榮熙茶餐廳

Open Now

Now Closed

e間野應該興幸,我之前沒寫出來因為這食評網出了問題,我最近都沒寫食評現在補返寫之前叫了一隻乳鴿細到呢,真係bb鴿來,無咩肉食完全唔覺係食乳鴿無咩乳鴿味,又無咩肉,好似食肉乾咁重差過街市買的乳鴿食完都唔知食左咩,又無咩味道,要靠額外的鹽來上味炸到隻乳鴿好乾,完全唔好食評分標準:10分滿分味道:1分香味:3分外型:2分抵食度:0分

今晚返奧海城開會，順便搵阿媽來到大同新邨附近lee間榮熙茶餐廳撐檯腳。舖頭喺大同新邨附近，門面光猛搶眼。價錢好貼地，睇得出係做街坊生意。菜式設計包羅萬有，從焗飯、意粉，鐵板燒餐，常餐，到鍋氣小炒，任君選擇。$68蚊有鐵板西冷，絕對要試啦！我見到精美小菜有黃金海中蝦～ 就算酒樓都唔係間間有！一於試試師傅功力～西洋菜南北杏煲豬骨Order小菜嘅話，建議加$10，有齊靚仔、每日精選餐湯，同埋餐茶，都只係$10～ 抵到爛。餐湯有中西兩選。一睇d西洋菜就知夠火候，揀選西施骨來煲，肉味鮮，煲完都唔會「鞋」口。雖然比唔上媽媽煲嘅西洋菜湯，但比起出面嘅味精湯，跑贏好多條街啦。黃金海中蝦經過油泡嘅大蝦，再用鹹蛋黃調製嘅醬汁爆炒、快炒，每一隻🦐都均勻蘸上鹹蛋黃醬汁，最後灑上些許芫西作點綴，金黃搶眼。吮一吮蛋黃醬，咬一啖，蝦殼脆卜卜，蝦肉結實，爽口，味香濃～ 餸一流～嗰係雪白嘅幼身米，有飯香，個人覺得軟硬適中。魚香茄子煲咪睇小一個魚香茄子煲，落鍋，火候，調味等等都需要一定嘅掌握先正，如果唔係就會太油/太鹹/冇魚香。一邊嘆Lee煲熱辣辣魚香茄子餸飯，一邊浮現出師傅放薑蔥蒜爆香，落🍆同醬料爆炒後再燜焗一下的畫面

平時都會去下大角咀食飯，今日放工經過決定食個飯才回家，順便就走入一間都好光猛的茶餐廳。這間茶餐廳位放大角咀大全街，門面都好光猛下，所以一入到大全街就吸引了我的目光。餐廳裡面的空間感十足，好光猛，座位都好闊落。感覺環境整潔，坐得舒適。這裡的餐牌有多款的鐵板，都好吸引，所以我決定要來個西冷鐵板。西冷上枱的時候香氣四溢，牛扒在熱騰騰的鐵皮上燒得滋滋聲，香氣四瀉！西冷大大磈，肉質嫩口，黑椒汁香濃！隨餐跟薯菜，薯角炸到香口，還有一支甜粟米。我另加了一碟意粉，意粉雖然有點淋身，但味道酸甜還不錯。忙了說隨餐每人都有一碗湯，我要了羅餸湯，有點鹹，不過好足料，大量的菜好有營養。另一碗要了豬骨湯，同樣好足料，火喉又夠！朋友點了這個黑松露炒蝦仁，好大碟！大大粒的大蝦好鮮甜爽脆，重點是黑松露味真的好鮮！配上炒蛋簡直就是絕配！蛋炒得好嫩滑，廚師的功力不錯。椒絲腐乳通菜，通菜翠綠新鮮！椒絲香口，腐乳味惹味。整碟的通菜完全給我們消滅掉！隨餐加$3轉凍飲！當然餐廳都有好多其他的食物，種類之多一定可以滿足需要。以茶記來說這間的水準還真高，加上服務周到，上菜速度又快，有機會我會再去食其他小菜。

