榕記陳皮燒鵝 (永利大廈)

Open Now

Now Closed

第一次寫食評，咁啱尋日想食燒味路經呢間茶餐廳，第一次去見入邊有位，就入去想問有冇位，因為出邊企咗幾個人，但係唔似排隊企得好散，我以為佢哋等外賣，點知未入到去已經俾一個唔係着住制服，大約30歲樓下嘅職員，大聲用普通話呼喝要出去排隊，極度冇禮貌嗰種，跟住我同佢講，使唔使咁惡同埋唔好同我講普通話我唔識聽，跟住佢就死狗咁話唔好意思慣咗，慣咗咁同國內遊客溝通，咁即是平時可以咁樣對住啲自由行嘅遊客，所以香港咁嘅嘅服務質素，香港人仲點會去食，連喺出邊等位的遊客都話佢態度極差，呢間餐廳唔使入去食都知佢乜嘢環境

慕名因為正宗燒鵝，所以來到榕記燒鵝吃飯。一入餐廳的服務，就已經覺得有問題了。被安排入座的位置都很有問題。餐具提供及擺放都有問題。最後下完單上菜的那一碟食物也有問題。食用期間的環境都有問題。一進到餐廳說了兩位，門口接應的環阿姐竟然一點反應，也沒看也不看一眼。完全忽視和他的同事交接，指示我地入座的安排。衹能靠我們望其他的服務員才得知你安排的位置。進到內部的餐廳環境，係走廊嘅位置，安排咗一張摺枱，旁邊就是所有員工的飲水擺放的區域以及調味料擺放的位置。所以呢喺食飯嘅期間不停有員工過來攞調味料同埋過嚟攞水嚟飲嘅。兼且因為係走廊位不停會畀啲員工喺行嚟行去嘅時候踢到張凳。到咗燒鵝飯上嚟嘅時候服務員無提供到筷子匙羹同埋連配搭燒鵝的梅子醬都冇，就噉啲服務員就行開咗要等我開聲問有冇筷子匙羹同埋梅子醬先至提供。唔怪得d旅客頂唔順香港的服務，香港本地人都頂唔順。食落個燒鵝就完全好多骨，肉都好少嘅，另外燒鵝雙拼飯，燒鵝更加係好少啦，叉燒哩都係十分之柴口嘅。身為一間燒鵝同埋燒味嘅餐廳做到噉嘅水平嘅食物出嚟都十分之失禮啊。喺食嘢期間服務員不停大聲喊叫呼叫喝叫，而餐廳入面都有其他儀器不同響叫，現場嘅聲音環境係十分之吵

平日$49雙拼燒味下午茶，凍飲加$5，總共$54。買咗燒腩同豉油雞雙拼，結果一打開，就係得四嚿燒腩仔，同一忽仔雞。有冇咁離譜啊？？？？普通一間餐廳下午茶廿幾三十蚊既份量都多過佢啦。呢間嘢越做越衰，又越嚟越難食，淨係識加價。打開個飯盒都feel到個頹字，嬲到要上嚟寫個差評

在尖沙咀，我終於品嚐到了正宗的燒鵝！這家位於尖沙咀地鐵站附近的榕記陳皮燒鵝，絕對是燒味愛好者的天堂。我們點了招牌燒鵝，外皮金黃酥脆，肉質鮮嫩多汁，搭配特製的醬汁，讓人一口接一口，根本停不下來。燒味拼盤中，脆皮燒肉更是令人驚艷，皮薄而脆，肉質鮮美，口感層次分明，讓人欲罷不能。而海蜇絲的脆爽口感則完美解膩，讓整體味道更加平衡。接下來，我們品嚐了菠蘿拔絲咕嚕肉，這道菜真是絕妙的搭配！咕嚕肉外酥內嫩，和菠蘿的酸甜相得益彰，讓人感受到不同的風味交融，既解膩又增添了層次感。金沙大蝦球則是另一個亮點。這道菜的虾球個頭超大，肉質鮮嫩Q彈，咬一口便能感受到濃郁的金沙醬，讓人垂涎欲滴，真是美味無比。此外，我們還點了經典的干炒牛河，河粉炒得滑溜，牛肉鮮嫩，搭配香蔥和豆芽，讓整道菜色香味俱全。菜心炒臘味則是清爽的選擇，臘味的香氣與菜心的鮮脆相得益彰，讓人胃口大開。最後，為了消暑，我們點了一杯冰沙檸檬茶，清新的酸甜滋味完美中和了餐中的油膩感，讓整頓餐更顯清爽。總的來說，榕記陳皮燒鵝不僅菜式多樣，味道也十分出色，是在尖沙咀聚餐的理想選擇。無論是與家人還是朋友來這裡用餐，絕對會讓人留下深刻的美好回憶！

