新香園 (堅記)

Open Now

Now Closed

七月十八日 (星期日)聞說堅記靠兩種食物起家-豬手和蛋牛治今日專程來到,我們倆口子就各吃一樣...可以說是比大排檔乾淨,比茶餐廳簡陋的一個食店來到,剛好有人埋單,我們立刻佔據有利位置不由分說,就點了豬手米和蛋牛治出名的南乳豬手,汁並不濃,勝在膠質重,恰到好處皮滑肉嫩,吃得出功夫配上清淡的米線,更見味道之突出不過蛋牛治更值一試足料的碎牛肉混內蛋一起炒做法簡單,但要做得出高水準何其困難即叫即炒,送上桌時還是熱烘烘的蛋牛味道鮮甜而香滑配上洪底的多士,是我的至愛凍檸茶也不錯,富茶味,也值得一試

好好食呀!未食過咁好食ge蛋牛治!可能係我見識少啦~佢d牛肉真係好正同平時食開ge唔同不過就蠢左見佢d餐牌寫住 $20 蛋牛治+可樂原來淨 蛋牛治 都係 $12所以下次可以淨叫蛋牛治仲叫左豬手面 $14我個人覺得OK 啦總括黎講係好好食!

之前見d食評咁好, 特登走去試蛋牛治, 好不容易搵到啦, 一坐低叫蛋牛治, 無乜特別者, 牛肉有d "痴" 呀 , 同埋普通炒蛋加普通麵包, 一般茶餐廰既蛋牛治, 唔明點解咁多人話好?????? 食過一次之後無食啦!!!

上次來「新香園(堅記)」吃了一份十分精彩的蛋牛治烘底，今次再來沒有翻兜之意，因為要試另一款名物「南乳豬手」。自己的習慣，每逢吃豬手定必配上河粉，因為想籍著河粉的吸水能力，將南乳的味道吸盡。不過未知此店的南乳豬手能否達到此效果。南乳豬手河 ($17.00)送來時，看見三大件豬手鋪在河粉上面，一看湯底便知道南乳汁不算多，呷一口，果然只有淡淡的南乳味。豬手不算太腍，皮仍彈牙，反之，味道則不太入。其實每次吃至尾段便是高潮位，但由於南乳汁不夠濃郁，所以今次未能出現。看來到此店還是吃蛋牛治合適一些。

熱到爆，還要出街，真的怕中暑！沒法子，辦完公事就到此店快速吃個蛋牛治烘底($12)，再加杯凍奶茶($10)涼一涼。表面看，以為多士烘得未夠，不過食落熱辣兼幾脆口。碎牛肉及雞蛋分量則不算少，而且剛剛熟，感覺幾滑。難怪受吹捧。不過我嫌它欠蛋香，未可說是特別出色。至於奶茶就水準一般，嫌茶味不足。

Ordered the minced beef and fried egg toast, sandwich and the famous wonton noodle. The noodle was not impressive - very average. The sandwich and toast were good. The minced beef they used was fresh beef, preserved with sugar, hence it was a bit sweet, different from the other places that used can beef. A pleasant surprise. We will come back and try their toat or minced beef sandwich.

我不太餓，所以要了蛋牛治($12)上桌後才忘了要烘底...即叫即做，蛋牛餡是熱騰騰的，非常討好麵包很鬆軟，牛肉也挺新鮮遺憾是蛋不夠香，也略嫌煎得乾身了一點因為個人比較喜歡軟身又有蛋汁的煎蛋後來有兩位阿叔搭檯其中一位阿叔竟然拿指甲拑出來剪指甲，頂！我啤左佢一眼，然後食埋最後一啖就走人！

呢幾日熱到爆，步行廿分鐘去到堅記時已汗流浹背。嗱嗱聲入去。時值午市，人行多。要了份馳名蛋牛治，加紅豆冰。忘記了叫烘底，失敗。紅豆冰先黎，好冰凍，好多豆，冰剛好，不過就好甜，好似糖水唔洗錢咁。隔咗一陣，蛋牛治也來了！即叫即整，新鮮熱辣。雪白厚厚嘅麵包，包住鮮牛碎同蛋。餡料很多很厚。麵包鬆軟，但如果烘底肯定美味多了！鮮牛碎同蛋好match，蛋漿包住了每粒牛肉，好正！食物雖好，但衛生唔得。喺我影相嘅時候，一隻小蚊滋比我更快試味。食食吓又見到小強喺牆度爬。

經過開深水土步, 搵下有咩食我本身又鐘意食蛋牛治所以試下啦一行兩人叫左蛋牛治, 牛腩面, 紅豆冰同凍奶茶先講野飲~茶唔算好香,但味都幾濃,都叫中上,紅豆冰d 豆幾好~幾淋但杯野過甜蛋牛治,真係見到佢用新鮮牛肉整,又夠熱真係幾好另外牛腩面都唔錯~牛腩都幾淋d有機會都可以encore!食埋佢個西多士