是日OT到好夜，由朝早直踩到晚上前前後後加埋都有十幾個鐘！放工只係得番半條人命既我諗住搵D「快靚正」既野食完番屋企就算，點知亂打亂撞之下居然有驚喜。餐廳位於大角咀舊區內，從佢價錢同定位睇得出應該係以做街坊生意為主。內裏非常光猛醒神，侍應們一律著上青綠色jacket做制服，俾人一種整齊醒目既感覺。小菜選擇有接近三十款咁多，轉套餐亦只需加$10，就有齊餐湯、白飯、咖啡或茶！恐龍勁量雜扒餐 ($108)︰講明勁量份量當然驚人！鐵扒餐除左豬、牛、雞扒同紅腸各一之外，重有薯角、蕃茄同埋粟米添，配埋個惹味既黑椒汁一齊食真係正到爆，堪稱「男人的浪漫」！三大塊扒搭埋一齊呢個場面都咪話唔震撼！加$8轉既紅豆冰感覺好似甜左少少，下次有機會改叫「少甜少冰」口感應該會更好！食到差唔多尾聲，侍應行埋黎同我地講原來個扒餐漏左隻蛋同埋煙肉。雖然呢個moment已經飽到食唔落，但喺度真係要讚一讚佢地親切有禮既服務態度，我都唔知幾多年無喺茶餐廳聽到「唔好意思」呢四個大字喇！北菇滑雞煲仔飯 ($65)︰整體口感唔錯，冬菇同埋雞既份量都好多，而豉油亦令佢生色不少。唯一要彈既係飯既質素，可能因為用左飯粒較細既越南米關係，食落

呢間餐廳開左唔耐，呢日同屋企人經過，見環境好寬敞，一於試下！鐵板燒春雞拼豬扒餐份量都幾大。侍應將黑椒汁倒落去，炸既一聲好過癮！鐵板餐熱辣辣，燒春雞肉好嫩滑多汁，而且夠味，唔會淡口。豬扒都好鬆軟唔韌，仲有d蒜香，唔錯！食蒸魚就夠哂健康，清蒸沙巴仔原來好大條，蒸既時間啱啱好，肉質非常嫩滑，好新鮮，不過味道淡左少少，可能呢度既豉油比較淡，咸返d就更正。呢間茶餐廳比一般既新淨，食物款式又多，味道唔錯，可以再嚟！

約了朋友吃飯，但她又不想去太遠，於是我就陪她來呢間吃。叫左一個68元的牛扒鐵板餐，有塊牛扒，幾舊薯角和一個烤粟米。牛扒味道算 ok, 但也有一些肥肉，份量也不大，薯角淋的，粟米烤到好乾。百分百的鐵板還比它吸引，價錢平啲之餘，牛扒又大啲，其他配料也多啲。另外，我們叫了一個沙煲咖哩叉燒一丁面。咖哩和叉燒的組合也是第一次見。一送上桌，沙煲中的水不斷翻滾，好滾動的樣子。咖哩挺讚的，夠濃，夠入味。但48蚊就有點貴，因為只是咖哩，叉燒和公仔面。

這天下班後，我約了一位很久沒見面的朋友在大角咀聚會，她提議吃茶餐廳，於是我們便在大全街附近找茶餐廳吃。見到一間名叫榮熙茶餐廳的店，之前從未吃過，不知道好不好吃，朋友提議這次晚餐就在這裏解決。榮熙茶餐廳的店面比一般餐廳大，估計是打通了兩個鋪位。木板再加上發光的字體，很有田園的感覺，尤其是餐廳的logo是綠色。一進餐廳就是收銀處，往店裏看，只有兩至三成的座位有人坐。我們很好奇為何星期五晚上只有這麼少食客，我們很擔心這間餐廳有問題，幸好後來食客增加了，八成的座位都有人坐。店員把我們帶到店後的卡座，走在走廊上時，我們在觀察這店的衛生，尚算可接受。有很多張餐單，看得我們眼花撩亂，以下是其中兩張：仔細研究幾張餐單後，最後我們點了3道菜和3杯飲品。1. 鐵板特級西冷牛扒餐這是餐廳重點推介的馳名粟米鐵板餐，我們怎能錯過？所以朋友選了這道菜。這牛扒餐還配有香脆炸薯角、牛油甜粟米和時菜。醬汁方面，我們選了蒜蓉汁。為了能夠嘗試更多美食，我們選擇加$10升級轉配套餐，這樣就可以多一個羅宋湯和一杯飲品。朋友喜歡飲凍飲，所以我們再加$2點凍奶茶。這鐵板餐果然名不虛傳，上菜時，能聽到牛扒在鐵板上燒得滋滋作響的聲音，

