景村雲南米線 (Closed) View

呢頭都有唔少呢類既湯麵選擇, 今日又試呢間平時一過十二點三就好多人排既餐廳.餐廳細細, 亦有雅緻裝修, 坐得舒服.同事叫左雞肉+腐竹小鍋米線, 雞肉夠大塊, 食落一D都唔鞋口, 爽口鮮味! OK!我就叫左肥牛+墨魚頭小鍋米線, 肥牛鮮味, 墨魚頭就新鮮爽口兼彈牙, 好得! 唯一要投訴係份量太多, 食唔哂添! 可以再黎, 希望KEEP住個水平!

行山後到此, 原已進入了相隔不遠的類似食店, 但坐下才發現價錢不包飲品, 於是才到此店. 很久前已吃過它的下午茶, 印象不差. 這次原先坐的位被烈日照著, 一點不好受, 幸好剛有食客離開, 立即換位. 只是那座位仍受陽光影响, 不過多了片巨貼紙擋一下.這店較小, 客人顯得較擠. 要了檸蜜和最少辣的酸辣米線配貢丸, 只有3數粒丸, 肉質和味道一般, 不算特別差或好. 米線略軟, 當然比略硬更好. 湯底和配料味精不太重, 雖然如此, 也沒有喝湯, 因行山後已較口渴. 配料不算多, 但以下午茶來說可接受. 

The taste changes after sometime I gone back eating there or maybe was it not fresh pork stomach during that day. Seating is very claustrophobic get used to it at hk environment.

2/9這店長期好多人排隊. 其實坐得逼, 一有人走就要"攝"另一人入來坐. 一食完又唔敢繼續坐太耐. 但係咁都要來, 因為的確是好吃. 湯底有:1. 小窩  2. 酸辣 3. 麻辣"小窩"即是完全唔辣, even我個人是不吃辣的, 但都覺得這個太無味. 所以還是要叫"酸辣". "酸辣"仲可以再細分為"小辣" 同 "小小辣", 麻辣都係. 酸辣的話, 上面已包芽茶, 酸茶, 茜 etc. 落單時可以叫走XX, 多XX, 點都得, 好方便. 這裡配菜也很好吃, 不吃餸也可以. 酸酸的, 好開胃. 餸菜方面, 豬軟骨是my favourite. 默魚頭是my hubby's favourite.可以隨時叫油菜同加$6加飲品. 今次張相影得不是好吸引, 可能是因為角度問題, 好似食食下至影, 同埋D顏色好似得白同綠, 因為這天選的餸剛好是這樣. 

行過見到，下午茶好平好抵食，所以就入去試下，平時食lunch個時覺得好貴，飲埋野大約50幾蚊一個lunch, 但宜家30蚊到仲包埋野飲，真係幾抵。我就叫左個“酸辣小小辣米線”豬紅加豬腸，湯底好夠味，而豬紅同豬腸都整得好入味，不過美中不足就係湯底太小了，米線吸哂d湯，令到d米線變得好冧。不過30幾蚊包埋野飲，e個價錢真係無輸呀。好味。

I am a big fan of Yunnan rice noodle. This restaurant is my favorite place to have Yunnan rice noodle and I come here almost every week even though i live on the other side of Mei Foo. The best thing is the spicy soup of the noodle, the taste is authentic, very close to the taste of rice noodles I had in Yunnan. My favorite ingredients are turnip, mushroom and green vegetables. The cold octopus also tastes great, unique and refreshing. The small place is often crowded, luckily the service is eff

今日夜晚突然好想食米線，記得之前聽朋友講美孚間景村雲南米線幾好食，所以就黎試下啦。美孚有間質素幾好既米線舖都唔錯，又就腳去到既時候可能因為環境比較細，又坐滿哂食客，所以都要等一陣先入到去。佢有幾款招牌小食同埋三款招牌米線俾食客揀：小鍋米線(不辣)、酸辣米線、麻辣米線，而每款辣既米線都可以揀唔同程度既辣度，三款米線都有唔同價錢既自選配料。因為我唔食辣，所以揀咗小鍋米線，再加墨魚丸、唐生菜、雞肉，同埋一杯凍檸茶。碗米線黎到既時候，除咗我叫嗰三樣餸之外，細心啲發現原來佢加咗好多墨魚俾我 呢個係個意想不到的驚喜!啲墨魚丸咬落既質感好好，好有彈性，食完有好想再食多幾粒既感覺；但雞肉有少少韌，如果冇咁韌會更好；另外有好多生菜，對於鍾意食生菜既我黎講真係覺得好正好健康 我好少出街會食到啲會俾好多生菜我既米線我幾欣賞佢可以自行選擇唔同既配料，成碗米線既整體味道唔錯，份量啱啱好，價值又合理，食得好滿足(: 下次如果覺得肚餓，又諗唔到食咩既話，就黎景村雲南米線食碗米線啦!!

