新記美食

Open Now

Now Closed

今日一個人行完街想食車仔麵,見一向最like既榮記排長龍,而呢間成日行過無試過咪去試下.佢兩餸一麵係$28， 不過又每樣餸都係$8，3x$8都係$24啫，都唔明，所以我叫左3餸油麵，腩汁湯。個湯好淡色又唔夠味，生腸有漂白水味，滷水旦有d好似發毛既花，我即刻成碗唔敢食。在場又有幾隻烏蠅飛飛下，衛生其實預左係咁。服務態度其差：我坐果張圓枱大約坐五人，坐多個都手爭撞手爭。本身張台坐左4個，我見我旁邊有位，可以放半張椅，又靠牆唔阻人就放左岩岩買既兩大袋上去，自己就攬住個大手袋食。個待應之後喝我話要比番張椅佢，唔準放野！亞姐，我點攬住三袋野食呀？但係隔離枱埋左單都垂人入黎，側面有成橦椅喎！之後我只係食左幾淡就走，呢間野請我都唔再食！

次次黎親銅鑼灣都要黎食, 只因佢夠辣次次都食魚旦, 豬紅, 牛柏葉魚旦真係比其他地方實, 好有口感, 豬紅辣中帶甜, 牛柏葉當小食好像比較好, 如當車仔麵中的其中一樣送會好厚, 好難咬!以前由每樣送$7食到而家$8 (好貴啊!)以前最低消費$28 (一麵+3送)而家同樣$28 只得一麵+2送但服務質素食物份量和味道維持不變!算吧, 不能要求太多服務態度

不知道大家認不認同，吃港式的車仔麵，就是要夠那渣，就是要夠味濃，至於什麼是味濃，是否要濃得有層次，我根本毫不介意，現在叫你去吃碗百多元的麵麼，湯底還要講層次，講香味，對不起！本人真的認為這不是吃那渣麵要考慮的問題，你說我膚淺也好，本人也是如此認為的了。發表完謬論之後，就是說說是日本人吃的這碗麵了，來到此店已過了一時，但店家門口那魚蛋檔都尚未啟市，看來都是越夜才越有機的小店，走過門口的車仔檔，看到鹵成深啡色的雞翼及翼尖，就知道此店份屬重口味的了，立時大喜，因為吃車仔麵，不就是要味道濃的醬汁相伴嗎？店面確是有幾分迫狹，而且衛生也只麻麻，不時有不少小昆蟲在飛來飛去，不過來得這些店子，不太衛生也是預期，只要不見到有米奇及小強就好了。點菜的方法也是如是者的圈出自己的心水，最低消費要廿八元，當中包含二餸一麵，而貪吃的我當然不滿足於此，最後點了個四餸一麵，再加了支樽裝可樂。玻璃樽裝可樂也是一貫的好喝，汽夠足而冰涼，在是日開始悶熱的天氣，真的是令人無比受用。本人對肥及濃味的東西特別有興趣，最後點的都是濃味的車仔餸，包括豬紅、豬大腸、雞翼尖及蘿蔔，而麵條方面就吩咐要了油麵。不過看來店家是送錯了柯打，本人

尼間野個老闆服務態度奇差事源于見野唔比人帶自己野飲入去飲甘我地之前買左支蘋果汁，入到去之後我就擺左系臺上面個老細一見到就用好刻薄ge語氣"審問"我地知唔知尼度唔比帶野黎飲否則就要比$10問題系一黎我地都無飲到(因為我一入到去見到張野寫住，跟住再同男友講話唔飲得)二黎系我地系客人，就算要提醒我地都應該客氣d la，我地又唔系想話要偷飲講反d野食，d料都算足，唔算特別好味生腸有"味"，洗得唔乾淨= =魚蛋普通，但居然夠膽賣$8蚊串！全港最好食ge油麻地同尖沙咀果兩間都只系賣$6

我原本order 2串小食，一枝可樂。侍應小姐要我order多一串小食。ok,我咪要多串囉！點知佢湯上，屈我比多四蚊！本應$8一串=$24，變咗$28。佢仲要扮好心講＂你係咪想$28要兩個餸？＂救命呀？我隔離嗰個都係3個餸一枝飲品=$32。點解我要比$36？離晒譜！我解釋比佢聽，佢都要堅持自己無錯，一定要收$36。對於此食店，有以下內容作參考：食物質素：一般，與其他車仔麵檔比，除辣汁外，無特別。食物賣相：普通餐廳環境：不整潔、擠迫服務態度：惡劣，不専業。欠缺與客戶溝通能力。

