樓下冰室

Open Now

Now Closed

想食番茄湯嘅野，黎呢到就岩哂。樓下冰室係荃灣有兩間分店，今次黎到熊貓酒店對嘅分店，呢間分店大過路德圍果間，坐得舒服啲，裝修都有特色。.我地嗌左番茄湯米線同通粉，配炒蛋。小食就揀左雞翼同吉列豬扒，兩樣都好好味。個滷水雞翼唔會太鹹，唔算好入味，但個汁好味。塊豬扒唔會炸到乾哂，仲好juicy。番茄湯配通粉會濃味啲，仲可以轉其他粉類。另外我地嗌左杯綠豆冰，啲綠豆溶溶地咁都幾出味，唔算好重椰子味，都算balance，大家可以試下。

荃灣都有幾多餐廳，有時去完荃灣朋友家玩貓貓，就會一齊落街搵食！這天我們去了樓下冰室醫醫肚！冰室裝修好復古，主打老香港情懷！見到推介餐有蕃茄濃湯通粉，好似幾吸引，點了一份！因為佢一個餐的配搭很有多，除了通粉，還可以選螺絲粉、意粉、米線、公仔麵！還有辣和不辣！又可以配一款小食，非常百搭，迎合不同人口味！有13款配搭食物可以揀，我揀了吉烈炸魚柳！蕃茄濃湯通粉配牛乳炒蛋味道非常出色！首先講下湯底，很濃郁的鮮茄味，不是那些很稀的茄汁加水，帶點惹味的辣，再加上滑到入口即化的炒蛋，感覺很滿足！吉烈炸魚柳做到炸粉與魚沒有分離，魚肉滑滑，外層脆到「索索」地！讚！這個鮮茄焗豬扒飯是我覺得必食的，是我近年食過最好的出品！先講我認為好緊要的炒飯底（非豬扒XD），乾身有米香，混合了炒蛋碎，大讚！再講豬扒，肥瘦適中，好軟好稔，醃得夠入味！加上鮮茄醬，整個組合滿分！點了個什菇娃娃菜，清清地，幾好！飲品選擇都不少！我點了咸檸七，朋友點了華田脆脆，都很不錯！值得再去！

環境：👍👍👍👍服務：⭐️⭐️⭐️⭐️味道：😍😍😍😍😍影相：📸📸📸📸Encore:93%📝進入前要度體溫➖➖➖➖➖➖➖➖➖➖➖➖➖➖➖🔸環境走入餐廳，好似回到六七十年代咁周圍都帶住懷舊嘅氣息🙆‍♀️.🔸餐牌茶記最緊要三樣野，款式，價錢，大份😈.🔸秘製口水雞飯 $58口水雞份量吾細，有中半隻雞😎口水雞肉質雪白又嫩滑，肉厚而皮薄配上秘製麻辣醬汁，麻中帶辣，好惹味💕仲有一點好特別，就係加入左脆片，口感豐富.🔸炸韭菜餃子 $32身為餃子控，呢款係必點呢🙈每粒餃子肥嘟嘟漲卜卜外肥餡又多，啖啖都係韭菜香😋配上沙律醬一齊食，另有一番風味.🔸焗鮮茄豬扒飯 $55加左蛋漿嘅炒飯底，入口自然更香大大舊嘅豬肉，煎至香脆再淋上甜酸蕃茄醬汁，更加開胃🥰.🔸 芝士蒜蓉多士 $26四方厚多士，表層放左大量芝士再焗至金黃色食落去好酥脆而且又有滿滿戰芝士香😊.🔸奶茶半價就有杯飲品，好抵飲😎仲要大大杯添！奶茶入口香滑夠奶香，正😍

今日喺荃灣悅來酒店行完outlet，順便喺附近晚餐，見到樓下冰室評價都唔錯，於是就入去試吓！裝修盡顯港式懷舊風味，食物價錢唔貴！瑞士汁雞翼，非常入味，而且仲非常大隻！胡椒豬肚滑雞湯飯，呢個飯份量足二三個人食，胡椒味香濃，配料亦非常豐富，食極都食唔完，鹹菜風味十足！炸芝士豆腐，炸得香脆，爆曬芝士汁出嚟，真係非常邪惡嘅小食。懷舊紅豆冰，起沙既紅豆，用上紅雙喜淡奶，港式風味十足！呢度嘅飲品和食物份量比起上市嘅茶餐廳等於雙倍嘅份量，而且價錢亦十分相宜，難怪平日都幾乎爆滿！

