林記小食

Open Now

Now Closed

食完八寶清湯腩個搵鬼笨淨牛腩，但都唔夠飽既，價錢貴而且份量少，點會夠我食呀！經常過過依間小食店都睡排晒長龍架喎，有咩咁巴閉呢？同街幾間小食店都拍烏蠅。走去八吓有咩好野食先﹗又係叫林記？到底係咪林仔既 franchise 特約經營黎架，咁多區都有既？我知大埔、西貢都有囉！首次幫襯唔知有咩食，眼見有魚蛋、燒賣、腸粉、牛柏葉、腸仔、螺肉、水魷、橙魷、等等。趕時間唔慢慢睇喇，是但 3 串魚蛋唔該。 蠔油咖哩辣魚蛋，原本我只係要 3 串架，哥哥話不如要夠齊頭廿蚊啦，無所謂。魚蛋口感結實有咬口，咖哩味夠晒香辣，辣汁濃郁，亦有點魚既味道，正噃 ﹗ 跟童年時魚蛋既色香味非常接近，繼油麻地通達後，依家只係我遇到既第二間，依家真係買少見少，大多數都係一般既咖哩魚蛋，腍劈劈既假魚蛋、爽到出奇既假魚蛋。仲有間較美味既咖哩魚蛋係尖沙咀寶勒巷，行過實忍唔住拮兩串。

好耐都冇嚟差館里呢邊,以前放學日日都經過,嘻嘻哈哈又一日,附近都係街坊店舖,有一次落好大雨唔知醒,走入去麵包舖借電話打比阿媽請半日假。轉眼又過咗好多年,麵包舖當然不再存在,熟悉嘅舖頭亦唔多,林記小食雖然好似係紅磡小食比較出名嘅其中一間,但喺那些年嘅差館里佢都應該未搬入舖。入咗幾耐唔係問題,重點係啲嘢食得唔得先?今次叫咗魚蛋同腸粉。魚蛋就當然係食辣嘅,佢唔係軟淋淋嗰種,係有咬口得嚟又唔會死實實而,而佢嘅辣味唔會只係表面,而係有少少入味,喜愛咖哩魚蛋嘅朋友可以試吓。至於腸粉,其實可能大家都同意,街邊食腸粉其實係食個醬,啲腸粉只要唔好爛晒或太軟身,基本上都可以接受。林記去腸粉去得咁快,唔會有呢個問題。咁佢啲腸粉又有冇因為去得快而賣啲唔夠熱比你呢?咁又冇喎。我見佢會喺後面攞上嚟補貨,佢後面應該有慶住,一冇就喺後面攞。講咗咁耐,究竟佢啲醬得唔得先?答案係可以。麻醬如果濃啲,會更好。滑就一定,夠豬油就得。甜醬唔會死甜而且佢都唔姑寒,醬比得夠!呢幾年都好少去紅磡,希望下次再嚟都仲有機會幫襯啦。

成日聽人話好食 但住紅磡一直好少去家維村附近今日咁啱行過就決定買返屋企試下係咪咁好食買左腸粉魚蛋燒賣 味道唔錯但未去到人間極品拎到返屋企仍然係熱辣辣 一黎就試下腸粉腸粉爽口無糊到 但略嫌唔夠滑同唔吸汁唔夠入味魚蛋唔係彈牙果種 而係係啲肉實的的果種雖然個人唔係咁喜歡呢種魚蛋但味道還不俗魚蛋燒賣 食落厚實夠魚肉味 唔係一舊粉 唔錯既只能話係街邊舖黎講係好食 但不能說非常出色

住左係附近三年終於比我有機會食到！之前次次經過一係未開舖，一係就太多人排隊..今次5點幾咁岩經過又未見開始有人去買梗係即刻去食啦！雖然知道呢間嘅燒賣好出名 可惜小妹唔好燒賣 最後就叫左個腸粉（$8）同辣魚蛋（$8）價錢算幾平吓，份量中等腸粉果d都好夠熱 而且我叫左多醬 佢真係多左好多比我！魚蛋方面幾彈口 可惜對我黎講未夠辣=( 同埋如果可以再大粒d就好嚕服務方面態度唔錯 腸粉嘅醬會問返你有冇特別需要～因為係系街邊排隊 不時都總有人會打尖 但店員會幫手維持返秩序 值得再食！～～～