姨甥考試，全面戒嚴，搞搞震玩到癲的我，被建議不要歸家吃飯。給我機會一個人逛逛吃吃。其實我不太愛吃米線，嫌她太滑沒粉味，所以每次都是「少米線」，吃米線是因為麻辣芽菜韮菜酸菜葱芫茜，還有像車仔麵吃般，有許多餸選擇，但他又通常比車仔麵更熱辣辣，很難令人吃得不滿足不上癮。景村吃過許多遍，不知有心還是無意，他的抽氣機把廚房的酸、辣和肉香傳到街上，每次未到店已被那香氣攝着了，總會走快兩步，急不及待拉開店門，落單並以十分十分期待的心情等吃。點了麻辣腩肉豬潤金菇米線和凍檸水，六時半前是下午茶時段，飲品免費。米線不談，這裡的麻辣，辣而帶酸，不夠麻，吃不出麻痺和失去味覺的經騐，不夠痛快。這的腩肉一向是我必吃的，腩肉是一層羔一層肉，炆得很入味，一點不膩，羔在囗中變得香軟糯，有時美中不足，腩肉是碎的，今天好運，一片片長長的在滾熱的湯上。豬膶新鮮淥，嫩滑鮮味，配一束束金菇芽菜吃，吃不停。其他米線店少見老人家，這次同枱的是爺爺嫲嫲孫女，鄰座也是兩爺孫，都吃辣，嫲嫲孫女吃不完分給爺爺，大家邊吃邊說真好吃，爺爺還要凍啡加冰，此情此景，更令我吃得滿心歡喜。

本身對雲南米線沒有咩興趣,但經過美孚附近見一間外表平凡的米線鋪,門外竟然企滿人,好奇之下就同朋友排隊入內去試。鋪頭的地方不大,大概只能容納20人左右,我們都比較健碩,老實講,坐得唔係太舒服,幾乎要抱住個袋黎用餐。我叫左腩肉腐竹小鍋米線少辣,本來都係諗住睇下點解咁多人排隊,對個米線冇咩特別期望。意想不到既係,米線個湯底好濃,腩肉仲係我鍾意既'老'水果隻,唔係出邊食過果隻白白地冇味道既腩肉,即時加分。米線既份量亦都好岩我,唔會太細。總括而言,今次真係幾impress到我,一定會再去食多次。

戒了奶茶良久的我最近又染回"毒癮" 食物變為配角一切只為能飲杯靚奶茶 ...找回舊照片幾年來都在這店吃清湯蘿蔔牛展米味道依舊只是配菜的蕃茜.芽菜 .... 愈來愈少奶茶夠熱茶味超濃帶點澀奶偏少不夠香滑看來為了食米線而來不錯為了享受一杯靚奶茶還得去茶記好了 

係美孚1個人食飯既好選擇一入去都幾奇怪只有1個樓面姐姐做落單加收銀客人落單要在樓面嗌去收銀位我既感覺是...有點奇怪好似話哂比人知自己食麥甘如果係大排檔我就唔怕嗌不過個度係室內......因為太大聲, 我也不是針對收銀姐姐總是每次都聽漏客叫既野雖然碗野好多配料不過我嫌佢太小麵我叫左平時最喜歡的豆卜不過佢好油，唔似平時白灼的竹笙同豆卜都可以收哂湯, 真係好味($37)最慘不忍睹的是青瓜($22)可能醃得太內，酸到阿媽唔認得不過我同收銀講左，佢話會陣間試希望下次去食有改善啦！總結: 檸水無問題, 湯底都幾好(所以我都盡量食哂所有野架), 店員態度不錯。

