景村雲南米線 (Closed) View

店舖環境尚好，米線軟度適中，腩肉是必吃的，👍🏻脂肪少，夠入味😋;鹵水鷄翼淹製時間剛剛好，入味而不失肉的質感！多芫茜令米缐味道更為提升，建議肉碎可以少一點，湯如果可以稀一點，可以令殘余的口腔的味道不太濃。綜合來說，味道不錯，可惜員工服務禮貌尚待改善😅

失 望 失 望!!!!!😑😖 曾幾何時....每個星期最小到3~4次.... 持續2年.... 原本開十一點半等到十二點三都未開門... 跟住就少去咗.... 到現在 一個月都去唔到一次.😥😥... 直至到上個禮拜同今日, order 兩個下午茶米線, 完全地得個鹹字, 叫個侍應, 唔該幫我攞多碗湯嚟溝淡佢..... 碗湯一樣係十分之重味精同鹹味... 我再問過侍應攞杯熱滾水,諗住溝淡碗湯... 我聽到 廚房佬, 叫個傳應 ,去嗰邊撈嗰啲水畀佢咪得囉!!!!! 我都覺得好彩我聽到... 杯水攞出嚟唔單止唔熱嘅仲有少少咋喺度.... 根本上可能唔係水嚟嘅! 大家覺得應唔應該報食環署!!! 不過我都冇諗住報.. 只係覺得好失望以後都唔會再返去食.🙈🙉🙊 如果 🍜 景村雲南米線🍜 Boss看到這篇文章.. 可以嘗試找人試試食告訴你知道發生咩事在舖頭裏面.. 本人都係做飲食業... 亦都有兩三間鋪頭.... 亦都會搵朋友去試食... 嘢食出現問題.. 一定要找出原因. 已經同收銀姐姐說明... 不至這一次..... 😥😥

食過很多不同食市的米線，這家小店算是本人常常因為她的湯底和麻辣牛輾的吸引力一而再，再而三地重臨光顧。她的酸辣湯底做得很出色，湯料分量十足。近來店主引入鮮蕃茄湯底，已經食過一次，今次要再食。皆因新鮮蕃茄料十足，蕃味鮮甜香濃。不食辣亦感野味!提供多款不同食材加配，包括蔬菜，肉類等等。本人最愛她的麻辣牛輾，不太食得辣的我也為此上了癮，牛味香口，口感十足，每次都要點。加上一本熱檸蜜，就是最簡單最滿足的配搭。

米線癮發作，經過很多次，一直未有機會嘗試，終於可以一戰當日lunch hour去到，排第4個，孤軍作戰當然要搭枱，不過其實我幾鐘意搭枱，因為可以偷偷睇下人地食d咩酸辣米線(少少辣)+腩肉+墨魚頭湯底少少辣少少酸都可以~腩肉($6)薄薄長一片，食落比較肥膩墨魚頭($10)比較特別，沒有在其他舖吃過，因為聽到很多人才叫，食落都okay，爽爽地，有少少咸味少少墨魚味，下次應該都會再叫

以前成日都黎幫襯, 覺得幾抵食但一年加成2-3次價次次都靜雞雞就樣樣野都加一蚊依家連墊住筷子既紙巾都唔主動俾要叫先有... 好多以前5蚊既餸變晒6蚊嚕 ...還我8蚊豬軟骨同7蚊豬耳呀!!!

為了陪男友到荔枝角公園捉精靈，第一次來吃『景村雲南米線』，鋪面很細，座位密麻麻的，不過等了10分鐘左右便可入座了。我點了一碗「腩肉酸辣米線」，湯底味道濃郁，當然不排除是加了味精……我不太嗜辣，所以點了「小辣」，覺得辣味剛剛好。米線份量充足，軟硬度剛剛好，口感不錯。腩肉也不少，很入味。總括來說，這是一間中規中矩的米線鋪，如果順道經過的話也可一試。

 作為「無飯家庭」經常都要外出食飯，如果食厭了茶記或者碟頭飯，嘗試麵食也是一個好選擇。譚仔由小食到大，有時也想想有沒有其他選擇，在美孚的景村雲南米線或許會給你一個新體驗。  景村的舖位不大，所以夜晚時段也滿位的，建議各位2-4去食會方便些，等候時間也會短些。  麻辣金錢展（$38）。金錢展就是牛展，牛肉味不算太濃，但口感不會過韌，淋之餘又有嚼口。辣度不是很強烈，但是麻味夠濃，舌頭上痲痹的感覺十分過癮。把它與米線一起食，真是胃口大開呢！  蕃茄米線雞肉炸醬（$39）。對於不食得辣的人，蕃茄米線是他們的恩物。這個蕃茄米線湯底十分濃，湯中還食都啖啖蕃茄肉，的確是清淡健康的選擇。雞肉不是太嫩，有一點"鞋"；炸醬是辣的，味道偏鹹，只因加了豆豉和辣椒碎，與米線拌著食，可以中和味道之餘還令米線更加惹味呢！  蕃茄米線牛丸炸醬（$37）。牛丸有三粒，份量比較少，雖然不是手打牛丸，但是尚算爽口。蕃茄米線湯底本身其實也有少量肉碎，所以下次可以不用點炸醬，點其他餸會划算點呢。  酸辣米線炸醬雞中翼（$38）。與蕃茄米線一樣，湯底本身也有少量肉碎，雞中翼是鹵水的，很入味而且很淋。我認為酸味大於辣味

