新香園 (堅記)

Open Now

Now Closed

堅記車房找不到,在桂林街尾,找到一間"新香園堅記"茶餐廳.曼聯大炒羅馬七個一皮的早上,事不關己,都是另一場勝利,傳聞這店的蛋牛治被人捧到上天,來到自然要試試.先嚐一口奶茶,不行,沒有奶味,茶味亦淡薄,質感亦削.煎蛋牛治並不是傳說中那麼好,都是另一件蛋牛治而已,唯一好在,用上鮮牛,非用咸牛肉.就是如此.

蛋牛治$10要烘底, 無加錢wo, 烘得好好! 餡就好似煎蛋餅咁, 圓圓的一個蛋餅, 煎得好靚無, 蛋熟, 好香好味! 入面d牛肉係牛肉片唔係一般碎牛, 口感唔錯! 可惜無咩牛味, 可能係俾隻蛋蓋過啦.牛肉麵$11相信蛋牛治同牛肉麵都係用同一款牛肉片, 雖然新鮮, 但唔知點解真係唔覺有牛味! 雲吞麵亦只係麻麻, 麵唔彈牙, 味道都差d.凍奶茶$9見件蛋牛治出自店內水吧咁出色, 諗住杯奶茶應該都唔錯, 但都係普普通通, 不過不失.最大問題係衛生問題! 每張都放塊布, 方便有客走就抺, 但伙計抺完就放番係度, 咁仲係度食緊人咪要對住塊布lor! 我自問唔係太接受到...仲有wo, 每張下有桶, 用途就唔多清楚啦, 只係知道桶入面有水, 惹好多蒼蠅之類, 坐得耐, 成身唔舒服.我相信, 下次我會再, 不過都係外賣好d 啦!

點了鎮店之寶---蛋牛多。烘好即上桌，熱騰騰的，鮮牛肉和煎蛋的份量剛好，新鮮美味，這是小弟吃過最好的蛋牛多，就連要不太喜歡吃牛肉的女友也吃了半件。另添一件西多，火喉恰到好處，飲品則只屬一般貨色。但可吃到這麼用心做的蛋牛多，已是超額完成了。

100% 慕名而來，否則一間簡陋o既街坊餐廳未必敢入去。點蛋牛治、奶茶，另加牛腩麵。蛋牛治咁多人讚，真係有佢o既原因，做法特別，用鮮牛而唔係碎牛，份量唔少亦唔。蛋煎到剛剛好，起碼唔會熟到透。熱辣辣入口，仲唔正？！奶茶有茶味，可惜唔夠滑，一般。牛腩唔夠入味，唔多合格！尤其自稱秘製喎...麵更加淥唔開咁，煮得唔透唔淋不過$11 蚊貨仔，加番分！見到隔離食西多士好似幾正，不過唔敢試住，有機會先。整體算ok 啦！p.s. 起初以為舖頭桂林街，即係高登黃金前後。原來相反，係鴨記再向荔枝角道方向至。

終於有機會同bf 試下呢度既烘底蛋牛治, 叫左4分鐘己經有得食, 面包烘得很香脆, 碎牛蛋煎得很香但不油, 入口熱騰騰, 未食過咁正既蛋牛治, $11好抵食, 同枱兩位男士也是吃蛋牛治呢!bf 吃豬手面, 本人不喜歡吃豬手, no comment, bf 話ok, 奶茶以港式奶茶而言, 略嫌少奶有些嚡, 進食其間不停有人外賣蛋牛治, 奇怪, 難道這間茶餐廳其他野食唔得嗎!!

時為星期六下午二時半,全場爆滿,因趕時間,於是衝埋去cashier同阿哥仔講,蛋牛治走油烘底,唔該!等五分鐘到,外賣到手,但企門口等時,見到堂食食客食得津津有味,於是離開舖頭唔夠十步,忍唔位拎出咬一啖,嘩,不得了!面包表面微脆,中間鬆軟,中間份蛋牛,邊位香脆,生鮮牛肉絲入味有頭,非一般罐頭咸牛可以媲美~~~條街實在太多人,只得偷食半份,之後食埋半份,凍少少,面包唔再脆,但食味仍然正,所以舖頭坐定定即刻食,係至正!!!