冰室已成為香港的一種復古潮流，有多間以連鎖店經營，其中樓下冰室的瑞士汁最為出名。今天便來到荃灣，享用晚餐。瑞士汁雞髀配沙律及厚多士$53，香濃的瑞士汁，香氣四溢，而雞髀吸收了瑞士汁的醬油味道，更加惹味，如果雞髀再嫩滑一點更好。厚多士，香脆可口的多士，牛油味道適中。沙律採用了新鮮蘋果混合雜果，是個人頗為喜歡沙律的配料，沙律醬味道鮮美。胡椒豬肚滑雞泡飯$54，除了豬肚和雞件之外，還有腐竹、津白、鹹菜和白果，湯頭的胡椒味道濃郁，鮮甜可口，不愧是招牌菜式。潮州蠔仔肉碎泡飯$50，除了蠔仔和肉碎之外，還有八爪魚粒，這個安排多了一種的層次感，而湯頭味道比傳統的潮州菜館，不遑多讓。在冰室享用這正宗潮州菜，實在有點驚喜。麻辣脆雞粒$38，香脆中帶點辣味，喜歡辣的可以一嘗。紅豆奶茶$13，紅豆分量充足，奶茶香濃，兩者配合得剛剛好。

喜歡吃蕃茄的人有福了！推薦大家吃樓下冰室，有好多蕃茄/茄汁的菜式😋😋😋例如我地先叫左一份肉醬芝士焗薯條🍟熱辣辣上台！而且每叉一條薯條都有濃濃肉醬同芝士配上，兩者唔會各搶風頭，所以醬汁都混合得幾適中！薯條係粗薯，唔幼身，兩個人食一份都半飽狀態（證明份量唔錯）！另外仲叫左脆辣雞粒配蕃茄通粉，個人覺得通粉都係早上食開心少少，不過夜晚唔想太飽都叫左既！個蕃茄湯好有茄味（但又唔似茄糕既膠味喔！）🥰🥰雞粒都係新鮮炸出，唔spicy架！

去完荃灣出job，就見到悅來酒店對面開左一家新嘅「樓下冰室」，環境比路德圍總店大得多，裝潢更講究，呈懷舊風，裏面嘅座位更寬敞，坐得更舒適！☺️終於唔洗係咁同人搭枱，舒服好多～😂呢度有全日套餐、下午茶餐，仲有其他主食、小食可以散叫。下午茶時段除咗平日，連星期六、日都有！每日都係2:00pm開始，不過咁啱我黎嘅時候未到下午茶時段，所以就散叫啦！散叫瑞士雞翼就有三隻，用左雞全翼去整，全部好大隻，而且仲好入味，肉質嫩滑多汁！☺️華田脆脆阿華田底好濃郁，上面仲灑滿大量華田脆脆，口感十足！

荃灣熊貓酒店對面嘅「樓下冰室」，雖然地鐵站行過嚟要十分鐘，不過我就覺得特登行過嚟都好值得，除咗抵食之外，佢哋啲出品仲好好味😋裝修有香港懷舊特式，啱哂我哋呢啲老香港，始終港式茶餐廳文化係我哋回憶，無嘢可以取代🤗食物選擇夠多，早餐、午餐、下午茶到晚餐都照顧哂，悉隨尊便，任君選擇😬招牌瑞士雞髀🍗$53，配牛油厚多士，粟米什果沙律🥗，講得係招牌，真係無令我失望，香甜瑞士汁，入味又唔會咸，雞髀好滑夠大隻，沙律又新鮮份量夠，加埋多士好滿足👍🏻自家製叉燒滑蛋飯$50，夠哂誠意，大大碗，望見都流口水，熱辣辣😍😍😍蛋香夠滑，自製叉燒，肉香加豉油混和香米之中，唔好以為好簡單，要做得咁正，好考廚房功夫架，必食推介👍🏻👍🏻👍🏻再嘆返杯懷舊紅豆冰或者港式奶茶🥤，真心正，而且價錢平，服務效率高，所以我經常來幫襯😍😍😍

