昌記潮州粉麵 (Closed)

是日早餐，經過就入咗去食，正常牛腩麵鋪頭樣，圓枱圓凳！早餐都幾豐富，幾多嘢揀！雲吞麵: 大大碗，雲吞都多，蝦算彈牙，味道都唔錯！酸辣雙丸米線: 叫咗小辣，唔係好夠，自己加辣椒，酸菜幾好食，雙丸就正正常常咁！油菜: 加10蚊有碟油菜，都幾大碟，加咗兩碟，腐乳蠔油畀勁多🤣！少可有服務好好嘅牛腩麵，呢度d姐姐態度真係幾好，有禮貌之餘，我地倒瀉嘢，都好好態度幫我地抹番！抵贊！總括黎講，嘢食正正常常，服務幾好，有機會會再幫襯！…Read More

一路喜歡食牛腩麵， 如果價錢合理都一定會試。 經過見到呢間幾抵食，所以入去試下。 坑腩河$36， 崩沙腩河冇得散叫(上個星期重有)，套餐$52連飲品油菜一碟，其實都抵。先來自誇不記得是「極品」定「頂級」的 崩沙腩河，上下包住層膜，似樣，不像去過某些名店，完全貨不對版。但如圖所見，肉質十分廋，未炆得夠淋， 同印像中上下有筋膜包住點點肥的肉嘅印象出入好大，現在的似12成熟overcooked的西冷牛片。 同佢幅圖嘅崩沙腩比，參考價值是低過50%。 當然食牛腩河咁多年都知道係睇彩數，師傅咁啱斬到畀你靚，你當日就有運行！ 不過好彩肉味都幾香同特出， 通常咁廋嘅肉都係冇乜味。而坑腩的肉味反而不及佢， 但就炆得非常軟淋， 中間有少少肥有油香係另一種風味。 個人覺得坑腩河的性價比更高， 值得再試。至於湯底我覺得味道幾濃幾惹味， 飲完唔口渴， 有以前元朗學記的影子。 河粉就普普通通唔特別滑。 不過最好食的河粉都不是在香港吃到， 所以沒期望便沒失望。整體水準可以，性價比高，下次可以再畀多次機會佢試下崩砂河再評價。…Read More

係元朗西巴士總站，食肆林立🏬🏢🏡🏪 今日揀中左昌記黎做quick lunch同平時粉麵舖唔同，昌記燈光火著夠光猛🌅 大部份圓枱為主，但舖頭地下同牆邊就唔太乾淨，竟然有兩個啤酒罐放係牆邊無人掃？仲要牆邊都好多污積😥😮潮式粉麵從來都係講快靚正，論速度，舖頭上菜快，分別叫咗雲吞🍤崩沙腩🐂麵、豬手麵🐷同腐乳通菜🥗崩沙腩，朕去搵人check 咗係橫隔膜部份，記得細個時好似粉麵店每日得十零份少量供應，但唔知舖頭點解可以不停出🤨🤨 （求指教）崩沙腩係爽口，連住少少筋，煙韌有牛香，碗麵都有成5 6 舊腩，足料👍 雲吞未入舖已經見到門口係度包，係食得出新鮮同有鮮蝦肉👍 另外豬手雖然未算出色，但都炆得淋同入味👌可惜🙄佢既湯底係唔靚，頭啖可以，但第二啖食得出有添加（唔敢講係味精，但事後亦覺得口渴）至於通菜同杯啡，不過不失希望店家快啲改善衛生同湯底，唔好辜負佢個靚既崩沙腩同雲吞🙂…Read More

今日返兼職前隨意吃，見到呢間店有牛三寶，喜歡食牛的我就決定一試~~~呢間店係剛易手不久，燈光較上一手光又舒服:)點餐時講咗要走蔥，點知冇走，好在上碗的哥哥隨手將湯匙上的蔥倒走~~~雖然冇叫飲品，阿姐都樂意俾杯暖水我飲~~~牛三寶有牛腩，牛肚和牛筋，個湯尚算有咸味，河粉唔算入味，牛腩肉唔算肥，食落唔會韌，仲算多肉，牛肚唔夠淋，只是感覺普通而唔入味，好在牛筋夠晒淋又入味~~~埋單36蚊有牛三寶其實算係剛好，如果牛肚整得再淋d就夠晒吸引~~~…Read More

另一間元朗西站覓食區的麵檔, 這個位以前是做牛腩粉麵, 現在也是做牛腩粉麵, 裝修後燈光亮眼, 今次試牛三寶河, $36實在抵食, 牛腩同金錢肚入味, 不過奇怪味道同以前果間咁似...... 值得一提的是樓面是用手機落單的, 唔洗行去電腦前面落單, 樓面都未行到前面碗麵以經到左(因為店舖是長方型的, 由最入面行返出去落單都好達)…Read More

行行下街肚餓，經過巴士站見到好多粉麵舖，求其入左尼昌記。員工服務好好，主動幫我放好把傘，值得加分。餐牌設計精湛簡㓗，容易閱讀燈光照明十分亮眼，舖頭睇起尼令人精神振奮，黃色溫暖系燈光能夠提升食慾！牛腩豬手炆得入味，肥瘦分佈平均。餸同米粉份量多，枱面上提供辣油等調味料，十分細心，辣油都好香，兩個人share都夠飽。店舖乾淨整潔，坐得舒服，食完飯搭巴士都好方便！！總結係，我會推介朋友。係林林總總既粉麵舖入面，的而且確係鶴立雞群，我會再返尼…Read More

一般呢類潮州麵食唔係太差，地點又 ok 嘅，應該都有d生意，作為輕食，好多香港人都幾 like 呢類麵食，簡單，快 😂 呢間舖開嘅位置其實幾好，𣎴過隔離左右太多競爭，想突圍而出就要諗d辦法喇，首先好食唔在講，呢次試咗佢個牛腩米，$31 都好抵食，份量食完都有食過嘅感覺，𣎴過佢嘅牛腩切法要改進吓🤔，由於太瘦，佢又順紋切，好難𡁻，我見倒有個亞叔𡁻到縐眉頭😂😂 同埋員工都好努力企門口叫客，但我覺得過咗少少，有少少令人唔想入去潻 😅 整體都係合格嘅，下次會試第二款 …Read More