燒魚介博多風拉麵，硬麵，加配了極上（$20多了一只單點$13的溏心蛋、兩紫菜和一片薄叉燒）。上菜很快，麵比其他麵店的幼身，顏色也好像一點點透光，但吃下去就跟平時吃的拉麵差不多，也有不錯的彈性。湯底偏濃厚，有魚介味但不算重，咸度適中熱度夠。配料方面，溏心蛋流心入味、厚叉燒有點巨型，有脂肪包外圍，肉質淋身沒渣，火灸味突出；薄叉燒有點像軟煙肉，滑身咸香，兩款叉燒都好吃；荀段非常飽滿，不是臭臭的重口味那款；還有一條魚乾，正常發揮，喜歡魚乾的話桌還有一樽自製辣魚乾仔。提供的檸檬開水，傾向常溫，正是我喜歡的。女侍應溫和有禮。整體很不錯，各方面都十分平均，值得推薦。

旺角真係行咗咁多年都無發覺到原來有間咁有主題特色嘅拉麵鋪喺度，雖然我又未到超級動漫迷嘅級數😂，但係一入到鋪頭已經有非常親切嘅感覺🥰。食日式拉麵就係有依個好處，麵嘅軟硬度有得揀，叉燒又有得慢煮切4塊又得，1塊過厚燒都得😙，鐘意嘅仲可以特上升級👍。我依類麻煩人就最鐘意食日式拉麵，又要揀辛辣，又要硬身拉麵🍜，仲要加埋特上😂，成碗拉麵一上枱🤩wow ，淨係睇都已經係享受😎。食落麵質完全無得輸🤣，絕對同我心水一樣👍，湯味濃厚，再配埋脆口紫菜直頭就係一個小前湊😏，之後再品嘗兩啖辛苦濃湯🍲，食埋隻糖心爆心蛋😋，再加少少🤏肉碎已經開始有滿足感😂。終於都入戲肉，當然係有得揀嘅慢煮切4塊嘅叉燒，絕對係拉麵之中不可缺少嘅靈魂之一😋，食落除咗肉味濃之外，質感鬆軟，最最最滿足嘅係🤣食完一塊之後😂仲有4塊🤩。絕對係大滿足👍。另一碗係白麵底正常軟硬度拉麵🍜，絕對適合任何人士享用👍，湯味濃郁配合叉燒更為一絕👍。

喺旺角話提起女人街.無人唔會話唔識.喺呢條街共有三至四間拉麵舖.相信最好食都係這間人龍店🚶🏻‍♂️👉📌樸一拉麵 (旺角)旺角通菜街1A-1L號威達商業大廈地下H號舖喺呢個競爭環境之下有幾間對手.想突圍而出.喺相當困難嘅事.這店可突圍當然有佢哋秘訣.食物品質加埋誠意/耐心/製作最後還要有服務.決一不可.這店屬於小店.座位唔多.只有20個位左右.座位坐落亦都算舒服.佢哋出名係慢煮叉燒.叉燒有分厚切及簿切兩種.厚切一件.簿切有四片.我哋係食晚餐.好在唔使等好耐已經可以入座。今晚點餐如下：1. 蟹膏叉燒拉麵 X1 $96 元2. 醬油叉燒拉麵 X1 $82元3. 唐揚魷魚 X1 $38元4. 無糖可口可樂樽裝X1 $10元5. 可口可樂樽莊 X1 $10元

😌 小編有日出開旺角買嘢，順利成章去女人街食埋lunch，一於食有一段時間冇食過嘅拉麵！ 🍜 魚介拉麵 (慢煮叉燒) 😋😋😋😋想揀一款自己平日少接觸啲嘅拉麵湯底，於是叫咗魚介湯。叉燒可以揀厚燒1塊或慢煮4塊，揀咗未試過嘅慢煮薄切叉燒配東京黃麵。拉麵係熱辣辣上枱，見到湯底咁深色，🧐 即刻試咗一啖，真係有好濃郁鹹香嘅魚乾味，東京黃麵都掛湯，而慢煮叉燒粉嫩，仲有木耳絲、荀片同香蔥，材料簡單，味道卻不平凡！😚午餐 💵💵 約港幣$90/人 💁🏻‍♀️ 拉麵店座位約有十幾個，地方唔大，裝修簡單。簡簡單單以一碗拉麵作為lunch，又靚又正又飽肚，而價錢都合理！鍾意食拉麵嘅朋友，不妨一試！😉🙆🏻‍♀️ 最後，喜歡嘅話，歡迎follow @foodirectory.hk！