耗油生菜原来真的是上一盘水煮过的生菜，然后单独给一碗耗油自己沾服务员解释每个店的做法都有不同。过年人多，要拼桌也是可以接受。服务员很累，态度很不好，也可以理解。然后也理解菜的做法每家店都是不同的。不过水煮生菜，然后单独给耗油，是真的没有什么味道可言。早知道，应该要其他的做法了。下次一定要小心避雷。其他的乳猪还是有点硬，没有想象的好吃。烧鹅也味道一般。赶时间，吃吃也好。菜上的有点慢，可以点一些提前做好的

今日嚟到尖沙咀食午餐，揀咗間燒味茶餐廳，平日lunch time都好旺，幾乎坐滿😌我一個人過黎食，張枱竟然係撘滿陌生人，勁迫，同埋我眼見d員工會不停叫人調位，我都聽到有d客人比人調左幾次而不滿，其實食個快餐都要轉黎轉去，體驗到真係幾差🤨🤨我就叫左燒鵝飯，燒鵝味道都OK，塊皮都幾脆，肉質都結實，份量就正正常常😝總括黎講，就係普通嘅燒味飯，但坐位就真係好唔舒服，唔太建議過黎諗住同朋友食飯🤣🤣

門口路過見到座無虛席，而且門口貼住主廚都獲得唔少獎項～就陳皮燒鵝見到已經好吸引～等咗一下就安排入座，速度都算幾快😊🪿榕記陳皮燒鵝（例）要咗下裝，切得齊齊整整，強迫症睇著就好舒適🤩皮脆肉嫩，仲帶有淡淡嘅陳皮味🤤跟咗只吉碟上，鍾意搭配酸梅醬嘅桌面上就有👍🏻🥘沙嗲粉絲金菇牛肉煲牛肉大大塊又非常嫩口，而且牛肉數量都唔少，啖啖肉好滿足😍吸收咗沙嗲汁嘅粉絲和金針菇好惹味，送飯一流🤤🥓腐乳蓮藕炒肉片腐乳嘅香味非常提味，將每一片蓮藕包裹住😻肉片入味，蓮藕脆爽👍🏻話時話都冇惗到每樣份量都巨多，管飽！關鍵味道都十分出色☺️喺等位嘅途中有睇到對於服務嘅評價，仲有點心慌，體驗落離我又冇覺得差得去邊，落單嘅時候夥計仲會有溝通同推薦🤔

平時都唔寫評語 。依間嘢真係極品，極品差，入到去張枱都唔抹就叫人坐 。成個玻璃都係飯粒，態度又差，成個地下油漬多，坐落去張凳腳會跣住，叫個肥叉飯，兩舊肥叉之後全部瘦肉。難道做遊客餐廳就唔使服務？唔憂做？好過份