星期日朋友試渣車搵我坐...好友叫到冇理由唔去...有車去邊度都方便好多...但要搵位泊車個下又幾麻煩,老友話想搵到有好野食得來又有得泊車...於是諗到大坑...記得之前有FD提過滑蛋飯出名於是來到呢度...雖然係星期日但呢度一樣好多人...坐低本來想叫滑蛋叉燒..點知冇晒...老友又唔食牛同蝦..咁FD既有福同享有難同當...咁我陪佢一齊食其他野...約定左下次再來先試滑蛋飯...今次粗粗地叫左茄汁豬扒飯同車仔麵...車仔麵一上就咁睇同平時既冇分別,腸仔個D都冇咩功夫可言...但特別左係豬紅...非常似以前食個種味...咁多年搵唔番既味道竟然俾我搵得番....以後又有好去處了~~再來豬扒飯,豬扒新鮮熱辣而且易咬易入口,加埋酸酸甜甜既茄汁好開胃~估唔到除左滑蛋飯出名其他野都咁得!真係要俾個叻佢! 下次再番來食豬紅先得

正月中旬‧陰天是一晚珍味飯局之前，想吃點東西先，來要了一碗韭菜花雞翼米粉。雞翼是這裡的名身，味仍然濃郁，但肉質實實的，反而韭菜花幾甜美。米粉一吃就知不對辦，原來漏加了辣汁。當然叫阿姐加番，惹味得多。28元，去飲多支汽水先。

一餐車仔麵，每人盛惠$36，超唔抵，之後食係門口再買多3串小食，盛惠$24，門口嘅員工姨姨超差，我比了一張廿蚊及一個十蚊銀，她竟然找一蚊比我，我話佢找錯錢，佢居然話我係比廿五蚊，我同佢理論咗幾句，佢依然話係我錯，重叫我睇清楚先講，以後就算請我都唔會再去呢間鋪

昨天係謝斐道新記吃車仔麵，一碗雞翼墨魚卷蘿蔔雲南米線加腩汁，米線過腍，麻麻。湯底腩汁淡薄。雞翼幾入味，蘿蔔亦很清甜很腍。墨魚卷無乜味，又唔彈牙，唔OK。加上價錢不便宜，衛生情況更加唔得，有很多蒼蠅飛來飛去，不作推介。

上星期師傅午餐時被迫出席一個政治飯局, 悶就不特止, 最重要係唔飽呀嘛, 師傅最討厭就係又要悶又要食唔飽, 所以當食完個政治飯後, 師傅都仍是肚空空, 感覺相當可憐!好唔容易捱到夠鐘, 終於可以離開監房了, 呢個時候當然係第一時間去醫肚啦, 師傅去到老銅, 好想食車仔麵, 只可惜係師傅唔多覺有其他選擇, 喺冇得揀又好想食嘅情況下, 師傅還是入左黎呢間食店! 師傅一向對呢間食店印象麻麻, 皆因覺得貴爽唔抵, 不過是次都要做一次水魚, 鬼叫自己想食咩! 於是一坐底就攞張紙係咁圈, 師傅就圈左辣味豬皮, 辣味豬紅, 豬腸同牛肚, 配上辣汁同埋幼麵! 其實師傅食黎食去都係嗰幾味, 真係好鬼專一同長情! 等左一陣就有得食, 先試下個湯底, 湯底幾濃幾辣, 嗰舊辣膏真係有啲料, 幾鬼惹味; 再試下辣味豬皮, 豬皮都幾參差, 有啲好爽口, 有啲勁腍身, 口感唔得, 而揀辣味因為想啲豬皮更入味和更辣, 呢一點食店算係做到, 不過都唔算好辣; 而豬紅就好實, 唔滑身, 有少少黏口, 而且都唔辣, 唔算得; 豬腸都炆得好入味夠腍身, 是次水準比之前的好; 最後係牛肚, 牛肚賣相極差, 好似中左幅射咁, 唔

因著趕時間，就找車仔麵吃，走到來看看單張，才知是兩餸一麵已是２８元，實在是貴得很，但又是因時間關係；點了墨丸大腸米粉，送上來時，真的小得很，而且墨丸又是細細粒，以為是Cutie，但吃下就知很粉啊，完全沒有墨魚味，幸好大腸就不錯，很有咬感又有點淋，加了一點辣汁，是不錯．不過價錢實在太貴了，加價都要有理，下次也未必會選了，希望價錢可以回到大眾化，因車仔麵都是大眾化的食品嘛！

