Yung Kee (Closed)

呢晚同朋友去九龍城食飯，位置雖然離商場一點距離，但鋪頭一啲都唔差。店內的裝修比我一種懷舊的感覺，唔單止有啲漫畫同特色公仔，令人好似回到過去一樣。而且睇店外店內的相，原來仲有唔少明星黎過，咁當然要一試喇。 坐低之後，店員都好親切咁介紹佢地特色野，原來呢間鋪頭唔止普通的車仔麵，仲有幾種特色湯底，有胡椒豬肚湯、酒香藥膳雞湯、蒜香濃湯等，最特別係有姬松茸蟲草花湯，可以比食素的人都可以有唔同口味。而且牆上都貼左鋪頭推薦的配搭，比諗唔到食咩的人可以參考。而我叫嘅係胡椒豬肚湯配上海麵，湯底非常清香，又帶啲胡椒的辣味。配菜方面我選了在其他鋪頭好少見的飛魚籽魚蛋腸同鮮雞柳。係食的時候，完全可以感受到雞柳的鮮味同嫩滑，以及豬肚的爽口。飛魚籽魚蛋腸亦非常彈牙，咬的時候仲食到飛魚籽的爽脆，令人非常滿足。而且值得一提的係佢地的百葉豆腐，唔係用超市盒裝的，而且新鮮豆腐，食落唔會好乾又唔會難夾，仲吸埋湯底的味，簡直一流。…さらに見る

我地今次去既係好多名人都有幫襯，位於九龍城的榕記車仔麵，除左有一般車仔麵都有既湯底口味外，仲有其他唔同既獨特口味，包括有胡椒豬肚湯、酒香藥膳雞湯、蒜香濃湯等，配料更應有盡有。 我今次食既係蒜香濃湯油麵加四餸，湯底濃郁惹味，餸菜既分量滿滿咁舖係麵既上面，蘿蔔既爽甜、咖哩魚蛋既彈牙、芝心丸既芝味、再加上豆卜吸滿湯汁既滿足，簡直可以話係係滋味無窮。 店內既裝修亦頗有復古風味，天花上既吊扇、燈飾，仲有漫畫、掛畫、特色公仔同埋其他收藏品，大家記得係食野既同時，不妨留意下周遭別有用心既擺設。最後，不得不稱讚一下店員既服務態度，不但笑容滿面，仲會耐心咁介紹唔同湯底既特色同口味，可以令我地更加了解唔同湯底既特色…さらに見る

近來光顧了數間位處於不同地區的車仔麵店，水準頗為參差的，"有好有唔好"。現在寫的這一間，是屬於"麻麻哋"的一類....看到這兒的評語，基本是清一色的好評。一間小小的麵店，竟累積有九十多個笑臉....睇來，水平應不至於太差吧....可能，是小弟今次來沒有點這裡的特別湯底。我今天只是點了個蒜香湯的，但呷落蒜味頗淡，對我這個大蒜怪來講，這湯絕對是不合格。仔細睇落去，這湯好像只是在清湯之上加了好些炸蒜粒而已...這就難怪蒜味這般輕的了....依習慣要油麵底。要讚的是麵底相當多，我這個大男人連餸加麵吃，最後也要吃剩一堆麵，吃畢後實在太撐了....餸方面點了三樣。蘿蔔似乎還沒有煑透，入口硬崩崩之下甜味固之然跑不出來；豬腩片相反則似乎處理得過熟，咬下去有渣之外又是淡而無味；姍姍來遲的菜甫煎蛋是最像樣的，熱辣辣煎起蛋汁甚豐，蛋入口算是軟滑。調味本身是偏淡的但有了鹹菜甫來吊出味，食落就啱啱好....莘好有這一份煎蛋墊底，不然這一碗麵，就真箇是冇眼睇了....…さらに見る