今日在美孚這家店吃飯，居然在碗裡吃到蚯蚓！！！當時我就大叫，然後叫餐廳服務員過來。個侍應即刻想收走個碗。我阻止佢，叫佢叫老闆出來。老闆出來后，一副無所謂的樣子。話，”落雨啊嘛！“又想收走個碗！我系佢搶走前，好快拍到。雖然唔清楚，但系系紫紅色架！！！真系好噁心！！！我自己好中意食米線，但系我真系接受唔到尼D態度同尼D額外加料！！！

以前去過食下午茶, 今次午飯時去, 初時學生多, 中段人減少, 後來又來了大批文職員工. 跟友人share碟皮蛋, 蛋生通透, 蛋黃幾香軟, 不錯! 可是我的那碗米線就不太好吃, 首先是米線質地, 可能是用料問題. 叫的是酸辣米線, 可是配菜很少, 而且一點不辣, 大概是廚房弄錯了, 因上次吃的都幾辣. 後來廚子加了酸菜和少許辣才好些. 豬紅味道不特別出色, 不太乾身已收貨.

以我記憶所及，晌美孚有米線賣嘅店鋪唔多，好似「味味佳」依類茶記、「金裝燉奶佬」連鎖餐廳、「美孚冰室」……等等都有兼賣吓米線，但「景村」就喺唯一一間打正旗號專賣雲南米線，而且佢都非常專一，獨沽一味只賣米線，想食其他粉麵，就唔該過主喇。鋪位細細，全店坐得廿個人左右，一室鮮紅，天花吊燈頗別緻，牆上掛畫又甚有共產味道，襯以木枱木凳，整體好有中國色彩。餐牌好簡單，就只有一張A4大細，底面兩頁一眼睇晒，不外乎米線配車仔餸，另外就只不過有啲特色小食。店內分3款招牌米線底，分別喺：小窩米線（$21，唔辣，配料包括酸菜、韮菜、芽菜、芫茜、蔥）、酸辣米線（$22，由小辣到勁辣5級，配料比小窩米線仲多咗肉碎）、麻辣米線（$22，無論辣度選擇，抑或配料，都跟酸辣米線一樣）。配料有成30多款，分$5、$8、$10三級，而餐飲優惠就喺凡食米線，可以加$6配飲品，仲要冷熱同價，而且唔收加一。小窩米線 + 豬大腸、腐竹、冬菇 $36嘩，成碗米線裝得滿滿又大碗，米線份量超多，胃納細嘅女士多數都會食剩呀，口感滑滑。豬大腸，切得細細片，但食吓食吓食極又有咁，都唔少，無乜豬臊味，喺鹹咗少少啫；腐竹，成張紙巾仔咁大大片，唔喺碎

一直以來都喜歡吃酸酸辣辣的食物, 所以經常去光顧泰國菜館和米線店. 近幾年香港開了不少雲南米線店, 間間都說自己是正宗雲南米線. 但食了這麽多年, 從沒去考究過是不是正宗雲南米線, 吃得過便算. 所以到現在也不知什麼叫正宗雲南米線, 也不知米線是否盛產於雲南, 或許要走一趟雲南試一試, 才會有答案吧. 前幾天在家附近逛一逛, 發現原來美孚區有米線吃, 適逢當晚朋友走來找我吃晚飯, 我便帶他到這間店試一試吧. 叫了碗酸辣米線. 配料有豬軟骨, 大腸和雞翼. 而配菜大致上和别的米線店一樣有韮菜, 芽菜和碎豬肉枺. 這裡的豬軟骨唔肥, 但肉不多而且軟骨不是牛筋質感. 至於大腸和雞翼都炆得夠入味. 這碗湯底極佳, 鮮甜而且香口, 不算太酸也不算太辣. 通常吃完米線我都會大口大口的試幾啖湯, 至於辣湯只會選擇酸辣的小辣.因為我不是受得很辣的人. 這裡還有一些小吃可選擇, 如刀拍青瓜, 麻辣牛肉, 麻辣墨魚頭, 尖陳皮蛋... 全是冷食. 我們叫了麻辣豬耳, 豬耳切得好薄片, 吃下有點爽爽脆脆的質感. 而且也不是太麻辣那種口感. 不錯.加6元的凍檸茶.