新釗記 (Closed)

好多人話佢地個粥好出名，一試，個粥味道真係唔差，不過食食下有隻好大既野，隻野好特別，有眼睛及腳（sorry,中文太差）個咁凍既天氣都生存到，食完應該好健康。唔該下一次注意一下......

喺會展做完嘢都已經係晚上10點，仲未食晚飯，邊行邊諗咁夜仲有咩食，經過見到新釗記仲有好多人，於是快快入去食個 late dinner。咁夜怕食得多瞓唔著，就叫咗碗鮮蝦水餃墨丸河。嚟到見到碗粉都幾多，雙併水餃有4大粒，墨丸就有2粒; 水餃好味，有爽口嘅蝦、木耳同筍絲，包得好扎實，水餃皮軟滑，只食到少許鹼水味; 墨丸就普通啲，但都食到墨魚肉; 河粉就麻麻哋，唔知係咪份量太多，嚟到無耐就已經索晒啲湯，食落啲粉仲有啲油。

同事們不停話新釗記既粥正，成日話一起試，幾個星期後既今日終於試到了。當大家三心兩意既時候，我就選左腩魚片粥。 可能係即煮生滾粥， 所以都等左十五分鏡左右先有。 碗粥個面幾靚，啲粥好綿,米就爆開左花，唔係好咸之餘又夠味，熱辣辣熱辣辣，勁新鮮， 魚肉片好香又夠實，的確正！食粥真係驚唔飽，所以都夾份叫左個西多士。 西多士勁fresh, 好靚好企身，金黃度夠矖，切落啲花生醬好平均，邊位都脆同埋有蛋香，糖漿終於可以自己任放，唔係一包包咁，甜度自己話事。貴係貴啲，但食物都幾有水準，幾好味，下次會再試！

豬潤牛肉粥，粥滑，牛是雪藏的，沒有太多化學物質令肉質改變，豬潤剛熟，沒有多餘血水當然粥沒有什麼米的，放了一陣變水，但勝在滑。牛有根，反而比較是正常同應的豬潤只是剛熟，亦早已把血水清洗服務生也非常有禮，不錯

近排放工就去灣仔返學，食晚飯時間老老實實得半個鐘頭咁多。要快食一般都食茶記，咁啱經過呢家就叫碗餃子牛腩麵河。餃子好食，皮薄脆身，皆因有木耳食落好爽脆。有蝦又有豬肉，紮實嘅，咸度適中唔錯！至於牛腩呢，本身搭埋個牛根我就麻麻，牛腩唔算好算冧，有牛味。不過牛根就有腥味，難咬開。最麻麻嘅地方係碗河，湯底似雲吞湯味，河粉粉味太重，有啲未過凈嘅感覺，粉性太黏。

新釗記既牛腩河粉很有香港舊式茶餐廳風味，雖然價錢已漲了很多，但食物質素亦十分不錯，牛腩大大舊，肉質諗香入味，連同一起的菜芯也很爽脆香甜，河粉吸了牛腩汁再加上醋及辣椒油，我連湯也喝了。

上班前在新釗記享用早餐，要了一份早餐 A，麥皮正正常常，甜度合適。多士烘得太乾硬，更甚是牛油塗抹得太馬虎。炒蛋香滑度一般。在碟中發現頭髮一條，要減衛生評分。

之前說過新釗記的腸粉早餐貴的有點嚇人。這天突然想去吃碗雲吞麵，不過想試試永華以外的選擇，再次來到了新釗記。侍應態度相對早餐時間禮貌得多，主動送上熱茶及餐具，如有任何需要都很快得到回應。五分鐘後雲吞麵送上。湯底味濃清甜，雲吞大小適中，蝦肉和豬肉的比例適中，麵身彈牙無梘水味。這碗雲吞麵只是索價$29。很合理的價錢。其後有一天再來這裡叫了一碗鮮牛肉粥，同樣$29。粥底濃稠鮮甜，牛肉鮮甜不靭，沒加味精故不會口渴。想不到在腸粉以外，這兩項基本的食物讓我驚喜萬分。

去完貿易發展局嘅Wine Fair, 本來諗住即刻撘架巴士番元朗，經過新釗記，又俾啲為食蟲搞到囉囉攣！走入去叫左個牛腩撈伊麵HK$53賣相好唔錯喎！牛腩連筋有六七大舊，可惜佢地呢啲都係雪藏牛肋條，咁又真係冇計嘅，新鮮靚牛腩賣到最平都要8-90蚊一斤呀！雪藏牛肋條先講緊卄零蚊磅。牛腩炆得好入味，柱候醬入哂，牛筋好焾滑。到個麵喇，軟硬適中，唔好以為做倒呢個效果好容易，好多時啲淥麵師傅一係淥到的麵發哂脹，一係就生哂骨唔透心，呢度就造到啱啱好喇！呢個麵其實整體好好，唯一小瑕疵係唔係口夠腩汁，所以問左侍應擺左啲蠔油，嘩！好大方，好大碗，夠哂撈麵。總結: 今餐唔錯，諗諗下好似食親新釗記任何一間都冇失望過喎。