九龍城美味特色湯麵車仔麵湯底My families and I went to a Chinese restaurant called "Yung Kee" (榕記車仔麵) located in No. 80, Tak ku Ling Road, Kowloon City (九龍城打鼓嶺道80號).There are a lot of characteristic cute paintings featuring the owners and staff.What sets this restaurant different from the others is that it presents several special soup bases such as - "Pork stomach pepper soup" (胡椒豬肚湯) HKD$27 (includes noodles)包麵底..-"Liquor Chinese medicine chicken soup" (酒香藥膳雞湯)HKD$27 (includes noodles)包麵底..-"Blaze mushroom Cordyceps Soup"(Vegan)姬松茸蟲草花湯(素)HKD$30 (includes noodles)包麵底..-"Garlic soup" (蒜香濃湯)HKD$30 (includes noodles)包麵底..-"Sour Spicy soup" (酸辣湯)HKD$22 (includes noodles)包麵底..-"Spicy numbling soup" (麻辣湯)HKD$22 (includes noodles)包麵底..Customers can order topping according to their preferences...My order is"Sour Spicy soup" (酸辣湯)HKD$22 (includes noodles)包麵底..Extra noodles (加底) +HKD15..Topping ..-Deep fried pork skin (豬皮) +HKD$8-Curry fish balls (咖哩魚蛋) +HKD$8-Fish rolls (魚肉春卷) +HKD$9-Pork Dumplings (魚皮餃) +HKD$10-Satay Squid(沙嗲魷魚)HKD$10-Chicken wings (雞中翼)HKD$12-Curry beef brisket (咖哩牛腩)HKD$15..Recommended the beef brisket which is soft and tender."Pork stomach pepper soup" (胡椒豬肚湯) HKD$27 (includes noodles)包麵底..The Pork stomach pepper soup is the must order item!!! Rich and deep pepper punch which mellows by the sweetness of the pork stomach!!Delishhhhhhh!!!!!!..Topping..-shiitake mushroom(冬菇) +HKD$8-Fish rolls (魚肉春卷) +HKD$9-Curry beef brisket (咖哩牛腩)HKD$15.."Lettuce with garlic" (back)蒜香生菜HKD$20..Highly recommended!!..Crunchy lettuce packs with intense garlicky flavours!!"Spicy curry beef brisket casserole"辣咖喱牛腩飯(煲仔)HKD$47..Highly recommended!!!Unlike many curry that just taste salty and spicy. This curry has an enticing, tantalizing numbing heat!!! Very nice!!Appreciate the work ethic of a young waiter named "軒仔" who is very hard working, helpful, friendly and nice.…さらに見る

今日黎開九龍城做野，比我搵到間食車仔麵又好有特色嘅餐廳。呢間榕記車仔麵最特別係佢個湯底，絕唔係平時車仔麵個d冇營養湯加辣汁，而係一碗足料過屋企煲嘅老火湯。胡椒豬肚湯、藥膳雞湯、姬松茸蟲草花湯係我重來未聽過食車仔麵會有嘅湯底，仲要係$30就有，淨湯都抵啦。仲要有得揀食湯飯/麵，粗、幼、油、上海麵，烏冬都有。我試左個松茸蟲草花湯都，個湯底好正，清清地唔太濃味，係屋企先會飲到嘅足料靚湯，見到d湯料都係埋碗麵到，好有誠意，即刻唔覺得自己食緊車仔麵，餸已經唔再重要，雖然肥牛同豬經都好好食。另外同事叫左胡椒豬肚湯，個湯都真係潮州打冷飲到個重味道，亦好多豬肚比埋，胡椒味相對比較重，佢話味完個人㷫烚烚。之前冇諗過呢種補湯會同車仔麵拉上關係，但今次食完真係好有驚喜，唔會話好唔夾，反而另我對車仔麵改觀，係榕記車仔麵到食車仔麵絕對唔再係頹食，而係健康補身之選。…さらに見る

平時黎九龍城唔係食泰國野就係食糖水，今次睇完波唔想食到咁heavy,就搵到一間又平又抵又高級嘅車仔麵。唔好以為車仔麵hea, 呢間車仔個湯先係重點，見到即係要入去試。佢呢到有6款湯底，胡椒豬肚湯、酒香藥膳雞湯、姬松茸蟲草花湯蒜香濃湯、麻辣酸辣湯等等。一聽個湯已經好補身。仲要佢可以揀要麵/湯飯，另外仲有其他碟頭飯加湯。呢種車仔麵真係第一次食。見佢個湯咁補，我就叫左個藥膳雞湯湯飯，再加左雞肉、蘿蔔、魚皮餃同魷魚。同湯真心屈機，藥膳味都好濃，有人參杞子等等，好足料嘅一個湯，完全冇味精、好有家嘅感覺，叫湯飯最好就係可以一路食飯一路飲晒d湯。d餸都好食，特別鐘意蘿難蔔，夠甜同入味。其實咩餸都好食。另外朋友叫左胡椒豬肚湯，都係好足料，見到有埋豬肚係到。佢話胡椒味濃，豬肚亦乾淨，但就有少少辣，冬天食一定好暖胃。呢間將會成為我九龍城飯堂，太有質素喇。…さらに見る

