新記美食

Open Now

Now Closed

$28。三送一麵豬紅：幾滑，切得大細適中，幾好食魷魚：唔得！好淋，無晒魷魚的un度和爽爽的口感東菇：細細隻，又入味，唔差粉絲：粉絲配搭也不錯，想講個湯幾好，不過食完碗野都會幾口渴，個辣汁必加啊！

新記車仔麵，到過也知有兩個最著名的，一是其香濃的辣醬，二是其高昂的收費。 之前到過登龍街的分店，已有這感覺，所以自己很少會幫襯；但今次與朋友二人來到謝斐道這邊，又想簡簡單單吃個快餐，便再一次來個高消費車仔麵吧。今次選了公仔麵底，配以辣豬皮、八爪魚、腐皮卷和韮菜花，再加個汽水已盛惠 $43！ 麵底：選了公仔麵，當然不是貴價的出前一丁吧。質素一般，麵條不夠彈牙，但滲滿辣汁也算可以哩。 辣豬皮：豬皮以秘製辣醬處理，啖啖滲滿香濃辣味，而且這裡的豬皮不會煮得太淋，是必點項目之一。 八爪魚：有咬口，浸在惹味辣湯中特別好味。 腐皮卷：顏色偏白，不太入味，可以不點。 韮菜花：坊間在蔬菜類中較少有韮菜花可選，味道一般但很爽口，也不錯。 來新記吃車仔麵，最主要也是為了那個惹味辣醬，入口雖辣，但香濃無比，不過小店人多擠迫，加上冷氣不足，吃罷定必汗流浹背哩。 另外，小弟經常出沒的銅鑼灣，差不多每晚在附近找晚飯吃，但這裡也只能每年光顧一兩次。 可見以近五十元吃個車仔麵始終不是小弟的杯中茶吧。　

I have been passing this place forever and never appealed to me to go in. Last week I had to run some errands in CWB and I asked my bf to come along, as we were on that street he suggested this place. I am always up for noodles. I love being able to see the food when I order, and the selection is great. Soy Sauce Chicken Wings are a MUST….stewed so well…..just drooling thinking about it. Also, fishballs, octopus balls, beef balls..... Cannot go on a hot day, they do have air conditioning but no

只係行過吉一吋.7蚊, 幾貴; 但其實都係想一試佢個辣汁, 因朋友話夠晒勁~5蚊dip 一dip , 深啡色, 幾有威脅咁~又真係幾辣, 中至大辣喇; 魚蛋一般唔算特別彈牙, pass 喇.7蚊... 我短期唔會再o黎o羅...

特別差的 1 ) 貢丸 -- 每粒都唔會大過手指公既"指甲" (約直徑1CM) 2 ) 豬頸肉 -- 唔會大過手指尾 (約 4CM X 1CM ) , 仲要好薄 3) 腐皮 -- 魚肉做既腐皮 , 食素既朋友記得唔好點

曾經有一位銅鑼灣小天后，介紹了一班好姊妹吃勁辣車仔麵，又介紹她們吃門口的串燒，不吃辣的她們也大讚辣得過癮，說會吃到臉紅紅，要速速地到旁邊的七仔買水飲解辣。其中一位姊妹，就是我的女友，聽後我笑說附近的七仔開得好，飲料賣不停。自那時以後，女友也常到帶我來這兒一邊聽著好像是隔了世代的懷舊金曲，一邊火辣辣地吃著麵。這兒每人最低消費二十八元，即三送一麵，他們很有趣地說最低消費只可是麵，點小食不算數，要不是當我不太餓，入來點上三數串魚蛋魷魚也會吃會得我津津有味。經過多次的光臨，那些比較好吃已經心中有數。依舊我圈了辣湯底，女友要清湯底，兩者分別在於一匙辣醬，辣醬是小店的珍寶，辣度甚高，一攪湯底立時變濃，吃不到太辣又心思思想吃也可自己“畢”走些。另外，如果送有牛腩，會多了腩汁，送帶辣的，也會令湯底變辣。車仔麵，我還是用上油麵，女友用了河粉，兩者也入味，但我還是覺得油麵麵質夾一點。辣豬皮是必點的送，豬皮本身已浸得非常入味，那辣中帶香的味道配合未會太淋的豬皮，實教人喜愛，不好辣的小心太辣喎。另一必點的送是辣豬紅，豬紅是浸滿了辣汁，質地是較實的，味道是討人歡喜的香濃帶辣，是較其他地方吃的出色。雞翼肉質較實，

