Video
Additional Information
營業時間: 上午9:00 至下午11:00
Above information is for reference only. Please check details with the restaurant.
剛巧在附近經過，見這間舖頭分別將清湯腩及排骨麵放在招牌上，兩者也是我所喜的食物，就進來一試。進舖時見一大舊牛腩架在廚架上，乾乾的，賣相十分差，穩陣計，還是先試排骨麵。一碗都加一碟炸豬扒，賣相也是十分的一般。先吃豬扒，薄薄的，炸得還算鬆脆，小店製作，算啦；麵是白色粗身的北方麵，對辦。但卻淥得腍了一點，湯底也當然是味精湯底，可以理解。可能是新張關係，也有點亂子，遲一點應會上軌道。排骨麵20蚊，不包飲品，幾便宜，但食物質數要再好一點就更好。
continue reading
該店最近改了名，名為「春秋坊」，又另加了清湯腩，見肥嬸嬸日間仍在店內，估計只是易名，沒有易手。我和老婆作為肥嬸嬸的fans，不時都有幫襯。但最近老婆話，有一次買排骨粗炒外賣，晚上不是由肥嬸嬸處理，味道又麻麻，排骨和麵一起放，攞到返屋企已淋晒，而且份量少得可憐，一個小女人都唔夠食。我唔信邪，是晚再去外賣。去到果然不見肥嬸嬸，見店內只有小貓三兩隻，要了排骨飯，連豆漿都係$21，算平。今次的排骨用紙袋另載，不易變淋，排骨也是熱的，味道還可以，但應該是翻炸過，而且是切件後才翻炸，結果變得乾身，失去了肉汁。飯加了牛腩汁，但味道不濃。最大的問題是份量太少，飯盒只有半滿滿，排骨也不多，與以往大件夾抵食的作風相差很遠。這晚不太餓，但吃了整盒飯才僅僅夠飽。未知是否百物騰貴，他們又不想加價，才減少份量。但份量和水準一同下跌，難免令我有d失望。
continue reading
估物論之前的non-members所講的是真是假,這裡的排骨真的不錯. 金祥的一早己經唔得啦! 只是菜飯比較油. 可以一試!
continue reading
由上環源電車遊蕩到西環, 隔條馬路望到"排骨麵"三個字, 猶豫半下, 便橫過馬路過去(目及過冇差佬)行到門口, 有個靚女好熱情招呼我入去，店不大, 人不多, 算是光猛企理主旨︰點了排骨菜飯套餐——豬扒不錯, 算是香酥型, 脆脆地, 但唔太硬, 火侯唔錯, 只嫌可以醃得入味一點。我是愛味淡的人，但此點要改進我最欣賞係個菜飯, 菜粒好多, 飯又好味(雖然明知係味精飯)，吃著吃著, 差點吃到店家不用洗碗(我飯量不大)還有一杯豆漿附近，找數到廿二大洋備註︰絕對有下次
continue reading
原本都無諗過入去食, 見到門口有d 相, 又幾好食咁, 咁就入左去, 個時我叫左個上海粗炒食,仲有野飲送都係$22 元, 仲有出面d 相同出來的食物真係一樣咁多同好食,真的值得推介....仲有一部勁大的電視睇..都幾好...
continue reading