今次大病初癒，去到九龍城想清清地搵d野食～餐廳環境舒適，有著不少插畫/店主既故事～都幾warm點了姬松茸蟲草花湯米粉。湯底非常清甜，充滿菌香，感覺滋補。百葉豆腐口感爽脆～幾得意！充滿豆香!麻辣鱈魚蛋爽彈幼滑，麻辣味慢慢滲出，開胃得來又不會太辣！仲有肉碎係入面，非常惹味呢！又點了生菜～健康一點😝整個車仔麵食落好舒服，清清地得來又有點特色！另外點了五香豬軟骨$15，豬軟骨炆等好夠稔，又不會太鹹～原來車仔麵好都可以更上一層樓～岩哂想健康得黎又食得有d特色既朋友～…さらに見る

車仔面就食得多，有水準既車仔面唔係敢易揾，九龍城有好多餐廳食店:)，以泰國菜、火鍋同甜品比較多，前兩日去開個頭就食左一間有質素既“榕記車仔面”。佢出名有多款湯底選擇，有糊椒豬肚湯、藥膳雞湯、仲可以用碗仔翅做湯底，多款口味選擇，更有一款啱口味。原來上海面底係好好食，佢個樣就似烏冬，但口感就比起烏冬彈牙，配襯碗仔翅做湯底就到夾，碗仔翅好足料、好濃郁，肉絲木耳夠晒多，加埋紅醋食就更一流。而餸既選擇亦非常多，有傳統既豬紅、豬皮、蘿白、魚蛋，亦有新款選擇例如菜脯煎蛋、魚肉春卷等等。第一次食芝心粟米煎蛋，煎蛋包住中間芝士，混合埋粟米，又香濃，又有咬口，十分推介。另外雞中翼同埋豬軟骨都夠晒入味，而沙爹魷魚就分開上，唔洗撈入個碗仔翅湯底到，夠細心。另一碗點左胡椒豬肚湯底，湯底胡椒唔太重啱啱好，所以唔會辣，湯底內豬肚都有唔少，夠爽口又唔韌，十分好，值得一試。飲品方便都有唔少新品選擇，熱姜汁好立克原來好好飲，估唔到姜汁加入好立克更敢夾，絕對推介。…さらに見る

又回到九龍城！朋友話唔一定又食泰國菜既！推介我地試呢間車仔麵！見到都有唔少熟客bo!雖然話就話係車仔麵，但係都見到有唔少特色嘅湯底可以選擇！好掙扎究竟要胡椒豬肚湯，定係酒香藥膳雞湯好，最後要左後者。雞湯清甜濃郁，可以飲到好香嘅當歸味。麵筋煙韌， 吸收晒湯底嘅精華，冬菇亦夠林。店員推介呢度嘅菜甫煎蛋，雞蛋應該加咗少少鴨旦，非常香，菜甫爽口又唔會覺得苦，的確值得推介！另一個餸係咖喱魷魚，店員好細心咁樣將個魷魚另上，咁啲咖喱汁就唔會撈埋落個湯底度啦！魷魚好爽口彈後咖喱汁鮮甜，不算太辣。總結覺得餐廳嘅湯底的確幾有特色，打破咗一向以來車仔麵嘅傳統，有點新意！…さらに見る

