新香園 (堅記)

Open Now

Now Closed

早幾日約左哥哥學打鼓上去前我提議同媽咪食番個early dinner最後去左食豬肝粥大大豌夠晒味,仲有至少6大件既豬肝粥身都好綿下次想食佢既蛋牛治我相信會有驚喜

男朋友帶我去行深水土步，行唔夠一陣就口痕，食左合益泰腸粉之後仲想搵野食。行下行下就見到哩間新香園（堅記），當時我地仲不識堅記的大名，淨係顧住搞爛GAG 話「奸人堅呀！」-_-入到去亞姐介紹蛋牛治，咁就食蛋牛治啦！丫...我覺得好正喎!! 好大份呀...蛋入面夾住的係鮮牛肉唔係咸牛肉...仲有點點蛋汁漏出黎...正...不過至於個紅豆冰就...唔係太得！之後返黎睇Openrice，先知堅記的蛋牛治咁出名！下次去深水土步的話一定會再食~~~~

經人推介, 今天到此一試, 叫了個鮮牛治和豬手面. 鮮牛治的牛肉碎味道不過不失, 未如想像出色. 豬手面的湯底味道也較淡, 惟偖手夠軟, 味道尚可, 緦括而言, 有點失望.

叫左豬手面生牛肉面茄牛治紅豆冰菠蘿冰d豬手又真係幾林幾好味....生牛面亦都唔錯....茄牛治的味道好特別....之前我就真係未食過有d 咁的味的茄牛幾好味~~值得一試紅豆冰菠蘿冰就真係好普通尤其菠蘿冰....根本就係將個地moon 罐頭倒出尼不過就真係好平下....夾埋都係五十幾元

其實我係呢間茶檔的支持者，佢哋話豬手麵係店主推介，但係不敢認同。豬手算係煮得夠冧，但係冧得嚟又唔起膠，南乳味又唔夠，真係唔算好食。都係強烈推火氣蛋牛治！

黎左好多次都係叫蛋牛治..但係近幾次終於叫番其他野試過豬手麵..d豬手又唔算特別好食..頂多話佢好過平常但係佢炆得幾燶試過西多士..errr..可能我唔多鍾意食太油既野喇所以我唔多鍾意試過菠蘿冰..呢個真係好難講我見佢都係用罐頭菠蘿沖..所以即使係好味都唔關個水吧事-_-學其他openrice人話齋..下次都係老老實實要番蛋牛治算喇-_-呢句好岩聽豬手麵12蚊蛋牛治11蚊菠蘿冰11蚊西多士11蚊

以前番學係深水步~順路行過都一定買份蛋牛冶番學食!!真係好味到不得了牛柳絲非常嫩口而且通常外賣都叫師傅蛋唔好炒咁老食落仲好味!!而且果度D阿姐好好人次次都肯幫我叫師傅D蛋唔好炒咁老10蚊一份真係好抵食!

今日送完個frd去深水埗地鐵站之後就去左搵新香園..因為睇到openrice個個都力讚=]搵左陣之後終於搵到..原來自己落手落腳搵果種滋味幾正XD建議大家搭地鐵係深水埗地鐵站A2出口出..之後行1-2個街口左右..1直向左望就會見到架喇=]間野真係唔多起眼..但係入面D野真係好正XD由於趕時間既關係..入到去叫左個蛋牛治外賣個呀姐畀我想像中好人得多..仲特登唱左張新既膠10蚊紙畀我XD果2個呀姐好好人..好有禮貌..等左4分鐘左右就有得拎隔住個膠袋都聞到香味-0-11蚊外賣..幾抵番到屋企急不及待咁食..真係名不虛傳!!蛋又夠味牛肉又夠味..同其他餐廳既完全唔同!但係麵包唔夠軟..呢個係唯1既缺點力讚=]

15/6(五) 10:30am男友大壽之日,順勢為自己找個漂亮藉口休息.暢遊兒時玩地-海洋公園前,再次造訪新香園.這次全點了餐牌上的馳名推介:滑牛治$10,西多士$10,豬手米$11,茶走$8滑牛治--男友說滑牛蛋始終不如鹹牛蛋般相配,但個人覺得味道也可以,賣相如碎牛奄列,雞蛋似乎煎至稍老,滑牛隱瞞滲出溫文儒雅的沙嗲香,夾於微焦的多士中.西多士--花生醬夾心不用加錢,抵讚!入口尚脆身,唯蛋香不夠濃郁!豬手米--要了多青,目的在於得到更美的構圖而已!豬手軟腍富重膠性,五香南乳味也恰好,配角米粉水準亦可以.茶走--茶走質地滑溜,但茶味濃重點味道更佳!小插曲:為豬手米照相時,阿姐跟我倆研究拍攝技巧,舀起湯及蔥花淋上豬手面,我倆異口同聲:"咁先系服務!"

