樓下冰室

Open Now

Now Closed

之前都去過樓下冰室食嘢，就係食佢嘅招牌瑞士雞髀🍗都已經覺得好入味好好食，而且個瑞士汁係我鍾意甜甜地嘅味道。而今次再次經過樓下冰室，決定食下招牌以外嘅產品！飲品方面叫咗綠豆椰汁冰，杯底下滿滿綠豆，飲每一啖都有🤩甜度適中，配上椰汁感覺清新！當然唔少得叫咗個招牌嘅瑞士雞髀！水準保持到！同上次食嘅一模一樣！唔會質素參差^_^煮食方面叫咗個咖喱牛腩飯，牛腩炆得好淋，有小小根但係唔會好煙韌，入面有薯仔，不過牛腩嘅份量比較多🤩足料抵食！仲叫咗個吉列豬扒配雜果沙律，佢會配一個滑蛋三文治，呢個餐真係兩個人share食都得，因為最後我都有成份三文治食唔晒😅吉列豬扒係即刻炸嘅，唔會太油膩，豬扒肉味亦夠濃，旁邊黐住少少脂肪，仲有條骨添🤣真係好大塊！另外佢個雜果沙律亦都唔係用罐頭嘅水果，值得一讚！食咗咁多肉就叫返個菜食啦！我哋叫咗芝士焗西蘭花，份量又係好多，睇圖片都見到佢啲芝士完全係唔吝嗇😂啖啖芝士，本身想食返個清淡啲嘅菜又變成邪惡🤣不過都好食！兩個人叫到成枱都係嘢食都只係$191🤩真係大件夾抵食！

近排疫情的關係，少左出街，上網才發現荃灣開了两間樓下冰室，出品睇落十分吸引，其中一間在荃薈比較近我，今日一於去試下先。來到店，在荃薈商場地舖，舖面大，經典港式懷舊feel，十分適合打卡影相。看看餐牌，樣樣都想食，有推介、有特色主食、特色小食、特色飲品等，先叫两個小食試下先。奶油脆豬仔包 $16招牌瑞士雞髀 $28新鮮熱辣的奶油脆豬仔包，口感超脆又鬆軟。必試的招牌瑞士雞髀，雞髀好大隻，色澤好夠深，很入味的樣子，雞肉軟腍，好正。特色蕃茄濃湯通粉 配 牛乳炒蛋 $50配瑞士雞翼這個餐一下就吸引了我朋友，他十分喜好蕃茄濃湯，上面還有牛乳炒蛋，再有招牌的瑞士雞翼，而且有2隻添，好滿足。焗鮮茄豬扒飯 $55我就想食焗豬，見Menu十分吸引的樣子，來到香噴噴好夠熱度添，賣相一流，豬扒夠大件，腍軟不韌，芝士茄汁豐富，飯炒底粒粒分明，整體十分不錯。紅豆冰 $22新鮮菠蘿冰 $22經典的特飲一定要試，新鮮菠蘿冰好多粒粒鮮菠蘿，滿滿一杯，正。紅豆夠蓉，甜度適中。又多一間高質冰室揀，下次再去試下其他分店先。

哩間鋪喺荃灣開咗幾年，之前都食過，今個晏晝lunch諗唔到食咩，決定隨便食個港式風味嘅餐廳🇭🇰哩到出名食滷水雞髀同蕃茄 ，所以哩兩樣緊係要叫啦🍗$44招牌瑞士雞髀飯 滷水味的確香，入口細嚼 ，齒頰留香🤪份量亦算適中，配上一杯港式熱奶茶，地道的香港風味，表露無遺🍅 $47常餐-番茄豬膶通心粉 併 炒蛋牛油多士🍞番茄湯底甜酸適宜，豬膶食落口唔腥，多士烘得好脆，同時炒蛋亦都十分嫩滑加埋凍飲🥤 都唔過$50蚊