作為一個香港人對於車仔麵應該係一件很熟悉既食物,  亦可以話係香港其中一種獨有既食物文化, 平時都會試下唔同地方既車仔麵, 今次就去左九龍城打鼓嶺道既呢間榕記車仔麵到食, 因為聽講佢呢到既車仔麵同平時唔同, 特別係佢地個湯底。講到個湯底咁特別, 當然要試試佢, 原來佢地有兩款湯底, 一係胡椒豬肚湯底, 二係酒香藥膳雞湯底, 咁下面呢碗就係胡椒豬肚, 加左魷魚,翼尖同豬軟骨。 當飲第一啖湯，胡椒味對口腔既衝擊，會令你好想飯第二啖，如果你有去過新加坡食胡椒肉骨茶，你應該可以幻想到個湯既味道，絕對可以媲美。至於翼尖同魷魚就不多講，但呢個五香豬軟骨值得介紹，煮得好入味，名附其實咁軟，真係幾好味。之後呢個咖喱牛腩飯，的而且確係餐牌上寫既辣咖喱，而唔係日式或者泰式帶有椰香蛋花既咖喱，接近巴東印度咖喱感覺，不過本人本身喜歡辣，所以不覺辣。另外，呢個牛腩放入沙煲再煮熱，熱辣辣，非常吸引，牛腩都煮到入晒味，仲要易咬，好味。呢個湯都值得一試，酒香藥膳湯，落足料，味道夠，飲得多唔知會唔會對身體有保健作用。芝心粟米煎蛋當然係芝士加粟米加蛋，呢隻煎得好香，外面金黃內裡岩岩熟，食落外脆內滑，非常香口，不過美中不足既係，如果可以再多加芝士就完美。呢三杯野飲係香港都好少飲到，姜汁咖啡，咖啡經常飲，加姜汁少飲，不過個效果都唔錯。中間杯甘草鹹柑橘，比平常其他地方飲到既係好飲啲，應該話佢個份量剛剛好，唔會淡又唔會太鹹。右邊杯杞子生薑，如果喜歡薑茶既你可以試下呢杯，唔錯。…さらに見る

一入到店鋪就比呢堆漫畫吸引住，腦海湧現出不少童年回憶😬呢度裝修簡單，平實得嚟帶點家的味道。呢度主打車仔麵，除左大路嘅咖喱汁腩汁選擇之外，仲有招牌胡椒豬肚湯同埋藥膳湯等特色湯底。我就選擇左蒜香濃湯+烏冬❤️湯底超香濃嘅蒜香味，食完唔會口渴。蘿白清甜😍肉燥香煎雞扒飯❤️肉燥入味，餸飯一流，雞扒即叫即煎，外脆內軟唔會乾身👍胡椒豬肚湯❤️超重胡椒味，辣辣的，大滿足。飲完喉嚨唔知點解會覺得好舒服😂蟲草花素菜湯❤️唔會有好重嘅藥材味，易入口。清甜無味精👍蒜香生菜❤️必點！！ 蒜香汁配香菜好match..忍唔住encore 左一碟😋…さらに見る

係九龍城，要搵好野食唔難，但難就難在點解要專登走過黎食好野。平？好食？香港地大把地方，有心搵就實搵到。但最重要係店舖有無心去煮食物。榕記車仔麵就係一間用心去煮好野食畀食客既店舖。地方闊落，坐位不逼迫，坐時不會感到焗促，餐具調味瓶清潔得乾乾淨淨，不帶一點油污，這是很多高級食店也做不到事，見微知著，可見店主的細心，為顧客設想。餐牌選擇多，飯麵皆全，今天便和柑太點了兩款招牌湯麵，再加了兩款飲品。榕記是家庭式小店的風格，前堂廚房等都是一家人去打理，佈置亦有家的感覺，單是做書櫃放漫畫，以及擺設是旅遊的手信，便想帶出這份感覺給食客。姬松茸蟲草花湯(菜圃煎蛋、沙爹魷魚、咖哩牛腩、魚肉春卷)湯底入口一陣鮮甜，陣陣濃郁的松茸及蟲草花味，到胃後感到一陣陣熱力由胃部直達全身，仿彿菌類的微元素化為能量傳到四肢一般，最重要是湯味不油不膩，就算喝到最後仍然是芳香四溢，簡直百喝不厭。菜脯煎蛋味道最為突出，香口美味，而牛腩頗辣，唔食得辣就要小心。魷魚爽而不韌，非常入味。胡椒豬肚湯(飛魚子魚蛋腸、五香豬軟骨、雞柳、美奶滋芥末栗米煎蛋)湯底胡椒味濃，入口感到全身火熱，最適合天氣寒冷用以暖身用，豬肚爽滑彈牙，不腥不韌。飛魚子腸彈牙味美，而豬軟骨多汁又嫩滑。薑汁好立克及薑汁奶茶好立克的味道甜中帶薑辣，當中有少許薑絲，令味道更有層次。奶茶方面濃香依舊，在薑絲的襯托下，茶味更香更濃。這個美奶滋芥末栗米煎蛋，食落非常惹味，外脆內滑。到最後和老闆交談，得知他們的咖啡也是非常出色的作品，於是額外點了一杯，發覺入口不焦不苦，甘香而不澀，果然是水準之作。…さらに見る