從一年多前起在土瓜灣工業區返工, 發現街頭巷尾都有相當多嘅小食店, 雖然唔係全部都試過晒但比較上有些好評的都試過了, 公司同事講在”紅商”內的一對老人家夫婦看檔的燒賣$7好好食, 但試過只是一般有質感但味道只能講是調味料的味道同魚蓉這詞扯不上關係, 而在同一商場通往HOK YUEN ST那出口的對街鋪面另一間小食快餐店,同樣有魚蓉燒賣價錢只是$5相當平易但質量相對的”低”, 而自己亦經常放工時間行過去尖咀, 途經家維村後街即”觀音廟”那條街, 那裡可能租金比面街鋪租平易,所以小食店林立其中的一間”林記”經常有人排隊, 多嘅時候可以排十多人, 買成百蚊外賣的大不乏人, 這檔口只賣燒賣, 牛肉燒賣, 魚蛋, 腸粉, 全都試過了, 個人比較喜歡魚蓉燒賣, 牛肉燒賣, 這裡的魚蓉燒賣不是四方球體而是十分不規則形狀, 包外皮嘅腐皮亦是好求其咁包住就算, 睇得出是人手工序所致同機械式生產的唔一樣, 味道方面係有魚腥味的煙靭口感, 有魚腥味其實同魚味是掛鈎的, 而另一個品種的”牛肉燒賣”則同魚蓉燒賣完全是兩種口感兩種味道, 兩種燒賣的大細尺碼大致相同, 牛肉燒賣味道有肉味,當然那是豬/ 牛?無法考究

因為親戚介紹話呢間好食專程黎買外賣回家食企入邊既姨姨好好人我要多醬佢話多醬先好食 冇問題凍左都咁好多條腸粉好實正 吾係薄薄一塊咁整咖哩辣魚蛋 好灑辣 又彈牙 但好細粒燒賣 淋淋地 佢有兩款 魚肉同牛肉簡簡左魚肉試下 但食吾出魚肉味

老公极力推薦呢度的腸粉, 今日行過就來試試~我地叫左腸粉同牛肉燒賣, 企埋一邊食腸粉好實淨, 一路食都好完整, 唔會好似出面有點舖頭咁, 夾夾下就由一圈變左做一塊塊, 一pat pat 咁, 雖然好實淨, 但個表面都好滑。牛肉燒賣入口彈牙, 有點似用燒賣皮包住的山竹牛肉, 值得一試。

非常欣賞呢度嘅魚蛋，成日都好想食，今日又專登嚟食。一嚟度又係排長龍，次次嚟都係咁，習慣了 終於到我，所以狂柯打，自己一個人叫咗2串魚蛋，一串燒賣，一份腸粉，就咁就企喺條街度食，開頭有啲難為情，但見人人都係咁，所以都唔理三七二十一了 魚蛋一直都keep住咁有水準，好彈牙，啲辣汁又好味，正!!!燒賣亦唔係其他鋪嘅咁粉，呢度係好有魚肉味，正!!而腸粉又好滑，亦係正

試完了那個偷工減料的雞蛋仔後 明顯不夠飽肚 於是便到林記吃多串魚蛋填肚上次試過燒賣 今次便試試這裡的魚蛋 魚蛋用甜甜的醬汁煮得入味 質感夠彈牙 有少許魚腥味     感覺是和油麻地通達食店同一來貨    雖然我要的是辣魚蛋 但辣度其實不太高     我們這種嘗辣能力有限的人都忍受到 更令我可以一過微微的辣癮    令人想多吃一串      這裡的魚蛋 才$6/6粒 在這個加風四起的年代 還算抵食 因為在油麻地吃到同樣質素的魚蛋都要$9/5粒

我通常黎林記都係食燒賣、魚旦、牛肉、腸粉, 食左好多年前三者水準穩定, 但係腸粉真係難食左好多好多, 唔知係咪老闆同唔同供應商點解腸粉有香蕉味, 大約兩年前腸粉已經無之前咁滑, 最近再買腸粉外賣, 番到屋企一食, "點解腸粉有香蕉味?", 再食真D, 原來係甜醬改左, 充滿香精味, 超難食, 自此不再係林記買腸粉。其實唔想比個喊公仔, 但真係好難食, 真心希望林記可以提昇番腸粉嘅水準。

話說男友住紅磡區 , 故小妹特別留意此區美食 , 日前在 Openrice 見到有關林記小食的食評 , 一眾資深食家評價甚高 , 決定前行拜訪 ~下午五時半左右到步 , 幸未見人龍 , 魚肉燒賣 & 牛肉燒賣各一 ~熱辣辣的 , 正~ 看 ~ 拍張照片也充滿蒸氣 ! 沙龍相似的 ~ 俾相機消毒完畢 , 正式試味 ...嗯 ... 該怎麼說呢 ... 或許是稍為比普通街邊小販好吃一點 , 不過大概是期望越高 , 失望越大之過吧 , 真的無甚驚喜  ......  而且 Openrice 的高評價天令小妹對它要求更高 , 略嫌豉油欠缺了燒賣豉油應有的微甜度 , 只純帶咸味 ......此刻記起當年花園街極好味燒賣 , 真的相距甚遠了 ! 可惜 , 往事 , 大概只能回味 ...