成日路過呢間米線鋪，都無行入去食。因聽聞話不太好食。今晚決定去試下。喉嚨太不舒適，唔敢吃酸辣。所以叫咗碗小窩米線加腐皮豬腩肉。味道比我想像中好。米線煮得好煙韌。最怕嗰啲煮到林哂嘅米線。豬腩肉也好好味。切得薄薄的。但有點太肥。不過好味嘅野多數都係肥膩。腐皮反而一般般，太碎又太硬。不夠軟熟。不過整體尚算不錯。

它外面寫11:30開始營業，推門入去有個阿姐很晦氣地說未開，然後問幾時開，又唔答，問多幾問，更生氣地說要食埋飯先開。我即刻火都黎埋，明明寫11:30開，你好聲好氣都算，仲發脾氣。。。離譜希望你老闆睇到呢個負評，改善下！！！

今日lunch想食米線，呢間米線平時排長龍，難得有位，入去食返個米線先！叫左個酸辣小辣腩肉米線，腩肉又真係幾入味，薄薄一片肉，脂肪同肉好分明，咬落啖啖肉，酸辣米線個湯底係跟埋肉碎，芽菜韮菜芫茜，仲有酸菜，因為小妹鐘意食酸，所以多酸菜係小妹杯茶，不過酸度唔係個個接受到，所以未食過都係食返正常啦加凍飲$6

雖然不是常客，但偶然都會幫襯。大約7:00入座，選好食物後，打算等收銀阿姐忙完再請她落單(平日只要安坐於坐位，大聲叫出食物，她就會落單)，我與她互望一眼，她知我要落單，她說:「你講得喇!」於是我說出了要點的食物後，安心玩手機等食喇。過了幾分鐘後，她突然拍我膀頭一下凶惡地說:「你食咩？」我答佢:「叫咗喇!」她說:「無你張單。」我再問她:「真係無我張單？」佢答:「無呀！」阿姐，明明係你漏單，仲惡過個客人，無禮貌地拍人膀頭，服務態度極差，食餐飯都要受氣，以後不會再去幫襯。

今天想起吃米線，便來這裡叫了外賣，叫了小鍋米線，配料有兩樣為雞翼和生菜。湯底實在是無乜味道，通常是豬骨湯或魚湯的米線，這道小鍋米線湯底沒有什麼味道。米線就不過不失，麵質偏淋。生菜有點老，份量也不多，唯一是頗清淡。雞翼叫做最入味了，但鹵水味道也偏淡，雞肉並不入味，而雞翼也沒有什麼脂肪，其實也有其好處，是比較健康呢。

中午時段, 又係醫肚既時候, 友人話好耐無食過米線, 於是黎呢度食下.我叫左酸辣米線, 辣既程度係少少辣, 配料就叫左生菜,墨魚丸同金菇.呢碗酸辣米線我認為太酸, 因為湯底本身已經有微酸味, 再加上伴隨既酸菜, 令酸味蓋過辣味.辣度算剛剛好, 太辣會令整碗米線變得重口味. 至於米線質地叫做正常, 唔算特別彈牙, 不過份量都頗多, 女仔應該食唔晒.配料方面, 生菜同金菇都係就咁用滾水煮熟, 基本上係完全無味, 適合淡口味既人. 至於墨魚丸本身都有鹹味, 但質感都係唔彈牙, 流於普通.這碗質素平庸的米線盛惠四十一元, 性價比屬偏低.

美孚區米線選擇眾多，這間米線是雲南風味，湯底算清，相信味精不多。配料選擇不算多，只有內什肉丸，肥牛和生菜等。湯底也只有清湯和酸辣選擇，酸辣味辣味較重。印象最深刻不是食物，而是服務員。落單需要叫破喉嚨，但阿姐落單尚叫精準。米線無什特別，不彈牙。和其他店比較實在麻麻。坐位不多，常見人龍。

景村美孚店以小店型式經營，店內只有廿多個坐位，售賣酸辣米線，麻辣米線和清湯米線，每天晚飯時段都是高朋滿座。酸辣小小辣，很逗人喜愛的辣度，肉碎內的丁點麻辣香，酸菜的醒胃，相當惹味。點了的三款餸，豬紅，豬皮和豆腐卜，味道佳，份量十足，童叟無欺。