標叔叔開飯店 (Closed)

橫風橫兩嘅中午,流落深水埗,周處濕淋淋,於是走去西九龍中心食晏,上到去food court見呢度最多人,一定有其吸引之處,原來蒸飯連湯及菜都係$15起,最貴都係$25,唔怪得咁多人要咗排骨飯因為唔想等.排骨算淋不過醎咗D,個例湯至正,霸王花淡菜,無味精又夠火喉.整體水準唔係好高,但係咁平,好抵食啦.

想不到第一次幫襯, 佢就要搬啦! food court真的只有空間留俾d大集團?昨晚路經西九, 本想食Pizza, 但一出升降機門, 被佢的人流﹑價錢﹑食物等吸引了, 我叫了個黃花魚飯, 另有湯有菜, 條魚蒸得好滑, 比我娘親煮的好味多了, 湯也清甜, 不似加了味料, 20塊錢, 抵到爛~~

不嬲都有係西九龍food count食野但係好少留意有呢間野有一次見其他店冇咩食就試下呢間15蚊有飯有菜有湯 佢果D排骨飯真係好正好林,好香D湯又好飲真係值得推介老闆又好有禮貌

因為要去黃金商場換野，之後一個人就行黎西九龍睇有咩食.....見到d蒸飯好抵喎，又多人排隊，所以跟埋去排....叫左排骨雞蒸飯，加一杯凍五花茶和一碟油菜..........都係$15..................好抵呀個飯d料都算多，d料蒸到又淋又滑，唔錯......d飯好好味，吸收左排骨和雞的汁，加上有淋左d豉油，一流呀.....食完個飯飲返杯五花茶，唔錯...............雖然黎道的foodcourt環境唔算好，但間中黎試下都幾好嫁........

除益新之外,還有何處能吃到缽仔飯?年前在西九龍中心美食廣場,見到有檔口專賣即蒸缽仔飯,可惜同場已吃了當拿屋,所以緣慳一面.事隔年多再上來,很多美食檔口已不見了,這間缽仔飯店的檔口外面,仍然有一條井然有序,排隊買飯的人龍,人云亦云,我又加入人龍之列.她的名字叫"標叔叔",以平價缽仔飯作招徠.最平的排骨飯,肉餅飯,$15有交易,而且還包老火湯.最貴的是蒜香白鱔飯,賣$25.收得貴,等候時間要耐一點.其他等三,四分鐘,白鱔飯就要等十五至二十分鐘.老火湯為霸王花沙葛豬腰湯,成舊豬腰無私奉上,爽口沒有異味,湯底清甜.而主角蒜香白鱔飯,老實說蒜香味不算很強勁,但也惹味.白鱔鮮味十足,肉質稔軟,如果爽口一點點就更加好.底下的白飯有咬口,雖吸收了白鱔同蒜茸,豉油的三種味道,一樣嚐到飯香.最好的,就是由普通豉油轉用頭抽,加上燒豬油,那就更完美.

本來係想黎食pizza，點知變左食飯。事關實在大墟陷，i mean 清潔阿蟬部清潔車上搭到高高d蒸籠。要知道，呢d清潔車唔係淨係收標叔叔d籠，仲有商場food court d拉面舖、pizza舖、泰式野食....呢檔標叔叔ge飯全部真係即叫即蒸（即係要等！），真係無花假，飯夠大dull，又夠熱，又軟又爽口。油菜sap得太耐，黃左少少。自製五花茶好好味呀！我叫個蒸雞飯d雲耳金針都好多，雞都有雞味8 p（唔好寸我）但d骨好碎，呢樣最唔好。行完鴨寮黃金高登，覺得公和d豆腐同合益d腸粉未夠飽肚，差唔多價錢ge話，阿標叔叔都實在可以頂得一餐。深水唔算係富裕一區，商場food court竟然仲做到咁價錢飯餐，真係好難得。其實個籠同個砵我個人就覺得好草根好地道兼有風味，但奄尖者又可能會懷疑佢呢d叫污糟gbor，何況呢個foodcourt燈光只係岩岩好，又係俾人一種可能好污糟ge感覺，所以拍拖拖者想食呢度就要顧下女友個人喜好。

晚市都是$20自選三餸砵仔蒸飯+例湯或五花茶或中國茶,再送一碟細棷菜即叫即蒸,故講明要等十五分鐘,選了排骨,雞,肉餅,及免費加了榨菜好多餸好多飯,最正都是排骨,有鮮味,唔肥,少骨最差便是五花茶,沒有五花茶味,好難入口

本身女友話去食明將壽司間野食..但聽過食評都怕怕了..所以我堅決反對..最後因為女友太肚餓..就地正法..去左美食廣場到搵野食..一黎到..俾我感覺好唔舒服好似好污漕咁..之後去左呢間"標叔叔開飯店"買野食見佢招牌野食唔岩我胃口..所以我都係叫左牛腩飯..唔通只係招牌飯先好食?d牛腩異常難食..好難形容..好似苦苦地又唔知點咁..見到咖哩牛腩入面有毛係平常事..因為好多餐廳都會冇整走d毛..幾嘔心下..我只係食左2件牛腩就停手了..最後係食茶送飯..加支七喜..最穩定當然係支七喜..雖然價錢唔貴..但冇水準可言..可能招牌飯會好味d啦但我食呢個負面一個絕對值得

叫外賣幾條街遠都送不特止,$18雲吞麵加油菜加熱飲品,麵同湯仲要分開送,雲吞唔係細細粒個種,仲要有5粒,味道都唔錯架,我都唔知點係香港度叫到依種外賣,而且聽電話個都有禮貌,希望大家唔好以為我係做"梅"!!