👭朋友有父母嚟香港玩，當然要帶佢地去食本土嘢，燒鵝煲仔飯當然係首選。 因為就行程關係所以揀左尖沙咀呢間榕記。🪿燒鵝 ： 味道正常，皮脆🐷乳豬拼叉燒飯 ， 金銀蛋香菜 都係正常港式口味。🐟椒鹽九肚魚 ： 同西貢有得比，外皮鬆脆，魚肉嫩滑，一d都唔油膩。 朋友爸媽都讚好食。🐔🍄北菇雞煲仔飯： 等左半個鐘，差唔多食晒D野先黎，半個鐘由生煮熟係可接受嘅。 煲仔飯上枱時蓋已打開，哥仔再三提醒小心煲仔好熱 。 一貫食法 搬D餸去一邊， 撈下D飯 （豉油上枱前已落），咪食得囉，點知一反開D雞，係生架，唔係咬開生，係外面已經見到全生，我無食過生肉煲仔飯呀， 同哥仔講左2次先話再整過比我，仲同廚房order要全熟，如是者又等多半個鐘 都未再上我地個煲仔飯，再追問，哥仔話等多陣，過一陣又問，又係話半個鐘，我話 成個鐘囉喎，哥仔話 應該到啦等等，然後 就同我地講 可能漏左單，幫我地取消，無問我地要唔要就取消左啦。嬲呀。💰💰💰💰💰💰💰💰埋單仲嬲，收錢果位一黎就問 微訊 定支付寶？ 我: Apple Pay收銀 ： 無。 得 微訊 支付寶。我 ： 實體Visa ？收銀 ： 唔收 ， 微訊 支付寶 現金。我：

星期二食晚飯時間，行經尖沙咀金巴利道想食燒味飯，見佢大大間好似幾好坐就行咗入去，一入門口，已經有兩三個夥計，指示我行去中間坐低，服務態度又唔算差，一般茶餐廳水準。餐牌望落去好多款式揀，一心想食燒味飯，最後叫咗碟燒鵝叉燒飯，再加一杯凍檸茶，上菜都幾快，燒鵝皮顏色都幾靚，可惜燒鵝肉又勒又乾，不過啲皮都有少少脆，叉燒又乾又瘦好柴皮，整體就係唔好食。其實附近都有幾間燒味茶餐廳，如果冇乜特別，真係唔使試呢間。

服務態度差 瘋狂叫你落燒味 話冇其他嘢食 跟住見到其他枱有其他嘢食 燒鵝難食到極點 但乳豬都幾好食 吾推薦瘋狂劏遊客同本地人完全食完一次 超級差體驗 貴妃雞有好大浸血腥味 而且完全唔抵食

叫左個下午茶燒鵝米粉嚟到幾乎得返全皮一夠肉都搵唔到咁制。咁我都禮貌地叫個侍應問佢冇肉係咪正常㗎佢就搵咗個阿姐出嚟姐：咩事呀我：我叫咗燒鵝米粉但燒鵝一嚿肉都冇全部都係皮。。姐：下午茶係咁㗎啦仲態度極差咁叫我唔好咁激動 明明就心平氣和咁同佢講，就已經起晒鋼。仲話: 最多咪斬多兩舊肉俾你囉然後另外一個男侍應過嚟又加多句：下午茶係咁㗎啦係多啲皮㗎啦態度極差已經冇胃口再食落去

一入去就比個牙姐問幾多位，我話一位，就叫我搭枱，明明好多空位，ok無問題，搭枱就搭枱，個牙姐突然彈一句出黎：呢到鋪租好貴架，你一個人坐晒咩。我明明無話唔ok，但點解要咁樣加多呢句無謂野搞到心情都唔好。算，唔理佢照叫野食，叫左個燒腩仔，又乾又唔脆，飯又爛，呢間究竟係咩鋪黎，第一次食過咁難食嘅野，好唔掂，兩個字：難食，服務又無，野食又唔掂，真係無下次，食快餐仲好過佢，backlist!backlist!backlist!

周六中午，服務員對本港客人和國內遊客都一視同仁，服務態度極差，呼呼喝喝。見他們對內地客人查詢回答無禮貌，態度差劣⋯⋯，看來他們是不適合這工作的。客人希望坐卡位，當時客人根本不多，客人已經坐下看餐牌，偏偏要客人離坐，指定人家坐另外一個位置；然後客人走了。在背後議論客人，「你以為哩度係大酒店，做你一百幾十蚊生意，⋯⋯」對客人的查詢下單完全無耐性⋯⋯觀察了一會，大部分服務員都是這樣，應該不是個別情況。恐怖⋯⋯不會再來。

同朋友經過搵個闊落嘅地方坐下，佢嘅燒味好似幾出名就試吓。叫左叉燒燒腩雙拼估唔到咁大碟，幾個share食都ok燒腩嘅皮少少唔係好夠爽口但味道還好叉燒半肥瘦，味道不錯合格但沒有驚艷。