椰粉湯紅 (Closed)

朋友介紹過這間餐廳的食物很有家的風味，今晚就和女朋友一起去試一試。地方不算大，餐廳以白色為主，感覺光鮮新淨。店員會推介今日的餐湯和不同椰皇湯的分別，還推薦了自家製的果汁，很有心。椰王白木耳玉米紅棗杞子桂圓燉瘦肉湯味道非常清甜，粟米、紅棗和杞子都是令到湯底加添不少甜味，偶然吃到龍眼肉，而白木耳口感一流，這個湯除了對皮膚好，亦都很清甜易入口。紅酒牛腩滿滿的番茄汁的味道像肉醬意粉，牛腩非常軟腍，紅酒味道不算突出，若隱若現的，這個餸一百分！鎮江骨味道正宗果然很像家菜，酸酸甜甜的鎮江醋，配上招牌米飯，味道很夾。番石榴玉露這個是他們自己煲的，除了番石榴的清香，還有粟米的香甜味道，非常滋潤解渴！…Read More

中午經過新店，見自己一個人決定入嚟試吓。入到去望到個Set Menu，想清清地叫咗一隻瑞士雞髀配米粉，連是日例湯一杯。隻瑞士雞髀幾入味又夠腍，配上清清地嘅米粉唔錯。由於杯湯好熱，結果問過店員拎左杯蓋就拎返公司飲，湯都算大杯，無味精埋單時，收銀嘅男仔問我隻雞脾係咪太腍，但我係覺得用筷子食有啲難handle，唔知點食隻脾好😅店面好細，食個麵筷子都撞牆。想食嘅建議叫外賣返公司食，會食得舒服啲！整體而言，值得再試，健康之選！…Read More

光看椰粉湯紅這名子、想必店主一定是個椰子迷吧🥥身為椰子迷絕對不能錯這裡的椰子燉湯。小店座位不多、平日午餐時間經常滿座、趁週末來光顧。椰皇竹笙野生姬松茸燉雞湯以全個椰子送上、一喝就知道全無味精、湯沒有很油、喝出燉雞和松茸天然的味道。這燉湯有健脾養胃、抗衰老補氣血之效、很適合我！湯料有很多雞件、竹笙等非常足料、配上彩虹米飯、健康又飽肚。加$18添加了自家製的熱情豐盛 、以熱情果、杞子、青檸製成、清爽透心涼！ 拿杯湯套餐 每日提供不同食療湯水、今天是養身黑蒜香菇煲雞、黑蒜味頗突出、燉湯同樣濃郁。主食要了瑞士雞脾大大隻、好入味、雞肉仲好嫩滑、正！招牌米粉沒有加上太多湯、好讓客人可加入燉湯一起吃。老闆說拿杯湯套餐最受上班一族歡迎、$56有湯、主食和配選、有益又抵食！原來這裡的飲品和湯飯又可以在網上外賣平台和plum 下單、上班的日子也可以order 啊😎…Read More

今日在炮台山放工，同事話有間椰粉湯紅既湯唔錯冇味精所以一起去食晚飯。鋪頭入面坐得都算舒服空間感都夠唔會太迫。椰皇花膠鮑魚燉雞湯有鮑魚有花膠仲有雞。湯中幾鮮甜好美，仲好香椰皇味道。招牌米粉軟硬適中味道唔錯。番石榴玉露好香粟米味仲有中間包含了石榴味道都唔錯。梅菜扣肉梅菜甜甜地幾好味道，而扣肉都非常入味肉質良好，肥瘦適中唔會太肥膩。彩虹米飯正常。養身黑蒜香菇煲雞湯味道唔錯，冇味精味道。有湯有飯有餸個價錢都算好合理。…Read More