自細就鍾意食蛋牛治，但係由細到大都係食開罐頭免治牛肉果隻蛋牛治，而呢度既就係沙爹牛肉絲，配埋剛煎起半生熟既雞蛋，雖然麵包都係一貫茶餐廳咁唔多新鮮，但真係好好味，令我開始覺得罐頭免治牛肉果隻唔好食了，十蚊雞加杯凍檸茶都係十九蚊埋單，幾抵食丫。

太太經常話我去深水埗覓食都唔預埋佢，今次卒之有機會。星期天，維記及合益泰又鬼咁多人，諗諗吓呢度應該會少人D，就帶佢嚟一會佢哋嘅蛋牛治...呢排好熱氣，唔敢叫烘底，但依然出色--- 牛肉夠鮮，混合蛋一齊炒，簡直係至佳享受。太太食得津津有味，差D要叫多份拎走...次次嚟到都見到D街坊叫豬手麵。查實佢哋賣嘅麵食都係由隔籬間麵舖做嘅。叫一碟豬手水餃撈，絕對唔及格--- 麵有鹼、湯唔鮮、豬手完全唔入味、水餃極普通，完全同劉森記冇得揮；太太叫嘅貢丸當然亦不外如是...下次都係老老實實食蛋牛治la...

一間完全唔起眼的茶記，曾經路過多次，唔覺得有乜特別，原來又係虎藏龍。今早路過要試眾多食友讚旦牛治烘底($10)。即叫即做，旦邊仲脆，碎牛肉有鮮味。果然名不虛傳，一個正字都唔夠。

睇完openrice黎試蛋牛治果然無介紹錯牛肉有鮮味而且唔韌蛋亦煎到脆邊好有口感又唔油加埋烘底麵包一絕外賣烘底都唔駛加一蚊

因為睇了食評後，才專程來試食。原來除了三文治、通粉公仔麵外，仲有潮州粉麵、粥，真係唔錯，夠多選擇。第一時間當然點了蛋牛治啦，果然出色，蛋與牛肉分佈好平均，每一口兩者都食到。而牛肉夠嫩，雞蛋煎得夠脆。之後再追加多一份蛋牛多。牛腩紅腸粗麵，份量細細。牛腩湯汁又香又夠味，可惜牛腩一點也不鬆化有點韌，而且明明叫牛腩，竟然牛筋多過牛腩；紅腸煎得脆脆；粗麵淥得好爽口。奶荼就ok啦，普通茶記水準。

响鴨記睇D嘢，肚餓，原本想去久未到訪嘅合益泰食碟腸粉，點知D人排到出門口，冇計。忽然醒起上次呢度出色嘅蛋牛治烘底，流口水，就行多兩步路la...依然跟上次一樣order。麵包烘得比上次更金黃更鬆軟，鮮牛肉依然係咁鮮甜...冇得頂ar...

琴晚食完今晚已經再想食啦....超好味唔同平時d 整法同埋o個度d阿姐個個都好開心．．．雖然環境麻麻地但係好cozy.

又去深水埗覓食...一朝早同班師奶一齊食，份外有街坊feel...整個蛋牛治炕底加奶茶...奶茶無甚特別，但個蛋牛治就相當有水準...麵包厚切，炕得微脆，夠鬆軟；牛肉並唔係用普通罐頭鹹牛肉，而係用新鮮牛肉弄碎混入蛋一塊炒，開正我個瓣。牛肉鮮甜，越食越過癮...如果蛋可以炒得半生熟就食得更過癮...水準已經好好，無謂再吹毛求疵la...

呢間既蛋牛治好好食呀！牛肉係鮮牛肉碎黎既～煎得好香．．好好食～＄１０一份～淨牛治＄８～ｇｏｏｄ！