路過荃灣，有點餓。眼見前面有間「樓下冰室」，好似幾特別，於是就走入去，決定一試，試一試荃灣人的「樓下」， 餐牌好靚，好多選擇，而且好多街坊捧場，就知道應該沒有搞錯。 我首先叫了一份冰室炒意粉，意粉好好食好夠味，一條一條嘅意粉都沾滿咗茄醬！而且份量大，最岩我這種大食王。意粉粉得好，茄醬夠。茶餐廳小炒就出色，想不到西式意粉都有一手。平時食湯的韭菜水餃就食得多，炸的韭菜餃真的未試過，真係要試下，外表好脆，裡面是熱辣辣的鮮肉和韭菜，喜歡韭菜餃的人都應該明白，韭菜餃是其他不能取代的。而且配沙拉醬，簡直係perfect。蕃茄濃湯通粉，餸可以自由配搭，一款兩款三款，任君選擇。食幾多叫幾多，好像是車仔麵的叫法。今日選了芝士菠菜和肥牛。兩樣都好好味，而芝士菠菜更加是少見。最後整番杯華田脆脆！華田就一向都好味，加上脆脆，可以一路咬一路飲，為平日的華田畫龍點睛。更突顯冰室與其他店的分別。一定要試試比個餐牌大家參考

樓下冰室既番茄湯底同瑞士雞翼咁出名🧛‍♂️ 應該好多人都好似我咁食過好多次 但原來佢咖喱飯同焗肉醬意粉都好好食🧚‍♂️想食蕃茄但又唔想食湯通粉 所以今晚叫咗個西式嘅蕃茄芝士焗肉醬意粉 份量一如以往超大碟 蕃茄一樣咁新鮮咁甜🧚‍♂️ 肉醬超多又夠味 唔會話汁多過肉 配埋芝士食到停唔到口🧛‍♂️🧛‍♂️意粉焗完都唔會淋哂 時間掌握得好好 師傅要讚一讚🧝‍♂️ 同埋醬汁既味道唔會話好假 普通開水既果款醬 $52真係cp值好高🧚‍♂️咖哩可選擇牛腩/豬扒/雞扒 我要左牛腩🧛‍♂️秘製香濃咖喱汁真係得wo 其實唔算好辣 應該係就左香港人既口味🧞‍♂️ 牛腩炆到好稔 一啲都唔老 咖哩汁嘅味滲晒入去超惹味 下飯一流🧞‍♂️唔好睇佢個碗比較細 牛腩起碼有八舊以上 勁多 仲要牛腩多過薯仔 出面啲茶餐廳都無咁大方🧜‍♂️半價加左杯華田脆脆 建議盡快食左面頭既脆脆先🧚‍♂️ 因為慢慢地佢會消失於華田中 咁就浪費晒好似我哋咁🧟‍♂️

樓下冰室最出名既係蕃茄濃湯通粉同招牌瑞士雞脾，所以就點左依個，原來係有set一次過試晒兩樣架，點左特色蕃茄濃湯通粉配牛乳炒蛋再配瑞士雞脾($55)，算幾抵食！首先個蕃茄濃湯通粉都算真材實料，店鋪係用上新鮮蕃茄、豬骨、雞骨去熬十小時，唔怪之出黎唔係好水個重，都稠稠地有蕃茄粒，酸酸甜甜好開胃！提提個滑蛋都幾好食，因為用牛乳炒👍🏻而瑞士雞脾烹煮時間控制得唔錯，雞脾肉煮得幾嫩滑，而且都真係好入味，瑞士汁好香，配酸酸甜甜既通粉可以中和返個飽膩感🙌🏻另外點左個健康系列 蠔仔泡飯依個清清地食落無咁滯，都幾多蠔同埋都新鮮，裡面有冬菇冬菜提升鮮味，都不錯！再黎係茶記必食既奶醬多，超邪惡吸引啊依個🤤🤤滿瀉既粗粒花生醬同鏈奶，加上烘到脆脆既多士，真係無得輸！小食芝士肉醬配薯角都高質🥰芝士肉醬份量好多，鋪晒係面再焗，好似芝士肉醬意粉咁，不過轉左炸薯角做底原來都咁夾😛好香口～飲品點左凍華田脆脆華田脆脆真係唔錯，面頭既華田脆好好食又唔會太甜！