媽媽之前經常提及荃薈商場開左間懷舊嘅冰室睇落好似幾唔錯，佢表示想搵日去試下. 琴日咁岩要過吉之島買啲嘢咁就順便同阿媽一齊去試吓呢間裝修懷舊既樓下冰室！入到餐廳，見到餐廳嘅裝修風格都幾特別而且比起一般嘅茶餐廳或冰室來講佢地既地方算大坐都算舒服！呢間冰室都算幾多嘢食佢地嘅主打食物應該係蕃茄濃湯粉麵同埋瑞士汁雞翼雞髀，所以我都專登叫咗來試吓😊特色蕃茄牛肉濃湯米線🍜配瑞士汁雞髀🍴牛肉蕃茄湯米線🍜都幾大碗，個蕃茄湯好濃郁，湯入面有啲蕃茄溶，仲有個炒滑蛋on top都幾豐富！佢地既招牌菜瑞士汁雞髀都沒有令人失望👍🏻 滷既時間都好足夠，雞髀好入味，個瑞士汁好濃帶點甜，唔錯 👍🏻胡椒豬肚雞湯飯🥄嘩！勁大碗呀！湯飯既雞件嫩滑，豬肚爽口👍🏻 入邊仲有枝竹同娃娃菜，非常足料，個湯底亦都鮮甜👍🏻 真係大件夾抵食！炸韭菜餃子 🥟🥢呢個炸餃子有點小驚喜！！好大碟隻隻都好多餡熱辣辣漲卜卜 😍 媽媽超愛話好有韭菜香，餃子皮也炸得剛剛好，點沙律醬食好夾，佢食唔停口！凍阿華田脆脆唔算好甜, 味道唔錯！上邊仲有啲脆脆，幾有口感！

做完workout好想去冰室食啲嘢獎勵自己～search到呢間位於荃灣既冰室。地點都算方便，喺熊貓酒店對面嗰商場。大約4pm黎到（門面大約八成滿）叫咗「瑞士汁雞脾 + 番茄湯意粉 」🎉雞脾吸收晒瑞士汁，好入味😋配埋番茄湯意粉就perfect 👻～湯底可以揀辣定唔辣。叫咗小辣，其實都真係有啲辣～至於飲品，我就叫咗「阿華田脆脆」。阿華田fans必點，脆脆份量都唔少。不過流咁多汗都係應該要杯凍檸茶哈哈 🙈

之前幫朋友喺外國訂咗嘢但一直未有時間拎俾佢，今日放假入荃灣探佢同bb， 趁bb瞓咗覺放低俾屋企人照顧，我哋兩個就去附近食下午茶😁上次喺悦來坊食過日本嘢覺得一般，今次行過樓下冰室見到2點幾仲好多客人，就試下係咪真係咁好食😆特色蕃茄濃湯通粉配牛乳炒蛋:特色蕃茄濃湯鮮牛肉米線配牛乳炒蛋:本身想食下午茶但見差唔多枱枱都有食蕃茄通所以我哋都決定試佢！湯底有粒粒蕃茄，味道酸酸甜甜超濃蕃茄味！朋友揀咗原味通粉而我就揀咗小辣米線加鮮牛，鮮牛肉好嫩滑完全唔會韌！炒蛋蛋味濃，口感又嫩又滑❤️招牌瑞士雞髀:瑞士汁味道香甜唔會太咸，雞脾入味又嫩滑多汁， 好食到平時唔食雞皮嘅我連雞皮都食埋，果然係必食招牌😍奶油脆豬仔包:大大隻豬仔包，食落好香脆！華田脆脆:阿華田味超濃，加入脆脆令口感更加豐富❤️綠椰冰:平時好少喺餐廳見到，勁重椰汁味仲有唔少綠豆！

朋友大力推薦的高質冰室，果然無令我失望，平民價錢，卻有高質的食物質素。餐牌內有好多唔同既選擇，蕃茄湯系列、特色主食、蔥油飯系列。聽朋友話，蕃茄湯粉必試！毫不猶豫叫了兩個蕃茄湯套餐，香煎雞扒十分香口🤪🤪，煎香雞皮，但雞肉依然嫩滑多汁，值得一試。另外一個係麻辣脆雞粒，對比之下呢個就份糧較多，剛剛炸起，入面熱辣辣，浸茄湯食，是一個不錯的選擇。對比之下，蕃茄湯粉先係主角，茄湯香濃夠味，配上牛乳炒蛋，相信是無人可以抗拒既combo🤤🤤🤤。食得太多肉類，所以叫多個芝士焗西蘭花。份量剛好，味道清淡，食落十分舒服😌。特別一提，配上少量栗米令成件事唔會過飽。最後，飲品就叫了一杯阿華田脆脆，華田底沒有因冰粒溶化而稀釋，配上脆脆口感味道都好正，鐘意飲華田既人，必試。熱菜蜜都好正常，杯身好靚，又有自家特色。下次經過，都過再到幫襯。