我是一個極度的燒賣狂迷。 從前不特別講究吃的時候，七仔的六蚊十粒就己經令我的肚子十分快慰。之後開始喜歡吃鴻福堂的燒賣，再進展到喜歡上水永豐牛雜粉麵鋪門口那間燒賣同元朗又新街的那間豬肉燒賣，對燒賣講究的應該都會喜歡這兩間。很久之前，我已經在openrice看過這間的位於紅磡的林記，聽說這裡的燒賣做得非常出色，而是殿堂級南瓜的介紹下，我深信必定不簡單，於是放在口袋裡，希望有一天可以經過紅磡的時候，與它碰一個面。結果一放口袋便是數個月，今天在黃埔弄完點私人事後，一於就過來這裡吃東西，由黃埔行過去不用十分鐘，去到差館里口已經很興奮。在街的遠處已經見到遠遠的人龍，我便知道，我找到了。對，終於找到傳說中出色無比的燒賣，雖然剛剛吃完半島的afternoon tea有點飽, 飽都要吃, 看到條龍已經知信心保證。先看看其賣相如何，乾蒸牛肉燒賣，和魚肉燒賣的樣子也很吸引，魚蛋的咖喱汁是鮮黃色的艷，香氣無窮。腸粉蒸氣強勁，每樣東西都有想令人必吃的衝動。於是我選擇了沒有像平時一串串咁篤燒賣，加埋其他腸粉魚蛋一碟上，就好像粉嶺四眼仔腸粉和上水明記一樣，整碟小吃福綠壽三寶齊吃。先講其靈魂魚肉燒賣($6)，這也是我

街坊小食全香港都有, 來到了紅磡, 我認為不可不吃的除了大名鼎鼎的一些快餐名店外, 還有這家。這家小食店在差館里, 觀音借富的觀音廟斜對面, 門面低調, 只有熟知味道的人士才會留意得到。人流一陣一陣的, 初時一店看似沒人的, 只有三兩個人在旁挨著吃腸粉。而我明明短時間佈會有晚飯, 仍要吃吃。一大盤魚旦在前, 只有辣與不辣的選擇。其他的料都可按要求加入汁醬中泡熟, 大概有香腸, 牛柏葉, 水魷, 生腸等。旁邊有一個蒸籠, 賣的都是燒賣。不過此檔蒸籠入面最特別的食物, 便是這個乾蒸牛肉。平常小食檔一般都是提供魚肉燒賣, 現成用料買回來再蒸, 但這裡的是牛肉。樣子就如酒樓以前的乾蒸牛肉的造型, 不過外面的皮跟魚肉燒賣一樣是黃色的。點了後, 從蒸籠拿出來, 放在前面的碟子上。正當我準備淋上豉油之際, 老闆娘問我是否想這喼汁? 她說喼汁跟牛肉是最好的!! 於是二話不說的點頭, 還加上在前面的一些乾辣椒碎。牛肉入口啖啖肉, 而且有彈性, 比平時的魚肉燒賣更有質感和嚼勁。經由喼汁的勾吊, 牛肉味道的惹味與香味更比魚肉燒賣有過之而無不及。加上辣椒碎, 這個並非一般小食檔的辣油, 而是一小粒一小粒的乾椒

除了椒鹽鮮魷外，我還是會對其他的食物有著追求的，只是不及對它瘋狂罷了。燒賣就是其中一樣。今次是起源自某論壇的一個帖子，內容是問何處有最強的豬肉燒賣，到最後卻不知為何會提及一間賣牛肉燒賣的小店。也罷，牛肉燒賣也合我的口味，即管去一試吧！因為有觀音廟作地標，加上本人超凡的定位能力，所以要找到這家店實在不太難。雖然已過放工一段時間，但店外人氣依然，排了條小隊，可見實力應該不差。本來只想叫個魚肉燒賣和牛肉燒賣來嘗嘗，但眼見魚蛋們正在如溶岩般的辣汁中翻騰，看來非常吸引，我吞一口口水，連忙再追加一份辣魚蛋。雖然這幅相是吃了一半才拍下的，但別怪我啊，一切都因為太辣了！現在還算有相你看，總比沒有好吧！ 首先魚蛋果然如它的尊容一樣，湯汁屬甜辣派，是我比較喜歡的一種，辣中帶甜，再配合魚蛋獨有的少許甜味與還算彈牙的口感，不錯不錯。之後是牛肉燒賣，黃色的外皮已快與內容解體，看來相當狼狽，但以貌取人非君之所為，一切皆必須以內涵為首。咬下去，是牛肉球的口感與味道，卻不如它豐厚，水準一般。最後是魚肉燒賣，第一次吃，因為味蕾被辣味所強暴，只能得知口感尚算彈牙，而且還有一種非常特別，未從其他燒賣吃過的味道。起初我非常天

下午茶食唔飽, 再食多次, 不知道是否賣腸粉麻煩, 很多魚蛋牛雜店都無兼賣腸粉, 而這間剛好有腸粉.一碟腸粉, 加一串咖哩魚蛋, 收費十三元. 問要唔要辣?? “辣D呀.. 唔該!”, 但入口, 都係, 咖哩無咖哩味, 一點辣也沒有, 魚蛋中規中舉, 麵粉度不高, 仍有些少魚蛋彈牙口感. 腸粉, 中規中舉, 未有一舊粉狀, 但也沒有滑溜的口感, 甜醬、麻醬、豉油放在外面, 隨客人任加, 但芝麻收埋, 每碟只洒少少, 唔得大方. 通常這類型的小食店, 多由阿嬸級別主理, 但這間有些特別, 店內三名都是男人, 還是十分粗獷型的男性, 好man呀!!