實不相暪，吧一個曾經係我嘅咁夢想，因為我個人好鍾意飲湯，我亦都覺得而家呢個社會男人又好女人又好，其實都好缺乏湯水呢一樣野，如果可以將湯溶入食物，的確幾好。呢度主打已靚湯為湯底嘅車仔麵，佢有胡椒豬肚湯亦都會有酒香藥膳雞湯，如果唔鍾意飲湯嘅話呢度都會有普通嘅車仔麵湯底，甚至麻辣酸辣嘅湯底，選擇好多。今日就好想食齋，所以叫咗一個素嘅湯底，呢一個數嘅湯底主要係用菇類嘅材料煲出嚟嘅，所以飲落去會有非常重嘅菇味，但係亦都好有紅棗又或者龍眼肉嘅清甜香。又滋潤又唔油膩。呢度除咗個湯底好吸引之外，其實佢嗰啲配料都比出邊嘅車仔麵吸引，我特別推介係呢一個芝士粟米蛋卷，煎出嚟非常之可愛，咬落去會有一絲絲嘅芝士溶出嚟好惹味。仲要提一提係呢一度嘅薑汁好立克真係好好飲，佢呢度嘅薑汁真係有攞到一片薑落去煲。…さらに見る

今日黎到九龍城不過就唔係食泰國野反而係食車仔麵一經過呢間店見到啲車仔麵好吸引所以諗左一秒就入左去呢度嘅車仔麵都好特別有啲特別嘅湯底例如姬松茸蟲草花湯所以我就專誠叫下呢一個車仔麵就梗係叫多啲餸所以叫左咖哩牛腩,飛魚籽魚蛋腸,沙爹魷魚同豬軟骨姬松茸蟲草花湯味道比較清淡但好清香配淡味既河粉食岩哂D餸都好正沙爹魷魚唔算好濃味但好爽滑咖哩牛腩好有牛肉味個咖哩好濃郁好好味而豬軟骨就好腍好入味呢幾樣濃味既食物加埋清淡既湯底都唔會搶左湯底既味依然咁清香飛魚籽魚蛋腸本身係見個名得意先叫點知食落好爽口魚籽卜卜聲好正 另外朋友就食咗另一個特別嘅湯如果唔知點配呢到仲有最佳配搭嘅建議就係酒香藥膳雞湯加冬菇,菜脯煎蛋,同鮮雞柳枝藥膳湯底好正藥材既甘香味好濃郁但又唔會苦飲得出係真材實料味道又調得好好最後忍唔住飲哂D湯好正餸方面最正係菜脯煎蛋煎蛋唔算嫰滑但壓得好實好有口感加埋咬落卜卜聲好香既菜脯好香甜另外冬菇值得試煮得好腍好香 口痕嘅我地仲叫左蒜香生菜蒜香生菜係侍應特別推介放上枱已經聞到好濃蒜香味食落更加濃郁而且食落仲有一陣油香加上生菜煮得好爽脆好好食不過呢碟菜雖然好香口但略多油 食哂再叫個飲品姜汁奶茶第一次飲姜汁奶茶好特別呢杯奶茶本身既水準已經唔錯奶茶味好香濃好滑姜汁味同奶茶仲夾得好好姜既甘苦味同奶茶既香甜味兩種濃郁既味道撞埋一齊反而更加突出更加夾…さらに見る

去九龍城發掘隱細美食，但又未至於好肚餓就去試吓車仔麵，份量啱啱好。呢度有自己秘製嘅湯底，亦有具有懷舊特色嘅煲仔飯。辣肉燥香煎雞扒飯 $43辣味十足，平時食開辣嘅都有啲頂唔順，但加落肉燥飯到極之惹味，唯獨叫之前要衡量返自己食辣嘅能力。雞排都煎得幾香同大塊蒜香濃湯湯底，豬軟骨，蘿蔔，河粉既車仔麵 $27車仔麵來講呢個價錢十分抵食，豬軟骨雖然未算十分靚，但蘿蔔都幾甜，河粉口感幾好，最緊要係都幾大碗！之後叫咗芝心粟米煎蛋 ($12)同埋美奶滋芥末粟米煎蛋($16 )兩隻外表上冇乜分別，但內有乾坤。兩隻分別都有濃郁嘅芝士同埋芥茉醬，呢個小食係坊間極罕有，味道亦都唔錯，值得一試。最後仲加多杯有氣甘草鹹柑桔 ($23)，不得不提嘅係原之有戲嘅水送上，食唔到辣話好口乾嘅人可以盡情乾杯！另外店員上餐嘅速度十分之快， 十分欣賞！…さらに見る