點了辣汁湯底、河粉、辣豬紅、辣魚蛋、牛筋，一麵三配料合共 $28。不得不讚讚那個辣汁湯底，真的辣得很爽，連我這一碗麵放三茶匙辣醬的人都辣到流鼻水，拿來配「索汁度」最佳的河粉更是辣上加辣。辣豬紅完全沒有辣味，不過卻帶著些許甜味，意外地好吃。其實我見是店內的報章推介這家店的辣魚蛋才點來吃，我本身不大愛吃這東西，不過實心質地的，很有口感，應該算是好吃的範圍。牛筋很林很入味，和普通的店舖差不多。每一件東西收費 $7，例如麵啊、配料等等，而最低收費是 $28。老實說以廉價掛帥的車仔麵來說，價錢算是嚇人，不過銅鑼灣租貴，以這個價錢落到樓實在沒多少間。環境是普普通通的大排檔風格，播放著鄧麗君的懷舊國語流行曲，算是一大特色吧。「快」是唯一的優點，職員大嬸的態度著實不敢恭維。可能因為價錢加服務態度的緣故，生意實在不佳，晚飯時段只有我和幾個不認識的人，一人佔一桌。ＰＳ我看到下面很多人說味道不怎樣，所以我奉勸各位不愛辣的人不要來吃，這家店的賣點是吃辣，吃不辣的然後投訴簡直就是找渣啊～

果日lunch hour 咁啱去開銅鑼灣行街,行到差唔多夠兩點都未食飯,於是同事提議去呢間食車仔麵,我見未食過呢間,咪去試吓囉,當時舗內只有一個廿多歲嘅斯文男食客,我地諗住可以唔洗等,咪入去囉.但係一入到去就聽到D震耳欲聾嘅音樂(其實係噪音),佢地播住D國語不知名嘅歌,但係個大聲程度真係誇張過的士高,於是我同同事好有禮貌咁同個侍應亞姐講,問佢可唔可以細聲D,但係佢完全唔理我地,而且當佢攞碗麵上嚟,仲好無禮貌咁擺低兼飛張單過嚟,真係今時今日點可以有D咁嘅服務態度?至於食物方面,其實就認真麻麻,雖然唔講得係難食,但係絕對講唔上係好食,而且價錢仲好貴,我唔記得係7蚊定係8蚊一個餸,仲有最低消費28蚊,絕對係唔值.

今日下晝，同啲同事去銅鑼灣食謝斐道新記車仔麵，我好耐之前食過一次，印象係偏貴但d辣汁都ok，諗住去試下，點知.....超級無敵極之貼錢買難受。 2. 落單時我地見到7蚊樣餸，已經覺得貴，但本住只要好食，貴些少都無所謂；店內有一台超級大又舊嘅CD機兼超級大聲播放住一些不知名大陸國語歌，簡直令人覺得煩厭。3. 我地嘗試叫做樓面個位國內女侍應扭細聲一些，但無人埋會，根住我地唯有自己去扭細聲，點知部CD機一扭就自己熄咗，說時遲那時快，一位國內女侍應即刻走過嚟質問我地咩事，而廚房果位鬍鬚肥佬老闆都走埋出嚟怒啤我地幾個，仲大大聲鬧我地做乜搞佢d嘢，我地同佢講明原因仲講唔好意思，佢即刻仲大聲兇我地話我地搞佢d嘢，話我地好無禮貌！根住隨即開返部CD機扭返超級大聲。4. 請問飲食行業都係服務性行業，就算個客人有幾錯，都無理由直斥，請問現在經濟未算最好，係咪唔憂做趕客？我地都無即時發作，費事有失身份同市井之徒嘈兼費事佢係我碗麵度加料。5. 而車仔麵到嗰陣，位