新香園蛋牛治和熱奶茶新香園、華南冰室、藍山咖啡專門店，這三家是近來在深水步經營光顧的小店。到新香園之前必須要留肚，因為不得不點叫他們的蛋牛治和熱奶茶，新香園的蛋牛治並非一般茶餐所用的鹹牛肉，而是用新鮮牛肉碎混入滑蛋即叫即炒，所以送上三文治時還是熱烘烘，因為深水步街市就在鄰里，餡料材料能夠保持新鮮，另外雞蛋炒得半生熟，細心看還有蛋汁流出。入口要更香口，當然可以要求烘底。一啖包一啖茶，新香園的熱奶茶，茶味香濃，所以先至值得一去再去。♥ 新香園：深水埗桂林街38號A地下

用餐日期: 2010 年 4月 4日 食物: 蛋牛治 + 凍奶茶味道: 蛋牛治真係好厚, 唔怪得知咁多人食﹐咁多人 讚.﹐ ORDER 完好快亞姐就領來﹐ 熱辣辣﹐ 外表好靚。要烘底。麵包脆脆, 裡面熱辣辣﹐ 口感既好﹐ 但我唔覺好食到要入梨深水埗食。 蛋唔係特別香﹐ 得個厚字。 凍奶茶好差。 無茶味又唔滑。 環境 同普通麵店無分別﹐ 無咩裝修。 位置: 係合益泰小附近﹐ 行前小小總結: 係合益泰小食食完腸粉﹐ 諗主食埋堅記就滿意啦﹐ 點知﹐ 另願留係合益泰食多條腸粉或魚旦算

由港島去荃灣返工,一星期總有一兩日,忍唔住早啲出門口,中途喺深水埗落車,去食蛋牛治.自問食過無數蛋牛治.99%都係無煎過免治牛,0.8%係煎過少少熱免治牛.新香園係少有鮮牛兼好鬼好食.熱辣辣即刻食,好味到成個人醒晒.如是者,成日中途落車去食蛋牛治加茶走.有一次試豬手面.可能自己對豬手.麻麻地.味道一般.豬手皮有豬毛...有點嘔心.不過面底都可以.

舊地重遊，來到這裡食嘢。今次叫的除了這裡的招牌出品「蛋牛治」外，還有另一款有名食物「南乳豬手麵」。另外，仲叫左「奶油多」「凍奶茶」添。呢度招牌的「蛋牛治」，今次叫左烘底，水準仍然保持到，只要$12，已經可以食到熱騰騰，份量十足，用心炮製的蛋牛治，還會不滿意嗎？不過呢度另一款的招牌食品「南乳豬手麵」，雖然呢次幫襯，都見到幾乎每一檯都有人同我一樣有叫來食，但係就唔係想像中咁好囉，豬手無錯係整得幾稔嘅，而且份量都唔算少，不過就唔夠南乳味，麵條無乜特別，而且湯底太鹹，勝在只賣$14，係叫做幾抵食咁啦！至於件奶油多，正常味道囉，牛奶就夠嘞，牛油就唔係咁多。杯凍奶茶就太甜，連我呢個不嬲飲慣甜奶茶的人都忍唔住要叫人加多d冰溝淡d杯奶茶，水吧個師傅就真係重手得滯啦！

今日又黎食蛋牛治啦!!今次叫左烘底走油;同男朋友1人1份*V*今次冇叫滑蛋;男朋友話D蛋好似鞋左D~但係我就覺差吾多;BUT最大問題係;原來冇牛油個飽會冇咁香;早知吾叫走油啦!!PS;發現左樣野;點解堅記D方包1D都吾方?烘底烘吾燶但係又好脆?真係幾勁

是日和少奶因事到深水埗一行，在網上看到這裏的豬手麵很有名，於是來試下啦。少奶要豬手麵和紅豆冰，我就要水餃麵和熱奶茶，另再加一份蛋牛治烘底share。豬手的皮清理得很乾淨，沒有半條豬毛，很冧很入味，膠質極重，汁也很濃，應該是有心得之作，愛吃豬手的應該會鍾意。但水餃一般，豬肉比例太多，木耳不足，所以不太爽口，但還可以接受。不過問題在於麵的鹹水味實在太重，即使加了豬手汁，再加了醋，也掩蓋不了鹹水味。下次一定要改食河粉或米粉。蛋牛治的涵很足料，牛是切碎了的鮮牛，肉很冧，味道也很甘香，烘底也不加錢，難得抵食。果然名不虛傳。紅豆冰的豆很冧，但少奶覺得太甜，下次試下叫少甜。奶茶不錯，奶的比例不多，但這樣便可令茶香更突出。典型的街坊小店，衛生一般啦，招呼也當然係街坊style，雖然阿姐好忙，但都有求必應。埋單$60，心滿意足。