樓下冰室喺荃灣有兩間分店，今次黎幫襯熊貓酒店隔離嗰間！地點極方便，出面仲可以偷雞泊車！疫情之下，仍然仲有好多街坊幫襯，而且外賣Order不斷，勁！凍奶茶 $9 （跟主食半價）濃、香、滑，做到港式茶餐廳凍奶茶應有的水準，正！忌廉紅豆冰 $14 （跟主食半價）超誇張的忌廉！香甜幼滑，而且極為邪惡！番茄濃湯通粉配牛乳炒蛋 配 招牌瑞士雞脾 $50 咁大碗通再配咁大隻脾，只需$50，真係賣大包！炒蛋香滑，湯底濃郁得黎帶微酸，仲要有粒粒番茄肉，真材實料！瑞士雞脾係呢度嘅招牌菜，瑞士汁香甜，雞皮滑嫩，雞脾肉Juicy，Perfect！金牌咖喱牛腩飯 $50勁多飯！碗哩腩夾極都有，勁多舊，超抵食！咖哩汁香濃惹味，牛腩份量多之餘，仲軟腍入味，無得彈！

今日去完荃灣行山 行完就去咗熊貓酒店隔離嘅呢間樓下冰室度食下午茶雖然叫冰室 但入面嘅裝修一啲都唔殘舊 而係懷舊風 非常衛生必點人氣瑞士雞髀 瑞士雞翼 瑞士雞髀好厚肉 個汁甜甜地而且炆得好入味 仲有陣甘香嘅味道 食多啲都唔會油膩 雞翼同樣好好味 不過肉嘅比例冇雞髀咁多 就有啲漏嘅感覺 相信小朋友會鍾意食多啲焗肉醬芝士薯條 肉醬同芝士份量都好多 每一條薯條都可以點到 酸酸甜甜非常開胃 薯條仲係脆脆地黎茶餐廳點可以唔食西多士 西多士係即叫即炸 夠曬蛋味 而且外皮脆卜卜 加上超邪惡嘅牛油同糖漿 肥十磅都抵焗白汁芝士西蘭花 以小食嚟講個價錢幾抵食 西蘭花加上芝士同白汁 食落一啲草青味都冇 仲有拉芝嘅效果

👧🏻😋👅🍽✨.🍜🥯🍗🍹特色番茄濃湯通粉 三餸 $58特級墨魚丸 + 自家製叉燒 + 芝士菠菜✨超濃番茄湯✨芝士菠菜真係必食，夾埋個蛋係100分，邪惡芝士拉絲，又有菜既fresh芝士煎蛋菠蘿包 $25✨個皮勁鬆化✨熱辣辣好新鮮切開一半都冇散炸雞翼(3隻) $33✨雞全翼炸得乾身但都有啲肉汁☁️雞鎚部分有少少乾招牌瑞士雞脾 $28✨好入味✨滷到佢好林身，軟骨位都滲到落去焗芝士肉醬薯角 $36 ✨好多芝士✨薯角原條唔會碎濕濕✨茄味重華田脆脆 跟餐$11

返屋企經過見到，呢間裝修有以前茶餐廳風格，就同朋友去試吓。入面嘅裝修都係好以前香港舊式嘅風格，餐牌就有經典嘅常餐，焗豬，瑞士雞翼嗰啲。我地就試下個常餐，西多士，紅豆冰。首先我就叫咗個燴牛肉意粉，個汁好夠味， 意粉唔會好乾身。牛肉唔會太鞋，夠入味。再加埋個咸檸七，好有細個係茶餐廳食到的味道。朋友叫咗個番茄通常餐。湯底好濃郁番茄味，通粉唔會太硬，個炒蛋炒得岩岩好，好滑有蛋味。有幾款小食叫左，西多士，四邊都煎香左好香好香牛油味，雖然減緊肥都忍唔住要食。外脆內軟好好味！另外叫咗個瑞士雞翼，皮滑肉嫩，好夠味，肉質唔會好鞋。 我屋企附近有間咁港式嘅餐廳下次都可以繼續黎試吓。呢間比起路德圍分店冇咁逼！