方姐湛江雞 (Closed)

這家店平常中午時間經常很多人，我們剛巧幾個朋友食飯突然想起這家店，所以特地打電話來訂晚餐位置，因為他5:30pm先開門我們準時到達，因為早人不算多⋯來到這裏當然點雞🐥🐥我們叫了白切雞半隻、蒜蓉蒸茄子、啫啫通菜煲、冰梅骨⋯那隻雞真的好好食好滑！而且店裡也很乾淨，店員服務也很好！

每年冬更都會黎會食煲仔飯 食過好多間出面既煲仔飯 最後都係返返來搵方姐！ 飯唔會太軟 岩岩好 飯焦都好靚 另外啲燉湯十分足料 每次黎食都要飲 每次黎方姐都好好人 態度好好 每次黎除左食抵食好味 仲有一份人情味

方姐湛江雞？成日聽元朗人提起，今日就去新的嘗試，果然有煮家飯的味道！當然叫了最招牌的湛江雞飯，蒜蓉炒蒜心，螺頭燉湯。湛江雞是用新鮮的走地雞，肉質鮮甜嫩滑，而且沒有太多脂肪和肥膏，所以吃落也不會很油膩，適合任何人士食用，果然是招牌！蒜蓉炒蒜心，這道菜非常特別，蒜心新鮮柔嫩，識落十分脆口，還很嫩綠，再配上蒜蓉來炒，食岀另一番風味。但偏鹹！至於螺頭燉湯，材料十分豐富，都不會很油膩，燉的時間也剛剛好，由於材料很新鮮，所以令這啖湯十分鮮甜，螺頭更為這道湯添上了色彩！螺頭大大隻，$48的價錢可飲到媽咪的味道，簡直是物超所值！

中秋節同屋企人食飯媽咪鍾意食 線雞 所以來試下食左半碟先記得影相滑就幾滑，但我又覺得無咩特別，又唔係好有雞味。不過都幾扺既185半隻。個咕嚕肉就係好出色，粉薄，皮脆，唔係一大舊粉果d，係十個讚👍🏼👍🏼👍🏼👍🏼👍🏼👍🏼👍🏼👍🏼下一但係西芹帶子百合，168，唔扺食，okay味，唔建議大家食。下一但係賽磅蟹，西蘭花🥦蛋白，蝦，蟹子。一向係酒樓食開果d唔好食，個人覺得難入口，又唔知點解要加醋。呢度好易入口，但始終個人唔鍾意食，所以都係覺得一般。藥膳湯，雞腳，瘦肉，杞子，玉竹，花旗參，不過唔係好重藥材味，可以飲下。豉汁蒸倉魚，我覺得蒸得都幾滑，可以一試。

很想吃魚的表示，看著門面的標語，考慮了一會，還是走入去看下餐牌，除了招牌雞，確定可以選擇魚，不過要加$50，為了滿足口腹。套餐的選項：減低選擇困難問題，這裡的燉湯也是有推介的，有5款選擇，根據自己的體質作考慮吧w藥材燉雞湯：看到杞子算多，味道不是太濃郁，內有雞腳唐排。如果藥材濃郁一點就較吸引。花旗蔘竹絲雞燉湯內有一片片的花旗蔘，2-3塊竹絲雞，味道略為偏淡，尚算可接受，這種是老火湯的感覺，很久沒嚐過了。來到最期待的煎魚，有3種魚可以選擇，當然我選了“馬友”，因為煎魚就想吃到脆面。煎得稍漂亮，脆魚皮 - 好正。魚肉都夠新鮮，味道稍好，加錢算值得。可惜中間有些小不熟，但整體是好的。黑椒牛仔骨：份量夠多！！！2-3人食是很ok的。配料亦不少，黑椒汁滿滿的，味道是夠。可惜吃不到喜歡的鑊氣感，不失不過。油菜：夏天不是菜芯當做季，所以就不評論了。第一次吃菜芯這麼多花xd

第一次黎食。叫咗個蟲草燉雞湯，估唔到d湯可以咁淡，好似返煲左無數次咁，好似普通鹽水，就連d湯渣都係岩岩放落去既.....d豬油飯太濕 柚子金沙骨一pat pat咁 冇下次

成日經過依間鋪頭見到都好多人幫襯最緊要入邊光猛地方都好整潔乾淨較其他一般地鋪中式食肆坐得好舒服值得一讚👍🏻✨侍應都好親切主動推介菜式芳姐老闆應該都在場😂😂😂與食客都好熟，四周圍同人傾計我諗就係人情味同埋街坊生意嘅好處食客都好relax開心😊👍🏻餐廳都有好多菜式最出名就係雞雞雞價錢大眾化最特別原來係有全包宴🤣規模真係同酒樓差唔多👍🏻我哋叫咗個二人餐最鍾意就係有燉湯是日燉湯係藥材燉雞湯湯好清、藥材味好濃、同埋湯料真係十足我覺得一定要幫襯燉湯👍🏻👍🏻👍🏻另外叫咗個白切雞份量都好多呢個簡直係四人餐🤣🤣🤣雞皮好爽、雞肉都算滑！師傅真係斬得好靚，整整齊齊👍🏻👍🏻👍🏻套餐亦包括一碟菜同埋一碟中式菜式👍🏻總括來說：地方乾淨企理，招呼親切，燉湯超好味！🤣