呢間野D員工態度真係衰到冇朋友呀！見好耐都冇食過車仔麵咪走入去試下吖，點左魷魚、牛柏葉、米粉（$8蚊1個餸）共$24蚊，碗麵到咗嗰亞姐拎起我張單無啦啦加多$4蚊落去，共$28蚊。我奇怪點解係$28蚊呢？仔細望真D，完來最低消費係$28，咁我即刻舉手叫亞姐過來同佢講：亞姐唔好意思，我第一次黎食唔知要$28，我依家加多個餸吖。嗰個亞姐話：得，不過你係要加$8，嗰$4蚊係唔會扣番的，因為碗麵已經上咗抬。我咪話有冇搞錯呀，點講都唔通啦，我又未埋單，點解唔得呀。嗰個亞姐話：係唔得架La，老細講明一定係要這樣，冇得改。仲要講完唔理你就走咗去。好我豪俾你呢間野，我以後都唔會再黎食。

車仔檔小吃每串$7@除左以下兩樣，仲有：牛丸、鴨腎、大腸、燒賣、香腸、八爪魚……香滑齋：約五件，齋索盡汁料味道，正！但略嫌有一邊尚硬，滾耐d應該更好味魚蛋：好實，唔夠彃牙，都幾夠辣，好似有五粒

單是看張菜單,這間在銀座商場旁邊的"新記",應該是登龍街"新記"的分店.年前在同區上班,去登龍街店多,謝斐道店就只去過兩,三次.乍看牆上的報導,大多也是七,八年前之剪報,近年飲食傳媒似乎遺忘了這間車仔麵店.新記有一樣最出名,就是辣汁,登龍街店的辣汁實在夠刺激惹味.我不是大辣者也吃得津津有味.$7一個麵,一款配料$7,最低消費$28,在車仔麵層面上是不便宜價錢.蘿蔔.豬紅,魚蛋,豆卜,四款是基本車仔麵配料,加埋$35埋單,想起二十年前,在長沙灣吃同一樣食物,$10也不用.魚蛋要辣味,吃下去不算辣,魚蛋夠彈牙也沒有霉味,豬紅入口順滑,蘿蔔略帶一點苦,唯幸吃下去沒有渣,豆卜是用來索湯汁,不過不失.後加的辣汁,不及登龍街的刺激,惹味.是心理作用,或兩間店水準有偏差?如果叫埋飲品,用四十幾銀吃一碗那渣麵,有點失去車仔麵本身的草根味,感嘆通漲日益加劇,但人工又不見有得加.難怪民怨日益沸騰,大罵官商勾結,政府施政無能.說到尾,都是高昂的租金,是製造現今整個社會畸形現像的元兇.幾十萬一個舖位,細到只能開果汁店,你說這個香港是否已瘋癲?

那一天和老公喺北角聽完講座, 聽到九點幾, 特登黎到銅鑼灣食吓嘢先返屋企, 行咗幾條街, 老公話想食車仔麵, 見呢間新記咁多人, 咪入去試吓囉, 一坐攞佢哋張單, 係自己落的, 佢最低那度話要每人消費28元, 咁我其實唔係咁肚餓, 所以我諗住食少少......我都係諗住叫串小食, 老公就食車仔麵,我哋用一張單畫曬兩個人的嘢, 叫個職員埋黎....職員 : 每人消費要28元, 你地兩個要食夠56蚊先得!咁之後我都是但, 我諗住叫一個公仔麵跟一個餸, 再跟兩串小食, 老公自己食一個三餸一麵.....一張紙畫好曬..職員 : 你唔可以咁落, 一定要叫三餸一面, 你又叫一餸一面, 人哋唔落比你....算!!, 咁我諗住叫4串小食, 咁7蚊一串, 4串都28元....咁我問佢有咩小食...職員 : 你自己睇....(跟住就走咗)跟住我都算!!之後我畫咗四個小食, 老公就畫咗三餸一面, 一張紙過!職員 : 唔可以咁畫, 一個人一張紙...........................!!!!之後我老公好嬲, 就走咗!!又話咁唔得, 咁唔得!! 食麵啫, 駛唔駛咁多規矩! 個客唔識寫你識唔識幫客