12/6(二) 7:30pm鬆綁後,急趕地鑽進地鐵到深水埗飛髮去;完事後,倉促吃點麵食便上堂去.雙腳走到此不顯眼的小店,依稀記得此店於網上薄有名聲,雙腳自不然步入店內.吉位有限,選坐於近門口的圓桌,要了水餃雲吞麵$16,灼芥蘭$7走油加腩汁.水餃雲吞麵--水餃三隻,雲吞兩隻,兩者皆屬平平無奇的出品,餃皮講不上極滑薄具蛋香,餡料鮮度口感未見高超.至於麵底尚爽口,稍帶點可接受的鹼水味;而灼芥蘭的份量足,咬落爽脆.其馳名食品,下回分解...

點了雲吞牛腩麵，非常失常！麵不彈牙，雲吞不大粒，牛腩雖然好林入味，但是很肥，又有牛肚，很奇怪，走之前我點了新鮮牛肉蛋治取走，還是這個有水準，依然很厚料。更多相片請參考：http://hk.myblog.yahoo.com/samuel-cheung/article?mid=1129&fid=13

其他食家說得冇錯，不知底細的路過這茶檔未必會入來幫襯；外面是桂林街路邊檔，前面又是濕街市，後面又是鴨寮街麻甩檔，若不是一早探路知道有好野食，真的到合益泰就會止步。剛到黃金砌完機，鴨寮街買了備件，大直路直殺過來，不過38號都幾長，由H號跑到A號，越行越驚心。到來座低，其實都算乾淨企理，跟外面差天共地；二話不說，蛋牛烘底、凍鴛鴦小甜。凍鴛鴦上檯時間最快，三十秒之內，利害；另外睇著旁邊廚房師傅細心打蛋、放牛柳絲、煎蛋、烘包、切開、上檯，不滌不亂，技巧純熟，看見檯面厚厚的蛋牛治，單看賣相已經滿分，食味好像已經不是一切。說實蛋牛治不算冶味，不覺有蛋香味，牛柳絲有些微辣味，應是沙爹牛下的產物，若以正宗非咸牛治來說，這不算極品，極其量是抵食；凍鴛鴦咖啡奶茶味一般，優勝於這裡的茶檔多的是。但以價錢及賣相，這裡絕對可以，但又未能達到笑臉食評，抱歉抱歉！

叫了傳說中的蛋牛治加杯凍奶茶!蛋牛治好一般,沒有蛋咮,牛肉也没有味,勝在覆蓋整塊包,但凍奶茶郤不錯,茶味十足.我去時正是晚飯時間,全場只有我一個吃三文治,好怪!但下次要吃好的蛋牛治,我情願去義順牛奶.但十蚊一份仲想點啊?!所以都俾個哈哈笑啦!

堅記車房找不到,在桂林街尾,找到一間"新香園堅記"茶餐廳.曼聯大炒羅馬七個一皮的早上,事不關己,都是另一場勝利,傳聞這店的蛋牛治被人捧到上天,來到自然要試試.先嚐一口奶茶,不行,沒有奶味,茶味亦淡薄,質感亦削.煎蛋牛治並不是傳說中那麼好,都是另一件蛋牛治而已,唯一好在,用上鮮牛,非用咸牛肉.就是如此.

蛋牛治$10要烘底, 無加錢wo, 烘得好好! 餡就好似煎蛋餅咁, 圓圓的一個蛋餅, 煎得好靚無, 蛋熟, 好香好味! 入面d牛肉係牛肉片唔係一般碎牛, 口感唔錯! 可惜無咩牛味, 可能係俾隻蛋蓋過啦.牛肉麵$11相信蛋牛治同牛肉麵都係用同一款牛肉片, 雖然新鮮, 但唔知點解真係唔覺有牛味! 雲吞麵亦只係麻麻, 麵唔彈牙, 味道都差d.凍奶茶$9見件蛋牛治出自店內水吧咁出色, 諗住杯奶茶應該都唔錯, 但都係普普通通, 不過不失.最大問題係衛生問題! 每張都放塊布, 方便有客走就抺, 但伙計抺完就放番係度, 咁仲係度食緊人咪要對住塊布lor! 我自問唔係太接受到...仲有wo, 每張下有桶, 用途就唔多清楚啦, 只係知道桶入面有水, 惹好多蒼蠅之類, 坐得耐, 成身唔舒服.我相信, 下次我會再, 不過都係外賣好d 啦!