元朗晚飯好多選擇，唔想食大排檔，但又想食小菜，於是搵到方姐湛江雞。八點先嚟到，都仲有咁多人食緊飯，斷估都唔會唔好食，一於就試下呢間。見到餐牌，我又改變主意啦，有酸菜魚鍋 $198,我最鍾意食酸辣嘢，又有魚食，啱晒口味，而且酸菜魚窩通常有好多配菜，就點佢試下先。原來職員就係鋪頭名個方姐，佢好風趣，我想點多一個肉，於是點個椒鹽骨，但係方姐推介我食冰梅骨，係佢哋新菜式，話我試過包好食，咁就信你啦！食冰梅骨$88。原來酸菜魚鍋係用gas爐，好正呀，好耐冇見過，細個嘅回憶返曬嚟！仲要講下佢呢度嘅水，倒出嚟係熱辣辣嘅，飲落先知原來唔係普通熱水，係淡淡清香的檸檬水！好有心思！因為如果食得濃味嘅嘢，有檸檬水清下口腔，絕對可以提升味覺享受，讚！酸菜魚鍋原來係咁大盤，有啲擔心食唔曬，不過，原來係半條魚嚟嘅。條魚已經走過油，表皮炸到好脆，仲灑上炸蒜蓉，賣相好靚。職員教我哋用煮滾咗的湯，淋啲湯上條魚上面，用湯嘅熱力焗熟佢。用熱湯淋完幾下之後，好快魚中間嘅肉已經熟曬，可以開餐！呢條魚係大魚嚟嘅，會比較多骨，但係鍾意食魚嘅人都唔會介意多骨，因為多骨魚的魚肉通常滑啲，今次都唔例外，估唔到用湯咁樣滾佢法，啲肉仍然係好

路過裕榮徑，被大大閃亮的招牌吸引，於是走進光顧方姐湛江雞，兩人開餐，郤來了個夠12人魚鍋 😂😂😂😂酸菜魚鍋 $198嘩！好大盆呀！估唔到份量咁足，應該夠一圍人食！連明爐一拼上枱，齋睇賣相已經流口水 😍😍 好魚的我已急不及待動筷了！用上新鮮大魚，先炸再放回咸酸菜湯底，先來一口無汁的，嗒真魚味，魚肉鮮甜嫩滑少骨；連汁食又另一口味，咸、酸、辣、鮮、麻，配合得恰到如其份，配上鮮冬菇，芹菜，芽菜，大葱等，咸酸菜作底菜……好好味呀…😀😀奇味雞煲 （半隻雞連2碗白飯）$128 一堆香料混合的香氣隨熱氣湲緩緩飄出，分不出是那種香料，奇味也！帶點辣夠醒胃，雞肉有嚼勁，一口一口、吃著吃著，不錯不錯！椒絲腐乳通菜 $58老細介紹，今期通菜靚，咁當然唔執輸，叫返碟通菜，果然好介紹，菜嫩腐乳香，份量交足貨，經濟實惠。蟲草花雞燉湯 $38雞味濃厚，用料充足，即使同時享用重味菜式，仍蓋不去掉雞湯味，超值！方姐親切健談，餸菜經濟實惠份量足，最後還是打包了大半個酸魚鍋，又食又拎，抵！

同老公今日嚟元朗呢間方姐湛江鷄撐枱腳，見店家的特別推介有啤酒鴨煲幾特別就決定點“半隻”($138)的份量嚟試下。個煲上枱熱辣辣好吸引，鴨份量好足有好多嚿，煲入面仲有好多配料包括冬荀、辣椒、京蔥、芫荽同中芹，鴨食落一D都唔靱，除左一般的調味外，仲有啤酒揮發左之後留低的淡淡麥香味，都幾特別。除左鴨煲外我哋每人都點左個燉湯滋保下。我點嘅杏汁白肺燉湯($48)杏汁味濃，奶白色嘅杏汁夠晒滑。老公嘅唐排鮮螺頭燉湯($48)，除左螺頭，仲有唐排、淮山、杞子同圓肉，飲到螺頭鮮味用料夠晒豐富！

呢日嚟到呢間喺元朗好旺洋樓嘅方姐湛江鷄食晚飯，order左個特別推介的啤酒鴨煲(半隻$138)同2個燉湯。個鴨煲送到嚟都幾香，入面除左好多嚿鴨仲有好多配料，有冬荀、辣椒、京蔥、芫荽同中芹。食落鴨肉唔會靱，味道唔係好似平時的啤酒味，而係有一種啤酒揮發左之後的淡淡麥香味，無味精食完唔口乾。除左鴨煲，我仲點左個唐排鮮螺頭燉湯($48)，望到湯料有螺頭、唐排、淮山、杞子同圓肉，飲到有螺頭的味道。另一個杏汁白肺燉湯($48)，奶白色嘅杏汁滑得嚟幾有杏汁味。今餐D嘢食完唔覺有味精唔會口乾，值得一讚！