天氣又轉冷，呢d天氣忽冷忽熱，真心好易搞到病，咁天氣熱除左打邊爐羊腩煲，梗係要食下煲仔飯，煲仔飯個個都話一定去廟街食，話又平又正，之不過有食開ge都知個邊d煲仔飯質素差左... 但係今日俾我搵到間食煲仔飯一流既茶記! 佢個位置其實都幾唔就腳，我估係奧運行過去都要成15分鐘，不過個頭真係多左好多野食，見到呢間菜餐廳好似岩岩新開冇幾耐幾新淨，天氣又凍凍地，見到有煲仔飯，即刻諗都唔諗行入去。茶餐廳最好就係樣樣都有，岩曬鍾意大把選擇ge我，你想食中式西式都有，呢到都係，有海南雞、日式鰻魚飯、湯飯、小菜... 真係任君選擇，總有一款岩你口味，我同朋友兩個人嗌左個小菜，鐵板餐同埋煲仔飯欖菜肉鬆四季豆其實出親街食，都係食肉多過食菜，由其去茶餐廳，好多時菜都冇條，所以嗌左個欖菜肉鬆四季豆。佢個份量以小菜黎講好大份，夠兩個人食，幾surprise佢係炒完用鐵板上，唔係用普通碟，上到黎仲滋滋聲，保證夠熱，係就係熱氣d，不過個欖菜味真係好香好出，係個四季豆比較硬身，雖然有咬口，但係我自己就一般，不過呢個菜撈飯真係一流。鐵板恐龍雜扒餐佢有分大雜扒同小雜扒餐，差既野好似係差煙肉、火腿咁，但是價錢都差成十幾廿蚊，

昨晚因為要去探望住在老人院的長輩, 經過大角咀大同新村大全街此餐廳。被此餐廳門外的裝璜和展示牌所吸引。它提供很多各式各樣的食物: 各式鐵板燒; 海南雞飯; 清蒸各樣海鲜餐; 咖哩套餐、麻辣米線餐、石鍋咖哩套餐、鳗鱼飯和各式焗飯等等, 價錢又唔貴, 所以我就入去食我的晚餐。 叫了一客鐵板燒春雞(半隻)伴香葱豬扒鐵板餐和一碗少麻辣肥牛片頭米線。燒春雞很嫰, 肉很滑和軟, 咬落有雞味。米線餐跟上的熱咖啡夠熱和奶的比例很適合香濃。

去茶記食晚飯 唔再淨係食碟頭飯或者叫小菜 就連鐵板同鰻魚石鍋飯都有好多選擇 價錢都正常----------蒲燒鰻魚石鍋飯 ( $60 )石鍋飯除左鰻魚仲可以揀多一樣野 照燒雞扒、汁燒豬頸肉、網燒牛扒、吉列豬扒同日式雞肉串鰻魚 唔算大條 不過好似日式咁 燒得幾靚 又有汁 揀左豬頸肉 但燒得乾左少少 又唔算彈牙個炒飯底一啲都唔hea 食得好飽-鐵板恐龍雜扒餐 ( 細$68 大$108 )一個熱辣辣嘅鐵板上面🔥擺滿左牛扒、豬扒、雞扒、腸仔 仲有薯角、粟米、時菜同蕃茄😛 所有野都幾大件 扒薄嫩 但就差少少鐵板嘅味道😕 配埋香草蒜蓉汁就夠正 幾抵食！( +$10轉配套餐 有湯同飲品 )-P.S. 晚市惠顧中式小菜 滿$200+$1 送鹽焗雞半隻 滿$300+$1 送一隻😆 環境舒服 員工都幾開心 見隔離枱嘅小菜好大份