有一個女性好朋友，因為家住北角的關係，所以她差不多吃完了整個北角的餐廳！這一天她說她吃了一家很好的小店，她要帶我去嚐一下這家的椰皇湯！椰皇花膠冬菇燉雞湯想不到椰皇燉湯是會原隻上枱，所以椰香味真的超濃！裡面有很多的配料：雞肉、瘦肉、花膠和冬菇等味道就第一口會嚐很鮮甜嘅椰皇味，之後就會有雞湯的甘甜味，好滋潤又不會油膩！招牌米粉米粉的質感是偏爽口，而湯底則很清淡，只有有淡淡的椰子味，我覺得湯底太淡了。梅菜扣肉店家說沒有下任何的油，所以吃下去的時候，一點也不會油膩和鹹！梅菜的味道不咸不甜，但肉則有一點甘甜味（可能有下一點點椰汁去醃制？），兩者混在一齊就＝很剛剛好的味道！菜心苗剛正正常常，也是很清淡不油的感覺總結來說，湯和梅菜扣肉真的很推薦，很適合喜歡小油又健康的人！…Read More

下午走過捷徑，發現了間新食店，初頭以為係專賣椰子產品的糖水舖，就望下有咩好野，消下暑都好！怎知發現原來賣燉椰子湯的! 本身怕熱底又成四十度的下午當然走頭！😩腳走緊，突然有個四眼姐開門sale 湯，心想都痴x線嘅咁熱，人都溶啦，跟她説冬天再來，點知佢唔死心叫我試下午茶，我見才$32，靚姐D口水都值過百蚊啦! 抱著還人情的心，就坐低試吓!😅叫了個瑞士汁雞髀米粉，有個男送過來，我見杯飲品名叫熱情豐盛，口痕問一下是否cocktails😂，個童工就開始解釋是新鮮熱情果配青檸和杞子煲出來的，心想咪又係個d台灣化學味劑調出來，點知喝了一口，超正，勁fresh，味道街上未喝過，勁解暑，喝到底真係有新鮮熱情果和杞子，個童工果然冇吹水!跟set 個米粉又係好好食好彈牙，又是其他食肆未食過，仲有啲辣椒圈，應該是用豉油制過? 送米粉超正不過隻雞髀就一般，跟一般食店的差不多，勝在多汁，但肉質麻麻，唔知係咪炆雞髀？個人比較喜歡實一點的！不過，最震撼的是才$32 ! 在港島區的北角，平得有點誇張，比良心價還要良心，感覺賣一個蝕一個，又是一個廢青儲錢買樓又想去旅行的好去處！ 32 蚊在北角還要這質素真的平得有點誇張😱😱😱😱😱不過，有一點改善就是個四眼姐有強迫症的，狂叫我食豬手！坐下二十分鐘講左6次😂😂😂😂下次試試，反正我就是文中的廢青!😔…Read More

這是一家位於北角的小店，店面不大， 員工也不多，做的是一些很常見的小菜，但很有趣的是，感覺來這家店吃東西,溫馨並且快樂。裏面的裝修雖然說沒有非常特別，但也可以看得出是用了心的，粉紅色的顏色令到整個氣氛很是溫暖，感覺上有點舒服。叫了兩個套餐，當時每天即做的。湯很清，感覺沒有下什麼味精之類的人工味道，牛腩很林，很入味，好像吞都能吞進肚子裏，不需要刻意的咀嚼。梅菜扣肉則是很香，梅菜的味道不咸不甜，就是剛剛好的滋味。米粉有小小的辣味伴着肉吃很好。至於米飯是七彩顏色的，有小小的咬口。飯很香，菜很棒，一切都是剛剛好的味道。是家的味道…Read More