餐態位於食肆林立既通菜街，鋪面較細，坐得會有小小逼，鋪內擺滿左老闆鍾意既動漫公仔，十足傳統拉麵店既格局。當日店員安排左我地兩個坐吧枱，可以睇到廚師煮麵既過程。餐廳以寫紙形式落單，方便食客可以因應自己喜好揀條麵種類、軟硬度及配菜等，，而且餐廳湯底選擇都唔少，主要供應六款固定湯底及一款定時轉既限定湯底，當日我地兩個就揀左豚骨及辛辣味。豚骨拉麵(配黃麵，厚叉燒加特上SET,$78+20): 黃色麵為小小曲味及較博多白麵粗身，食落有咬口，豬骨湯底飲落順滑無豬腥味，調味唔會過咸，而且湯夠濃幾掛汁，十分岩重口味人士。厚切叉燒上菜時灸燒過，食落香口而且油脂爆棚。另加既特上SET配有慢煮叉燒、溏心蛋及紫菜，慢煮叉燒低溫煮熟唔會柴，食落肉質柔軟有肉香，溏心蛋煮得岩岩好，蛋汁流心而且醃得入味。辛辣拉麵(配白麵，慢煮叉燒): 基底係豚骨湯另外加上辣肉醬，重口味既湯加辣點會唔好食，肉醬偏辛辣，食落香口，撈埋小小肉碎配麵食一流。唯一缺點係食到尾有小小油膩。當日仲叫左個黑松露墨魚餅小食，炸墨魚餅細細塊，食落香口，入口感覺比例散及柔軟，懷疑肥豬肉多左，但黑松露醬比一般食到既更香，應該係鋪頭自己調製，為小食加番唔小分

服務態度好差！叫左魚介和蝦湯，個麵一開頭食落係ok ,但愈食愈鹹🤢，食完仲好口喝🤢唔會再黎，又唔係平。埋單都二有幾，比錢買難受！因為見到食評先黎試下，排隊果時話齊人先入坐。但我朋友未到，我話可以叫野先，我朋友5分鐘後就到。店員從來無提過話用餐時間係40分鐘，店內都無張貼過話用餐時間係40分鐘。我地食食下個店員就話我地得返最後5分鐘。咁我地仲有野未食完，咁繼續快啲食啦。之後到40分鐘另一個男店員走埋黎話” 依度唔係西餐廳呀，唔係比你慢慢食！趕我地走。咩服務態度先，首先你地一開頭又無講過得40分用餐時間，然後得返5分鐘先話我地知，咁我地都要係5分鐘內食得哂先得嫁，又唔賴死唔走！只係得返一啖麵，諗住食埋就走，使唔使咁講野先！有啲名氣，有幾人排隊好巴閉？ 我知係日本拉麵算係速食，但一定唔會趕人走囉！如果係有heart 想人欣賞你既拉麵既，就唔會連比客人食既時間都無囉。好似機器咁煮麵，隊比啲客食。做廚師既又可以又幾enjoy依份工。仲要我地比緊唔係譚仔既價錢，百幾元一碗麵，又要比你左摧又摧，唔會再幫襯囉。咁樣既經營模式，祝你好運

逛街看到有小人龍在排隊吃拉麵就去試了😂餐廳內座位只有大概20個內左右所以晚餐時間需要排隊蟹膏拉麵🍜 $96一端想來都聞到一陣蟹膏味，蟹膏不算很多，叉燒是慢煮所以很軟糯，麵底可選博多拉麵或東京拉麵，軟硬度也可以自選，不錯👍🏻期間限定 蒜味豚骨拉麵🍜 $138這個蒜味拉麵香氣很濃郁，配上慢煮叉燒和安格斯慢煮牛，牛肉不薄，而且有燒過有住焦香味，還有糖心蛋和荀，大滿足👍🏻樸一拉麵 (旺角)旺角通菜街1A-1L號威達商業大廈地下H號舖電話☎️ 36130680

🍜拉麵癮起，頂一頂癮先。約咗個朋友喺旺角食咗快lunch大家都想食個拉麵。之前有朋友食過樸一話幾正就咁唔好諗咁多一於去試試佢坐喺bar枱睇住佢整自己碗拉麵🙂海老厚切叉燒拉麵真係堅大塊食完都飽咗一半🤣炸雞餃子拉麵略為重味

無論環境價錢食物我都覺得物超所值 個人來說 我喜歡食佢軟的程度 及豚肉味湯慢煮 係旺角想食拉麵 唔洗一定去食一生懸念了 下次想試佢其他味道了 真係唔錯的體驗 食到中途已想下次黎開旺角想食拉麵先會選擇這間

女朋友放工前突然話好掛住日本，所以就帶佢黎依間位於旺角通菜街既樸一拉麵感受下自己身處日本啦xd餐廳空間唔算大，裝潢簡約日本風，真係好似日本既拉麵小店架！有多款湯底選擇，每款都好吸引啊！除左拉麵外，亦都有不少小食可以選擇我就簡左醬油味湯底配慢煮叉燒。醬油味夠晒濃，岩晒我鍾意比較重口味既人。麵質亦好Q彈！而慢煮叉燒有4塊，肉質非常嫩滑呢！仲有d紫菜，蔥作為配料，令口感及味道上更加多層次。女朋友就簡左魚介湯底配以厚叉燒，再另外加左溏心蛋及瀘荀。魚介湯底十分鮮甜，仲有一條魚仔架，真材實料！而厚叉燒亦十分出色，非常大塊夠晒厚，口感十足。肉質卻依舊保持嫩，而且仲帶有炭燒既香味呢！我自己下次食都可能會簡厚叉燒😋溏心蛋同荀都好好味～～非常滿意既一餐，亦都一解左女朋友既思鄉症！哈哈下次再試埋其他湯底先！仲有呀，店員服務態度非常好，勁加分！