平常去茶餐廳食飯不足以令我寫食評，但今日俾我係茶餐廳度食到不錯的煲仔飯，令我不得不向大家分享呢間茶餐廳好光猛，而且感覺很整潔坐低後見到帶幾份不同的menu, 選擇都幾多下，所以我花左d時間先決定到，最後點左鹹魚肉餅煲仔飯，侍應仲向我推介周打魚海鮮湯，好啦，咁我試下呢個周打魚湯好雪白，飲落真係新鮮，裡面仲食到魚，蜆同埋帶子，都足料的煲仔飯黎啦，其實未開蓋都聞到d飯焦味，香味十足，開蓋後倒豉油仲會聽到吱吱聲，證明熱度好夠，首先呢個煲仔飯煲得好乾身，唔會濕泣泣，呢點對於我黎講係最重要的，再撈埋鹹魚同肉餅，所以成個飯都好好食食到飯焦添ga

在大角咀以"大"字開頭的幾條街，雲集了各地美食，是日下大著滂沱大雨，我冇乜點揀就入咗呢間茶記，有時千揀萬揀，也未必揾到啱食又對味的餐飲！看看餐桌上嘅菜單，竟然發現有鰻魚石鍋飯系列……標榜蒲燒鰻魚，再自由配搭吉列豬、雞肉串、汁燒雞扒……我就點咗網燒牛扒，睇下呢餐有冇東瀛和風先！等咗一陣，上枱嘅石鍋飯熱騰騰，一大片鰻魚燒至金香撲鼻，加上專用汁醬，未食已經加分，咬下去又真係幾嫩幾滑，跟日式料理差不多，對味！食埋燒牛扒……其實係薄切牛肉，入味又唔韌，又啱喎！石鍋飯最緊要係個鍋夠熱，睇下有冇飯焦先？刮一刮有少少喎，唔錯！仲有幾片薑，清一清喉嚨，抵讚！特飲方面，選擇有菠蘿柚子冰、士多啤梨冰……我就揀咗紅豆冰，不過冇抹茶架，唔係好日式，惟紅豆有成半杯咁多，腍硬度適中，奶糖配搭甜度適宜，有茶記水準！

下班後和老公來大角咀取包裹，辦完事後，見時間已不早，就決定在附近吃頓晚飯才回家。途經這間《榮熙茶餐廳》，見門外幾塊黑板，上面寫著的特色晚餐、日式蛋包飯套餐、粟米鐵板餐及多款精美小菜，價錢都幾經濟實惠，決定入內一試。原來餐廳地方都幾大，佈置雖然只是一般茶記格局，但裝潢光猛整潔，加上空調充足，椅桌擺放得亦唔算密，而且入面設有散座及卡位，安坐其中也甚舒適。入座後，先揭開餐簿細閱，食物種類果然豐富，除了有鐵板扒餐、海南雞飯、炒粉麵、特式焗飯、石鍋咖喱飯、鰻魚石鍋飯、瑞士雞翼撈丁餐、黯然叉燒煎蛋飯、豆腐火腩飯等供應外，還有適合兩口子享用的二人套餐、中式小菜、特色腸餐、蛋包飯等，看得人花多眼亂，不知如何選擇。老公向來愛吃雞，被這張海南雞飯 Poster 吸引著，決定點一客功夫海南雞飯 ($60) 試試。原來這份雞飯套餐都幾大堆頭，除了一碟烚雞和一碗油飯外，還有一碟脆嫩爽口的𧐢油生菜、一壺清而不膩的功夫湯及幾款醬料。海南雞沒預期般嫩滑，肉質有點嚡口，幸好雞皮爽脆不腍，蘸上黑豉油和薑蓉來吃，也算惹味。至於淡黃色的香蒜雞油飯，食味亦不俗，入口濕潤而不爛，而且吃起來粒粒分明、富有口感。筆者是個好魚之人，見

服務好，有耐性！我們外賣下單改了幾次，老闆都非常有耐性，態度好！送貨速度快，15分鐘送到！食物質量好，份量夠、少油、味道好。價格合理，晚飯送餐平均每人60，抵食之選！

本身無咩打算寫這間的食評因為太普通點知試了幾次後,發現服務態度非常差見到招牌食物係 焗豬扒飯即刻試下食物:焗豬扒飯:味道一般,甜甜地咁,份量不多,肉少最重要一點是,超油,油泡飯咁,食到一半,發現超多油根本難以進食味道和大家樂差唔多,但由於有一半飯都係比油泡住所以整個飯只能說唔合理飯的份量亦比大家樂的細評分:2/10服務:其實我想比負分但基於有些員工服務態度還好,所以1/10數名員工服務態度有問題