本身諗住普通咁食個lunch就唔寫食評啦！但呢個lunch都實在係太高質啦，忍唔住要介紹俾大家！特別係女仔啊！真係必食之選👍🏻呢間餐廳主打燉湯，重點係零味精，無咩油好健康！我覺得如果2個人黎可以叫椰皇燉湯套餐+拿杯湯套餐，再share返！就有小菜又有椰皇燉湯就最滿足啦！椰皇燉湯套餐 $88椰皇白木耳玉米紅棗杞子桂圓燉瘦肉湯啖湯非常清甜！而且個椰皇非常大個，份量十足！我都係第一次食白木耳，口感脆脆地營養價值又高！招牌米粉個米粉用咗椰青水做湯底，味道就比較清淡～大家可以浸落椰皇湯度食！苦盡甘來雖然個餐已經有湯，但我依然推薦大家可以配涼飲！因為呢度嘅自製涼飲真係好特別！呢個係菠蘿煲苦瓜汁，係店家自己煲嘅！一入口會飲到清清地嘅菠蘿味，然後會有少少回甘！清熱一流～拿杯湯套餐 $56琵琶花羅漢果煲瘦肉湯梅菜扣肉超級好食！炆到好腍身，個汁偏甜我好鐘意！拎嚟撈飯一流👍🏻如果呢間餐廳開係我公司附近，我一定每個星期都嚟食😋…Read More

呢排返工好忙，連湯都無時間煲，而且仲日日出街食飯，真係肥咗唔少。想食得健康啲都唔係無辦法，今日我哋就嚟到炮台山嘅椰粉湯紅，菜單唔花巧，主打實而不華嘅家常菜式，而套餐主要分為兩種：椰皇燉湯套餐、拿杯湯套餐。拿杯湯套餐-荷葉冬瓜薏米煲老鴨今日嘅自家靚湯係荷葉冬瓜薏米煲老鴨，成碗湯都充滿住好香好濃嘅薏米味，可以清熱氣，而且仲帶有清香嘅荷葉味，飲落好有層次。拿杯湯套餐-鎮江骨鎮江骨好入味，但又唔會話好鹹，份量都唔少，好滿足。拿杯湯套餐-黃紫蕃薯主食可以揀蕃薯，夠晒健康，細心位係黃色同紫色蕃薯都有！椰皇燉湯套餐-椰皇花膠冬菇燉雞湯椰皇燉湯係原隻上枱，椰香味超濃！濃郁嘅雞湯配上花膠，骨膠原大大提升，而且夠晒足料，有花膠、冬菇、雞肉、瘦肉同金華火腿等。第一啖係好鮮甜嘅椰皇味，好回味，好滋潤，之後就帶出精華嘅所在，好有媽媽嘅感覺呀。椰皇燉湯套餐-招牌米粉主食揀咗招牌米粉，米粉爽口，而湯底輕怡，有淡淡嘅椰子味，簡單已經好好味。椰皇燉湯套餐-皇牌菜苗最後，仲有呢個菜心苗，少油就夠健康啦。…Read More

最近有間新開既椰皇湯開左係炮台山果邊，店子雖小，但生意不絕我坐底後，見到好多人買外賣，一定係好食先會有咁多人！我食過之後，可以證明果啲多數都係回頭客:)呢個椰皇套餐都幾抵食1個椰皇燉湯+飯+蔬菜，都係$88咋燉湯超級真材實料，食完之後一定會覺得好值如果想加碟餸，加$28就可以任選我就加左「鎮江骨」鎮江骨好有住家feel雖然香上去不太美觀，但食落真心係屋企既味道完全無任何味精，味道唔會好濃味，食多幾舊都無問題，好健康碟菜苗好大碟架跟餐都咁大碟，真係好抵食而且每一條都好翠綠，又係爛原個椰皇燉椰皇猴頭菇響螺燉雞湯又有花膠，又有鮮鮑，真係好足料呀花膠係靚花膠果隻黎架口感好soft好滑，一啲都唔硬身的個湯好清甜，原來加左啲椰皇水一齊燉，椰皇水既份量唔會好多，如果唔係就會好甜的。呢個味道岩岩好熱情豐盛 - 熱情果+枸杞+青檸汁原本無打算叫呢支飲品的，但聽到隔離檯客係咁讚呢支野，好奇心促使我叫左果然係無叫錯的100%水果既甜味，味道配合得好好…Read More