荃灣有好多好好味嘅嘢食，今次嚟到大窩口，梗係要來試吓好多人推介嘅蕃茄湯麵同埋瑞士雞髀啦。疫情期間都好多人食，亦都有人喺外邊等外賣。佢哋嘅裝修都好古色，充滿着以前懷舊冰室嘅味道。飛哥飛女餐，今次我哋叫咗佢哋推介嘅蕃茄湯螺絲粉配瑞士雞髀，另外要多個芝士肉醬焗薯角。個瑞士湯螺絲粉充滿着蕃茄湯味，好香濃，加埋隻滑蛋落去好滑，瑞士雞髀好濃味，啲肉好彈牙好入味。芝士焗薯角，新鮮焗起熱辣辣，配上面頭嗰浸芝士肉醬，好香濃，薯角外脆內軟，正！

最近疫情緩和，可以放心少少同屋企人出去行街食飯不過為咗安全起見，都係揀咗啲環境相對衛生嘅餐廳喺商場度望入去，見到呢間餐廳有先幫客人探熱，裏面嘅座位都唔會太逼，所以就揀咗呢度食午餐呢度推介蕃茄湯底嘅麵食，有幾款粉麵款式可以選擇，配料款式嘅種類都好多想飽肚啲嘅，見到有焗飯、意粉等等可以揀唔知係咪因為天氣開始熱，見餐牌有提供泡飯同味道香辣嘅菜式蕃茄濃湯螺絲粉配吉列豬扒因為唔太肚餓，所以揀咗湯粉試下湯底蕃茄味濃郁，螺絲粉煮得剛剛好唔太淋最滿意係吉列豬扒，豬扒大大塊，外層脆漿唔會過厚，炸出嚟香脆好味，內裏依然保留到少少肉汁，冇諗過一個普通嘅茶餐都做得咁出色焗芝士肉醬熱狗麵包同配料一齊焗，所以食到麵包嘅香脆肉醬嘅蕃茄酸甜味剛剛好，非常開胃，再加上香濃芝士味道，呢個熱狗非常好味口水雞（例牌）對呢個口水雞抱住一試嘅心態，畢竟呢度唔係做外省菜不過意想不到嘅係，呢款口水雞嘅調味夠曬香濃 ，麻辣味十足，連平時唔太食辣嘅我都忍唔住多食幾件雞焗芝士肉醬薯角因為呢度嘅肉醬真係好惹味，所以另外叫咗呢款小食雖然話係小食，不過份量非常多，薯角香脆，上面鋪咗滿滿嘅肉醬同芝士，就算唔食飯，就咁食呢個小食都非常滿足華田脆脆食

記得早幾個月前， 去過樓下冰室喺荃灣嘅另外一間分店， 記得食品嘅質素都唔錯， 今次我去另外一間荃灣嘅分店食晏。喺肺炎在全球橫行之下， 餐廳有替每位客人探熱， 枱與枱之間都有一塊板相隔。秘製口水雞鷄肉嘅肉質嫩滑， 口水汁幾重麻辣，唔算太辣， 個味道有啲似麻辣雞煲嘅味， 面頭除咗鋪上花生和芝麻之外仲舖上啲脆脆， 多一層口感。焗豬扒飯焗豬扒飯落咗芝士去焗， 上枱嘅時候有芝士嘅香味， 茄汁嘅酸甜度適中， 豬扒汁嘅份量剛好，唔會令到個飯太濕。肉醬熱狗將司華力腸和肉醬夾上麵包再焗， 包做到外脆內軟， 我幾鍾意食呢度嘅肉醬， 番茄和西式香料嘅 味道調教得幾好。肉醬焗薯角食完個熱狗之後， 覺得唔係好夠喉所以叫多個肉醬焗薯角， 薯角吸曬肉醬嘅味道。綠豆蓉椰汁冰椰汁未夠香唔會過甜， 配綠豆蓉幾夾， 幾解渴。