5月13日, 因為趕住睇戲, 所以要食個快餐, 就腳咁就入咗去食新記~::: 豬頸肉腐皮卷炸魚皮粗麵 ::: $28呢度嘅辣汁真係一絕, 非常辣之餘都好香, 不過今日唔想食到周身汗, 所以冇要辣汁, 即時個車仔麵完全好普通~ 湯底冇味, 令到個麵都淡淡地… 腐皮卷好齋, 似一d白灼魚肉… 最ok嘅應該係炸魚皮 起碼係好脆, 不過冇分開上驚佢浸得耐會淋所以要好快咁食…::: 雞翼蘿蔔冬菇米線 ::: $28雞翼鹵得入味, 不過可能鹵得耐, 肉質有d散~ 蘿蔔炆得又淋又甜~ 冬菇都好好味~ 不過米線嘅texture有d似水晶粉… 怪怪的同埋有d碎! 冇要辣汁, 不過湯底可能浸住冬菇蘿蔔所以甜甜地~ ok啦!車仔麵黎講真係貴, 喺銅鑼灣最好食一定係榮記, 呢度係得個辣汁係比較可取, 不過對於唔食辣嘅人個車仔麵係完全冇特色.

夜晚食左碗都幾唔抵的雞翼尖, 魚旦, 通菜的車仔麵, 廿八蚊..雞翼尖黑mon mon, 損唔到幾多肉出嚟, 味道又普通, 魚旦唔好食, 有陣send味.. 七蚊一個餸, 仲要最低消費廿八, 又唔夠食, 邊度仲會嚟

有好一段時間沒有到新記，還記得以前是$5一款餸，消費最低為＄20，湯底不俗，味道尚可，所以是吃快餐的一個好選擇。但當我昨晚再光顧後，就跟自己說，今後都不會再去。首先，每款餸加價到＄7一款，至低消費＄28，已經覺得不妥。我點了貢丸，墨魚丸，牛肚，蘿蔔，唐生菜，雞翼，蠔油冬菇七款。餸來了，用筷子攪了攪，眉都皺起來。貢丸，墨魚丸由原來standard size變成好像麥提莎那般大，牛肚由原來size剪開起碼四小條，整碗只有最多八小條。我想，加價可能避不了，但偷工減料得這麼厲害，簡直不知所謂。兩個人吃了兩碗車仔麵加一個飲品就要＄106，是否有點那個呢？要知道車仔麵定義為方便抵食，俗稱嗱渣麵，以我以前order同樣食物只用＄35，現盛惠＄49，加了整整40％，最無理還是食物質素下降，實太過份! Sorry，我應該不會再光顧了。

同朋友黎食,碗麵黎到發現一條兩吋啲長黑色嘢,個阿姐回答是菜。我哋碗麵跟本沒菜,阿姐講完,就若無其事走開,一於少理。跟住另一個阿姐拿一盆生牛排葉響我哋將枱度剪,d水飛踐到我們臉上和碗裏,我哋同佢講,佢叫我哋去第二將枱座,真係火都黎,以後晤會幫襯。

星期六係去蒲既日子, 落BAR之前都要食番小小野先無咁易貓, 所以浮左去食車仔麵啦每個餸要七蚊, 好貴, 最低消費廿八蚊一碗, 即係三個餸加一份粉, 唔通有人會只係叫兩個餸? 如果唔係點會有咁既限制??我食咗碗加辣汁既河粉, 有豬頸肉, 牛丸, 蘿蔔同牛柏葉做餸, 加咗辣汁之後, 碗河粉勁辣, 要飲檸檬茶先無咁辣, 非常刺激, 豬頸肉幾好食, 幾個餸都唔會唔好食, 合格了, 只係覺得價錢有啲"浪", 但係銅鑼灣貴租, 都無辦法了

友人從前係銅鑼灣番學,知道唔少呢度既好食野,自從幾年前佢帶左我黎呢度食魚蛋之後,就令我一試愛上!不嬲都情迷細粒魚蛋,而呢度既細粒魚旦唔會硬實實,仲幾爽口..配魚蛋既辣醬真係超好味,辣得好過癮,真係食完都想心思思食多串,唯一最唔好係次次食完都去隔離7仔買野飲...哈哈