跟爸媽到元朗享用晚飯, 本打算到大牌檔進餐, 但有人認為坐得不夠舒適....走過少少, 我們發現了方姐湛江雞, 都有大牌檔的感覺, 但荼餐廳的裝潢, 坐得應該較舒服吧!雖然有三人, 但由於媽咪只有半個人的食量, 所以我們只點了一個二人餐($188)。是日燉湯: 花旗參燉鳥雞x2此燉湯真的不得了, 真材實料, 味道十足, 不覺有味精為了這個湯, 我會常來方姐捧場的!圍村炆鴨 (小)其實另外有白切雞跟水晶大扇雞選, 但我認為圍村炆鴨應該較特別吧!原來味道就像南乳炆雞, 味道不錯, 肉亦夠"林", 只是骨較多椒鹽鮮魷有16款小菜自選, 而我們則點了椒鹽鮮魷。份量不小, 而且炸得香脆, 粉又不會太厚。炒生菜鑊氣十足, 多油, 所以又美又香, 小小的一碟生菜已顯出廚師的功力呢~另外隨餐更有白飯兩碗!$188能有三餸配飯跟燉湯, 我認為CP值極高呢!

係深圳食過酸菜魚鍋之後，一直念念不忘。係元朗尼間餐廳竟然有大大鍋煮酸菜魚，一定要叫黎試下。除左有魚鍋外，餐廳最出名係湛江雞，標榜雞肉滑，用古法煮熟雞隻。掛住既雞隻就係湛江雞。坐低之後，侍應即時奉上檸檬水，竟然係中餐廳有檸檬水，唔係滾水。酸菜魚鍋($188)，2個人食，飽到食唔哂。配料非常豐富，而且好多，有芽菜，椰菜，雲耳，菇，雜菜等。用gas爐整熱個鍋，侍應教，當湯沸騰，就用d湯淋下條魚，等魚肉滑d。係等沸騰既過程，已經聞到辣辣既香味，仲有酸菜，流哂口水。加上個鍋長過一折手臂，超誇張。終於可以一嚐條魚啦。條魚先炸，後用鍋煮熟。用湯淋一淋條魚，d魚肉果然滑dodo。條魚既骨都係大條，驚食到魚骨既人，可以揀其他部位食，d魚骨就明顯長and粗，唔怕邊食邊驚啃骨。魚肉彈牙外，因為有辣椒，所以好開胃，食魚食魚頭最好食，魚既面頰位亦係最多人鍾意食既位置，一定冇骨，而且最滑。尼個檸檬水大派用場，如果覺得太辣，飲一啖，就解解地辣。食客好似可以決定辣既程度。唔食魚既人，餐廳仲有好多選擇，出名既有雞，鴨煲，仲有其他小菜，而且lunch time食，仲有優惠既飯類添。岩哂附迎學生，一家大細食飯。

行過路過見到2人餐有雞有2菜有燉湯，價錢平民化，一於試下。因為平時食白切雞食得多，所以試下水晶大扇雞。上碟系一列見到雞肉的厚度和雞翼的大細就估系大雞品種。見到餐廳內既廣告介紹，原來比水晶大扇雞就系湛江獨有品種的雞，食落去雞味濃，多肉，個人黎講就覺得個醬汁一般般。兩客燉湯都好足量，十分入味，除了雞肉還有排骨和玉竹杞子原盅燉，如果上台前能去掉表面油份飲用更方便。小菜叫了Xo 蒜心炒鮮魷同炒菜心。第一次食蒜心感覺好新奇，原來系春天先當作，系蒜頭發芽長大後的莖部。炒完略帶蒜味十分爽脆，而魷魚亦都好新鮮大塊。鍋氣十足，味道較濃，送左成碗飯。我覺得個Xo 蒜心炒鮮魷仲好味過水晶雞。

途經此店，忽然想起好少食客家菜，不如一試，於是便食了一個$188的二人餐，店內是出名食雞的，二人餐則有送燉湯、時菜及白飯。平日常食雞，今天二人餐，棄雞，食圍村炆鴨，其實即係南乳炆鴨，南乳味香醬濃，將每件鴨件炆得相當野味，雖然炆得咁入味，但鴨肉一啲都唔霉，鴨肉仍然好實淨，用嚟送飯，真是一流！蒜苖炒鮮魷，平日出街好少食到蒜苗，呢度的蒜苗炒得好爽口，魷魚亦都好新鮮，總括一句：好食！藥膳燉湯，材料都好多，有雞肉、豬肉、雞腳，仲有不同的藥材，一般燉湯的湯面都會有好多油，但呢個燉湯就冇呢個現象，燉湯好香藥材味，飲落好鮮甜，鍾意飲藥材湯的朋友就啱晒啦。飯後啲姐姐仲送咗兩塊炸番薯俾我哋食，外表好似煎釀三寶的炸番薯，啲姐姐話，呢個係要點酸梅醬食先好食，第一次咁樣食炸番薯，食落酸酸甜甜好得意，不過吾點醬，就咁食，番薯都好甜喔！真開心，又找到了一間可以開飯的地方了。