今天到炮台山辧點事，順道在附近吃晚飯，發現這家新開張的椰粉湯紅好像不錯，於是來試試水準。菜單選擇多樣，主打是各式椰皇燉湯，亦有多款家常小菜可以配撘套餐。拿杯湯叫了一客拿杯湯套餐，有一杯湯、一份主食及一款家常小菜，只要$56，十分超值。今天的拿杯湯是苦瓜黃豆煲排骨，夏天燥熱，吃苦瓜有助降心火，可清熱同時健脾利胃。梅菜扣肉家常小菜選擇了梅菜扣肉，肥瘦相間的腩肉，酥香腴美芳縈齒頰，梅菜清甜適口、醬香馥郁，肉嫩汁豐，脂香味美，拌飯同吃十分滿足。彩虹米飯米飯拌入紅米及粟米增加口感味道，飯粒晶瑩剔透，芬芳有飯香，粒粒分明，煙韌微黏，味道口感皆出眾。椰皇花膠鮑魚燉雞湯原個的椰皇燉湯上枱，一打開椰香撲鼻，以豐厚的雞湯作底蘊，富有大量的骨膠原，一呷鮮香十足，回味悠長，喝一口馬上感到潤燥滋補，富有啖啖椰皇清香，更有原隻鮑魚，味道濃郁回甘。招牌米粉椰皇燉湯套餐配的是招牌米粉，用上的米粉爽口嚼勁，加上湯底味道輕怡，特別加入椒絲增加食趣。養生秋葵口感獨特的秋葵，令人吃完一條接一條，非常健康，作為配菜正好。苦盡甘來最後來一杯苦盡甘來，是菠蘿加苦瓜汁，酸甜適口，味道的確是苦盡甘來，是夏日清涼佳饌。…Read More

天氣悶悶熱熱咁，除咗想食D開胃嘅野之外，但係辣野食得太多又冇益，發現天后近炮台山附近新開咗間燉湯專門店，咁不如飲番啖湯水就最好不過啦！店舖細細、開放式廚房見到有幾個大嘅蒸爐同埋有好多新鮮大大粒嘅椰子，店員介紹Menu上嘅椰皇燉湯套餐，本來只得下午才有套餐，但因為反應都幾熱烈，所以佢哋將套餐延遲到晚上都有。套餐有燉湯之外，主菜係米粉/彩虹米飯或黃紫蕃薯，真係夠哂健康！之後再包一份蔬菜或自家製涼茶飲品，我就要咗過煲好嘅苦盡甘來，材料苦瓜同菠蘿，味道帶點甘甘甜甜，好清熱嘅感覺！門外邊嘅牌亦都有便當外賣優惠，家常小菜煲飯都好實惠，最貴都係$36咋！下次行過可以試下！椰皇竹笙野生姬松茸燉雞湯，用原個椰皇燉湯，令湯料菌香與天然之味盡釋放出來、椰皇水的潤喉清甜，原本熱氣乾涸的喉嚨不再口渴，喝完即時產生encore的慾望招牌米粉本身好彈牙，二湯底係用天然椰水製作而成，絕冇味精。清淡得來又唔會覺得沒味道。店員還建議可以跟湯一齊食，份外美味！…Read More