新釗記在早上是有腸粉供應的。以前在銅鑼灣上班時，常去買客腸粉當早餐，價錢相宜。今早下村巴後，路過新釗記，看見各式早餐中包括了久違的腸粉，不過三十餘元連飲品(如配蝦腸更接近四十)，很貴。在這裡用餐不要期望有任何服務，快吃快買快走。一客三件的叉燒腸，叉燒尚算肥瘦分明，饀料豐盈，粉皮適中不會過厚。不過下的甜醬油份量少得可憐，為美中不足之處。想到一客在茶餐廳買到的腸粉價錢竟與酒樓看齊，我開始懷念元朗發記的腸粉。

十點幾想搵嘢食好多店舖都已經打烊，新釗記位於繁忙嘅軒尼詩道，門口有多個過海巴士站所以入夜過咗返工時間都有有一定人流，晚市開到十一點。南乳豬手係必選，豬手皮爽滑毛去得乾淨，肉連筋炆到全部淋軟入晒味，南乳汁調較得香濃惹味，上湯係正宗雲呑麵有嘅味道，熬得夠火候，而麵質都幾爽口。通常都係供應咸肉粽好少地方造裹蒸粽，糯米同綠豆都烚到溶晒，有一大舊肥腩肉，不過蛋黃就實的的豪無油份。粥底㷛得好棉有米香唔錯，有粉腸、豬潤、豬肚同肉丸基本及第材料，內臟洗得乾淨無異味。

老牌茶記近年來有點失去了昔日的光輝，很多分店摺了，或者很多的質素也是麻麻，都很久沒有吃過此品牌了，以前貪方便，一個星期都總會幫襯一次天后那一間的新釗記，但是日的我就幫襯了其灣仔的分店。此店附近也有不少茶記，就在幾步遠已經有另一出名的壇島，而我推門入內，室內空調強勁，在這炎炎夏日，真的非常受用，坐好之後，又看看吃什麼，此店都有四五款大類的早餐選擇，有中有西，當中再有不少小類配搭，選擇也真不少，但最後我選了最為普通的火腿通配煎蛋麵包的早餐。先來的是煎蛋麵包，一向要吃反蛋但又要生一點的，這個要求有點過份，所以只有少量的餐廳可以做到，是日的煎蛋就又是熟了一點，勉強有一點蛋黃汁吧，蛋白的滑度屬於中等，但有蛋白香，蛋黃反之不太香，可能是太少蛋黃汁吧；至於那麵包，包還算腍有包香，但未至於是軟熟的程度，麵包邊位較硬，加上牛油塗得少，吃起來更不爽。火腿通也是間間茶記都差不多了，第一樣東西要彈的是湯粉的溫度未能用熱來形容，有點溫溫吞吞，而此店的湯都是古式茶記的清湯，通常都是用雞粉及鹽來調味，之後或會好像加點金寶忌廉湯來加味，這個做法在不少的茶記都是常見的，喝起來味道普通，都是不喝多為妙，因為其實主要都是雞

同事們比較嘴饞,如果覺得一間餐廳好食,就會好似飯堂咁唔係日日都會隔日去一次,今日想轉下新飯堂所以來了新釗記~~看畢餐牌唔係好知想食乜,所以就咁order左個沙嗲牛肉煎蛋通,再跟杯熱菜蜜,來了沙嗲牛肉煎蛋通,發覺係碟上,lunch黎講,份量好似少左D啵...新釗記得牛肉片不嬲都好好食,但係我覺得呢間分店整得麻麻最後,發掘新飯堂失敗~

寶雲道 > 祥記 > 北角毅行 > 銅鑼灣鵝頸橋 > 灣仔電腦中心…今天工作完成了八成, 只可惜找不到菜菜子, 唯有等下次找找正確位置吧!醫完肚再去買"老鼠", 檀島已是經常光顧, 我又提議行過少少去新釗吧!中午沒有套餐, 老公叫了蒸北菇雞飯, $26, 份量少, 沒有連飲品, 頗貴! 我則叫了墨丸水餃米, $26, 等了良久…嘩! 份量好多, 四粒墨丸加三隻大水餃, 墨丸似自家製, 因為爆開哂, 也吃到粒粒墨魚肉, 水餃足料也新鮮…鮮蝦, 豬肉, 木耳, 荀等等, 米粉量不太多, 但也吃不完, 湯底清清淡淡, 啱哂我!侍應服務尚可, Cool Cool 地, 地方夠闊落, 人流也不及檀島多 (可能蛋撻出名吧!)!

每次返夜學在灣仔搵食第1次坐低覺得店內食品有點貴(對這個返夜校的學生而言)但叫過一次牛肚河$22(不是餐無飲品)之後,識路返尼食,哇))) 勁多牛肚,唔係個3,5片,而係好多好足料好重手下架,口感柔軟度啱啱好,汁唔係清湯個類別,濃得尼聞到d八角個類食材味,好有傳統味既牛腩粉麵感覺如果飲品配合埋有優惠就好la.下次到灣仔都會再比機會初時覺得要散叫唔係跟飲品既粉麵餐有點唔慣,但係佢呢碗$22蚊既牛肚河又真係令我覺得物有所值既,因為真係好多牛肚...希望唔係咁啱,以後都咁足份量啦!