今日嚟到荃薈中心嘅呢間樓下冰室食晚餐裝修走懷舊70年代港式風格呢間餐廳主打都係蕃茄濃湯粉同埋滷水雞髀之前已經食過路德圍分店感覺唔錯一如既往叫咗個番茄濃湯公仔麵陪招牌滷水雞髀蕃茄濃湯仲會跟個炒蛋，望落去都幾靚，食落去入口順滑姨滷水雞髀啖啖肉，一啲都唔覺得滷過龍，仲非常之入味之後再叫咗一份例牌口水雞，肉質好嫩滑，識落啖啖肉唔會有太多雞骨，辣到做得相當野味，令到人一食再食呢個炸海鮮芝士豆腐不過不失，食落口感唔會太油膩焗芝士西蘭花芝士味濃郁，份量亦都好多，食落芝士都好Creamy綠椰冰之前試過一次今次再試同之前一樣都係入口非常清新相比起紅豆冰，佢更加之清甜而另一杯嘢飲叫咗華田爆趣上面會有啲乾咗嘅華田粉飲落去幾有咬口

平時行開路德圍都會去食的樓下冰室 其實係荃薈都有一間分店 可能因為冇咁就腳 所以相對少d人知 不過今日去開熊貓酒店個頭 就決定幫襯一下其實我覺得店舖的裝修真係做得幾好 令我幾欣賞 餐牌方面 同路德圍一樣冇咩分別 我都係同朋友照點返例牌瑞士雞髀 蕃茄通粉另外佢個蔥花叉燒滑蛋飯 都係我認為的encore 之選 順便叫多左個西蘭花雞髀一如既往 好食 😋蕃茄湯味足夠 唔會淡口每次叫都覺得份量好足 唔會話食完送淨返曬d飯另外叫左個西蘭花 都唔錯 野飲有華田脆脆 幾特別 話梅甘桔蜜酸酸地幾開胃每人人均$80 左右 係我係荃灣的encore之選

今日約咗朋友喺荃灣行街，順便喺附近晚餐，想快啲食完快啲再買過，朋友推薦樓下冰室。餐廳以懷舊港式風味為主，每款食物都係幾十蚊有交易！懷舊瑞士汁雞髀，非常入味，而且仲非常大隻，雞脾肉非常嫩滑！芝士焗肉醬意粉，呢個份量足二個人食，芝士味香濃！麻辣炸雞粒，炸得非常香，加上辣椒粉，辣得過癮，非常邪惡嘅小食！芝士焗西蘭花，大大份十分抵食！火腿奄列配牛油厚多士，份量大得驚人，起碼用上四隻蛋，加上大量火腿，幾個人都食唔晒😆飲品和食物等於平時嘅茶餐廳Double嘅份量，難怪腌尖嘅朋友都極力推薦！

港式早餐其實又平又好味，由於樓下冰室嘅有招牌極濃鮮蕃茄秘製湯，所以就算冇我最鍾意嘅榨菜雪菜肉絲雞絲都唔會失色。其實之前已經食過呢度嘅沙嗲牛肉麵，但係牛肉質素就比較差，沙嗲醬亦都唔出色，所以我都唔推介。整體來講啲嘢食都係抵食夾大件，蕃茄濃湯配螺絲粉都幾好食，唔會太杰身或者太浠，調味太鹹太甜或者太酸。叉燒還可以接受，比我想像之中多，雖然薄，但起碼唔係叉燒粒，或者整唔新鮮。炒蛋方面，雖然唔係主打，但係都唔香。

想食番茄湯嘅野，黎呢到就岩哂。樓下冰室係荃灣有兩間分店，今次黎到熊貓酒店對嘅分店，呢間分店大過路德圍果間，坐得舒服啲，裝修都有特色。.我地嗌左番茄湯米線同通粉，配炒蛋。小食就揀左雞翼同吉列豬扒，兩樣都好好味。個滷水雞翼唔會太鹹，唔算好入味，但個汁好味。塊豬扒唔會炸到乾哂，仲好juicy。番茄湯配通粉會濃味啲，仲可以轉其他粉類。另外我地嗌左杯綠豆冰，啲綠豆溶溶地咁都幾出味，唔算好重椰子味，都算balance，大家可以試下。