特色又健康❤️椰皇燉湯專賣店香港人生活節奏急速，工作壓力大，無飯家庭越來越多，要外出吃飯，又想有健康的飲食，真的不易。去朋友家附近經過一間燉湯專賣店，外面看入店內，面積不大，設計簡約，佔店最大的是開放式廚房，讓客人看到招牌的燉湯從大大的蒸爐拿出來。我們決定試試新店。點了椰皇燉湯套餐。椰皇猴頭菇響螺燉瘦肉，送上來時，已非常吸睛。原個椰皇，熱烘烘的，裏面用料十足，而且十分配合懶人，為什麼呢？因為全都切成小塊，讓客人可以吃掉全部湯渣，一點都不浪費。椰皇內藏著椰子肉，猴頭菇粒，瘦肉，響螺粒，吃下去已覺材料新鮮，燉湯之所以健康是油份少，而且店主不添加味精，完全靠食材帶出原味道，精華全在內。配上彩虹米飯，即加入紅米，粟米，令白飯增添不少色彩，看上去吸引，吃起來更健康。飲品點了苦盡甘來，是苦瓜和菠蘿汁，起初是微甜，喝後回甘，夏天解暑不錯。拿杯湯套餐，是日湯品是荷葉薏米冬瓜煲瘦肉，可清熱氣，清清的，滋潤肌膚，配招牌米粉，米粉卡路里低，卻很有飽足感，是保持體重很好的選擇。紅酒牛腩，牛腩很腍，紅酒汁濃香，惹味又含豐富蛋白質。因為飲品的款式很特別，想多試一款，所以外加了18元外帶回家，番石榴玉露，一聞已有番石榴香氣，加上粟米，十分清甜可口。如果喝不完，還可放入冰箱，第二天拿回公司呢！…Read More

放飯時間見到呢間新開嘅餐廳餐廳好細間 應該係專賣椰子燉湯我諗佢舖位咁細應該都係主打外賣我就見到佢擺咗一個餐牌出嚟有幾款唔同嘅午餐 全部都係$36😱咁抵所以就叫咗個紅酒牛腩飯試下佢哋嘅飯係紅米仲有粟米粒撈埋一齊感覺好健康😍最驚喜係佢嘅紅酒牛腩做得幾出色啲汁夠多可以撈晒成個飯之餘牛肉亦都炆得好淋好入味仲有紅蘿蔔同埋洋蔥都好入味 好香紅酒味道雖然$36冇包埋嘢飲 但係可以加錢試吓佢哋嘅湯不過嗰日唔係好肚餓所以就冇加到個湯試不過絕對會再返嚟食其他飯 幾有驚喜…Read More

燉湯店愈開愈多，好適合我這些無飯煮婦。在炮台山都開了一間主打無味精，採用新鮮原料燉製的湯品小店，地方很少，只放了四張四人枱，但就因為小店，更加容易跟店主溝通，他們會主動介紹店舖湯品。午市有套餐供應，椰皇燉湯套餐是店舖的主打，有六款燉湯選擇，每款燉湯都寫上它們的功效。另配上一款主食(招牌米粉/彩虹米飯/黃紫蕃薯)，一款蔬菜(皇牌菜苗/ 養生秋葵)每款$88。我選了他們的皇牌-椰皇花膠鮑魚燉雞湯(要另加$18的)，有花膠就知道這個湯品是滋補養顏的，店主話會先將椰肉起出，再加入花膠，鮑魚，雞肉，瘦肉，金華火腿一齊燉，整個燉湯鹽都沒有落的，好鮮甜帶有椰子香及肉味，雖然是雞湯，但因為他們先去皮後汆水，所以燉出來很清。主食我點了招牌米粉，本身米粉是比較清淡，所以店主教要跟湯一齊食的，而蔬菜選了皇牌菜苗，整個套餐都十分健康，份量十足，其實只飲湯，食湯料都已經很飽了。溫馨提示: 想飲燉湯就要早一些來，因為賣晒就沒有了。除了燉湯套餐，仲有($56)，這個湯是煲，而不是燉的，每週提供不同湯款，今日是海底椰栗子粟米煲豬腱，好清甜。套餐配上1款主食及1款送。我們選了梅菜扣肉彩虹米飯，扣肉入味，肥而不膩，跟大量甜甜的梅菜十分好送飯。…Read More